橫濱家系町田商店

营业中

休息中

這間過江龍拉麵店在日本有500多間分店，而Airside這間是香港第一間分店！餐廳座位好多，環境都幾舒適！拉麵款式有幾款，亦有沾麵同飯可以選擇，仲有下午茶套餐可以選擇！橫浜終極MAX拉麵，他們的麵底可以揀粗麵或者幼麵，我選擇了幼麵！拉麵口感爽彈，能夠好好掛湯，湯底味道濃郁！餸菜方面有叉燒、菠菜、味付蛋和鵪鶉蛋，叉燒不會好肥，味付蛋是半熟蛋，十分美味！餃子，餃子外皮煎得脆口，點上餃子汁，味道更惹味！波子汽水，很久沒有喝波子汽水了，食拉麵配上波子汽水，成件事好有日本感覺！

第一次係餐廳食飯，我地坐低唔夠半個鐘就開始收我地既食物，九個字到收曬食物之後，就比左張單 我地，個阿嬸咁既店員：你地食完了ho？出邊仲有人等位啊⋯試過咁多間餐廳食飯，沒試過咁樣被個阿嬸趕走，走的時候問了收銀員，原來呢間餐廳繁忙時間 吃飯係限時一小時，不過我地直到埋單的時候都沒有超過一個小時。btw，我坐下都沒有見到餐廳有任何字樣寫著繁忙時間為一小時用餐，更誇張的是 我和同伴用餐時間根本沒夠一小時⋯⋯服務是十分之差，冇咩事 唔建議大家過來呢間食拉麵，除非你想半個鐘chur完碗拉麵，水都冇飲過幾啖就比人趕走啦

係日本有超過500間分店的人氣拉麵店「町田商店」🍜 ，最近就係啟德Airside 開咗全港第一間分店！拉麵控當然要去試下！值得一提，「町田商店」係啟德地舖，出面有戶外空間，係Pet friendly 嘅餐廳，成日帶小動物行街街嘅朋友🐹🐱🐶，當然要bookmark!🔹️魚介豚骨沾麵🐟魚介豚骨醬汁超濃郁😍，唔會過鹹，入面有幾舊好好食嘅肉，麵底幾彈牙又掛汁。🔹️橫浜終極max拉麵🍜🔹️章魚小丸子🦑🔹️餃子🥟🔹️Asashi 生啤🍻🔹️蘋果梳打🍎餐廳有下午茶 menu，價錢好抵，夾啱時間下次會再嚟encore!

過江龍町田商店進駐香港, 選址airside, 拉麵店座位寬敞, 第一次先試食主打, $118橫濱終極MAX拉麵。湯頭夠濃味又唔會太咸,  上網睇先知佢湯底係由豬骨湯同醬油雞湯混合而成,麵條可選粗幼度, 但無得選軟硬度, 今次試左粗麵, 比較有嚼勁, 朋友選幼麵則比較淋; 配料方面, 比較特別係有一粒鵪鶉蛋同少量菠菜。超脆口咸紫菜同叉燒各有三塊, 一粒溏心蛋; 調味料方面, 餐廳只有胡椒同七味粉, 少了芝麻同芽菜較為失色。手機QR code 落單, 堂食免加一, 一行五人, 埋單後送左兩張$300-$100coupon,另外, 帶收據去佢間Cafe嘆咖啡享受日本直送甜食仲有9折。

身在香港，心在日本的我知道香港開咗間橫濱系拉麵，位於啟德Airside地舖非常方便，全港第一間分店，在日本分店超過500間，環境寬敞開陽，餐廳外面有一大片草地，可以放狗散步，可供Pet friendly👍🏻一路食，一路觀賞外面狗狗在散步，別有一番風味極品叉燒拉麵(Max)拉麵包括5大塊叉燒、鵪鶉蛋、菠菜、紫菜，湯底係濃郁嘅豬骨湯，拉麵可以選擇麵的粗幼度，叉燒厚薄適中，不算太瘦或者太肥，面和湯配合得剛剛好辣味噌拉麵如果怕辣的人士都完全沒有問題，辣豬肉配上豬骨湯底拉麵，味道更升一級層次，配有蔬菜鵪鶉蛋，湯底非常濃郁，拉麵亦可以選擇粗或者幼，岩哂喜歡不同麵質既朋友唐揚炸雞完全感受到餐廳既誠意，係即場炸既雞，加上炸雞必備既沙律醬，岩哂一眾鍾意吃肉既朋友章魚小丸子餐廳既小食非常有驚喜，有六粒既小丸子，每粒小丸子裡面都滿滿既材料，而且味道好好，又唔會令客人覺得好膩

住啟德的好友又約我去Airside搵食啦！今次佢發現左一間日本過江龍連鎖拉麵店，「橫濱家系町田商店」，在日本分店超過五百多間，而這間位於Airside更是全港第一間分店呢！餐廳以紅黑色風格裝修，出面更有戶外空間，可供Pet Friendly！餐廳除了拉麵，更有沾麵、丼飯同小食，今次我地叫咗「極品叉燒拉麵」及「魚介豚骨沾麵」，麵條彈牙，湯底濃郁而不膩，好味！小食叫左「餃子」及「小龍蝦沙律」，兩個小食都確係唔錯，尤其是個沙律，好爽脆，有驚喜！

