橫浜街場 (已結業)

朋友生日，佢平時最鍾意打邊爐😂趁佢生日我就帶佢嚟試吓呢個特色木桶養生火鍋。一坐低店員就奉上醬料同埋前菜小食，仲好有耐心咁講解左呢度嘅特色。拍青瓜同黑醋雲耳，酸酸甜甜好開胃。根據店員介紹，呢度用嚟打邊爐嘅木桶係用杉木製成，而杉木係有助消除疲勞，紓解壓力。想飲湯嘅可以喺木桶入面嘅噴泉孔到裝湯，由於木桶雙層設計，噴泉孔到出嚟嘅湯已經過濾好雜質。藥膳火鍋($298/位)，海鮮火鍋($388/位)生日飯食好啲，我哋揀咗海鮮火鍋🤤湯底選擇都唔少有成七款，我哋揀咗冬瓜白肉卜卜蜆。湯底好足料入面有好多蜆，有蟲草花仲有一大舊冬瓜，味道清甜。安格斯牛頸脊牛頸脊唔屬於任食款式，每兩位送一碟。食落口感嫩滑，油脂分布平均，入口油香十足。海鮮拼盤同樣地海鮮拼盤亦都唔屬於任食選項，係按人頭提供，拼盤入面有龍蝦，象拔蚌，蝦，蜆，蠔。龍蝦鮮甜好味。大蝦新鮮彈牙。主菜拼盤(按人頭提供)有三款手打丸，手工雲吞，手工餃。主菜拼盤(按人頭提供)有炸魚皮，響鈴，墨魚膠釀油炸鬼，全部都應該係即炸即上枱，可以就咁食或者選擇浸湯。📌上面介紹嘅食物都唔係任食款式，但係其實食晒已經飽咗八成，唔夠飽嘅仲有其他丸類，菜類，粉麵任食。值得一提嘅

今日去左間好得嘅打邊爐，竟然係用木桶，真係估佢唔到。其實都只係器皿唔同，不過佢湯底都好款唔同特色，都幾有新意。不過係樓上鋪，喺7樓，同埋成幢大廈都有好多其他食肆，淨係排隊搭lift上去都要等成5-10分鐘。今次一行十幾人，book左間VIP房，房入面分兩台每台八個人，地方都算闊落，啲野都好乾淨。我哋叫咗一個花膠湯底，一個椰子雞湯底，佢個海鮮拼盤都啲嘢都好新鮮，有龍蝦、蠔、花甲、象拔蚌仔同蝦。人頭計每人一款，龍蝦就每人半隻，蠔嘅size都有半手掌咁大，熟咗都唔係宿得好勁，底讚！仲有其他火鍋配料，肥牛、丸、響鈴、炸魚皮、雲吞水餃都好唔錯。總括來講食物質素係滿意嘅，餐廳環境都好舒適，侍應都好有禮貌，會再幫襯！！

• 橫浜街場• 旺角彌敦道726號7樓打邊爐如果無海鮮總覺得好似欠了些什麼的，依到有幾個價錢既放題選擇，其中有個海鮮放題，海鮮都有好多款，龍蝦都有在内，比多小小錢可以試到咁多野，計起黎係抵食既！！！海鮮最緊要新鮮，要是唔新鮮真係送比人都唔想食，當晚既海鮮新鮮，象拔蚌仔同龍蝦肉質好爽彈，不過隻龍蝦就小d膏！！！生蠔好有蠔香蠻肥美，海蝦鮮甜唔黏殼！！！***紅白均是任飲，真係好抵，入口唔難飲，香醇唔酸！！！***花膠好厚身，煲耐左都會好有質感！！！***湯底好足料，花膠.螺頭.雞件.紅蘿蔔.紅棗.豬骨...等等樣樣多！！！***皇帝菜，打邊爐一流...***鵝腸洗得好乾淨，灼一灼就食得，好爽好有咬口！！！***脆鯇魚片+魚腩..新鮮唔腥！***影到佢用黎做任飲既紅白酒，用依兩隻牌子同品種既紅白酒唔差喎！

好難得夾到時間同呢位大忙人。。。佢想食打邊爐，我即刻上網搵，咁啱介紹呢間。上網約，仲有折。因為平日而且約18：45咁早，所以去到只我一枱客，之後陸續都有人。。。真係好特別。。店員仲教要試湯底，由桶邊小孔載會試到原味。。。真係好鮮甜！我兩食哂套餐嘅再加湯。。。已經飽哂，根本食唔到其他食品！雖然係咁，但我兩依然滿足，開心！

