橋底辣蟹

营业中

休息中

🍗炸子雞🌊豉汁炒蜆🫕豆腐海鮮煲🥤杏霜🥤菜蜜🔸每次無端端想食中菜都係去呢間老字號，菜式選擇極多，而且好少出事，通常都做到80至90分嘅水準🤓性價比高，值回票價😍～炸子雞唔易整，而佢火喉控制啱啱好，最入面嘅骨仲有小小紅，一定要做到呢個水平先可以保證到雞肉外脆內嫰🤤炒蜆份量多，有啲辣辣地好惹味，蜆嘅質素好鮮甜大部分都開口❤️🔸豆腐海鮮煲有菜，有魷魚，有蝦，有斑塊，有豆腐😍大雜燴但水準都一樣高～兩個人食咁多嘢，淨食餸先$500有找，無得彈👍🏻🔸講起近年好多人話中菜營養唔夠西餐好，所以外國人普遍大隻啲，呢個講法其實唔可以話係正確🙃例如我呢餐咁，蛋白質，微量元素等等都夠晒，但當然理想地要再多啲菜先叫完美😉用香港嘅例子去講，飲食最大問題係以前小學不停教你個「傳統食物金字塔」🔺但其實係錯晒，佢不停教香港人要食最多係飯同麵等等，但一般香港人運動量又唔夠，所以高碳水化合物飲食喺人體會轉化成葡萄糖🥲而人體消耗唔到咁多葡萄糖時，佢地會轉化成脂肪，令你多咗肥肉🥵真正理想飲食係水果、全穀、蛋白質同蔬菜都喺一日入面進食差不多份量為佳～「有飯氣」呢啲老舊觀念實在壞影響太大。。。

朋友約食飯, 佢想約我食橋底辣蟹, 我就同佢講, 近排收到幾張紅色炸彈, 又到月尾, 冇咁多錢食蟹喎,佢就同我講橋底辣蟹除左蟹之外, 其他小炒類都好出色, 而且都幾經濟我就跟住佢去搵好野食橋底辣蟹都幾離CWB地鐵站都算近, 行五六分鐘就到入面裝修就係傳統既中式酒樓咁, 平日黎講都算有D人氣架啦椒鹽鮮魷球-$88D個鮮魷用身幾厚, 但係個炸粉就做得好脆, D個配搭係一流的, 而且唔會整得過咸, 味道都幾惹味, 我地都覺得幾高質。橋底小炒皇-$78食小炒皇就最食得夠唔夠鑊氣, D個就好夠啦。入面有齊蝦干, 炸銀魚仔, 魷魚和腰果, 口感同味道層次都豐富, D個菜幾食到廚師既功架。蒜子火腩大鱔煲-$138鱔係炸完就放入煲煮的, 而且外面層炸漿吸左D汁去食個彈牙既鱔肉, 一絕呀! 而且有唔少火腩同埋支竹去索味, D個味道幾好。味菜火鴨絲炆米-$68D個每人都食到3,4碗, 份量幾夠, 而且味菜火鴨既味索晒入米粉到, 就算飽都想食最後叫埋單先知原來係會送糖水的, 而且仲要係木瓜雪耳糖水, 夠晒清潤。總結, 原來橋底辣蟹唔食蟹都仲有好多好食既小菜, 而且都係大約$7X-$8X左右, 都算幾經濟,

