樓下冰室

营业中

休息中

最鐘意食呢間既瑞士汁雞翼！每次黎到到必叫！本身係荃灣先有，依家開係屋企附近，方便左好多，所以成日都會黎食一如其他分店，店舖裝修都係懷舊feel，地方大，坐得舒服招牌名菜:瑞士汁雞翼！係全翼黎架雞翼好入味，濃旭既瑞士汁，甜甜地，加埋其他香料既味道，配合得好好，又香又美味！望相都見到雞翼漲卜卜，唔會因為煮得耐而老晒。時間控制得剛剛好，肉質好嫩滑，咬開仲有肉汁流出黎！好好味！必食！肉醬焗薯芝士同肉醬都好多，茄汁酸酸地，好開胃！薯角脆脆地，好淋好粉！徳國雜腸有四種腸，卜卜脆。中間果只有啲辣，芝士腸爆多芝士！芝士焗西蘭花芝士焗到脆脆地，白汁西蘭花焗到剛好，唔會淋晒，爽口。茄牛通！又係一樣必食送菜介紹話係用200斤蕃茄，雞骨同豬骨煲10個鐘而成！個湯真係超濃，超香濃既蕃茄味！無得彈！牛肉大大件，夠稔身。滑蛋嫩滑有蛋味！價格實惠又好味，開餐聚腳地！

今日去油塘搵朋友做gym，做完gym食好西係基本，本身想帶佢去中環soho食靚野，點知佢搭多兩個站都嫌遠，所以我就近近地帶佢黎食個冰室。抵食，平得黎又好味、大份。呢間係鰂魚涌既樓下冰室，一出站就見到，無得再嫌遠啦掛！呢到主打蕃茄湯底同瑞士雞脾，亦都有其他冰室特色食物。唔講咁多先上個瑞士汁大雞脾，見到都流晒口水，瑞汁勁入味，雞脾一啲都唔老，好嫩滑，個汁都調得好好，唔太甜太咸。咖喱雞飯都好高質，望落去咖喱係起晒沙，椰汁味濃，亦唔會好稀好水，食落好滋味。炸雞翼味道都唔錯，炸得好香脆，不過我覺得有少少dry，如果有啲醬汁軟化下就更好啦！炸雞粒唔會好厚粉，食落啲雞粒都唔硬，入面都keep到嫩滑多汁，抵讚！肉醬芝士焗薯角，一放低已經勁香肉醬味，肉醬夠晒咸好出色，但美中不足就係啲薯角太大舊同唔係同肉醬好match，不太入味，食落好大舊澱粉味。呢兩杯特飲真係無得輸！椰汁綠豆冰勁重椰汁，而且綠豆係用綠豆蓉而唔係綠豆粒，飲落去好match，唔會變左要咬一粒粒硬綠豆，非常細心抵讚！另外係菠蘿冰，飲落勁fresh，個人都精神返晒，入面啲菠蘿片都好鮮甜，最後食到一片菠蘿都無晒！

.上星期同同事係鰂魚涌出job緊係四圍搵下有咩食見到呢間樓下冰室😍佢未食過我之前食過荃灣分店覺得幾好食即刻同佢入去整返個lunch !!!.必食的一定係蕃茄蛋螺絲粉同瑞士汁雞翼！呢兩樣嘢一定係不可或缺既主打蕃茄蛋係好香濃 湯亦剛剛好不會太咸濃稠度👍🏻螺絲粉都好掛汁 份量都幾多瑞士汁雞翼以甜為主 係超入味 雞肉好軟腍每人仲要有2隻大全翼 一定夠晒喉❤️😍.食完甜又想有少少辣既衝擊可以試下口水雞小食 帶點麻辣既感覺 屬小辣雞肉都保持到嫩滑 唔會嚡口.最後當然少不了呢度既阿華田脆脆飲品凍阿華田上面舖滿阿華田脆脆可以mix埋飲 我就中意用匙羹就咁食😂😂😂各有風味 特色飲品少不了🥰

