橋底辣蟹

营业中

休息中

啱啱去咗一間位於 銅鑼灣駱克道 食蟹好出名嘅舖頭 呢間舖頭都好多年呀 開咗大概三十幾年 所以大家都應該聽過佢個名 橋底辣蟹 疫情後究竟啲品質係咪仍然咁好呢答案 是的食瀨尿蝦一定要食大隻 佢哋有兩個size 但係大隻多膏配上佢哋獨特嘅蒜蓉 真係 無與倫比 肉質鮮甜椒鹽鮮魷 是我最鍾意食嘅其中一樣 肉質彈口 用咗新鮮嘅鮮魷 配上薄薄的粉漿薄薄 同埋 佢哋嘅蒜蓉椒鹽 好味招牌嘅橋底辣蟹 小弟唔係好食辣所以叫咗個微辣 佢哋嘅蟹好新鮮 肉質好甜美 香口 炒到好香嘅蒜香 夾雜住少少辣椒嘅味道 真係好惹味 不愧係避風塘炒蟹 嘅表表者薑汁芥蘭爽脆鮮甜 食到停唔到口重中之重就係佢哋嘅椒鹽九肚魚 外貌雖然好似燶燶地 但係 入口好似炸牛奶咁嫩滑香脆 口感一流最後就係佢哋嘅鮮滑雞粥 雞肉啱啱熟 所以嫩滑 粥入面仲有鮑魚冬菇等材料 配上橋底辣蟹的香蒜 真係一流嘅享受這間餐廳能夠屹立到30幾年真是有他成功的原因 我一定會再來試其他菜式

朋友約食飯，一隊人排隊一個鐘頭才有位，坐定話晚市冇蟹賣？！橋底辣蟹冇蟹唔知會顧客？傻傻等位浪費時間⋯⋯螺頭湯鹹死了，炒蜆一樣鹹死了，口味差好多，服務也差，不會再去了

Spicy Crab under the Bridge🦀🦀🦀✨招牌橋底炒辣蟹蟹肉鮮甜入味，炸蒜金黃香脆，香辣過癮，風味十足。✨佛跳牆以花膠、鮑魚、海參等名貴食材燉製而成，足料滋補養顏。📍 Under Bridge Spicy Crab (Causeway Bay)G/F & 1/F, Golden Jubilee House, 391 Lockhart Road, Causeway Bay@underbridgespicycrab

叫左個孖寶餐 蟹加蟶子，等左成個鐘催足三四個伙記都無人理，個個都只係扮聽完叫你等下，但你明知佢地係明顯流單都唔會幫你跟，叫天不應咁，然後員工會係個客埋緊單時用手推開個客，完全唔明點解要光顧🤷🏻‍♂️無禮貌到一個點孖寶又加價40%但又無服務仲要講到明因為大陸開返關所以唔休做加價，本身438而家618，三催四請都當你透明，唔中意咪過住唔好食咁既態度，中意食到成肚氣咪去試下囉。 隻蟹細隻左又霉霉地d肉，橋底辣蟹愈來愈差，本身黎食過幾次但真係愈食愈差。

我同男朋友一齊之後都冇食過蟹 今次就黎試下✨招牌橋底辣蟹 $580隻蟹殼係幾大隻嘅 不過真係有肉食嘅其實唔多 🙈🙈 肉唔算好結實 有好少嘅蟹肉鮮味 🙈 不過啲蔥蒜嗰啲味就真係好香嘅 ✨豉油皇鵝腸 $78呢個麻麻地🙈🙈 啲鵝腸唔爽口 又唔香豉油皇味🥲✨避風塘鱔球 $138呢個係全餐最好食 炸到外脆內軟 有鱔嘅味道👍🍺嘉士伯（大樽）$29☕️茶位 $20總括黎講隻蟹真係唔係幾抵食 反而其他小菜唔算貴 🤔 服務方面都唔錯會提供手套食蟹 有紙巾濕紙巾 最後仲有碗咋咋送👍👍環境方面同後面枱坐得有啲近 味道❤️❤️❤️抵食❤️❤️💔服務❤️❤️❤️💔環境❤️❤️❤️💰晚餐人均～$460(收+1)

因為是朋友請客，所以不知道價錢。所以完全評論味道，不談抵唔抵食。豉油王碌卡，蝦線都不挑，因為份量太少，只有六隻，所以不知道味道；炸子雞皮又不脆、雞肉又咸；四季豆的豬肉一股豬味，肯定是冷藏的，加點東西癖腥也没有；炒麵太濕；龍蝦伊面正常，龍蝦新鮮，伊面的芝士味重；蒸魚一點點蔥段，姜絲蔥絲欠奉，帶點腥，但是蒸魚的火喉控制不錯，不老不柴。疫情3年、好多以前的橋底辣蟹都執笠，服務也一般般，骨碟滿咗都不清理。這個食物質素和服務，四個字，好自為之。