呢棟大廈好多嘢食，嚟過幾次一直都想試呢間，今日見時間早有折就即刻一試！係繁忙時段入座有78折！好抵！我地揀左海鮮噴泉木桶餐$388/人包括木桶火鍋、海鮮拼盤、手工拼盤、炸物拼盤、以及一個特選肉類，無限追加方面有紅白酒、啤酒、飲品提供，另外仲有好多唔同種類火鍋配料無限追加添！超抵！首先個火鍋係大大個木桶，杉木造嘅木桶好養生，好多好處，店內都有poster講解，而底部係石春防止痴底。最特別係木桶內有一排窿洞，底部抽上去嘅湯會從洞內流出，確保呢個位置出嘅湯冇油，可以品嘗到湯底美味！好聰明！我地叫左印度椰子雞湯，不得了！椰子同雞嘅份量都幾足，湯頭濃郁鮮甜，雞肉鮮嫩有雞味，完全唔係d 又柴又白嘅雪雞，好好味！飲左1/3桶先開始打邊爐。海鮮套餐重頭戲當然係海鮮拼盤！海鮮拼盤有大大隻新鮮龍蝦（每人半隻）、象拔蚌仔、大蝦、蠔、蜆等海鮮，全部都好新鮮好鮮甜！煮完個湯都好甜！龍蝦，膏多肉質紮實鮮甜；象拔蚌仔好鮮甜爽口；大蝦都非常紮實爽口鮮甜！全部都好好味！手工拼盤佢地嘅手工拼盤全部都係即日自己包嘅餃子雲吞同手打丸。好有誠意不但止，仲要都好好味！手打丸中手打墨魚丸最正，好爽有墨魚肉同埋好新鮮🤤手打牛肉丸都好

之前聽人介紹過，今日就成家人一齊尼食喇，首先一定要讚服務好好！個個員工都醒目咁尼，不論加湯呀執野都好快手第二d野食都係present得好靚同埋好特別湯底本身已經有好多材料，同埋都好入味，食食下又可以斟啖湯出尼飲尼碟都係人手包，每日新鮮整，好中意佢牛肉丸+入面芝心架，每種丸入面都有唔同含料，好特別！同埋餃入面都好足料，雲吞入個蝦都係好彈牙今次叫左個海鮮拼盤，估唔到海鮮都幾新鮮，個龍蝦係青龍蝦好多肉好彈牙，特別鍾意個蠔同埋龍蝦尼間CP值好高！值得再食！

今日跟朋友嚟搵食，呢度主打用木筒打邊爐。火鍋有兩款，一款係海鮮，定一個係藥饍，另外可以揀湯底同一款肉做主食，配料第一份都係跟人數配好畀我哋。我哋就揀咗海鮮、花膠雞湯底同羊肉。店員解釋木筒入面分造兩層，鍋底有礦物質石仔，側邊就有啲細窿仔，啲湯經過窿仔出返嚟就過濾咗，冇晒啲油同雜質。所以我哋如果想飲啲湯都要飲窿仔過濾咗嘅。 好欣賞呢個設計！湯底足料好鮮甜海鮮份量都唔少喎！樣樣嘢都大大隻同新鮮其他配料都好精緻，味道都唔錯。其實食完上面啲配料都飽得7788, 但好想食魚同菜，就加多少少。 任食嘅配料都唔少，菜類都好多選擇👍🏻👍🏻👍🏻👍🏻最後仲內份甜品送，奶凍裝係樽仔好可愛，食埋甜品真係大滿足！仲要一讚嘅係店員好有禮貌，好主動幫忙換碟，加湯👍🏻👍🏻👍🏻👍🏻

木桶養生火鍋見到個名就想試一試佢，到去餐廳睇介紹，原本木桶係經特別設計，湯底會經過d窿窿不停咁過濾，唔會驚到個湯底變濁，連湯都飲得，唔洗驚好油膩，窩心既木桶呀~ 今次就叫左個招牌湯底厚花膠鮑魚螺頭藥膳雞鍋，個湯底真係甜，大大隻鮑魚再加半隻雞，足料~ 配料新鮮而且都係心思野，有自家製風味炸魚皮，有好多口味選擇，難以選擇，所以貪心既我就叫左雙拼，分別係新加坡炸魚皮(咸蛋味)，特色炸魚皮(釀魚肉)，偏向硬身小小既口感，但浸湯真係無得輸吸收哂D精華，好味，我就比較鐘意釀魚肉炸魚皮，軟軟脆脆幾過癮。自家製仲有手打五寶丸，印象深刻就係個蝦丸好彈牙! 本地手切肥牛，的確新鮮，最後又點少得蔬菜，食哩D湯底蔬菜係必需的，甜上加甜，可謂大滿足~總括而言，我覺得係幾特別既火鍋體驗，食物質素係有保證，新鮮食材，可以一試﹗