剛從日本回來，仍對日本拉麵念念不忘。今天到Airside發現町田居然在香港開分店，是全港第一間分店啊！在日本就有超過五百多間，因為在香港還是第一次開分店，我們當然急不及待走進去。店舖在啟德Airside地舖，很容易便看到。店舖內窗明几淨，以紅色和黑色配搭木系家具，外面中央有一個大公園，很大的戶外空間，可供Pet friendly，有很多狗狗在跑呢！橫濱終極MAX拉麵這碗拉麵果然真是鎮店之寶。麵條彈牙，湯頭濃郁，富有層次感。三片叉燒醇厚多汁，外焦內嫩，搭配着菠菜和紫菜，份外好味。溫泉蛋的滑潤口感與湯底融合，讓每一口都充滿了濃郁的蛋香。鵪鶉蛋也很入味，微微的咬勁讓人無法抗拒。斑馬大蒜牛油拉麵碗裏有一片豐厚的牛油，融化在熱湯中，入口非常滑順。麵條很有韌性，吸附著牛油和蒜香，令每一口都帶有濃郁的風味。大蒜十分香，令湯底更濃滑。唐揚炸雞5件炸雞外皮金黃酥脆，雞肉非常嫩滑，咬下去每一口都散發著濃郁的肉香，讓人忍不住一口接一口。外皮脆口，雞肉軟滑入味多汁。章魚小丸子和外面的小丸子不同，外表金黃誘人，內部則包裹著新鮮的章魚塊，口感啖啖俱佳。外層酥脆，搭配柔韌的餡料，蘸上的美味醬汁，果然和街上的不同，充

等左好耐終於都喺香港食到橫浜家系既拉麵，裝修舒服企理而且空間感好好，airside既整體設計真係幾好，食飯時感覺唔似香港一般餐廳，真係有種去旅行既感覺!橫浜終極Max拉麵呢個拉麵基本上係必食之選，因為呢個價錢已經有溏心蛋、鵪鶉蛋，菠菜再加2大塊叉燒，就咁睇樣都已經冇得輸! 湯底第一啖已經係最經典既豬骨湯，大半年冇去東京但陣味真係感覺有9成似日本食到既味道，拉麵可以揀粗同幼，目測其實分別唔太大但粗麵真係會再有咬口啲，湯底本身都夠濃厚所以麵質粗幼都一樣好掛湯! 叉燒係煮到淋哂完全冇筋或者柴皮既肉質，配合埋流心既蛋同鵪鶉蛋，整體真係好出色!極品叉燒拉麵鍾意食叉燒既就一定要叫呢個拉麵，已經包左5塊叉燒，肥瘦適中而且質感都係一樣，唔係有部份好硬部份又好肥咁，湯底同拉麵都一樣咁正。主要係湯底夠哂熱，所有口感都會再提升!小龍蝦沙律&唐揚炸雞難得黎到一定要再食小食啦，小龍蝦沙律比想像中份量多而且龍蝦肉結實又彈牙，醬汁調味都岩岩好，幾開胃既。至於唐揚炸雞就真係好驚喜，炸衣好薄而且即叫即炸熱辣辣，更加保留到肉汁唔會乾柴，真係還原到日本食既味道!蘋果梳打&提子梳打飲品方面都有平時唔常見既，有輕微酒精但果味其

橫濱家系町田商店係日本超過750間分店，宜家係香港開第一間分店！拉麵不嬲都有唔同嘅派系，所以多數Menu上面嘅拉麵口味都唔多，專心做好一款拉麵，橫濱家系町田商店就主打豬骨醬油拉麵，有分MAX拉麵、EAK拉麵、味噌拉麵、沾麵，仲有幾款丼飯、小食。下午茶時間有優惠套餐，包括橫浜終極MAX拉麵(小盛)🍜份量少啲，不過有埋餃子、飲品。豬骨醬油拉麵再加埋雞湯熬製而成，湯底濃厚細滑，飲落清甜，唔會太鹹，配料有薄切叉燒、鵪鶉蛋、菠菜、紫菜。麵條由自家工場製作，可以揀粗麵或幼麵，個人就鍾意粗麵多啲，比較有口感。另外叫咗斑馬大蒜牛油拉麵，比起基本嘅豬骨湯拉麵，多咗黑蒜同埋牛油，鍾意食濃味啲嘅朋友可以揀呢個，一路食嘢嘅牛油嘅香味🧈湯底更加有層次感😋小食方面，套餐跟嘅餃子不過不失🥟我更加鍾意章魚小丸子，表面脆脆地，加埋燒汁幾好食😋