今日同班朋友，5大2小食開年飯諗住食餐好的，叫左招牌蟹，2隻龍蝦伊麵，5隻特大瀨尿蝦，同幾款小菜，總共8個餸，埋單$5600海鮮吾算新鮮，叫左個粉絲蒸聖子王，半生熟透明未蒸熟，後來蒸返出黎變左又硬又老，上湯豆苗有發泡膠，乳鴿無味道又凍，大部分菜來到都涼涼地，比甘多錢真系吾知自己食咗d咩落肚，仲要5000幾蚊食吾飽🫠真系吾會再有下次，連鯉魚門仲好食過佢….🌚🌚🌚🌚🌚🌚🌚🌚🌚🌚🌚

吃喝玩樂群組通知我「鰂魚涌公園。葛量洪號」十橋底辣蟹餐廳，團購價：$78 一位，朋友組合十人團，是日我們先到餐廳午飯，10位一枱。1雜錦海鮮湯2豉汁蒸白鱔3香芋扣肉（2份）4蓮香炆鵝5菌菇紅燒豆腐6發財沙姜豬手粒7手拍青瓜8酸菜魚9白飯任食餸菜很不錯，我特別喜歡豉汁蒸白鱔，味道鮮甜爽。手拍青瓜&沙姜豬手粒很爽脆，味道輕微麻辣。酸菜魚也很爽滑，味道較麻辣。雜錦海鮮湯的海鮮湯料很鮮爽，燒豆腐也很嫩滑。香芋扣肉夠腍菌菇紅燒豆腐蓮香炆鵝飯後由旅遊車接送到「鰂魚涌公園。葛量洪號」遊覽，由於這個地方我已經多次參觀，所以不作分享了！

放假星期六，約咗班friend喺夜晚銅鑼灣度食海鮮。喺銅鑼灣地鐵站出口行大約10分鐘內嘅路程會去到，餐廳叫做橋底辣蟹🦀🦀🦀我哋今晚叫咗十二款菜：🔸招牌橋底炒辣蟹🦀🌶️🔥黎到橋底辣蟹就梗係要食佢個炒辣蟹㗎啦，呢到蟹嘅辣度可以自由選擇，今晚我哋就叫咗兩個不同辣度的(小辣🌶️、中辣🌶️🌶️)黎試，呢一個辣蟹嘅做法，其實就好似我哋平時食開嘅避風塘炒蟹嗰個味道， 十分惹味🤩🤩🤩🔸🌶️小辣發現食落只係有好微微嘅香辣，食得辣嘅朋友一定要食中辣🌶️🌶️或以上，呢一間餐廳用嘅蟹係肉蟹，🦀肉質鮮甜，口感彈牙，份量亦都好充足💛，特別係隻蟹鉗超大隻，加上炸蒜、🌱蔥段嘅配合，真係色香味俱全啊。👍🏻🔸芝士焗龍蝦伊麵底🦞🧀芝士焗龍蝦，龍蝦新鮮，肉質彈牙，份量都好充足。不過個汁就稍為稀左少少🥲。伊麵都彈牙，唔會做到過分腍，雖然做唔到芝士焗嗰啲拉絲效果🧀，但係伊麵同龍蝦都味道同口感做得幾好。💁🏻‍♀️🔻半隻炸子雞🐥呢一個炸子雞，分量充足，亦都打得外皮香脆🍗，肉質亦都好嫩滑，🍖入口亦都唔會好油，今晚太多餸食，所以嗌半隻就啱啱好啦👍🏻🔻欖菜炒四季豆🥗、椒絲腐乳炒通菜🥕🥦、金銀蛋上湯浸小白菜🥬，呢三個菜都煮得好爽甜，蔬菜新鮮，份量亦都充足。

之前一直以為呢間橋底辣蟹好貴，但原來唔係，11點到5點有特價小菜，大部分都係五、六十蚊一個餸，好抵椒鹽九肚$88 泥猛粥$55九肚份量算多，炸到金黃香脆，唔會太咸，入面既魚肉仲食到鮮甜味，好juicy，好正！泥猛粥$55係一碗，但已經分到3小碗，想淺嘗就岩晒泥猛有魚頭魚尾，好大舊好多肉，好新鮮，粥底好綿滑，好好味秘製艇家醬魚雲煲$85魚雲好多舊，艇家醬其實係蝦醬，好香，仲有好多菇同燒豆腐，好惹味！蠔餅$78蠔餅係正宗既做法，唔係炸到脆晒，係煙煙韌韌，蠔仔又多，蛋香又濃🤤八珍炒麵$78呢個係舊式炒麵做法，入面有豬膶、蝦仁、豬肉，雞肉，豬膶好大舊，岩岩熟炒麵有脆底有軟腍，好夠味😋BB骨$88呢個係燒豬骨，原隻豬髀骨黎燒，上面鋪滿炸蒜，勁惹味！豬肉軟腍，唔鞋口，咬落仲係juicy既，總共有6舊，好抵！最後店員仲送佐綠豆沙糖水，係陳皮綠豆沙，幾特別幾好食！

