權記車仔面

來到大圍，這間權記車仔面真的是一個讓人心生回味的好地方。特意點了他們的雞翼蘿蔔墨丸米線，湯底一開始就讓人感到清甜與鮮香，米線的吸湯能力也很強，每一口都能吃到濃郁的湯味，十分過癮。除了米線，還有配菜雞翼，外皮炸得酥脆，裡面鮮嫩多汁，每一口都是滿滿的幸福感。而墨丸則口感細膩，咬下去充滿鮮味。搭配的蠔油生菜，生菜清脆、蠔油的鮮香味恰到好處，為整道菜帶來了平衡的口感。此外，來到這裡還點了一杯凍檸茶，清爽的檸檬香氣與茶香混合，喝上一口，瞬間解膩，十分解渴，讓整頓餐更加完美。這樣的美味午餐，無論是當地人還是遊客，都值得一試。…查看更多

大圍的車仔面選擇不少，但權記車仔面絕對是值得一試的一家。這次點了雞翼蘿蔔墨丸米線，一上桌就聞到濃郁的湯香，入口帶有淡淡的胡椒香氣，湯底清甜又帶點鹹香，喝起來相當順口。米線煮得剛剛好，軟硬適中，不會過爛，掛湯能力極佳。配料方面，雞翼滷得相當入味，一口咬下去，肉質嫩滑，還帶有淡淡的醬香；蘿蔔煮得軟腍，每一口都是滿滿的湯汁；墨丸更是彈牙，咬開後還有濃濃的海鮮味，口感相當豐富。除了主食，也點了蠔油生菜，青翠爽口，蠔油的鹹香剛好提升了菜的鮮味，吃起來不會太膩。最後來一杯凍檸茶，茶底帶點微澀，檸檬香氣十足，酸甜平衡，完美解膩！整體來說，這餐簡單卻非常滿足，難怪這間店一直深受街坊喜愛！…查看更多

大圍真係好多地道小店，今次試咗權記車仔面，價錢親民，配料選擇多，最重要係湯底唔會太重味精，食完整個胃都舒服！⭐️雞翼蘿蔔墨丸米線 湯底帶少少胡椒香，唔會太濃，米線煙韌唔會太淋。雞翼燜到好入味，啖啖肉仲唔會鞋，蘿蔔滷到透心，墨魚丸彈牙冇腥味，成碗味道好平衡！⭐️豬皮五香牛肚魚皮餃麵- 牛肚有淡淡五香味，唔會過咸，咬落仲有少少嚼勁，豬皮吸晒湯汁，入口即化，魚皮餃餡料鮮味足，皮夠薄唔會爛晒，配搭湯底好夾⭐️蠔油生菜 - 生菜爽口，蠔油調味適中，簡單又不失美味，食完車仔面嚟一碟菜平衡返啲感覺啱啱好！以呢個價錢嚟講，呢度CP值高，有機會會再試其他配搭！👍…查看更多

一個人來到大圍諗住食港式經典車仔面今天來試試招牌組合，豬皮五香牛肚魚皮餃麵🤭🤭配料好豐富，豬皮口感韌性十足，帶有一點點的油脂香氣，五香牛肚，那種濃郁的五香，味完全滲透到牛肚裡，嚼勁十足。最讓人驚喜的是魚皮餃，外皮薄而不爛配公仔麵吸哂，一流😋另外叫咗碟蠔油生菜都好食，下次再來😆…查看更多

朋友介紹在大圍隱藏的這間權記車仔面店聽人試話幾好食，所以過來試一試😊😊這次點了雞翼、蘿蔔、墨丸米線份量不多也不少，雞翼兩隻，蘿蔔四五嚿，墨丸兩粒啱晒細食嘅我，如果男士怕唔夠食，可能要加麵底！食車仔麵我最鍾意加沙嗲汁，唔會太辣，但又惹味米線吸滿了湯汁，入口軟滑Q彈，唔會煮得太淋👌🏻其中最亮眼係滷水雞翼，雞翼細細隻但幾滑，滷水汁與湯底的鮮甜味搭配上蘿蔔係我至愛，蘿蔔都煮幾腍同入味嘅，墨丸就正正常常咁啦~…查看更多

