樓下冰室

营业中

休息中

位於鰂魚涌嘅呢間樓下冰室，主打懷舊冰室美食。地方闊落，而且餐牌選擇眾多，食物質素亦都唔錯，而且夥計嘅服務態度都唔錯，非常推介大家去幫襯懷舊風味餐牌選擇非常多而且每款菜式都係大約50至$60左右，除咗普通茶餐廳嗌嘅小食之外餐廳亦都有一啲係其他茶餐廳搵唔到嘅特別菜式例如係花膠雞湯麵線， 而飲品方面佢哋都有自家製嘅綠豆椰汁冰同埋阿華田脆脆。 最重要係，佢地標榜菜式全部都係不含味精嘅，食落就會更安心。同兩個朋友一齊我哋點左一個金牌咖喱牛腩飯，朋友點左個蕃茄通粉滑蛋加配瑞士雞髀，同埋一份蛋治。嘢飲方面我哋點左阿華田脆脆同埋綠豆椰汁冰。咖喱牛腩飯係餐廳一個重點推介，我去過好多茶餐廳食咖喱牛腩飯， 但係呢都幾咖喱牛腩飯比其他地方優勝之處係佢有牛腩同有牛筋比例啱啱好。有時候一啲餐廳嘅牛筋過多，真係破壞成碟餸。而且食落就聞到香料味道同埋椰汁嘅香濃味道。鮮茄通粉嘅湯底非常之鮮甜真係好難以至信佢冇加任何嘅味精，都可以做到咁甜咁好味冇諗過簡單一個蛋治呢度竟然可以整得咁好食而且蛋嘅份量十足，真係有啲驚喜。而綠豆椰汁冰係難以置信嘅好飲。本身以為綠豆應該係綠色嘅，原來佢係拎咗綠豆蓉嘅部份自家煮完，之後再加上椰汁冰。

頭抽瑞士汁雞髀🍗$39+$3（雞髀）配粟米什果沙律，另外凍檸茶$3=$45講真唔算平，不過佢個介紹用頭抽瑞士汁，又八角、花椒，唔太識欣賞😄整體來講，唔太甜、肉質都嫩滑，沙律太飽無食到，好彩係外賣兜。唔知係咪食環署要求，定係臨近6點外賣時間😂西多士$32+凍檸茶$3=$35真係超厚底，食完當晚餐🥺水準確係唔錯，金黃色香脆唔油膩；唔會死死實硬屈屈，茶餐廳水準好過快餐店之分別餐廳強調不含味精，下次再試懷舊風格

好耐之前係好偶爾嘅情況下發掘到嘅餐廳，然後每次去到都係嗌返呢一個套餐😂 特色蕃茄濃湯螺絲粉🥫 配 牛乳炒蛋🍳招牌瑞士雞髀🍗 $55蕃茄湯好濃郁，唔係茄膏整出嚟嘅假甜味，真係滿滿好多蕃茄肉嘅蕃茄湯！店舖係用新鮮蕃茄無加味精煮成湯底，味道清甜，啲蕃茄肉亦多到啖啖都食到🍅🍅🍅面頭嘅炒滑蛋好香牛乳味，滑溜溜的🍳同蕃茄湯好夾，另外麵底可以選擇通粉公仔麵等等，暫時覺得螺絲粉最夾啦👅瑞士雞髀每次食都係好大隻，佢地特製嘅瑞士汁好特別，有陣八角香味，唔算好甜，可惜入面雞肉就唔夠入味，要點碟入面嘅瑞士汁食就好啲，不過肉質滑溜，同埋成個餐都好抵食！有時簡單烹調就最好味😋

