影片
以上资料只供参考，请与餐厅确认详情
以木筒闻名既半任食火锅有两个套餐贵一点的有海鲜🦞汤底选择有几款，我拣左人参鸡汤，汤料十分足，有半只鸡，人参，红枣等等，只鸡仲要煮完有味道，唔系cheap cheap 果种，不过有人参既汤有一弊处，初头好好味，到中后段会有甘甘地苦苦地任食配料选择较少，但每一款都新鲜有味道，牛肉有三款，套餐包一碟安格斯牛，厚身有牛味，固之然最正另外有三款任食既牛。滑肉，美国肥牛同牛肩肉，牛肩肉本身油花均匀，咬落口感滑，有牛香，美国肥牛亦不差，鲜嫩口感分明（牛肩肉好食一点）套餐包配料有手工饺同丸，食落多汁，味道浓厚，好似自家制，最特别系有一粒虾米🦐墨鱼丸。有阵虾米香又弹牙。鸡子同厚切花胶，鹅肠都新鲜。饮料种类选择虽少，但胜在有手调饮品，都是任饮的，手调饮品选择会多小小，我试左士多啤梨沙冰同柑桔柠檬都几好饮又唔会太甜海鲜餐可以选择海鲜烧，味道唔错，几新鲜，带子烧完多汁，肉质滑，咬落无腥味，龙虾🦞，海虾🦐同蚝我就无烧，用边炉煮，蚝熟后虽然无太缩水，但味道一般，龙虾🦞有鲜甜味，肉质鲜嫩，海虾🦐无咩特别，味道尚可整体而言算中等价钱高水准享受
继续阅读
一心想食木桶火锅，于是系openrice订座咗呢间试试，上到佢职员友善同礼貌地解释落单程度和放题的套餐，但听到木桶火锅原来已经无咗，就有点失望，不过都黎到就继续试食。我地叫咗 $398 海鲜火锅放题，海鲜都算新鲜，套餐内指定食物都好快速送到。之后我地再落单叫咗一份蔬菜，就等咗起码半个钟，催咗几次先有。。。呢样野就唔系咁好，因为当晚客量唔多，只有十几台，希望呢方面可以加以改善。而食物和份量方便都几好，十分满分都有8分。
继续阅读
成日想打边炉又怕唔健康 所以见到有主打药膳火锅的餐厅就想试下 入到嚟见到地方都算宽敞 而且侍应话原来佢地陆续换紧台 每张台除左可以打边炉 仲可以烧野食 满足唔同口味嘅大家👍🏻D肉可以一半攞嚟烧 一半去打边炉 换唔同口味 正😋呢度饮品选择都好多 除左一半汽水啤酒任饮之外 连红白酒都系任饮 真系咩都抵返哂😆而且佢地亦都有特色野饮 呢杯系玫瑰花酿 适合唔想饮冻饮的人😛花胶螺头药膳鸡锅汤底好清 有少少人参香味 汤底亦好足料 有好多鸡 亦都会揾到大大块花胶 好健康又唔会腻的汤底！跟餐会先送一碟炸物 有鱼皮 响铃 油炸鬼酿墨鱼胶跟著亦都有一碟好精致的手工饺同特色丸子饺子皮薄馅香 丸全部都好弹牙 有手打的优势 特别推荐墨鱼丸 入面酿左虾干 好特别🤗安格斯牛颈脊 见到都哇一声 牛肉纹理好靓 唔会太肥 咬落有口感 一流！个餐亦包含一堆打边炉常客 可以任叫 食到饱为止：）最后亦有甜品 牛奶果冻好香奶味 份量岩岩好 食完主食都可以有位食甜品！整体而言都好满意今次打边炉体验 侍应亦好周到 不时就过嚟加汤同推荐野食 会再encore!
