橫濱家系町田商店

营业中

休息中

想係啟德附近食碗好食既拉麵選擇不多，AIRSIDE既橫濱家系町田商店係之一中既一。魚介豚骨沾麵 🐟 🐷完全出乎意料的濃厚！ 魚介的鮮味與豚骨的醇厚完美融合，湯汁濃稠掛麵力 MAX，每一口都包裹着滿滿精華。本身跟左薄但大片既叉燒，唔算好肥但有脂香，中意溏心蛋淡口配湯同麵好夾。用紫菜包住沾滿湯汁既麵，同埋額外加既辣大蔥，一點蔥既甜同辛辣味提鮮之餘又增加蔬菜既脆感。最驚喜係帶點微微酸度，平衡了油脂感，吃到最後一啖都不覺膩，如果有埋海帶醋自己加當然更加好。湯汁入面仲有厚切既豚角同埋筍條，冇臭味，好食。辛味噌拉麵 🌶️一入口先感受到味噌的濃郁咸香，接着是辣味的層次慢慢蔓延，溫潤而不嗆辣。椰菜的天然甜味，而且又爽脆，中和了味噌的鹹度，令整碗拉麵更加順口。配上 Q 彈的粗麵條(可揀幼麵)，每一口都充滿家庭式的溫暖感，唔通呢個係叫家系拉麵既原因？拉麵店除左有卡位都有獨自食嘅吧檯，幾岩lunch 自己黎啪番個沾麵。有幾多既小食選擇，但驚太飽冇嗌到，下次多啲人一齊食先試下。🌼🌼🌼🌼🌼🌼🌼🌼🌼🌼🌼🌼🌼📍橫濱家系町田商店🏠 啟德協調道2號AIRSIDE地下G011號舖🌼🌼🌼🌼🌼🌼🌼🌼🌼🌼🌼🌼🌼

今日就同朋友去左橫濱家系町田商店餐廳好有日式風情, 除左拉麵，仲有丼飯選擇橫浜家系E.A.K.拉麵湯底好濃郁，豬骨味好香，飲落去creamy但又唔會好膩, 拉麵係粗麵，好有咬口，掛湯力一流，每啖都好入味，旁邊仲有鵪鶉蛋，配搭叉燒，肉質軟腍，肥瘦適中鰻魚丼鰻魚肉質嫩滑肥美，完美覆蓋飯粒，鰻魚汁甜甜哋又唔會太鹹，飯粒索滿醬汁，食落好香口餃子外皮煎到金黃色，咬落脆卜卜，入面既餡料好juicy，爆晒汁，點埋醋食更惹味

横浜家系町田商店喺啟德AIRSIDE商場，地方新淨，坐位夠闊落，裝修好有日本拉麵店feel。今次試咗佢哋兩款麵。橫浜終極MAX拉麵揀咗幼麵湯底濃郁，豚骨味香，飲落去有少少膠質感但唔會太膩。麵條彈牙唔會過腍，吸晒湯底。有三片叉燒，叉燒夠腍身，蛋半熟流心，仲有菠菜、紫菜等配料，食落層次豐富。魚介豚骨沾麵麵條粗身有咬口，擺出嚟好吸引。沾麵醬汁魚介味同豚骨味都好突出，味道濃厚，咸香帶微甜。每啖麵都掛晒醬汁，食完好滿足。配料同拉麵一樣有叉燒、蛋同紫菜。

今日喺 AIRSIDE 附近做嘢，就嚟咗橫濱家系町田商店食 LUNCH！ 😋 聽講呢度嘅拉麵夠晒特色，啱晒拉麵控！ 💖📍 地址：啟德AIRSIDE地下G011號舖🍜 橫濱終極 MAX 拉麵朋友係食肉獸，叫咗佢哋終極 MAX 拉麵！ 🔥 好多塊叉燒，一定夠滿足！💯🍜 斑馬大蒜牛油拉麵我叫咗斑馬大蒜牛油拉麵！ 🤤 有一大塊牛油，連埋豬骨湯就好有層次！ 👍 我點咗幼麵，掛湯剛剛好，唔錯！ 😋 特別係個蒜味唔算重，唔洗怕大味！ 😌 呢間拉麵店嘅拉麵夠晒特色，不妨嚟呢度試吓！  🥰@chillchill_aloye @machidashoten.hk #啟德美食 #香港美食 #foodie #拉麵 #AIRSIDE #橫濱家系町田商店