《樓下叫外賣啦喂🥳》———————————————-#樓下冰室🏡疫情反彈，又黎收緊限聚令，去邊度食野都要限住每枱最多8人。唉，出街食咁危，叫外賣罷啦。最近最中意用網上外賣平台呢啲外賣APP，原來係鰂魚涌都有唔少選擇。想食啲地道港式茶記，就試下呢間樓下冰室啦～🥰-佢既自家製蔥花叉燒滑蛋飯做得唔錯，大大塊滑蛋包住白飯，叉燒份量亦好多，配埋豉油汁直情就係絕配，招牌厚切豬扒煎雙蛋飯亦都好正，重點係個蔥油，非常惹味。另外，招牌瑞士雞髀亦係必食，一睇個樣已經知冇得頂，因為實在好大隻雞髀。雞肉吸收哂醬汁，啖啖肉好滿足！🤣-⭐ 參考價錢︰自家製蔥花叉燒滑蛋飯︰$60招牌厚切豬扒煎雙蛋飯配秘製香蔥豉油汁︰$60招牌瑞士雞髀︰$38-🍌抵deal 指數：7/10💰人均消費：$60-70

一直都間唔中幫襯樓下冰室, 雞脾好食入味, 食物質素唔錯, 但今日真係不吐不快. 事源今日12點和同事去食LUNCH, 到達時眼見冰室有大量吉枱 (半間係冇人), 於是就入去啦. 門口問我地幾多人, 我地話4個人齊, 於是門口就叫我地行入去. 我地就一直行入去啦, 突然有位員工 (粉紅色衫短髮) 無啦啦叫我地坐番出去門口果張枱, 我話既然入面大把位, 我地又人齊, 點解要坐出面? 點知果位員工回應: 你係食就坐番出去, 唔鍾意可以走....  真係好嬲, 我都知道我俾$58 蚊, 真係唔應該有咩特別要求, 但你地D位又係吉, 我地只係想坐入面啫,  有咩問題, 點解要無啦啦俾你咁樣呼喝, 真係好無禮貌囉.... 

點餐時已即時同個侍應呀姐講轉另一杯野飲，但個侍應呀姐面部扭曲，語氣勁差，態度囂張惡劣，話朱古力同阿華田都唔識分，又話已經落左單，其實即時落既時候已話唔好意思想更正杯野飲，係咪可以咁快就即時沖左？服務態度強差人意。特別依家疫情好多人都失業，如果無心做不如留比更有需要既人喇。

約咗朋友一齊食午餐，佢地推介鰂魚涌呢間樓下冰室，呢個名好好記呀😂😂又有我最愛嘅常餐，有麵+炒滑蛋+多士，但餓得濟唔記得影相添！我點咗豬骨湯叉燒通粉，可惜豬骨湯底略咸，重口味咗少少🤭但炒滑蛋好大份，亦都炒得好滑，有入口即融嘅感覺👍🏼👍🏼多士就一般般，唔夠脆，勝在夠大塊，又係份量取勝😂朋友食滑蛋叉燒飯，睇樣都覺得好吸引啦🤤佢地嘅滑蛋做得唔錯，份量亦俾得好大方，下次有機會要再試吓其他出品先！

一場過到嚟 #鰂魚涌，點都要四圍行吓先心息。熟悉嘅 #食店 慣性星期六日都唔做生意，想搵個地方飲杯嘢都好難😏 唯一最近 #港鐵站 嘅就只有「樓下冰室」。記得新開張嘅時候，#小秘書 同 #同事 嚟過，不過覺得食物口味太甜，所以之後都無幫襯過。呢日我哋跟 #餐牌 嘅「6大必食」推介，叫咗碟 #招牌 #厚切豬扒煎雙蛋飯 ... 原來只不過如此 🤨 #煎雙蛋 層層疊、薄如紙😏 問阿姐點解脹卜卜嘅 #煎雙蛋 會變成咁... 佢叫我唔好掛住睇餐牌上張相，都只係設計圖一張😅 咁豈不是廚師煮咩比我都要食？好在件 #豬扒 肉質都算唔錯🤤 而伴飯嘅就用咗佢哋 #馳名 嘅 #瑞士汁... 都係果句「甜咗啲囉」😅

