櫻壽司和風料理 (已結業)

家人在附近返工，但一路都無留意呢間餐廳，最近上OpenRice，發覺幾多好評，就去試下。七點鐘去到，鋪面已經滿座，以為要等，點知佢地招呼我地一路行去後面，原來仲有兩間房響個度，有八、九張檯。三個人叫了個$288二人套餐，再加一個我的至愛牛肉烏冬。先黎蟹子沙律，我一向唔係幾鐘意食，所以無乜特別感覺，只係覺得不過不失，而且青瓜絲好似雪左好耐，已經無乜鮮味，蟹子又有D腥味。呢碟最後都食剩。跟住黎的刺身同壽司就好新鮮，每樣有六件，特別係有種白色的刺身，好肥美，唔記得問佢係乜野魚。麵豉湯就很普通，無乜味。燒西冷扒或燒黑豚肉，我地揀了前者，要七成熟。扒的用料唔錯，吃下去還有肉汁，伴碟的沙律菜都好味，yummy 。三文魚炒飯（可揀冷麵）仲正，炒得好有鑊氣，飯粒乾身，三文魚同蛋好香口。芝士焗生蠔（可揀吉列生蠔）size適中，幾新鮮，芝士味道都唔錯，但係稍為有少少出水。另加的牛肉烏冬都好好，湯底香濃，牛肉有鮮味。啫喱就很差，開得好稀，完全無味，而且份量奇少。總括來講，食完有D意外驚喜，thumbs up，連我那個要求高的爹哋都話好，用料唔錯，個廚幾有誠意，而且好抵食，如果再少一點味精就perfect（雖

是日叫左一個海鮮炒烏冬，雖然店內人不算很多，但碟烏冬竟然炮製左半粒鐘，三催四請佢先肯炒出黎，態度惡劣，好似叫炒野就抵你死既態度。碟海鮮炒烏冬一上台已經知道是無心機臨時馬虎之作，所謂海鮮竟然主要就是一些魷魚為主，倒不如叫魷魚炒烏冬，而且碟炒烏冬非常油，同茶餐廳既炒河有過之而無不及，味道卻異常清淡，很明顯是非常求其出貨，炒都未炒得好。假如你有2小時的午飯時間，這裡絕對是你的絕佳消磨時間的好地方。

終於過左一關，考左oral！miss都幾hea下，所以冇乜壓力，大家考完都非常開心，咁就食ｄ好野慶祝下啦！我地叫左一個壽司刺身定食，一個泡菜豬頸肉飯定食同一個叉燒拉麵定食。兩個熱食都有麵豉湯，三個都有啫喱。ｄ壽司刺身係最cheap的三文魚多，又有蝦，吞拿魚同唔知咩魚，麻麻地新鮮，ｏｋ啦。個泡菜豬頸肉飯好多豬頸肉同飯焦，泡菜就少ｄ，但成碗都幾大下。叉燒拉麵就普通啦，一般味道。三個餐都係７０－９０蚊，好抵。間野夜晚都有ｄ人食，waitress頗多，又有電視睇飛女，可惜我地太遲去，ｄ阿姐趕住收工，我地一食完就收晒ｄ野趕客，但佢地的心情我係明白ｇｅ。

又去左飯堂，今次冇叫烏冬及壽司，試下其他野。我叫左鰻魚炒飯，開頭有d擔心會鯹，但都ok喎。都唔少鰻魚，d飯粒粒分開既(人地話咁先係靚既炒飯)，炒得真係幾好，不油但入味及好香。成碟飯食清光!!!朋友食魚生飯，話好鬼新鮮喎!d海膽份量都唔少、三文魚都有6件。我...搶左2件食。另外仲叫了燒牛舌，好味好味。做得我既飯堂，果然有番咁上下。

今日屈到同事請食晏，仲獅子開大口，食日本野，所以再次幫襯這間櫻壽司。今次叫了刺身、牛肉烏冬、壽司...牛肉烏冬﹕湯底超正，又濃又好味，不過就肥膩左少少。刺身﹕三文魚好新鮮，有3舊，好滿足。吞拿魚就普普通通，或者因為我一向唔太鍾意食。壽司﹕都好好味，個飯醋份量落得啱啱好，正正。最後想叫甜品，但竟然只得雪萉類，真掃興，所以最後都冇叫到。比昔日進步左，可以一試。

由於細佬抽到新股賺左錢, 我梗係屈佢請食飯啦, 細佬話朋友推介呢到幾好食, 所以去試下 海膽雜錦刺身定食 : 海膽新鮮, 刺身份量足, 賣相靚滑蛋豬扒定食 : 份量夠, 但豬扒有d un, 滑蛋唔夠甜手卷 + 刺身定食 : 本來諗住散叫, 但計落條數都係定食抵d服務一般, d waitress掛住睇電視連加一, 兩人$213, 出面有更多好選擇

