橫濱家系町田商店

营业中

休息中

係全球超過800間分店，日本第二大連所拉麵店「町田商店」係Airside開咗新舖。主要賣”家系”拉麵。“家系”起源於橫濱「吉村家」，口味簡單啲形容就係九州豚骨湯X東京醬油湯。町田商店用咗豚骨、雞骨熬煮再加入醬油，能夠湯頭濃厚鮮味。今日冇食MAX拉麵，反而叫咗一碗極品叉燒拉麵。配料有5塊叉燒、1塊紫菜、鵪鶉蛋、菠菜。面可以揀粗或者幼，但係食家係拉麵梗係要粗麵。之前嫌佢塊叉燒太薄，今次嚟食厚咗少少，加埋今次呢個拉麵嘅叉燒量特別多，所以非常之滿足。另外點嘅小食章魚燒質素都唔錯，外邊夠脆入面又夠淋。

日本過江龍拉麵店「橫濱家系町田商店」喺全球有超過800間分店，主打豬骨醬油拉麵，最近就喺AIRSIDE開咗香港第1間分店，今日即刻同超鍾意食拉麵嘅朋友嚟試吓😎▫️橫濱終極MAX拉麵 ($118)餐廳必試餐點！配料豐富，有叉燒、溏心蛋、鵪鶉蛋、菠菜同紫菜，滿足曬咩都想試嘅我😋幼麵索曬湯好入味，湯頭夠濃味又唔會太咸😆▫️極品叉燒拉麵 ($158)食肉獸會鍾意嘅拉麵🤤叉燒有5大塊，厚薄肥瘦適中，食落肉質軟嫩，麵質煙韌配埋一齊食好夾🩵另有各種小食，我哋叫咗餃子同章魚小丸子，兩款都幾好食，外皮煎到脆卜卜，嚟到可以一試！

尋日喺啟德Airside行完街後就去咗首間喺香港登陸喺日本同世界各地超過750間分店嘅過江龍拉麵店「橫濱家系町田商店」食晚餐🍜🥢橫浜終極MAX拉麵🍜 $118食拉麵之前必先試啖湯先，店舖每日新鮮熬製豚骨湯加醬油雞湯而成，入口濃厚細滑，拉麵選擇了粗身，拉麵亦是自家工廠製作，麵質剛剛好爽口彈牙，配料有肉質嫩滑叉燒🍖、糖心蛋🥚、鵪鶉蛋🥚、菠菜、紫菜😊🥢斑馬大蒜牛油拉麵🍜 $98+ 辣豬肉🐖 $25+ 味付蛋🥚 $15鍾意黑蒜油🧄嘅朋友就唔可以錯過，另外湯頭還放咗牛油🧈，濃郁而不覺膩，配料有叉燒、鵪鶉蛋、菠菜、紫菜，另外追加了最喜愛嘅糖心蛋和辣豬肉👍🏻🥢餃子(6件) 🥟 $58餃子即叫即煎，皮薄餡靚😋🥢章魚小丸子🐙$48章魚小丸子也是即叫即製，裡面亦有原粒章魚，口感外脆內軟

從報道得知,町田商店是以濃厚的豬骨醬油湯底殺出重圍, 除了有只此一家的湯底，拉麵麵底用上由自家工廠製作，採用三種小麥，當中較特別的是選用了澳洲硬麵粉。而且在拉麵上放上了溏心鵪鶉蛋，湯底、拉麵、甚至餃子, 都是由日本直送.時間尚早,所以唔使點等就有位. 侍應服務態度都合格嘅... 用QR code落單,點咗一客橫濱終極max拉麵,另外一客斑馬黑蒜牛油拉麵加辣豬肉同小食餃子. 湯底味濃,麵帶有麥嘅香味,爽滑,彈牙👍. 餃子熱辣辣有肉汁一咬,射曬出嚟😅我唔係拉麵控,但覺得都幾好食...價錢算合理😉

🐻身為拉麵愛好者既🐻👨🏽聽到有新拉麵店開張，當然要去試下味。今次係1974年創業於神奈川橫濱市的橫濱家系町田商店，全球分店達800間，係日本第二大拉麵連鎖店，首次進駐香港揀左啟德Airside作為第一店。🐻町田商店以豚骨湯底為主打，🐻👨🏽揀左極品叉燒拉麵，上面既叉燒肥瘦相間，入口好快就融化，肉味香濃，的確好惹味。豚骨湯底鮮甜，唔會有腥臭味，配上彈牙既粗麵好掛湯。🐻👨🏽今日好好胃口，仲追加左個替玉幼麵，麵質相當有咬勁，同豚骨湯底一樣咁夾。🐻👩🏻就試班馬大蒜牛油拉麵，豚骨湯底混合牛油同黑蒜油，層次感豐富，食到豚骨既鮮甜，牛油既香濃，黑蒜油作為調劑，真係唔可以錯過。值得一提係拉麵可以追加的配菜數量同種量相當多，基本既有紫菜，叉燒，仲有麻辣炸蛋，鵪鶉蛋，辣豬肉，好獨特！🐻拉麵以外町田商店仲有鰻魚同多款小食，我哋就追加章魚小丸子同唐揚炸雞，食拉麵配小食真係滿足！