呢日去咗鰂魚涌，一出地鐵站就見到呢間咁耀眼嘅樓下冰室🤣於是就去試下啦！炸薯角炸到好脆身，食落脆卜卜👍🏻炸韭菜餃子一樣炸到好脆身，而且饀好足，好多韭菜😋呢道$55一個set，包一碗粉，雞脾同野飲，幾抵食👍🏻唔好以為套餐價隻雞脾實好細隻，隻雞脾無縮水之餘，肉唔“鞋”，而且juicy唔乾身，加上瑞士汁索到入肉，好入味，果然係招牌菜😋 通粉都好啱我胃口, 係厚身同埋彈牙嗰種，而蕃茄湯認真濃，有好多蕃茄，酸酸甜甜，配上面嘅牛乳炒蛋一齊食, 即即刻無咁膩😋 雖然話係即叫即製, 不過落單後 5分鐘就上枱, 超快!! 成個飯好大份, 非常抵食, 豬扒偏軟同淋身, 好味😋華田脆脆好濃!! 配今餐嘅濃味食物都夾嘅有大半杯都係新鮮菠蘿, 味道清新, 作為飯後飲品一流👍🏻總括嚟講，呢道嘅蕃茄湯粉同埋瑞士雞脾真係幾出色，一定要試下😋

【#SUPERMAMA開心SHARE】雞亦party @樓下冰室很久沒約朋友出街了 到太古坊約朋友 今次選了去樓下冰室食飯看裝修就知道 充滿香港情懷的店子此店以滷水雞比及滷水雞亦馳名 又點少得推介比遠道而來的朋友？全隻炸雞亦極香脆 味道帶微辣，香口好食炸餃子更是惹味 內裡是飽滿的韭菜 放工後來吃，絕對不怕大口氣滷水雞亦 皮滑肉嫩，帶有濃濃的滷水甜香 非常吸引人 吃一口就明白為何是招牌菜式豬潤即食麵 豬潤，好沙，超好吃，還送香滑炒蛋 配以豬骨濃湯，非常滋味朋友推介點了花膠雞湯米線 確是份量十足！ 一隻新鮮雞比，再加大量滑滑花膠 雞湯香濃，真心抵食！今晚熱辣辣，就點了一杯鮮菠蘿冰 味道新鮮又香甜，好好飲，好解熱 朋友要了杯柯華田脆脆 極香朱古力味 是來此間必飲的特飲！  

呢間舖一開業就好受歡迎最出名就係食瑞士雞髀每一日都大排長龍㗎難得去試 緊係去食佢哋嘅經典雞髀餐有瑞士雞髀一隻仲有炒蛋蕃茄通粉都係50蚊左右咋非常之抵瑞士汁好濃雞髀非常香滑入面有肉汁味道啱啱好而家啲嘅蕃茄湯非常吸引因為有好多蕃茄湯味濃郁仲可以加辣㗎不過建議試小辣先因為小辣都幾辣不過我就覺得唔係好食啲除咗價錢平食物質素唔錯之外茶記黎講 呢間餐廳都算闊落店員都幾有禮貌㗎大家黎開北角不妨一試相信都滿足到位食嘅你哋

蕃茄濃湯通心粉有好濃嘅蕃茄湯底，唔係水汪汪嗰種，味道酸酸甜甜，令人胃口大開！通粉冇紋，但又唔係快熟嗰啲咁林，反而口感就硬啲，食開林身嘅通粉可能會嫌呢度嘅太硬！另外，以為炒蛋另上，點知擺埋一齊喺碗度，但可能即炒同放喺面嘅關係，啲蛋仍然好滑！配埋個瑞士汁雞髀，出哂煙咁上，肉質好滑，啲肉好易就撕開，睇得出煮到隻雞髀好林。食落甜甜地嘅瑞士汁，雞肉都吸哂醬汁嘅味！另外，我自己就叫左黑椒汁牛扒煎雙蛋飯，味道正正常常！汁多所以好好送飯，牛扒亦好大塊。如果隻煎蛋可以煎返生啲，流汁嘅話就仲好！綠豆椰汁冰同紅豆冰，綠椰冰嘅綠豆比紅豆煮得林啲，兩杯嘅豆都好足料，都有接近半杯！整體呢間冰室都食得過！

