橋底辣蟹

营业中

休息中

今晚帶父母嚟食懷舊中菜雖然佢哋唔食蟹，但係都主動話想嚟食「橋底辣蟹」，話試吓佢哋嘅晚市小炒因為佢地「朋友圈」中聽到話小菜小炒都唔錯。都多人食架！*茶$10/位、花生$8 /碟，有加一服務費*招牌炒蟹嚟到爸爸主動話想食佢細個時食嘅《 生滾鮮泥鯭粥 $98鍋 》當中有差唔多成10條泥鯭，唔腥而且啲肉都幾滑，食落新鮮，同埋無細骨；另外仲有陳皮、菇粒等調味，爸爸話味道幾正宗，弱底都幾綿，幾好食。一鍋夠晒三個人，每人食兩碗，所以幾抵食。媽媽就嗌咗《 蠔皇包螺片扣鵝掌 $128 》螺片大片又炆得入味夠腍；鵝掌幾乎不需咀嚼，蹼肉及筋位香軟入味，軟骨都帶爽。有蘑菇同冬菇，冬菇大隻厚肉，切開咗容易食，同樣炆得入味易咬，仲好吸汁惹味。《啫啫唐生菜 $68 》用鐵鍋上夠鑊氣，唐生菜鮮爽清甜，用上大蝦乾夠香，又有咬口，都幾大鍋。一支《 青島 $30 》大大啤啤佢，有美食又有酒，真開心！呢度小菜嘅價錢無離地，$68都已經有一個小菜，會再訪！

平時都好鍾意食海鮮鬧市入面想搵平靚正嘅海鮮食？我哋去到位於銅鑼灣的 「 橋底辣蟹 」 @qiaodilaxie就算路痴嘅我喺遠處都見到地舖大大嘅招牌上一層就係餐廳喺舊店搬過嚟現有地址環境更大而其他分舖已暫時休業其後店員隨即安排我哋坐窗口嘅卡位位置餐牌上嘅食物種類好多亦都有晚飯優惠套餐見到咁多款孖寶都好抵食隨即我哋就揀選左孖寶C兩個人share一齊食‼️⊰⊹════════════════⊹⊱💬 ✎食後感 ：✨❤️【 #招牌炒辣蟹 】最體貼嘅係每一台都有一盒手套確實係食蟹必備滿滿嘅炸蒜鋪滿面難怪遠處已經聞到好香而且隻蟹有個手板咁大隻蟹殼本身住先敲爛所以好容易就剝到特別係個蟹鉗好大隻食落去啖啖肉又爽口彈牙仲有蟹殼有好多膏添好新鮮而且好入味果然係炒得好有鑊氣而且好新鮮一隻蟹嘅份量原來都好足料🧡【 #秘製欖角骨 】蜜汁包裹着每一件欖角骨非常香濃黏口簡直係撈飯一流甜甜地加上肉質鮮嫩嘅欖角骨食完一件有一件非常惹味香口果然不負所望👍🏻😋🤤

約同事晚飯於銅鑼灣駱克道391號金禧大廈地下及1樓橋底辣蟹。由於剛搬遷，裝修帶有懷舊風格，環境舒適寬敞，服務員禮貌招呼推介菜餚。1. 金銀蛋上湯浸時蔬$78香濃瑤柱上湯浸新鮮嫩綠菜心，配以炸香蒜子鮮嫩草菇，好味又懷舊。2. 菠蘿咕嚕肉$58咕嚕肉外脆肉嫩多汁，酸甜汁相當夠味，加上新鮮菠蘿肉，非常醒胃。3. 椒鹽鮮魷$98外皮酥脆，鮮魷爽嫩，沾上陳醋，味道更顯突出。4. 蒜子火腩大鱔煲$138上枱熱騰騰，香濃夠惹味，懷舊菜式，久已遺忘，肥美爽脆鮮味嫩大鱔，彈牙又美味，還有火腩、冬菇、枝竹、芹菜炆至極香……。免費供應甜品 內有多款豆類，煲至極淋，火喉十足，味道很懷舊，覺得非常豐富滿足。