香煎豬扒+炒蛋蕃茄通 （$55）豬扒🐷 很厚身 很巨型 肉質彈牙 厚實調味剛好 不會過鹹 炒蛋 🐣一如既往的嫩滑 不會因為泡在熱湯裡做變了全熟蕃茄湯🍅 是我最愛的味道！夠酸夠甜 不會有人工的味道 有很多鮮蕃茄粒 喝完也不會口渴🧸大愛！！芝士蒜蓉多士 （$28）很鬆軟 一口咬下去的時候 真的感動到眼淚快噴出來 芝士和蒜蓉的味道很搭 很平衡 不會互搶風頭 好吃到想多點3塊🍞🥺🥺凍檸茶 （$10） 飲品半價這飲料就不過不失 茶味濃 但沒有很香檸檬份量給的很足夠🥰🥰🥰🥰🥰🥰🥰🥰🥰唯一要挑剔的便是店員的服務態度 店裡的職員平均都是中年 我今天大概下午5時多到達 店內不足一半客人 店員應該沒有應接不暇的情況 講話語氣很呼喝 又會迫我趕快下單 又一直在收拾我桌面上的碗碗碟碟 在我詢問有關餐牌上的問題時 該位店員並沒有回答 只用兇惡的眼神看著我 ：（

平時都有叫開呢間外賣，因為我覺得佢嘅蕃茄濃湯通粉都正正常常... 今日叫foodpanda，點咗蕃茄濃湯通粉配鮮牛肉，另外咗時蔬，等咗半個鐘，結果嚟到滑蛋冇加到落去... 咁我都即時打落去問，諗住佢會即時配返俾我，打到去個阿姐單又攪唔清楚咁樣，講完一輪先話下次補返俾我... 我問佢點樣補，叫我再叫返foodpanda之後打返去同佢哋講... 真心好無奈，你比漏咗食物人，唔係應該即時送返俾人㗎咩？你仲諗住我係會叫下一次，等你再送返俾我，咁我下一次唔通食兩份炒蛋嗎？嬲到我..

特色蕃茄濃湯通粉配牛乳炒蛋吉列豬排 ($55)見佢話係必食推介~好多蕃茄粒,個濃湯真係好濃蕃茄味平時係茶餐廳叫蕃茄濃湯係比較油同重味但呢個明顯少油好多,係健康啲天然啲嘅味道~真係飲到純蕃茄味!! 正!至於個炒蛋呢都冇咩野彈,好嫩好滑~佢放係通粉上面一齊出,少少蛋漿mix埋落個湯到~又另一番風味吉列豬成塊上,幾大塊下吉列鬆脆,肉嫰~~成個餐好似好少野，但係已經好飽😝Recommendation rating (out of five):

從荃灣開到鰂魚涌, 樓下冰室最出名名的, 依然是它的濃厚蕃茄湯通粉和瑞士汁雞脾/翼, 當然它也會推出其他的菜式如湯飯等, 但主打的依然是這兩項. 作為鰂魚涌的Working Lunch, 它是不少打工仔的選擇, 而常餐有齊蕃茄濃湯通粉及瑞士汁雞睥這兩個Key Items, 不用想太多. 前者湯汁有大量蕃茄碎, 天然的酸和茄膏的甜酸調和得不錯, 通粉口感有點過腍, 這比較可惜, 和勝香園就是差一點. 後者雞脾大大隻啖啖肉, 沒有雪味, 瑞士汁豐富而深入皮層內, 味道甜多於鹹, 容易入口, 而肉質也夠腍, 沒有太多要批評的地方. 它的三寶飯就是瑞士汁雞翼, 厚叉燒和煎蛋飯, 配上蔥油和雞翼上的瑞士汁, 又是邪惡的組合. 只是叉燒完全沒有肥肉, 而且是厚切的關係, 要令其全熟, 甚至外面帶焦香味, 又要保持其腍身相對困難. 吃下去, 就是有點兩頭唔到岸的情況. 不知廚師用的梅頭是第一刀還是第二刀, 如果是前者應該還有一點是脂肪和肥肉, 如果是後者, 以我都極度有限的廚藝知識, 還是用來煲湯好了. 有人說它在荃灣的半店是藍店, 這些Heresay當然可作是光顧與否的參考, 我只會說食物質素不差

樓下冰室以懷舊modern為主題的冰室，提供各式飯麵、多士及扒餐等。我們試了公司三文治，口水雞，瑞士雞髀。公司三文治整得幾好，有烘過麵包底，厚蛋,牛餐肉,芝士,沙津醬,番蕃茄,菜,多重口感,夠飽肚,又好味。粗薯條份量多！口水雞辣度好溫和，雞肉嫩口，有小小jelly，雞皮爽，唔會覺得太油膩，入口只係微麻微辣。雞份量都多，好好食，瑞士雞髀，雞皮食落相當入味，雞髀好多肉，肉軟腍，啖啖肉，好易咬，瑞士汁咸度適中，帶微甜，好入味。