要過嚟啟德Airside搵朋友，今朝食完早餐未落格，頭先冇食晏～而家晏咗有啲肚餓～一出地鐵站，行過地舖見到呢間拉麵舖，望下個餐牌都幾吸引，一個人食就試下啦！我響香港好似第一次見，但係我記得日本有好多分店，上網一check先知，原來係大集團，有成五百幾間！揀咗最鍾意嘅沾麵，佢係香濃魚介湯底，香味好濃郁～真係好香～麵質都幾彈牙！！除咗一大片叉燒，湯入面仲有角切豚肉～溏心蛋都幾入味！小食叫咗個小松菜配烤香菇～味道幾清新，當然要攝取一下纖維素啦！飲品我就揀咗有酒精嘅蔬果梳打，佢仲十分有誠意地畀埋個冰杯我，真係好有儀式感呀！🤭🤣其實佢小食都仲有好多種選擇：餃子、天婦羅…最特別係有辣鱈魚子，不過今日得我一個人，驚食唔晒，就留返下次同人開心share啦！！

一月嘅時候去完日本咁啱就係食咗町田商店 嗰陣喺日本食 覺得係一間好高性價比嘅拉麵 於是見到香港開咗商店嘅時候有心郁郁想去試吓個拉麵係有得揀粗幼嘅 我就揀咗粗麵 小食仲有炸雞同埋餃子 先講吓個拉麵 個拉麵感覺偏鹹 同埋唔知邊位天氣太熱 而佢枱面嘅水唔係冰水 食咗兩三啖就開始覺得好鹹好膩 而又冇水解膩 感覺就唔係幾好，開始冇乜意欲想再食個拉麵餃子係三個入邊比較鍾意食嘅一樣 個皮煎得幾好 炸雞就都係不過不失啦 買單最後其實都差唔多四百幾兩個人 其實都可以食到好多好嘢⋯ 暫時就冇個回頭嘅動力

終於去到Airside朝聖試橫濱家系町田商店🏬拉面🍜，7成滿，但店員忙，冇人帶位，門口等咗一陣，被安排坐窗口bar枱，QR code 🧑‍💻 order，揀咗橫浜終極MAX拉麵🍜（正常份）（$118），揀粗面，再加小食香辣鱈魚🐟子（$40）。拉面等咗5分鐘就有，橫濱家系係東京醬油湯底+九州豬骨湯底，但我食唔出有咩分別，都係咁，面都一般，有鵪鶉蛋都幾特別，第一☝️次明太子🤴送拉麵🍜，正 #鱈魚 #airside #新開 #町田商店 #拉面 #橫濱家系 @machidashoten.hk @airsidehk

聽聞啟德Airside有人氣日本拉麵店「町田商店」進駐，平日晚飯時間都大排長龍！適逢在附近買寵物用品，當然要把握機會品嚐一下知名的和風拉麵，順道享受一下一個人的me time。餐廳環境寬敞，裝修富時代感，加上啟德園景襯托，氣氛悠閑。極度吸引的拉麵 😍😍😍最後揀出這份拉麵套餐組合 😁😁小龍蝦沙律，食拉麵之前，當然要食沙律打打底；新鮮爽脆西生菜，承托著小龍蝦沙律，口感清新，十分開胃又抵食的前菜。極品叉燒拉麵，這道極品叉燒拉麵是店家的招牌推介，當然不會錯過！拉麵湯底油而不膩，麵質爽滑彈牙，份量亦多，一個人全清後感覺十分飽滿。拉麵有五片背脂極之豐富的叉燒，口感油潤，豬味濃厚。配料有波菜，紫菜，鵪鶉蛋，吃得出都是優質食材。因為喜歡吃蛋，忍不住還追加了味付蛋（溏心醬油蛋）。西柚有氣酒，飲品選擇貴精不貴多，水果味的有氣酒能解油膩感，最適合不過。

呢間過江龍拉麵自開張以黎麵排哂長龍🚶‍♀️🚶🚶‍♂️話哂係日本🇯🇵第二大的連鎖拉麵店今日就黎試試佢我係平日既夜晚8點黎食估唔到都有人龍等咗大概20分鐘先可入座呢間拉麵店主打都係豬骨醬油拉麵湯底話係結合豬骨湯同醬油雞湯我食量唔大 所以無叫到最熱賣既MAX只係叫咗E.A.K比起MAX, EAK應該要分別係少咗一隻味蛋同兩塊叉燒不過我最後都有額外加15蚊要多隻味蛋試下先講湯底飲得出的確係加咗雞油既香味但個人覺得配上豬骨湯雖然濃厚都係稍為咸咗d頭幾啖覺得好香幾好飲但食多幾啖就覺得味太重 有少少味精味咁麵我揀咗粗麵不過不失 唔係話好彈牙或煙靭個隻略嫌煮得耐咗少少叉燒本得有d偏乾同硬 無乜特別鵪鶉蛋同味彈就唔錯 都有流心感覺醃得夠香可能係連鎖大牌關係 拉麵偏向公式化咁同另一間大型連鎖 一樣食豬骨湯拉麵既差唔多味道上加咁雞湯係有特色但食落又唔係話好刺激到味蕾所以試完就算啦

1）野食難食-勁咸-食物唔夠熱-冇乜幾可難食都要食剩碗野2）服務有待改進-企門口超過3分鐘都冇人招呼-坐低叫完野又被邀請坐第二度-枱面有壺水，冇冰，冇水杯總結：另人失望，「不了」