呢一間餐廳以前細個都有食過一次，今次又再次同屋企人過咗去食嘢啦！去橋底辣蟹點少得一定要試吓嘅就梗係呢度嘅辣蟹啦，呢一度嘅辣蟹真係好好食，辣味十足！而且呢度嘅蟹亦都係非常之飽滿鮮甜！另外仲叫咗幾份唔同嘅小炒，我好鍾意食椒鹽九肚魚，呢度嘅構圖與非常之肥美，魚肉好滑，而且呢度嘅炸粉亦都係薄薄地，非常香脆！

《老字號菜館🏡》———————————————-#橋底辣蟹 🦀-早排同屋企人一齊食飯，雖然呢間位於銅鑼灣嘅餐廳主打辣蟹，但其他小菜都炒得非常之好，水準一流，鑊氣十足🤤-重慶雞煲非常之香，夠哂刺激！辣度恰到好處，啱哂口味～麻辣鮮香，充分入味😍雞肉亦相當嫩滑，吸哂啲精華，大件夾抵食，最後仲可以淥埋啲菜，惹味嘅雞煲汁味道上癮😋-另外豉汁炒蜆亦都好出色，大大碟，份量十足，惹味濃郁，食到舔舔脷👅 蠔餅都煎得香脆，蛋汁味香濃😊艇家醬時蔬煲原煲上，熱辣辣，我哋叫咗油麥菜夠哂夾，食整唔停口～-⭐價錢參考：（另收加一茶芥）半隻麻辣雞煲：$128豉汁炒蜆：$88潮式煎蠔餅：$78艇家醬時蔬煲：$68🍌抵deal 指數：7/10💰人均消費：$240

We had their signature under the bridge crab but non-spicy and their E-fu noodles with shrimps and cheese. Their under the bridge crab is served with sautéed Chinese leeks and fried garlic bits. The fresh taste of the meat paired well with the crispy and rich taste of the fried garlic bits. The E-fu cheese noodles was topped by plenty of prawns for its portion. The sauce was more creamy and less cheesy than I thought but it was still delicious! We had mixed beans sweet soup for dessert and usual

最近好想食海鮮🦐喺銅鑼灣見到呢間——🌟橋底辣蟹🌟好吸引，所以入去試吓💃🏻入到去感覺好似酒樓格局，好適合同幾個朋友聚餐，唔怕坐得迫夾👍🏻·🦐｜黃金海中蝦｜🦐蝦嘅數量都算多，每隻蝦都炸到厚厚金黃色嘅鹹蛋黃脆皮，香脆可口，每啖都食到鹹蛋黃嘅香味，海中蝦大隻，食到好滋味👍🏻·🦑｜椒鹽鮮魷球｜🦑呢度嘅炸物香脆可口，味道濃味而且好入味，好鍾意食椒鹽鮮魷嘅我，一定會點呢道菜式試吓，金黃色嘅脆皮，卜卜脆又香濃入味😋·💛｜油泡田雞｜💛食完濃味嘅炸物，再食呢道田雞菜式，味道相對淡口，田雞數量都算多，又大隻，想濃味啲可以試吓佢其他炒法💃🏻·🦀｜蟹肉湯伊麵｜🦀呢度菜式相對比較清淡，食完炸物食會比較好啲，上面鋪咗啲蟹肉同配菜，伊麵麵底比較多，一定會食得飽🤰🏻·📍橋底辣蟹 (銅鑼灣)📍銅鑼灣駱克道391號金禧大廈地下及一樓

收工唔知道邊度聚餐其實中菜都好食，又好吸引！椒鹽九肚魚表皮酥脆，魚肉夠滑又大份，一定要配上醬，更加開胃又滋味！同埋熱辣辣上，超級推薦！，軟嫩的魚魚香茄子煲，配上飯簡直就係白飯小偷茄子入味，加上魚的鮮香味道，更加落飯又開胃，每次都好鐘意食！招牌橎底炒飯大米的軟硬程度恰到好處調料比例恰當，油唔會太多，又有海鮮，帶子、蝦等等，好豐富招牌真係招牌，飯炒得粒粒分明乾燒伊麵都夠惹味，而且唔會真係太乾，反而適中，夠香噴噴！之前試過其他干燒伊麵唔係太咸就太濕一係太油，無水準南乳炆粗齋，南乳令整道菜特別好味，不會油膩而且覺得枝竹、香菇超級入味，又有口感，滿滿的蔬菜吸盡南乳香，配飯都一流啊！