今日突然想吃茶餐廳，於是放工後和朋友去茶餐廳吃飯。茶餐廳位置佔盡優勢，餐廳位於地鐵站出口馬路對面，路程大約一分鐘吧。餐廳燈光明亮，裝潢走特色香港風，有不少香港特色招牌做佈置。這裏的招牌菜應該是番茄湯配炒蛋，我點了一份，再點其他小吃。⭐️西多士$28西多士不是一般的西多士，尺寸和厚度都很有份量，誠意十足。一切開，夾層有花生醬，特有的口感，此味只應茶餐廳有。⭐️吉列豬扒配厚切牛乳炒蛋知及粟米什果沙律$58我覺得最抵食一定是這個餐，有一份超厚蛋三明治、一塊炸豬排和沙律。特厚三明治口感很棒，特厚的蛋入口很澎拜。炸豬排炸得香脆，豬排嫩而有肉汁，不錯。⭐️特色蕃茄濃湯通粉配牛乳炒蛋$55番茄湯有番茄粒，番茄已經煮得稀稀爛爛，味道香淡。配上一餸腸仔，一定夠飽。⭐️菠蘿油$18麵包鬆軟，但不夠綿密，兩口就吞進肚子裡。⭐️利賓納$8原來有熱利賓納，感覺很特別。▫️我本身是西多士控，只要有西多士就很滿意。蛋三明治也很驚喜。

呢間冰室平時午餐同同事都會見到不過一直都好多人未有機會試今晚約咗朋友睇戲決定睇之前試一試呢間冰室呢間餐廳竟然做到六點鐘都仲有下午茶 我哋就先要咗一個瑞士汁雞髀配沙律 慢慢睇餐牌朋友要咗一個花膠雞米線而我就要咗個咖哩牛腩飯首先講下個瑞士汁雞髀 味道唔會太鹹 調味啱啱好 帶少甜 雞髀亦都唔會煮到太老 唔錯 而個沙律就正正常常啦冇乜特別朋友唔知係咪畀佢嘅瑞士汁雞髀嘅好味吸引咗 又再嗌多個雞嘅主食我覺得冰室比較少有喎 花膠我見佢都有唔少件 雞髀都幾大隻 佢話雞都嫩滑幾有雞味 份量唔少至於我個咖哩牛腩 其實我好鍾意喺茶餐廳嗌咖哩食 呢度嘅咖哩都幾滿足到我 食落有咖喱香味 少少辣味 好岩送飯 同樣食物份量好多最正係冰室有好多特別嘅飲品今次我就嗌咗呢個綠豆冰 朋友就揀紅豆奶茶 兩樣都非常唔錯 我個綠豆冰加埋椰汁真係飲到停唔到口

今日早收工嚟到食樓下冰室😍叫左招牌番茄湯螺絲粉配吉列豬扒🥳 番茄湯係清甜d個種，唔會太重口味！配上滑蛋食好夾，而螺絲粉都好好咁上哂d湯👏🏻👏🏻吉豬都好大件下，食落十分脆口，仲要粉唔厚添！另外點左咖哩牛腩飯🤩 咖哩味香濃，入面d牛腩煮得夠入味又腍！仲有d薯仔添😻娃娃菜浸雞湯真係冇得輸🤣 上面仲有d菇添😋小食叫左個芝士肉醬薯角😍 呢個好驚喜！芝士又夠拉絲！味道仲唔會太重口味添👏🏻👏🏻叫左杯華田脆脆🥳😋 當甜品一流呀🥰

個日去開鰂魚涌太古坊好似無咩野食 就比呢個裝修好特別既冰室吸引左入黎🤭 入到去坐 真係覺得個裝修好靚 好有港味特色😍 估唔到 冰室都有咁出色既Design 😍 忍唔住要打下卡🤣 佢個Menu 都好靚 好整齊 同埋價錢唔貴！ 我個晚2個人叫左 2個小食 2杯野飲 2個飯都係 $207左右！ 抵食又大件！ 建議細食嘅朋友可以少飯🤣🤣 我同朋友都食唔晒啲飯🙈🙈我諗食咩既時候睇漏咗呢一個menu!! 個口水雞好似好吸引🥺🥺🥺- 蔥花叉燒滑蛋飯 $55 不得了！ 勁多蛋 D蛋勁滑！ 蔥花好香！ 重要好多叉燒！ 好足料！ 重要d鼓油都應該係秘製豉油！ 懷疑加咗佢個招牌瑞士汁🥴🥴$55好抵食！ 重點係！ 佢d叉燒唔會切到大大嚿 好難入口！ 而係岩岩一啖可以有儀態咁放得入口！ 超抵讚！ 😍😍-招牌瑞士雞髀$ 30 真係好味！ 瑞士汁好香濃 雞髀好大 d肉一啲都唔柴！ 好滑！ 好入味 好香 真係要試！ 果然係招牌-雞湯浸什菌娃娃菜 $40食咁多邪惡野梗係要扮吓健康 所以叫咗個菜 份量岩岩好 啲娃娃菜好甜🤤-阿華田脆脆（跟飯就半價） 好邪惡啊🙈 呢一餐糖分爆燈 但係有時候係要開心下既🤣 好鍾意上面嗰層脆