第一次去，叫咗個招牌車仔麵菜底，嚟到見外表正常同張相冇分別，但食落先發現暗藏殺機。首先豬皮同豬腸，有陣內臟臭味，我食開內臟都接受到，只係估唔到豬皮都有。然後係羅白，只批了第一層皮，但保留住大量纖維厚厚嘅內皮層，識煮野都知羅白要批多機層先走晒全部皮。好彩佢煮得夠腍，都可入口。仲有啲魚蛋，硬身細粒之餘，竟然有腥味！都唔知應該讚佢足料定點。但真正大佬係個菜底。首先佢寫係菜芯苗，但嚟到係大大棵嘅成熟菜芯。而且佢好明顯冇洗，中間食到大大粒黑色嘅沙。最慘係，我食到中途條脷麻痹，感覺似我以前買過啲超平價大陸菜，或者類似小棠菜嗰啲有深入罅位難洗清農藥既感覺。寫到而家，離食完已經45分鐘，條脷仲痺痺地......…查看更多

嬲到要留返個comment 一直都有叫開這一間外賣的車仔麵，可惜越食越差。$50三餸車仔麵，米線少到兩啖食晒😒最離譜是牛柏葉要另加$3，竟然得兩丁小塊，細塊到連筷子都夾唔起🤬🤬🤬一個三餸的車仔麵5分鐘內食完。今日個lunch食了一陣風。食完肚子空洞洞😩要咖喱汁又冇加咖喱汁。雖然物價騰貴，但都唔好這樣欺騙外賣客😒😒😒忍唔住打電話去投訴，？女老闆話可以退錢。當然唔會浪費時間同路程去退返個$50啦。可能。。。可能咁啱得咁橋啦～投訴半小時後，竟然收到一個冇來電的古怪電話，冇人聲但有古怪的刀聲。一定唔關餐廳事～可能咁啱姐～😊…查看更多

來到香港要搵一間唔使排隊又好味的餐廳確實真係好艱難。去到大圍梗係要食大圍名物啊喺大圍名物手撕雞，隔離有一間權記車仔麵一樣咁好味而且相信一個人打理的店舖是很難經營的但這一間有老闆的熱情及禮貌，相信一直都會單大圍名物，推介這裏的撈麵，但我食的粗麵有一點硬如果遙遠的可以選擇其他。如果選小食就一定要食炸蝦卷及咖喱蠔王魷魚，實在實在冇得輸，可以送一碗白飯。舖頭只能有三張枱坐到10個人到啦，但係確實，這一間店的靈魂是老闆，你食過就會知道#大圍美食 #權記車仔麵 #hkfoodie #foodie #foodkol #foodie@hk…查看更多

麵既湯底夠濃 腩汁好香 不過d餸就差d 叫左韮菜餃 芝心丸 芝士腸 油麵 三餸一麵$38 以今時今日物價黎講係幾抵食韮菜餃食得出係比較廉價既急凍餃 菜同肉都偏少同唔新鮮 唔係漲卜卜果d好食既韮菜餃 餃真心一般芝心丸無乜芝士味 無流心既感覺 芝士腸就正常 不過都好難難食 油麵都係不過不失環境比較狹窄 同唔算衛生企理 可能因為裝修設計既問題 不過勝在服務態度真係好好 好有禮貌同友善 所以overall黎講可以接受 但食物質素無評論講得咁好 唔好期望過高…查看更多

是日想清淡DD就諗起呢間車仔麵偶然見到個評幾好就黎試下點左西洋菜,  豬紅, 魷魚, 米線, 秘製辣汁老闆好好我落單時忘記話分湯之後同佢講番佢都話無問題又無收我個盒錢番到家打開個麵比左好大碗湯我啱晒我鍾意湯既人D餸味道幾好米線份量都正常女仔應該夠飽個質感唔錯有D會太淋或者太硬辣汁辣度適中我差不多飲晒D湯下次試下其他餸呢間店可以ENCORE…查看更多