星期日果日到太子世紀廣場行左一个下午，攰攰地就要吃個養生滋潤火鍋補充返體力。見到橫滨街場個名好特別，一于來試試他的火鍋放題。餐廳樓高地方宽闊，座位舒適，好適合吃火鍋，原來佢地用杉木做木桶做鍋，周邊有幾個小孔溫泉好特別，還可以過漏隔走油，所以我地一開始就飲左兩碗湯，超正！因為我地點左花膠滋補雞鍋跟西藏羊放題，＄298一位火鍋放題，飲品任飲，我地點左白洒，味道不錯，西藏羊肉嫩味香脆肉鯇爽口彈牙，肥牛鮮甜甘香還有雞子、鴨血、魚腐、南瓜、草菇、還有我最愛的皇帝菜，一口氣吃左二份樣樣都甘好味，呢餐吃得好滿足下次會再來吃海鮮火鍋放題。

天氣開始凍，又係打邊爐既好季節。就黎過新年，今日同男朋友去旺角辦年貨之後，就黎期待已久的「橫浜街場」打邊爐。早前上網睇介紹這間火鍋店的爐是用杉木木桶，覺得幾有gimmick, 好想試下。-餐廳環境裝修都幾特別，籃球🏀場的設計，環境雖然不大，但座位很寬敞，坐得舒適。 當晚還播著柔和耳熟能詳的流行曲，令人有種relax 感覺。 -打邊爐套餐有兩款：藥膳/海鮮。最後我們選擇了海鮮set 。🌟前菜有手拍青瓜同麻辣木耳青瓜及木耳都幾爽口，微辣挺惹味。-♥️火煱湯底方面🌟我們選擇了花膠螺頭雞鍋（濃湯）杉木木桶打邊爐標榜「不上火」及養生。最底放上熱騰騰的石春作浄化與過濾。木桶旁邊圍著不同小孔，滾起時會有湯底噴出，職員解說由小孔噴出來的湯已經被隔去油分，所以喝起來份外清甜。而且亦十分足料！ 用上全隻鮮雞、大大花膠及螺頭！滋陰養顏補身湯水，喝了好幾碗才開始打邊爐呢。-配料方面：每兩位可揀一份豚肉/牛肉/羊肉我地選擇了手切安格斯Prime Grade 牛頸脊肥牛片！ 油花分佈平均，牛味濃而且肉質有嚼勁。-套餐主菜餐還有時令海鮮拼盤、即炸魚皮響鈴及手工餃子🥟丸子海鮮拼盤賣相精美，有龍蝦🦞、象拔蚌大蝦、刀貝、3

上星期四晚同朋友去咗食呢間火鍋餐廳，我地叫咗海鮮火鍋放題，海鮮種類算多，有各種蜆類、蠔、龍蝦等等，質素都幾好幾新鮮😋😋😋，各種手打丸都好味，特別推介墨魚丸，好彈牙起級正！響鈴都好香脆，唔似係街邊貨，應該係餐廳自己整！而火鍋湯底就係花膠嚮螺雞湯，幾香濃而且唔渴，應該有用真材實料煲👍🏻👍🏻👍🏻至於放題火鍋配料都唔錯，有好多選擇，有海鮮、肉、各種蔬菜，而且你落幾多就嚟幾多，唔會俾少你，所以大家都唔好眼闊肚窄，唔好浪費食物呀☺️最後都要讚下餐廳嘅環境同待應，環境都幾舒適，座位唔會好迫，待應服務值得一讚👍🏻每位都好nice、服務好周到！整體來說，呢個價錢，呢種食物同服務質素，我覺得值得！

