權記車仔面

营业中

休息中

大圍真係好多地道小店，今次試咗權記車仔面，價錢親民，配料選擇多，最重要係湯底唔會太重味精，食完整個胃都舒服！⭐️雞翼蘿蔔墨丸米線 湯底帶少少胡椒香，唔會太濃，米線煙韌唔會太淋。雞翼燜到好入味，啖啖肉仲唔會鞋，蘿蔔滷到透心，墨魚丸彈牙冇腥味，成碗味道好平衡！⭐️豬皮五香牛肚魚皮餃麵- 牛肚有淡淡五香味，唔會過咸，咬落仲有少少嚼勁，豬皮吸晒湯汁，入口即化，魚皮餃餡料鮮味足，皮夠薄唔會爛晒，配搭湯底好夾⭐️蠔油生菜 - 生菜爽口，蠔油調味適中，簡單又不失美味，食完車仔面嚟一碟菜平衡返啲感覺啱啱好！以呢個價錢嚟講，呢度CP值高，有機會會再試其他配搭！👍