辣味噌拉麵 $98斑馬大蒜牛油拉麵 $98唐揚炸雞(5件) $58餃子(6件) $58日本第二大拉麵連鎖店,終於黎到香港🇭🇰位於Airside湯頭夠濃味又唔會太咸🍜🍜麵條可選粗幼度,但無得選軟硬度😥配料有一粒鵪鶉蛋同少量蔬菜🥬🐷叉燒都ok,味道夠,肉質嫩拉麵整體唔算驚喜特別,係附近可以試餃子🥟煎到脆卜卜,一咬落去Juicy爆汁唐揚炸雞🐥大大粒,雞肉嫩滑多汁估唔到小食質素高👍🏻👍🏻

去開airside買電話，行過見到咗橫濱家系町田商店唔洗等位，就決定入去試下。佢哋嘅橫濱終極MAX拉麵同斑馬大蒜牛油拉麵，呢兩款係中規中矩啦，唔算特別出色，但都唔會難食。橫濱終極MAX拉麵湯底濃郁，麵條爽口，配料都幾豐富，但味道有少少偏鹹。斑馬大蒜牛油拉麵就係蒜味重啲，牛油味香濃，唔鍾意食蒜嘅朋友可能會覺得有啲膩。我哋亦都試咗佢哋嘅章魚小丸子同日式炒飯，章魚小丸子一般，日式炒飯就係普通啲，冇特別出色嘅味道，我仲唔記得影相添😂。不過最令我哋滿意嘅係佢哋有提供BB椅同餐具，俾咗帶BB嘅家庭一個方便嘅用餐環境。帶細路出街食飯，有啲地方唔俾用餐椅真係好麻煩。總括嚟講，橫濱家系町田商店嘅食物就係中規中矩啦。如果行街行到攰，想搵間餐廳食個快餐，呢間店都係一個不錯嘅選擇。

過江龍拉麵店「橫濱家系町田商店」喺日本有超過500間分店🇯🇵最近就喺AIRSIDE開咗香港第1間分店🇭🇰🤩.極品叉燒拉麵🍜表面有5大塊叉燒🐖肥瘦適中🥩肉質軟嫩，頗有油香😋粗麵掛上濃郁湯底，配菜有鵪鶉蛋、菠菜同紫菜🥦.斑馬大蒜拉麵🥢材料同樣有叉燒🐷鵪鶉蛋🥚菠菜同紫菜🖤特別在於湯底，加入黑蒜同牛油🧄🧈為湯底增添一股奶油感同蒜香🤤配上幼麵更加入味，好味道☺️.餃子(6件)🥟外皮煎到焦黃✨脆卜卜😆內餡Juicy爆汁😛高水準，沾上香醋更佳💯.唐揚炸雞(5件)🍗炸雞新鮮炸起🔥非常大件😉啖啖肉，皮脆肉嫩滑😝而且有唔少肉汁👍🏻可以點少少沙律醬食😌.波子汽水🥤.冰綠茶🍵

九龍城無咩好食既拉沾麵店，Mikiki嗰間真係試左一次就無下次🙂‍↔️呢間日本過江龍初開業既時候係打曬蛇餅，依家已經完全唔駛排，又即管黎試下🫨▪️魚介豚骨沾麵 （6/10）💲118魚介豚骨湯底唔算好稠身，但濃度適中，裡面都有唔少叉燒肉粒，麵條偏硬身彈牙，都掛到下湯🤔不過配料們就一般般，叉燒比較乾柴，隻溏心蛋有待改善，蛋白有少少茶葉蛋嗰種硬度，蛋黃略熟😳▪️辣味增拉麵💲98🔎 整體評分（6/10）

麵店在Airside 的地面那層，環境ok餐牌內的食物選擇不多，主要是拉麵。點了横浜家系E.A.K.拉麵 （$88）和 厚切叉燒丼 （$68），麵和飯的份量不大。麵方面：麵質煙韌，湯不算太咸，味道ok，只是油少少。飯方面，叉燒都算ok。整體不過不失，算對得起價錢。