食材夠新鮮，生猛的龍蝦，肥美的貝殼，特別的炒辣蟹方式肉質鮮甜多汁，食過一次令我愛上辣蟹！上次食有得揀唔辣添，甘小朋友都可以食☺️☺️老闆係很好人，待應服務態度很好

屋企人中意食蟹所以帶咗佢地去橋底辣蟹食啦，去到餐廳都算好寬敞舒適，服務都幾好，我哋點左個4人餐 $1180，好豐富好多野食花膠杞子燉雞湯好足料又夠味，好養顏補身👍🏻👍🏻橋底辣蟹可以自選辣度選了小辣🌶薑蔥蒜蓉嘅香味滲透晒成隻蟹，蟹肉微辣，味道濃郁惹味😋😋😋蒜蓉粉絲蒸聖子皇有4隻，好大隻，粉絲索晒蒜蓉超正聖子皇肉質滑柔嫩，味道好鮮甜😋😋😋清蒸沙巴斑仔肉質好鮮甜嫩滑，很有質感鮮味可口秘製沙薑雞雞肉很滑嫩，很新鮮又香口美味炒麵炒得很香口入味😋

蒜蓉蒸蝦，隻隻肉入口即溶！梅到好過份，難食到….！係咪因為外賣，冇得退貨，冇得投訴….失望….冇下次！九肚魚D骨好硬又粗，有啲魚尾一齊，又係好硬D骨，同平時洒樓食到軟身果D好唔同！黃金豆腐冇乜味，亦都因為外賣焗住，林哂！唔好其望商店會特別處理，亦都因為幾大舊，所以唔會太翠。啫啫山菜都唔係太香。姜蔥毫就幾好，新鮮嘅！特色炒飯食唔到有咩特別，蟹肉伊麵冇乜蟹肉，同食評見到的差咁多，係咪又係因為外賣所以減料。個麵的外賣盒個底因為D麵多油，溶化發宝膠，可能先放牛油紙係底好啲

橋底辣蟹一直都好出名好想食～ 咁啱約好耐冇見約朋友一齊食飯～ 我哋就去感受吓橋底辣蟹既美味啦～我地叫左個2人套餐～ 因為套餐好多野食仲好抵食😍除左原隻橋底辣蟹之外仲有佛跳牆，魚湯浸蜆，菜芯同埋甜品～ 份量仲好足❤️先講講期待已久既橋底辣蟹真係好好味～ 橋底辣蟹真係幾辣下，叫左小辣都仲係會辣到係食辣蟹既慢慢芯入去個咀唇到～ 所以食完要飲下水止下辣～ 不過愛辣人士真係一流呀～ 因為辣蟹真係好新鮮好香口好好味！佛跳牆都係一個大推既湯～ 佛跳牆內有花膠海參鮑魚等名貴食材仲要超足料超好味！另外仲有好好味既魚湯浸蜆都真心好正！個魚湯好好味～新鮮既蜆配埋個粉絲一齊食真快好夠飽肚～ 由於太好飲我keep住咁飲左好多碗！菜芯係健康咁碌左～ 配埋魚湯一齊食感覺自己很健康～ 糖水是木瓜雪耳糖水～ 超級足料好多雪耳～ 真心好好味～ 好潤～

呢間店聽就好多次，但第一次嚟食，行入大門行上一層就係，環境裝潢好有傳統舊酒樓格局，都有一啲古色古香睇過餐牌今晚食小菜，滑蛋鮮蝦仁都好碟，蛋炒到好滑，蝦仁大大粒又爽口金銀蒜蓉蝦乾蒸勝瓜果然無叫錯，首先份量同樣多，夏天食瓜類好舒服感覺，勝瓜好鮮甜，面上仲有一隻隻鹹香蝦乾，同埋有大量蒜蓉，簡直我最愛嘅配搭豉汁蒸鱔同樣好味，鱔好新鮮無泥味，蒸到剛剛好，鱔微微爽口肉香，配埋豉汁多一份惹味另外仲叫咗蟹肉湯伊麵，個唔到一窩係咁大窩，真係4人份量都有，伊麵質感正常，蟹肉嘅鮮味令到個麵好好食最後有木瓜雪耳糖水滋潤一下