作為拉麵控，鍾意成日捐窿捐罅試唔同既拉麵。呢間啟德嘅拉麵館bookmark 左好耐，今日見唔係好多人，決定試試佢。餐牌選擇都算多元化，除咗拉麵、沾麵、仲有丼飯同多款小食。人氣之選一定係橫濱終極Max拉麵（$118）呢款拉麵係豬骨湯底，味道食落同日本食既不相伯仲，濃郁但鹹少少。叫得終極Max，配料都係double 份量，有三塊既叉燒、三塊紫菜同全隻糖心蛋，食完好滿足！ 而且好特別地每碗都有一粒鵪鶉蛋，其他舖頭比較少見。本身想試埋魚介沾麵，但係賣哂，真係好可惜。最後叫咗斑馬大蒜牛油拉麵（$103），個名好特別，其實就係黑蒜拉麵。蒜味唔算好濃，加咗牛油既關係，成個湯底比較油膩，食到後面有d 漏。見到其他小食都好吸引，炒飯有日本風味。不過實在食完碗麵太飽，下次有機會再試😆

今日喺啟德Airside嘅橫濱家系町田商店食咗拉麵，環境舒適，以紅黑為主調嘅設計帶有濃厚日本風情，空間闊落，適合同朋友聚餐。食物方面，「極上和牛野菜拉麵」（幼麵）令人驚艷。和牛質地軟滑，帶有微微油香，配上新鮮蔬菜同濃郁嘅豬骨醬油湯底，味道層次豐富，幼麵彈牙掛湯，口感一流。「橫濱終極MAX拉麵」（粗麵）更係焦點，湯底濃厚鮮甜，粗麵煙韌有嚼勁，完美吸附咗湯汁。配料有3塊肥瘦分明嘅叉燒，肉質軟嫩入味，溏心蛋蛋黃流心，與湯底融合後更添香滑。雖然人流高峰期稍為忙碌，但上菜效率仍算不錯。兩人總消費$304，性價比高，適合拉麵愛好者一試。#町圍商店 #拉麵 #日本料理 #橫濱家系 #啟德美食 #airside #香港好去處 #日本正宗拉麵 #日本過江龍拉麵 #餃子 #章魚小丸子 #香港美食 #香港 #美食推薦 #美食 #食好西 #打卡 #食好西系列 #分享美食 #美食日記 #美食分享 #美食地圖 #啟德 #airside

琴日去咗九龍城 airside 間横浜家系 E.A.K. 拉麵，餐牌主要有拉麵、沾麵、丼飯、小食等等。叫咗個幼麵拉麵、餃子同鰻魚丼。首先講個横浜家系E.A.K.拉麵，揀了幼麵。湯底濃郁香醇，幼麵掛湯一流，食落好有口感！叉燒有一塊，肥瘦適中。另外有鵪鶉蛋一隻。麵嘅份量都幾多。小食叫咗餃子3件，煎得金黃香脆，外皮薄而脆，內餡 juicy，味道調得啱啱好，唔會太鹹。另外鰻魚丼睇落細細碗，都幾多飯。淋上甜甜嘅醬汁，鰻魚肥美嫩滑！餐廳都算幾多位，容易有位。

炸雞丼上枱嗰陣已經香氣十足，雞肉炸得金黃酥脆，咬落外脆內嫩，再配白飯一齊食，好有滿足感🍗🍚 拉麵方面就揀咗橫濱終極MAX拉麵，湯底濃厚帶勁，粗麵掛湯力強，每啖都好入味🔥 仲特登加咗幼麵，口感又係另一種享受，軟滑順口，食完成個人都好滿足😌配料充足，有三大片肉，一個糖心蛋同一個鵪鶉蛋。🍜 店內紅色主題設計，瞭望啟德景色。氣氛好輕鬆，成餐食落去夠晒舒服，真係一個可以慢慢坐低食嘅地方。廚房設開放式，可以睇住廚師用心烹調。