同同事收左工去食飯 就揀左呢間餐廳食下小菜 嗒返兩杯 吹下水 其實好耐之前我地食過舊鋪 但搬左新就未試過 所以就特登黎試下裝修方面感覺比起以前更加闊落 而且仲好乾淨 我地就隨意叫左幾個小菜 幾支啤酒 沙拉骨: 沙律醬極多 而且排骨亦炸得非常鬆脆咬落口都有肉汁 唔會乾爭爭 魚香茄子煲: 醬汁的咸香味十足 肉碎的份量亦很多 搭配上鮮嫩多汁的茄子 送飯一流椒鹽鮮魷: 呢個必叫的小菜 完全無令我失望 炸衣非常薄 唔會食落成口炸槳 魷魚非常爽口 配上 炸到金黃色的炸蒜 真係食到停唔到口蒜子火腩大蒜煲: 兩個主角都煮得好好食 醬汁較為濃烈 火腩和鱔的份量亦非常多 兩者吸收了醬汁的香味 非常惹味最後侍應姐姐仲請左我地食碗綠豆沙 為我地既晚餐添上一個完美句號

除夕果晚一早已經約咗朋友上屋企倒數，所以就12月30日同老婆出街食晚飯，一齊回顧今年發生嘅事。我哋喺銅鑼灣，突然好想食啲地道風味嘅食品，就諗到不如去食橋底辣蟹幾年前去過一次，諗住行返過去，點知個舖位轉左，上網一睇原來橋底辣蟹轉左去金禧大廈，其他分店都暫時休業。嗰晚好多人，不過我哋好好彩walk-in都仲有位既然嚟到橋底辣蟹，咁就梗係要食橋底辣蟹啦但係我哋發現單叫一隻橋底辣蟹都唔平，反而套餐好似仲抵，所以我哋叫咗個2人套餐，睇一睇個餐單即刻抵晒：<橋底辣蟹> 蟹嘅尺寸頗大，特別係隻蟹鉗好有肉；隻蟹拖過油，加上用熟蒜、蔥、辣椒炒過，食起上嚟好香脆，肉質保持嫩滑，非常非常非常之好味<金湯佛跳牆> 勁足料，花膠鮑魚花菇等等都有晒，而且飲落口嘅時候啲湯好多膠質，應該煲咗好耐，好入味，好鬼正<豉汁炒蜆> 炒得好有鑊氣，而且份量好多，好惹味<清炒時蔬> 食咗咁多海鮮，食返個炒白菜，不錯不錯<綠豆沙> 最後送咗碗綠豆沙，食埋個甜品呢餐就非常圓滿了回想起今年，很多事值得去感恩，亦很多事令人灰心、失望和無奈。盼望新的一年會有一

今日收工同3個同事去橋底辣蟹食飯🍚叫左6個餸🥘去到橋底辣蟹，當然必食佢既招牌菜橋底辣蟹，蟹超大隻，啖啖既蟹肉同埋配料一齊食，好惹味,蟹肉仲好鮮甜🤤🤤好好食😋另外羊腩煲都一定食，我最怕有so味，佢嘅羊腩一d都唔so, 仲好淋身，好好食👍🏻佢既腐乳是師傅特別調製，比較重酒味, 不過唔洗點都夠晒味😋另外仲叫左幾樣小菜豉椒炒蜆，豆豉鯪魚油炒麥菜，椒鹽九肚魚，北菇紅燒豆腐😍😍整體所有小菜既味道都唔錯！ 👍🏻👍🏻椒鹽九肚魚即叫即炸，好好味😋最後仲有個陳皮紅豆沙作為飯後甜品，好食到忍唔住同個侍應哥哥講，你地紅豆沙好好味😋佢即刻再送多碗俾我地😆😆超好人