星期四，是晚太座開始為期兩個星期嘅長假，到英國休息一吓，筆者因公務關係，下星期才與太座會合。太座話未來兩星期都唔會食到日本嘢，所以臨行前都要在家附近嘅日式小店嗌番個定食醫肚。於本地開一間日式料理舖頭，只要功夫唔太求其，基本上都能夠吸引到不少捧場客。此店位於住宅區，不愁客源。晚市有數款定食，訂價於一百蚊樓下，用料與價錢合比例，也稱得上經濟實惠。太座與筆者各人揀了以下定食：海胆魚生飯定食($88) – 定食名稱強調海胆，皆因此魚生飯中以海胆價錢最貴。除咗海胆之外，還有劍魚(2片)、八爪魚(4片)、甜蝦(1隻)及本地人至愛嘅三文魚(4片)。太座覺得魚生也屬新鮮貨色，畢竟係魚生，唔新鮮會食壞肚。不過海胆及劍魚嘅質素差少少。劍魚肉不太彈牙，食落有少少散散地嘅感覺；海胆則入口帶絲毫苦味。考慮到八十幾蚊就有咁多款魚生，也毋須太苛求；泡菜牛肉石頭鍋飯($68) – 這定食似韓式多過似日式。泡菜酸味足夠，但冇傳統韓式嘅辛辣。石頭鍋飯則對辦，米粒肥厚，唔似中國或泰國米，近似日本珍珠米，但咬口又不如珍珠米。薄切牛肉味十足，能滿足愛牛一族，而且肥瘦比例剛好，除了部分近石頭鍋因過分受熱而變老些之外，大部份入口都

星期一去左呢度食lunch, 都係食返我最鍾意的牛肉烏冬+壽司set lunch。因為有人唔食蝦，所以落order個陣特別叫佢唔好用蝦, d侍應都好好人話, 會轉其他ge俾我地。每次都有至少2件的三文魚壽司，而且唔薄，正!今次因為唔要蝦，所以師傅得別加左件白雪雪ge魚壽司。個件魚仲要入口1即溶，一d都唔"sen"，又一正。終於到主菜，牛肉烏冬，個烏冬夠咬口感，唔係淋到變糊個d，個豬骨湯夠味，最重要唔沽喉。雖然牛肉的份量少左d。(我個客都話好味。)最後埋單，都係136。(無加一, 只限一至五的lunch)去邊度搵~

情人節同男朋友唔知食咩好, 周圍d餐廳都好多人, 而且d情侶套餐都好貴, 平平地都要400幾蚊, 肉痛呀本來想去試天后個間住吉, 個度無咩人, 靜靜地本來都幾好, 可惜又係迫人食情侶套餐, 又貴...唔明白點解地區咁偏, 都有情侶套餐, 望下入面又無咩人係度食, 入面個d又唔係情侶, 親子乍喎! 都要人食情侶套餐??同男朋友由天后行到北角!!!! 頂唔順係條街度上網去openrice search下北角有咩好食啦, 搵到間叫櫻壽司的日本料理, 好平都幾多, 唔理咁多就沖去搵呢間食店啦<櫻>附近條街都幾靜, 正正乎合我求啦! 一入到去好有家的感覺, 而我覺得入面d食客, 應該係住在附近的居民, 所以感覺分外親切menu都好多款式揀, 又有d推介咁, 對於少黎o既人, 可以有帶領的作用冷烏冬+6件壽司d冷烏冬好味道, 咬落唔會即碎, 有咬口又清新, 要加d蔥和蘿蔔溶係d汁度, 吊起d味道, 果然要一讚呀壽司塊魚生夠厚, 而且長, 少少暖暖的, 勁鐘意滑蛋吉列豬扒飯最重要係d飯有足夠的肉汁去送碗飯, 塊豬扒炸得脆脆的, d雞蛋半生熟咁蓋住塊扒黃金雞軟骨炸得好脆, 又唔會炸到

今天到丹拿道揾食，選了這間櫻壽司。此店地方不大，大概有四十個位吧。午市套餐唔算貴，約六七十元，份量足夠。是日選了壽司定食。先來沙律一客，賣相麻麻，味道一般。再來五件壽司(三文魚x 2、吞拿魚、白玉豚 & 墨魚)。賣相同樣一般，魚生表面光澤不足，温度唔夠凍，幸好味道還可以。特別一提三文魚壽司，是厚切三文魚魚生，幾吸引！最後是牛肉手打烏冬。湯底唔鹹但夠味，幾好食。手打烏冬質感煙韌，ok。牛肉片則較鞋。以這個價錢來說，算過得去啦！