約咗朋友喺銅鑼灣食晚飯，銅鑼灣有超多食肆，我叫朋友搵間好食嘅帶我去，朋友問我想食乜，我話中菜啦，結果朋友就帶咗我嚟呢間餐廳😆我哋叫咗呢啲餸菜😆：- $128 嘅「滑蛋炒蝦仁🍤」：蝦仁🍤肉質結實爽滑，感覺幾新鮮😋；滑蛋🥚有名你叫，真係炒得幾滑😆- $58 嘅「薑汁炒芥蘭」：芥蘭菜🥬幾爽脆，又好新鮮，顏色嫩綠，加咗薑汁一齊炒，簡簡單單，好食又健康😋- $50 嘅「蟹湯伊麵一碗」：伊麵 已經有好長一段時間冇食，而家食番，有啲懷念嘅感覺😆- $100 嘅「鮮味沙薑雞半隻🐓」：雞🐓有雞味😆，加埋沙薑，更加惹味😊；仲有，雞髀非常大件多肉😆- $138 嘅「豉汁蒸鱔」：味道鮮甜，加咗蒜頭🧄豆豉🫘嚟蒸，亦味道更加濃郁😋食完餐廳送咗兩碗糖水俾我哋，係雪耳木瓜糖水，感覺幾滋潤😆。跟住我仲話俾朋友知，其實我好耐之前嚟過呢間餐廳😆

麻甩妹如我最鍾意食小炒😜橋底辣蟹咁出名當然要幫襯下雖然出名但價錢好親民原來午市都有咁多選擇～下次揾地方食lunch一定會嚟見到伙記好忙但態度親切蒜蓉蒸開邊蝦🦐（左下）太想即刻食唔記得影個獨照蝦肉新鮮彈牙蒜蓉粉絲吸晒蝦嘅精華～超惹味鹹魚雞粒豆腐煲上檯時吱吱響～夠晒鑊氣鹹魚味好足～好好撈飯小炒王就係每次必點最鍾意有啲炸鹹魚仔蝦干鮮魷腰果～配埋韭菜花餸酒一流海鮮雜菜煲～鍾意食菜又唔鍾意油膩有蝦仁魷魚金菇魚片又係必點item仲有南瓜西米露送添～

依間正垃圾，今日約6點上去，係門口企好耐，冇人理會，問有冇人，係門口水吧個男人好差態度話有人，問佢有冇位，佢極差態度要我掃安心出行，我話你有位我先掃啦！費是掃完又話冇位，佢都唔覆我有冇位，好似唔想做我生意， 無奈只有離開， 我唔係去乞食呀！我係消費嘅， 谷氣！ 以後都唔會再去幫襯。

中菜選擇有好多種今次試試 橋底辣蟹除左有名嘅辣蟹外佢地嘅海鮮更加係好好味豉汁蒸鱔醬汁調教得好入味魚肉亦都爽口彈牙 送白飯一流砂鍋魚頭煲 魚頭份量好多 配料爆到香口喜歡食魚都唔好錯過有好多時令蔬菜椒絲腐乳通菜係我最愛鍋氣夠晒大 炒出黎好好味腐乳汁亦都岩岩好 必食，不過調味好似鹹左啲主食有 星洲炒米 好大碟係咪落錯咗份量因為真係好多正宗做法 適合2-3人最後叫左個 粟米魚肚羹香濃粟米 同朋友分享就最好因為味道啱啱好而且每人飲到好多碗

今日叫外賣等咗個幾鐘，等了50分鐘追過一次佢話未得，等了一個鐘再追佢話漏單😡又前試過一次堂食都係咁情況，追左幾次都係叫我哋等。點解成日漏單，追伙記時伙記又唔認真跟進？D嘢幾好食價錢亦合理，但次次都等到儍了！人唔多但總出錯！幫襯過三次有兩次都中伏。18:50落單，最後20:00才到😡！未食已經一肚氣！

今晚去咗橋底辣蟹食晚飯～中式小炒款式超多選擇，睇到眼花撩亂😍 揀咗好耐～ 因依家唔係食蟹季節所以冇叫到蟹～椒鹽焗泥鯭 $108泥鯭仔魚肉鮮嫩，香口惹味～鐵板黑椒牛仔骨 $88 牛仔骨好軟淋，黑椒汁好入味～ 好香獲氣～艇家醬時蔬煲 $68今日時蔬煲係通菜，爽口鮮甜，艇家醬傳統風味十足，香濃惹味👍🏻鮑參翅肚羹 $88湯羹好足料，質地綿滑口感豐富👍🏻招牌橋底炒飯 $70份量好多，炒飯配料有冬菇，蝦仁等等，味道唔錯～