沙田人表示權記車仔麵真心好食❤️所以時常都會過嚟幫襯湯底要叫辣汁+瑞士汁至係王道，甜甜辣辣，非常之惹味👍🏻😋🔹貢丸好食爽口彈牙，好香冬菇味，完全唔會一pat粉咁🔸冬菇入味，但份量比較少😝🔹陳皮魚旦雖然唔彈，但好夠辣、有陳皮味，好惹味，好似童年街邊檔食到個啲咁。🔸瑞士雞奕個汁好正，但唔夠入味，入面啲肉冇乜味的。小店豐富人情味，食物整體嚟講都好好味，湯底又夠濃！係啲餸份量少咗啲咁啦。😛…查看更多

由細到大都覺得車仔麵係一種平民食物不過香港而家無哂小販呢d平民食物迫住入舖因為舖租搞到賣到勁貴一碗尤其家住馬鞍山呢個美食沙漠幾檔車仔麵都又貴又難食就算出到深水埗最出名果間叫多幾個餸差唔多成舊水一碗真係好唔合理最近俾我發現一間係大圍嘅隱世舖頭佢個門口真係好細 可能行過都唔覺眼係大圍名物華輝小食 手撕雞腸粉同一條街舖仔細細但係老闆同老闆娘兩個親手整個湯底又唔用味精 食完飲埋d湯都唔會口渴記得加埋個秘制辣汁三餸麵加埋都只係$40夠晒抵食飽肚而且老闆同老闆娘都好好傾好親民絕對會返嚟再食…查看更多

麻雀雖小 五臟俱全是我對整間車仔麵的評價店鋪空間不大 老闆用盡每一吋放置近10個座位那天我坐了門口旁 自成一角 十分喜歡和享受一個人安靜地用晚餐的時間$36 三餸一麵 有部份需再額外收費 對我來講 額外收費的定必是精選 所以就加錢點了瑞士雞翼和牛丸從點餐紙看到的款式應有盡有 主流的食物能變化出不同的配搭 滿足不同人的喜好牛丸是我十分推介的 我覺得很值得加錢去點 至於雞翼 調味十分好 雞翼質素再好一點就更完美了十分欣賞湯底和調味醬 只選了最普通的辣汁 但吃下去一點也不普通 味道混合米線一同吃 非常滿足的一餐店鋪位於小巷裡 其實幾年前也有光顧過舊鋪 舊鋪則較遠一點這間新店讓我感覺更方便  離火車站近 旁邊就是單車店 如果退還單車或是出發前先吃一個麵也是不錯的享受老闆是一個很用心去煮食物的人 感受到很強烈的熱誠而且負責處理下單的幫廚也很有效率 儘管同時下單數量有很多 也不會出錯和令客人等太久唯一美中不足是米線量太少和凍飲收費比汽水還貴 對於53元吃一餐車仔麵讓我感覺很高級總結整體沒有令我失望 好味的特色驅使我停寫食評一會的情況下 還是很有衝勁想來推介讓更多人知道…查看更多

小巷內的車仔面小店，夫妻檔小店，環境乾淨，坐得舒舒服服，價錢合理，開在手撕雞腸粉鋪旁，味道可以一試，這樣的小店比起cwb 新記，環境又迫價錢又貴，成日都好似趕緊你走咁，我寧願坐得舒服食碗面味道都加分！…查看更多

哈哈！個個都叫我寫！我就揀你做我第一篇啦！其實食無非係比較㗎啫～車仔麵乾淨，好味就得㗎啦！佢嘀雞翼係好食嘅，芫荽木耳芫荽真係好多又好新鮮，個味較得幾好，同我真係好鐘意食車仔麵嘀冬菇，出面用大冬菇呢⋯好多都唔夠入味，所以我寧願食細隻嘅，但佢好有心機喎，重得閒同你切一片片，其他就手板眼見功夫啦！想點丫！車仔麵啫～不過老闆同老闆娘好鬼健談又好笑容，晚晚整到凌晨，全部自由準備，員工又唔幫得手，心機分係要俾！街坊生意係好有親切感，好評！…查看更多