自從上次係呢度吃過避風塘炒蟹後，一直念念不忘~今次再encore😋 橋底辣蟹已搬到這個地址, 其他分舖已暫時休業夜晚7點到，客人開始陸續多，每枱必點辣蟹！叫咗一個set, 有炒辣蟹同鮑魚雞煲，是餐廳招牌！炒辣蟹蟹大隻，肉質飽滿，加上避風塘的經典做法，香辣可口特別送飯，炸蒜好香！ 蒜蓉的濃郁香味充分融合，浸透到蟹肉里，滿滿一口咬下, 鮮咸香辣的濃香好正。鮑魚雞煲這個是朋友極力推薦的鮑魚雞煲，湯汁濃郁香辣，肉質肥美鮮香，份量夠2-3人，雖然鮑魚個頭不大，但是肉質新鮮肥美！乾炒牛河經典大排檔菜式， 上檯時夠熱辣辣有鑊氣, 色澤分平均, 牛肉份量比想像中多且肉質軟腍！同河粉一樣食落甜甜地，整體而言, 味道很好～食完飯後，仲送糖水，今晚係綠豆沙💚清甜不膩，飯後甜品好合適！感到滿足總體吃得開心！還會想再嚟！

📌 橋底辣蟹-🔸菜單種類：炒辣蟹、小炒今次再嚟encore ，試吓唔同嘅小炒蟹肉緊實，睇下隻蟹腳咁大一隻，就快跟一包tempo一樣大了🤣~ 蟹殼敲得很碎，剝的時候好方便🤤蟹肉帶蟹殼加上醬汁、辣椒一起拌炒。醬汁完全滲入到蟹肉中，蟹肉原有的鮮甜的同時配咸香中帶著辣，很美味的🦀️🤤鮑魚肉質緊實，新鮮，營養豐富，清而味濃。與雞肉搭配在一起，好鮮美。鮑魚肉質緊實，雞肉鮮嫩不柴！醬汁偏辣，送飯一流乾炒牛河即炒即吃，熱辣辣，鍋氣十足，就係乾炒牛河應該要有嘅味道。牛肉份量多，口感不錯👍🏻再配一碟炒時菜，有肉有菜，然後再送一碗綠豆沙糖水，滿足！ 橋底辣蟹已搬到這個地址, 其他分舖已暫時休業🌟 橋底辣蟹🌟地址：銅鑼灣駱克道391號金禧大廈地下及一樓

橋底辣蟹嘅晚市孖寶套餐、小菜抵食孖寶套餐 💰4️⃣3️⃣8️⃣橋底辣蟹辣蟹要咗微辣，肉質鮮甜鮮餐廳有提供膠手套比客食辣蟹蒜蓉粉絲蒸聖子皇聖子皇有兩隻，鋪滿粉絲、金菇、蒜蓉、辣椒一齊蒸絕配水煮魚 💰1️⃣2️⃣8️⃣魚片幾滑，仲有多款配菜有豆卜、芽菜、雲耳同金菇🎈橋底辣蟹🎈銅鑼灣駱克道391號金禧大廈地下及一樓

好耐冇食過橋底辣蟹咁耐冇食依然保持水準依家仲有好多唔同配搭嘅套餐你想點揀都得，叫套餐仲好似抵食啲凍冰冰都好想食羊腩煲估唔到佢做羊腩煲都幾好味羊腩無臊味，好林，最鍾意用佢啲羊腩汁淥菜D菜吸晒啲羊腩汁好好味橋底辣蟹，叫套餐以為好細隻，但係原來都有手掌咁大個殼，我哋叫咗加辣，非常惹味同埋師傅都將蟹鉗卜碎，方便我哋食豉椒炒蜆，無沙，好夠鑊氣椒鹽九肚魚，唔厚粉，外邊脆，內面軟滑豆豉鯪魚油麥菜北菇紅燒豆腐煲所有菜式都大大碟又夠鑊氣到最後仲有紅豆沙食添