橋底辣蟹出名食辣蟹，但係今次想試吓其他款式，潮州菜式一樣出色，生滾鮮泥鯭粥真係超正，其他小炒菜式都唔錯。魚湯浸蜆$88蜆粒粒新鮮多肉，用魚湯煮製更加鮮味。潮式煎蠔餅$78好似蛋餅式嘅蠔仔餅，第一次試，口感新鮮，蛋餅軟熟，蠔仔數量多，分量十足。椒鹽九肚魚$88推介，外面揸到金黃鬆脆，裏面仲喺軟綿綿，做到外脆內嫩嘅效果。生滾鮮泥鯭粥$98窩推介，泥鯭好新鮮，一條條嘅肉可以夾到嚟食，肉質鮮甜，粥軟綿，唔錯。椒鹽鴨舌$85炸到脆卜卜，味道鹹香。總括而言唔錯，平時都食佢嘅炒辣蟹，覺得好好食，原隻蟹肉多，估唔到佢嘅潮州菜食都一樣出色，特別喜歡佢嘅泥鯭粥，抵食好食，食完仲有糖水送添，今次係腐竹蛋。

我哋嚟主要都係為咗食隻充滿炸蒜嘅辣蟹, 所以今日我會集中講隻蟹+五星級嘅服務態度驚: 上菜啦~ 咦 點解咁黑嘅？望真D, 原來係炸到 燶咗嘅蒜頭, 而且蒜頭分量極少, 隻蟹雖然係新鮮好鮮甜, 但係就有少少炸過火, 可以話係大失準咁我哋當然好失落啦喜: 估唔到有一位好好人嘅職員留意到我哋失落嘅神情, 主動提出重新整過一碟多蒜嘅辣蟹比我哋, 重點喺我哋隻蟹其實已經食咗一半。第二碟嚟啦, 蟹肉極鮮甜, 炸到剛剛好, 熟得嚟亦保留咗好多鮮甜嘅蟹肉汁, 炸蒜非常香口, 簡直係perfect！！！其實我哋都好明白而家餐飲業處於寒冬, 所以我哋並冇諗過要向餐廳攞著數, 但係橋底辣蟹嘅服務態度實在係一流, 所以除咗俾tips呢D基本嘢之外, 實在非常值得post上嚟盛讚👍👍👍

好多地方都有避風塘炒蟹，令我覺得惹味的，銅鑼灣的橋底辣蟹是其中一間，至今講起仍覺回味。晚飯優惠 孖寶套餐 C，招牌炒辣蟹+秘製欖角骨$428招牌炒辣蟹有辣度可揀，我要了中辣，秘製配料香香辣辣，相當惹味，配著肉質鮮嫩香口的辣蟹，夠香辣，夠惹味，回味至今~~秘製欖角骨，醃得頗入味，炸得頗為干身少少，排骨帶有秘製欖角的特別香味，朋友都贊好味~~另外要了個飯及粥，避風塘炒蟹的配料餸粥非常好味，見到有其它枱的客人打包添~最後餐廳仲送上一個紅棗雪耳木瓜糖水，好清潤~~

忽然想食賴尿蝦，因之前幫襯過而想起橋底辣蟹，不用等位約晚上七點零坐低，因2個人用餐關係，今次點咗一隻蟹，2隻椒鹽賴尿蝦，蟹肉粟米羹，薑汁炒芥蘭。共消費$1309元。除咗椒鹽賴尿蝦外，其他菜餚不過不失，椒鹽賴尿蝦非常入味，但D蝦肉就真係麻麻，D肉又霉又散完全唔新鮮，同之前幫襯過的水準差得太遠。服務方面上蟹時突然跌咗一舊，阿叔話要攞返入去再出過，心諗米搞，所以我同佢講，少咗一塊由得距啦，［最緊要食得安心，呢句我心諗嘅］