呢間餐廳係日本第二大嘅連鎖拉麵店，終於開到嚟香港啦！唔使去日本都食到！佢開張第二晚我即刻去咗試吓，人流好多，仲要排隊，但好彩排左半個幾鐘就入到～不過唔知係咪太多客人，出餐都幾慢，一碟都要等至少15至20分鐘… 大家嚟食要預鬆啲時間～ 味道方面都唔錯嘅，都值得花時間嚟食！✎ 日式炒飯炒飯鬆軟香口，充滿蛋香味，都多蛋塊，只係略帶油份，所以入口唔會乾身，微微油潤感覺。叉燒粒/肉粒質感都軟嫩，配搭軟身嘅炒飯，整體係入口即溶感覺♡✎ 辣味噌拉麵材料有鵪鶉蛋、叉燒、肉碎、椰菜、銀耳、紅蘿蔔絲、鳴門卷等。叉燒相對薄身，肥瘦相間，入口嫩滑，冇渣亦唔嚡身；肉碎溝咗啲辣椒粉，帶出咗香辣肉味嘅味道；麵條爽口；而鵪鶉蛋同其他配菜嘅口感提升層次感。成碗都幾好味，唯獨美中不足嘅係湯底太少，多啲湯就好´꒳`✎ 橫浜終極max拉麵材料有叉燒、鵪鶉蛋、紫菜、菠菜同埋糖心蛋。叉燒同樣好好味，肥瘦相間；菠菜唔夠爽口，偏稔；糖心蛋攞咗醬油嚟浸，濃味滑口；麵條偏軟身略有咬口。同樣湯底都係太少…係豬骨湯，味道夠香濃但唔會太鹹。呢碗都幾惹味，可以encore～

聽講在日本好出名第一間開到黎airside當然要試下Menu比較簡單 選擇不多有日系的感覺以紅黑色為格調坐位算幾舒服我地叫左四野樣超牌拉麵$118和黑蒜拉麵$98兩個湯底都好濃郁我更鐘意黑蒜有牛油好香同有奶油感招牌既有三塊叉燒同流心蛋叉燒份量適中可以選粗或幼麵另外點了人氣叉燒飯$68和饅魚飯$88叉燒入口即溶饅魚正常 後上唔記得影相略嫌醬汁少啲同細碗啲之前見有人寫無加一可能新開張現在我地埋單有呀$400幾有連加一提番大家都值得一試！

雖然日本拉麵嚟到香港特別貴，但係點都會試吓，咁啱嚟到呢邊見客，咁就梗係諗住食埋嘢先返屋企啦，咁啱唔使排隊，就即刻入去，叫左碗黑蒜油拉麵，基於湯底唔係麵豉係醬油到，所以加牛油係有少少怪，唔同牛油加麵豉嘅味道，湯底不過不失，麵份量都夠飽，唔使排隊都係一個選擇句

橫浜終極MAX拉麵🍜拉麵真係經常食嘅麵類，今次選擇左粗麵，佢地湯底非常之濃郁，叉燒厚薄適中有小小肥先好食，最最最正有鵪鶉蛋，仲有糖心蛋添，非常之正架呢…魚介豚骨沾麵🍜魚介味非常非常之濃郁，湯底夠晒熱，沾一沾好鬼正。餃子🥟完完全全煎到唔乾身，裏面仲肉汁滿滿，好有水準👍🏻唐揚炸雞🍗啖啖肉仲好嫩滑，唔會硬實實好好味👍🏻西柚梳打同甲州威士忌梳打，有小小酒精嘅飲品，配埋拉麵、小食你話唔正呀🤗

呢間店叫橫濱家系町田商店. 一講到到家系, 就唔係咁容易用一把尺去量度, 因為分支之多, 派別之闊, 唔係求求其其做少少research可以定到位.不過加埋橫濱兩個字, 應該香港人都唔會陌生, 因為去得日本旅行, 不難會經過一間橫濱家系嘅拉麵店. 但橫濱家系又即係咩風味呢? 我去食之前, 都未有一個刻板印象, 亦唔知應該期望d咩.呢一間店, 坐落 Airside 呢間咁新嘅商場, 環境好難唔比到滿分. 不過, 好似味吉洋一話齋, 要比, 當然要用味道分勝負啦!橫浜終極Max拉麵🍜香味 (2/5) - 較薄弱, 唔係太聞得出係咩味麵條 (2/5) - 麵嘅粗度係有得揀, 幼或粗. 我就點左粗麵. 同一般拉麵店一樣, 落單時係冇得揀麵嘅硬度, 點知... 太稔太糊啦, 似咩啦, 似平時煮即係麵, 落少左水, 煮耐左, 亦冇過冷河, 我諗為, 呢個咁糊嘅麵, 去配一個咁杰咁濃嘅湯, 非常地唔夾.湯頭 (2.5/5) - 湯嘅味, 係豬骨為主, 醬酒嘅味反而並唔重. 不過, 湯太杰太鹹, 而個麵又糊又稔, 一食落口, 因為索左大量嘅湯汁, 個鹹味仲倍增. 再加上, 油量我覺得太多, 太油膩啦.