一向知北角多日本野食,但係通常都淨係去元氣同京味和風料理,今次係第一次黎呢間櫻壽司,無諗過又幾好味喎舖細細,座位唔多,3張大卡位已經霸左半間舖,好彩今日1點去到都仲有位卡位好大,三個人位六人大卡位,好舒服叫左2個午餐定食同一份三文魚刺身(薄切),一枝花之舞清酒定食1(三文魚刺身+叉澆拉面):得3件刺身,叉燒拉面就幾大碗,拉面夠彈牙,湯底亦好味,唔算太咸,叉燒有D鞋,不過都OK~總之拉面本身就好味~定食2(壽司拼盤):估計有10-12件(同人地一齊食,唔好意思數),有三文魚,墨魚,蝦同吞拿魚,每件都幾大件,飯酸酸軟軟的很好味,一D都唔硬,但係唔知點解暖暖地...上面的刺身都幾厚身,而且好鮮美!正三文魚刺身:無諗過咁多!我估至少有10塊,我地要左薄切,如果厚切就和味喇!三文魚刺身都有分背同腩,我地要背,已經好新鮮,而且好肥美,據說腩會仲肥D~搞到我呢個三文魚怪好有遐想呢花之舞:Auntie Uncle話飲左好舒服,我無飲,但係浸晒係熱水度,感覺都真係會幾好飲的覺得佢D刺身同壽司既質素唔差得過元氣呀!見人地D飯同火煱都唔錯呢!下次可以去再食呀! 多謝晒Auntie Uncle

當日下午，全店食客不到６人，竟然要強迫性與陌生人同桌．所謂之”服務生”竟然自把自為地拿起我放在卓上的手電及手袋，放到另一邊．我看著她，奇怪的是她沒有半點不好意思，更沒說一句”對不起”．．．這叫服務嗎？到卓上之魚生飯，看不出與新鮮有何關係，唯一可取的是魚生夠凍，還有雪霜．如果這一魚生飯只是４８元而沒有１０％硬收之小費，本人一定再次光顧．．可是７０多元而有硬收之小費．．．．朋友自己選擇吧！

今日係除夕, 諗住lunch同班同事食餐好的. 經同事介紹下便到了這間, 本想訂位, 但冇人想起這間餐廳的名字, 於是便沒有訂. 一推間入去, waiter哥哥已話fully booking喇, 冇訂位就冇位喇, 但我哋1230到話1315會交到枱的, 於是便好好人地給了我們枱. 我們四人有叫了魚生飯; 和壽司定食set a ($72).兩樣也不差呀, 魚生飯d魚生好厚好大塊, 又新鮮. 個set有烏冬有壽司有餃子, 烏子好好味, 烏冬很好味, 湯也很好味, 壽司很新鮮肉很厚. 最後埋單時原來唔收加一, 真係抵呀!之前睇過食評有人話個四眼哥哥態度好差, 我今日就唔覺佢有這個情況, 不過唔知第二日會唔會喇!

今日同同事食lunch，去左lee間日本野食。剛好有卡位坐，環境都幾舒適。個烏冬係扁扁形的，幾特別，算幾好味。煎餃子算很脆口，但鹹左少少。魚生就一般，個賣相幾好，但食落就不算新鮮。整體來說很普普通通

上星期我同朋友去食 lunch, 今次已經唔知係第幾次幫襯啦, 我都係覺得呢間係全北角最好味既日本野, 仲好過大江户(又貴, 食物又普通)每次 lunch time 間餐廳都好"爆", 不過, 間間餐廳中午時段都係咁既啦, 無辦法; 有時都要同其他人搭枱, 因為佢地長期中午都免加一, 再九折, 所以食午餐抵食 d, 埋單通常要 $50 - $100我試過夜晚去食, 通常都有位, 客人少 d, 侍應空閒左, 服務都好 d, 不過當然價錢都貴 d, 因為夜晚正價, 要再加一, 平平地埋單通常要 $80 - $150佢地 d 野食真係好好味啊, 幾乎所有野我都鍾意食, 包括雜錦魚生飯, 牛肉手打烏冬( d 烏冬好滑, 好彈牙, 一流!), 壽司冷麵定食(夏天食, 透心涼!), 網燒牛排定食等等等等, 食物質量真係好 ok! 不過, 因為佢地即叫即整, 有時都要等幾耐先有得食, 我有次叫燒雞排定食, 我等左三個字, 不過真係好好味