以前成日聽到橋底辣蟹呢間小炒店，一直都好想試下，終於有朋友提出食呢間我當然舉手同意🙋呢度環境唔算大但位置坐得都算舒服，老式飯店格局～嚟到呢度當然就要叫豉椒炒蜆啦！我覺得睇呢間嘢夠唔夠鑊氣一定要叫呢道菜式先知😌黎到真係冇令我失望🥰首先啲蜆都算大隻，冇沙的，仲要好鮮甜加埋佢啲芡汁夠味道！必叫😋-再叫咗佢個水煮牛肉，夠麻香，不過略嫌覺得鹹咗少少但撈飯食一流！岩重口味人士😚入面仲有啲木耳、腐竹、芽菜～木耳真係大大塊入哂味👍🏻-我朋友中意食鴨舌，就叫左豉油皇金菇鴨舌，呢道菜應該唔係間間都有，佢炆得幾淋幾入味，送酒好得😛同埋啲金菇索哂啲汁好正🤤-最後梗係要叫個湯喇🤭叫左個蟹肉粟米羮，粟米羹夠燙口👍🏻粟米的清甜味道配上蟹肉的鮮甜味道真係飲完抵一碗再一碗😆店員都好好服務，加水又快手，會幫埋我地換碟！讚❤️

橋底辣蟹相信唔少人都有聽過，自從之前同屋企人食過之後佢哋成日都話想再食👍🏻呢度環境有少少古色古香嘅感覺🏺🍵茶位（晚市） $10/位🥜 $8可樂（罐）$15-砵酒焗桶蠔 $188通常多人黎聚會或者係啲歷史悠久啲嘅舊飯店都會有呢道菜，不過見有啲飯店直情要早一日預訂先，即係代表呢度多人嚟食walk-in叫都有🥰真係好真係超級大隻有少少酒辟腥，好鮮甜嘅蠔味，啖啖肉勁滿足🥳-避風塘鱔球 $138呢個係我最愛，本身我個人都好鍾意食鱔，但佢呢個避風塘啲炸蒜超香，跟住啲鱔又炸得好香脆，外脆內軟😋勁好食！最快消滅左成碟😆-芝士海蝦伊麵 $168佢啲芝士勁香🤤同啲大蝦好夾，大蝦又新鮮又彈牙😁個店員仲教我哋用避風塘啲炸蒜撈落啲伊麵食超好食，真係唔錯大家叫咗呢兩碟嘅話可以試吓撈🥰🥰

是日同HONEY去開TIME SQUARE買野，去附近睇下有咩食，見到橋底辣蟹，除左蟹都有唔少中式小菜食，所以就同HONEY決定在哩度食我地的晚餐同HONEY點左幾個小菜食，見到本MENU真的好有HISTORY，以前同屋企人食得多，我同HONEY真的好少食到中菜椒鹽九肚魚，菠蘿咕嚕肉，金銀蒜茸蒸勝瓜，炸大腸，炸脆皮豆腐另外見到好多人飲青島，同老公也點左一支慢慢食~~炸大腸炸大腸真的我最愛，炸得個皮都脆，送酒一流椒鹽九肚魚椒鹽九肚魚真的我同HONEY都好鐘意食，啖啖肉，又唔會太難食，加埋口急汁真的一流~~菠蘿咕嚕肉菠蘿咕嚕肉都系平時同屋企一一定點的野食，菠蘿咕嚕肉真的好多份量，外脆肉嫩金銀蒜茸蒸勝瓜金銀蒜茸蒸勝瓜真的一定要點，爽口的勝瓜加埋生熟蒜真的好YUMMY，我同HONEY都食到LUM LUM 利~~炸脆皮豆腐炸脆皮豆腐真的好正，香口，豆腐好滑~~哩度的職員都好好服務，真的值得再來食中菜~~