同友人港島行完街搵食被樓下冰室嘅懷舊門面吸引😍友人又對招牌番茄通好有興趣就決定試下店內用上傳統pattern嘅地磚牆磚全店裝潢都玩味十足😛霓虹燈吊牌「金宵歌舞廳」「呢度埋單」諗唔到冰室都可以咁IGable😆舖頭正正係鰂魚涌站出口對面街位置極好👍🏻👍🏻西多士($28)最受歡迎嘅港式小食之一😋即叫即整 香噴噴熱辣辣😘絕對唔係空心西多嚟㗎！內有厚厚的粗粒花生醬😍好邪惡但好正呀！🤣用上獨立包裝糖漿夠哂衛生🙂招牌瑞士雞髀($30)必點招牌小食！！雞髀大大隻😚瑞士汁浸得剛好外層表皮入哂味而雞肉保持到雪白 中和返瑞士汁嘅重甜因為如果連內裡都染埋色 雞肉必定好柴兼甜到膩口「樓下冰室」嘅瑞士雞髀完美地做到balance！番茄濃湯通粉配牛乳炒蛋($54)兩餸: 鮮豬潤、芝士菠菜另一招牌菜式芝士菠菜連滑蛋一齊炒 好特別😋湯底有番茄肉 相當濃稠通粉份量好多配上濃郁番茄湯好夠味自家製蔥花叉燒滑蛋飯($55)不得不說店家真係好大方面頭嘅滑蛋真係大過小編塊面🤣完全包裹白飯 叉燒份量亦好多白飯配豉油汁 絕配😘啖啖滑蛋啖啖肉🤣好滿足！華田脆脆(跟餐+$12)阿華田面頭灑上脆脆 多一重口感😋紅豆冰(跟餐+$12)

之前黎過好幾次都係食早餐（最愛番茄湯螺絲粉🤤），今晚就約左朋友黎食晚餐，原來晚餐都幾多選擇！呢到裝修好有特色真係唔駛多講，成日食食下野就俾個環境吸引住🤣不過因為疫情關係所以最近檯與檯之間加多左幾塊板。我地叫左花膠雞米線、胡椒豬肚滑雞泡飯、瑞士雞脾、炸海鮮芝士豆腐、焗芝士肉醬薯角，仲有兩杯野飲😋花膠雞湯米線，料好足，有大大舊花膠，加埋雞去煮既湯夠哂清甜。胡椒豬肚滑雞泡飯，入口辣辣地，好開胃🤪豬肚加酸菜加雞再加埋泡飯...真係好夠份量！瑞士雞脾大大隻，味道調得岩岩好，甜甜地咁，雞肉質感亦好嫩滑，tea time黎食既話應該都唔錯🤤炸海鮮芝士豆腐，炸得岩岩好唔會太油膩，點沙律醬感覺更惹味😋焗芝士肉醬薯角，岩岩出爐熱辣辣，同芝士肉醬一齊煮令單調既薯角都變得更有風味👍🏻另外仲一人叫左一杯野飲，朋友叫左鹹檸七，我叫左椰汁冰，椰味夠濃，唔錯😆

樓下三寶飯$58自家製免切叉燒，瑞士雞翼，煎蛋一見叉燒上碟時覺得好厚好肥好食既叉燒應該係肥膏瘦肉間著間著咁咁食落先好食但舊叉燒係一層好厚既肥膏然後係瘦肉燒得唔香總體覺得麻麻瑞士雞翼不過不失，冇想像中咁驚喜午餐係鰂魚涌附近黎計，$58算係咁，唔係貴又唔係平但見隔離叫雞髀同蔥花蛋飯又幾吸引我不禁諗係唔係自己叫錯野食呢碟三寶飯有點失望