今日行下鰂魚涌，發現原來都有樓下冰室。好懷念呢間餐廳。入到去，都係一個懷舊復古風格既冰室。入邊超涼爽。叫左個茄蛋通。每次食一定要叫。因為湯底真係無得輸。酸酸甜甜又超級濃郁既蕃茄湯底，越食就越開胃。同埋份量勝在夠多。暖笠笠，同蛋一齊食，甜上加香，好舒服。之後叫左個厚切蛋治。個蛋真係超級超級厚切。係好誇張個隻。食一啖，蛋既香滑味出曬黎，入邊好juicy。加埋鬆軟既麵包，真係好滿足好香，性價比高。叫多個瑞士雞腿。雞腿大舊。瑞士汁依然咁獨特。濃郁，唔係單單得個甜味，仲有獨特香料，少少微微的苦味，食完有回甘既味道。口腔大爆炸。好鍾意食佢個瑞士汁。雞肉都入曬味，正。叉燒蛋飯好靚。大大個蛋，叉燒又好濃味。叉燒蛋加飯呢個組合無得輸。又係一個可以代表香港既菜色。蛋好滑，加蔥花的香味。越食就不知不覺食左好多，好快食完。之後叫左杯必叫的綠椰冰。好多好多既綠豆，加埋椰汁既醇香味，超級解暑。食完飲返杯好滿足。好抵食，下次會再食！

連續幾個星期也有晚上課程要上，由七點到十點。趁著今天可以早點下班，特別先到公司附近的茶餐廳吃過飯，然後才上堂。樓下冰室位於鰂魚涌英皇道，一出地鐵站便看到，地點方便就腳。這裏裝修以舊香港茶餐廳為主題 ，感覺令人舒服。枱與枱之間距離足夠，入座時也有量度體溫，抵炎工作做足。一個人的浪漫，特意叫了花膠雞米線和熱檸蜜，吃一餐好。花膠雞米線 (⭐⭐⭐⭐⭐)這個米線份量驚人，兩個男孩分享也絕對足夠。花膠一共有五六片，厚身，而且十分爽口，吃起來骨膠原十足。另外的雞也有大約四分之一隻。吃起來嫩口，而且十分入味。跟餐飲品 (⭐⭐⭐⭐💢)這個雞米線可以以半價加配飲品的。這個檸檬菜蜜十分潤喉，而且不太甜，為今天的速食晚餐劃上完美的句號。總括而言，這間餐廳食物質素高，而且地點方便。下次午膳經過也可以試一試 ~~~~~~~~~~~~~~~~~~~~~~~~~   樓下冰室 鰂魚涌英皇道967號地下推介菜式: 花膠雞米線👍🏻地點方便👍🏻價錢合理

同朋友兩個人食飯，我哋全日都冇食嘢，所以真係勁肚餓。 屋企樓下呢一間冰室算好平，又多嘢食。所以我哋就係咁瘋狂嗌嘢食😂首先梗係要食佢哋嘅瑞士雞翼啦，但我冇諗過竟然係全翼，而且啲瑞士汁都好入味，個汁比較甜。 飲品方面，個人覺得佢個菜蜜唔係好甜，非常之好！！而且佢啲冰比較細粒，容易啲溶化。餐牌上面最吸引嘅就係呢一個滑蛋叉燒飯，首先講吓佢啲飯嘅份量非常之多，肯定至少有兩碗飯嘅份量！而佢啲滑蛋做得好好，配埋啲醬汁，味道好夾。你啲叉燒嘅份量都幾多，亦都唔會好硬身。 由於我係口水雞嘅愛好者，見到佢竟然有得小食咁嗌，就梗係要食下啦！佢嘅口水雞竟然俾咗雞髀嘅部位我，多肉而且嫩滑，易啲辣椒油，唔會好辣。 最後我同我朋友兩個大胃王，仲嗌左薯角同炸餃子，我同朋友都覺得佢個炸餃子最好食！！佢好食嘅位係啲皮真係好脆身，而且入邊啲韭菜份量好多！味道都調得啱啱好！而佢薯角上面嘅肉醬都好惹味，完全係可以撈飯嚟食！