继续阅读
环境: 👍👍👍装潢真的似一个篮球场一样，店外面有铁丝网及篮球框等。 凝造到一个球场一样的环境， 装潢够心思。 我们坐在窗口位置，位置阔落开扬，望到旺角街景。汤底:😍😍😍汤袋主要以鸡为主。这次我们选了花胶螺头药膳鸡锅 。 汤料丰富，由花胶及半只鸡淆制而成。 再加入滋补药膳例如：海底椰、杞子、蜜枣、螺头、人参及当归等， 非常惹味，而且鸡肉嫩滑，店员建议食客可以先试汤底再加入食材，滋补而不燥。 汤底方面还有韩式药膳鸡锅、 姬松茸药膳鸡锅、 人参鸡锅及人参药膳乌鸡锅以供选择。锅底包括了(位上)的小菜：即炸响铃 ：口感厚实，一咬满口支竹油香扑鼻。 😍手切安格斯牛颈脊：牛味浓， 牛肉脂肪比例均匀， 牛肉口感脆口新鲜。 😍😍😍炸物：即炸鱼皮：鱼味浓， 即炸够新鲜，不会有油益味，以及鱼没有腥味。炸虾干墨鱼丸： 墨鱼味浓，爽滑弹牙。但虾味较微。 👍丸类：手工西班牙豚肉黑松露丸：黑松露味香。手工安格斯芝心牛丸： 牛加上芝心丸的配搭新颖有创意。牛肉味浓，但进食时须小心，热烫芝士。另有创意的自创小菜例如，鬼鬼马马及雪中抱月。饺子类：手工狮城鱼尾云吞手工芫茜饺手工西洋菜饺手工韮菜饺 😍😍😍另外多款食材可以无限添加。 饮品方面有沙冰、奶昔、乳酸、红白酒等供客人任饮。汽水、茶等也是无限添加。 值得注意，位上的小菜只可以免费点一次。再点则需要另外逐项收费。地址：横滨街场旺角弥敦道726号7楼(任食2小时30分钟药膳火锅)晚市：成人298/位，小童168/位
继续阅读
横浜街场 (旺角)全港首创木桶喷泉火锅🤭朋友食完大赞。令我都好期待🤩今日终于得闲食。一入去，店如其名，装修好似街场🤣行工业同金属元素既风格，都好有风色。前菜系川味木耳同手拍青瓜，放系酱料旁，任拎。😍够开胃而且又够味。好食。点完餐就上左个大木桶，好得意😎同男朋友仲研究好唔好都买返个返屋企🤣。点知原来系订制既，🌟神奇之处系汤滚起左之后会系木桶里面既洞喷返出嚟，具有过滤隔渣隔油之用，🙆🏻♀️可以简单容易饮到口清汤。🥄放勺系洞口取汤容易又快捷。睇到我哋啧啧称奇。汤底拣左花胶螺头药膳鸡锅。😼足料浓郁滋补，药材味唔重，系好香人参同红枣味既鸡汤。花胶煲腍左好好食。部分食物系指定(位上)的💁🏻♀️如下：👀饺子做得尤其出色。拍得住/甚至好过专卖饺子🥟既铺头，新鲜而且味道岩岩好。即炸响铃🔔、鱼皮、墨鱼胶让油炸鬼。🤣响铃比一般大而实。🐟鱼皮粉浆较厚。但整体嚟讲呢道炸物油腻感重。肉类我地拣牛。🐮大大碟，好靓仔既牛颈脊。肉味香浓，好满足。到左任食方面，我地都估佢唔到咁高质。🙆🏻♀️即使系任食牛肉都系非一般靓。🐮新鲜、爽口、牛味重。就净系疯狂食牛肉都已经可以回咗本。饮品方面除左基本嘅汽水🥤，仲有特调嘢饮(水果红/绿茶、奶昔、沙冰)，韩国啤酒🍻仲痴线到有🍾🥂红白酒任饮。最后最后唔该食埋佢个朱古力奶冻😍好好食，滑溜溜😋好香浓既朱古力味🍫(似雀巢雪糕)。值得一题系佢所有嘢食都可以一件件咁点，👀食几多叫几多，唔会造成浪费。👍好难得遇到任食但咁高质。而且店员既服务态度好好，👨🏻🍳有礼貌而且讲解详尽。
继续阅读