今日食左杉木養生藥膳！（任食）環境：睇餐廳既裝修真係估唔到佢咁養生！座位間隔好足夠，唔會好迫唔會好嘈👍🏻邊個話打邊爐都傾唔到計！湯底：打邊爐，湯底係最直接影響成餐食物既味道，可以話係主宰一切既最重要原素。我亦係睇準佢既足料湯底！有花膠、有響螺、有雞！由於係藥膳湯底，雞肉索晒啲未，現場有員工會幫你夾起索夠味有肉質鮮嫩嘅雞肉！本來男朋友怕藥膳味，但食完舔舔脷。前菜：拍青瓜同埋蒜香辣味木耳，好開胃架醬料：生蒜、炸蒜、辣椒、芫荽、香蔥、芝麻，豉油食材：牛脊肉真係Super yummy 啊! 第一色水好靚，第二好有口感，第三好有牛肉味。手打肉丸食材食得出好新鮮，餃類一樣好好味！最後要介紹估佢唔到咁好食嘅新鮮即炸魚皮！最後因為魚皮唔係任食範圍，我哋加錢都要encore！服務態度：服務態度比滿分！員工會自動幫你加湯，又會幫我地整雞肉，接單嘅速度都好快！整體意見：又抵又好味又舒服。推介推介！

近排養生火鍋大行其道outdate既我一直想試下呢間好評如潮既養生鍋搵搵下無意中發現呢間玩味火鍋店店鋪坐落旺角地鐵站隔離一棟叫726既大廈行到去發現原來都黎過棟野幾次 個到成棟都好多野食上到去覺得裝修好繽紛 滿佈街場既塗鴉而且座位都好闊落 好彩早去到有卡位坐食得好舒服 同三五知己黎岩哂我地2個人試左個海鮮套餐300零蚊都幾多野食 除左海鮮同特別配料之外其他所有配料都係任食既 飲品都係任飲韓式飲品都有 岩哂唔飲汽水既朋友仔等緊鍋上既時候 店員好好咁拎左兩碟前菜比我地食係涼拌既雲耳同青瓜 微微酸微微辣 夠哂開胃另外當然仲有配料架 基本上既都有齊不過個人比較鐘意食湯底原味 就無加太多醬料等左大概10分鐘左右個鍋已經預備好啦好特別既木桶 據聞個木桶係用杉木做係木桶加熱煮過後既食材對身體有益用黎打邊爐亦唔會熱氣其實湯底都有唔少選擇我地就叫左個花膠螺頭雞湯底滾起打開桶蓋一陣香味湧埋黎個湯亦都勁勁勁足料有半隻雞 N舊花膠 紅棗 仲有紅羅白建議可以飲淡湯先 真係好鮮甜 高質特別既地方仲有個木桶入面有好多小洞好似去浸溫泉咁湯底不停噴出 好新奇而且個木桶底會撈到幾粒熱石春 相信係用黎幫助加熱食物既不過順帶

之前朋友带我来过一次，感觉特别好，今次自己又带朋友上来啦。大厦挺容易找的，旺角站B3出口，上了天桥后，左边下桥后，右转就到啦！这次点了药膳汤底，最近天气比较湿，去按摩时候，师傅也说需要吃一点药膳补补身体。汤煮开之后，先喝一碗汤🥣暖暖胃！热气蒸腾，冬天里面，跟朋友一起吃吃火锅🍲聊聊生活，特别惬意！周日晚饭，吃好了，下一周才有动力，努力工作！明天周一，又是新的开始。里面的鸡，肉质鲜嫩，煮一会儿之后，服务员会帮我们捞出来，切小块，沾料吃。羊肉是我的最爱。我客户跟我说，身体虚弱的话，冬天多吃羊肉，补一补，就好了，我一直记着。之前一直在希腊🇬🇷吃羊排，回来香港之后，就很少有机会了。终于在这里找到涮羊肉！一定多吃！

由於見到食物在木桶鍋内翻滚時就好似浸Jacuzzi時的感覺，因此標題就叫木桶Jacuzzi火鍋來到此地，感覺很潮，好適合年輕人爐底logo也特别醒目除了10多種飲料任飲，還有红，白，清酒，啤酒任你選擇，好满足吧?是晚我們點嘅係海鮮火鍋套餐，跟餐上的有以下食物海鮮盤有龍蝦，3L日本蠔，大蝦，番薯貝及另2種我叫不出名貝類響鈴，魚皮……另一拼盤有豬肉釀絲瓜環(它有個好聽的太極名稱，叫做懷中抱月)、餃子、雲吞、魚皮餃、手打牛肉丸、豬肉丸等等差點忘了介紹我們揀嘅湯底，選咗呢個餐原來有7個湯底可揀，比藥膳雞煲的5個湯底多咗2個，而我們揀咗最hit嘅花膠螺頭雞鍋，入面有大大舊嘅花膠，鮮甜的螺頭及雞件一餐飽食之後，還有甜品贈送，就係以下呢個奶凍吸引吧？來呀來