Airside有超多餐廳選擇，尤其是日式餐廳較為居多。之前已經見過橫濱家系町田商店，見佢裝潢係紅色好搶眼，就吸引咗我今日入去食午餐。餐廳主打日式拉麵和丼飯，價錢唔算貴，所以我同朋友就入去試吓。好鍾意食拉麵嘅我就揀咗佢人氣之選E.A.K拉麵！麵底仲可以揀粗麵或者幼面，我鍾意多啲咬口，所以選擇了粗麵。配菜就有一大塊叉燒，鵪鶉蛋和菠菜，湯底超級濃厚，帶有鹽味鹹香，入口香濃順滑，粗麵亦都很掛汁，好惹味。我差唔多飲晒成碗湯！豚肉丼份量比拉麵細一啲，醬汁幾惹味，是燒汁甜口的味道，豚肉碎上，容易入口和滷得更入味！章魚小丸子味道不錯，醬汁夠多，加上上面的木魚碎，令章魚燒帶點鹹香，口感軟腍，內裏軟綿。海老天婦羅$48 5隻性價比幾高，炸得非常脆口，正常發揮。整體來說，環境坐得幾舒適，而且餐廳彩光亦都很好，二百幾蚊食到咁多嘢，推薦E.A.K. 拉麵，性價比不錯！

If you are on a straight diet, then this is totally not your thing🤪The thick creamy Double Soup(Pork Bone and Chicken Shoyu) is the soul of this ramen. It’s rare to find such richness in HK. The thick Chashu were so fattening and tender😋and the soft boiled egg and quill eggs completed the whole set of Ramen. It would be perfect if the noodles is a tad harder. Not sure if this is the Yokohama Style but I would definitely come back to check out their other ramen😋

今日去到airside想問吓有咩食，見到地下有呢間日本拉麵，因為時間尚早唔使等位直接入。 入到去電話掃QR code自己落單，環境坐得都舒服，不過間舖頭唔係好多位，可以望住啟德個環境。 我點咗個辣麵豉拉麵，少少辣湯底都算濃郁，另外點咗個炸蝦有五隻都係$48，呢個幾抵。

橫濱家系町田商店 ，位於香港九龍城啟德協調道2號AIRSIDE地下G011號舖。餐廳是一間日本過江龍拉麵店🍜，店內以紅色為主，時尚舒適。🔸斑馬大蒜牛油拉麵$103 🍜~ 牛油和黑蒜溶為一體，濃郁而不膩，還配上一粒鵪鶉蛋。🔸橫濱終極MAX拉麵$118 🍜~ 湯底濃厚細滑，麵條掛湯力十足，叉燒入口軟腍。🔸餃子六件$58 🥟~ 餃子即叫即煎，熱辣辣。整體而言兩款拉麵湯底都做得幾好，餃子味道偏淡。🏷️溫馨提示～ 整個用餐體驗均屬個人分享意見， 只作參考😊。橫濱家系町田商店 (九龍城)地址: 香港九龍城啟德協調道2號AIRSIDE地下G011號舖

Stepping into this so-called "premium" ramen den felt like entering a culinary scam. For $158, the "Supreme Caviar Chicken Ramen" arrived as a tragic punchline: three dreary slices of boiled chicken breast floating atop a sea of vapid broth, while the promised "caviar" amounted to barely visible to the naked eye. The broth tasted like seasoned dishwater—utterly bland, zero depth, as if the chef forgot salt soul. Even the noodles were depressingly average, akin to instant-pack quality.The true

黎到airside見呢間拉麵店都多人食 因為入面好多位 所以唔洗排隊就可以入座人數：2💸有加一服務費▪️橫浜終極MAX拉麵$118佢地呢個拉麵有得揀粗麵同幼麵 面頭嘅菜係冇味嘅 需要撈埋啲湯一齊食係最好 啲湯嘅味道都夠濃同時唔會鹹 肉嘅口感就冇乜特別肥瘦相間不過有一個唔好嘅位就係佢溏心蛋嘅蛋白係唔入味嘅▪️章魚小丸子$28呢一個章魚小丸子就同我期望嘅有出入 外面係好脆嘅 但係入邊就好似漿嘅狀態就唔洗咁鍾意 不過就有一粒章魚可以食到😗

坐喺窗邊位陽光曬入嚟，望住街景食拉麵，唔錯～必試佢哋嘅「魚介豚骨沾麵$118」，個湯勁濃～魚嘅鮮味同豬骨香撞埋一齊，麵條又粗又彈牙，掛湯一流。自己加啲柚子胡椒，味道即刻昇華～ 「炭燒雞軟骨串$68」真係驚喜！燒到啱啱好，咬落去"咔嚓"聲，送啤酒就perfect啦（可惜晏晝要返工😭）。「海老天婦羅丼$68」三大隻炸蝦，脆卜卜又唔油膩，蝦肉爽口彈牙，個醬汁甜甜哋，連飯都食晒！ 最正係夠靜，一個人嚟食都唔會尷尬。$200唔使就食到咁高質，真係抵👍🏻