樓下冰室

营业中

休息中

叫外賣免治牛肉飯，因為突然好想食，預咗唔會好似其他豬扒飯雞扒飯咁多肉。但我眼見成盒飯都係汁同埋蘿蔔，真係數唔夠5g 肉！！其實已經係cheap肉，究竟啲肉值幾多錢？？做生意係咁做嘅咩？？實在冇良心到一個點！都唔係淨係錢嘅問題，叫咗呢個外賣得汁同飯，食唔飽，又要嘥時間再叫過第二間，真係好嬲！！平時有叫開覺得其他嘢食，例如瑞士雞翼雞髀不錯，所以都耐唔時有叫吓。而家真係嚇親我，應該唔會對呢間餐廳再有信心！

朋友今日約我黎呢間樓下冰室食飯，本身唔係好識鰂魚涌D路仲諗住有排搵，點知原來一出地鐵站過馬路就係，非常方便!朋友推介呢度既厚切牛乳蛋治同瑞士雞脾，我又肚餓想食飯，叫下叫下叫左成檯野!厚切牛乳蛋治果然非常厚切，本人對蛋治冇抗拒能力，咁厚既蛋治更加吸引眼球!食落蛋味濃又滿足感十足!蛋迷必點之選!瑞士雞脾上檯既時候熱辣辣，雞脾好大隻，瑞士汁甜甜地完全包住成隻雞脾，而且唔係只係表面有味，入面既雞肉都好入味，肉質亦唔鞋，好快食哂成隻! 瑞士雞脾冇得輸!西多士厚身既西多士上面伴住一大片牛油，由於熱度夠所以牛油極速溶左!滲哂入麵包度，油脂香味四溢又夠濕潤，入面夾心係花生醬，份量唔算好多但由於牛油同糖漿都已經為西多增添左好多味道，所以仍屬吸引之選!樓下三寶飯三寶包括免切叉燒、煎蛋、瑞士雞翼。免切叉燒偏瘦，食落罪惡感冇咁強，但又唔會至於太鞋，瑞士雞翼由於瑞士汁既關係亦同雞脾一樣非常入味，煎蛋係太陽蛋，可以吉穿蛋黃流D蛋汁落飯度撈黎食，飯底有豉油伴黎食，成碟飯既配撘都唔錯!金牌咖哩牛腩飯咖哩既味道係港式咖哩，即係有咖哩香而又唔會太辣，入面既薯仔切成細細粒炆得軟林，牛腩亦夠林又唔會痴牙，一路食一路以咖哩撈飯

今日好忙，無時買餸，提議外出用膳。老公話不如行遠少少，去試下呢間番茄濃湯•瑞士雞髀專店。其實這間餐廳都開咗有大半年，一直都未有時間幫襯。睇過網上資料，原來呢間冰室已經係餐廳嘅第二間分店，可見有一定實力。門口的紅字店名非常搶眼，大大個，離遠已可看到。冰室裝修走懷舊風，店內掛滿歌舞廳、飯店、茶檔、電影院等招牌，加上四周的復古擺設、特色霓虹燈牌等，令人有種重溫舊日時光之感。先細看餐牌，食物以港式美食為主，除了主打的番茄湯和瑞士雞髀外，還有不少湯粉/麵/飯、特色小食和飲品等供應，選擇也不算少。「特色番茄濃湯通粉」同「瑞士雞髀」係冰室嘅兩大人氣招牌美食，一場嚟到，當然不可以錯過。揀咗個雙拼套餐，只是 $55，通粉可轉螺絲粉、意粉、米線、公仔麵或湯飯，而且還可選辣或不辣，另外亦可以轉香濃豬骨湯底。番茄湯底食得出係用新鮮番茄煮成嘅，色澤鮮艷吸引，入口濃稠得宜，酸中帶甜，味道自然，也喝得出有加香草及紅酒調配，足證真材實料。意粉煮得剛剛好，甚有咬口，火候掌握得很不錯，再配上嫩滑嘅牛乳炒蛋，Creamy 好吃。招牌瑞士雞髀亦常美味，大大隻、啖啖肉，而且瑞士汁甜度啱啱好，滷得夠時間又入味，咬落肉質嫩滑，無渣

好耐冇食過地道港式茶餐廳，今晚放左工就同同事去左太古坊附近既樓下冰室度食。店內富有舊式香港情懷既佈置，餐牌上既食物都琳琅滿目，款款都好想食。最後，我地叫左個特色蕃茄濃湯通粉配牛乳炒蛋+吉列魚柳扒(HKD 55)，招牌瑞士雞脾+牛油厚多士+粟米什果沙律 (HKD 58)。仲加左兩個小食：炸海鮮芝士豆腐(6粒/HKD 35)和炸韮菜餃子(8隻/HKD 35)。飲品叫左忌廉紅豆冰(HKD 30)和紅綠椰冰(HKD 24)。牛乳滑蛋分量唔細，好滑溜，好香蛋味！配埋佢個濃厚既蕃茄濃湯通粉，真係要大大力俾個like。湯底酸酸甜甜，味道濃郁，好開胃，啱哂蕃茄迷。另外，跟餐既吉列魚扒都好好味！ 脆卜卜又唔油，仲唔會太多炸粉同炸過龍。跟住黎就係佢個雞脾，瑞士汁略帶咸香得黎，又甜甜地，真係一流，雞脾大大隻，好juicy。個人係好想再encore隻雞脾🤣佢個牛油多士同沙律都唔錯。炸海鮮豆腐炸得外表金黃，好吸引！豆腐又滑又好有彈性，咬落仲有芝士驚喜🤣至於個炸餃子，好香韮菜味，非常惹味。餐飲亦都好有地道港式feel，忌廉紅豆冰有好多紅豆，質感軟腍。本人比較偏愛紅綠椰冰，一黎較少地方可以飲到，二黎入口更有層次。

懷舊唔係一個貶義詞，佢係代表住一個世代既回憶就算大時代每日點樣變遷，只要保持住呢份純真既信念，有D野點變都一樣可以歷久尚新，心態就係一種橋樑 令你唔會同社會脫節。同樣由細食到大既冰室陪伴我長大既除左係野食既味道之外，就係果份燃燒青春既印記。今時今日能夠仲可以食返呢種味道的確係好難得，所以令我再次返黎幫襯既「樓下冰室」，就係見證我對呢份味道既執著同埋最真摯既感情。👇📌樓下冰室推介 -▪ 特色番茄濃湯通粉 · 牛乳炒蛋 · 招牌瑞士雞髀 - $55▫ 食過返尋味既番茄濃湯通粉，係我最愛之一，湯底用左海量級既番茄熬製，所以入口特別清甜，而且番茄味相當濃郁。最抵讚係個炒蛋食落唔會太老，夠哂鮮嫩幼滑，唔錯。而隨書附上既招牌瑞士雞髀亦係餐廳必食之一，雞肉吸收哂醬汁，再經過時間既烹調，變得非常入味，食落濃郁嫩滑，認真抵讚！📌特色主食 -▪ 焗鮮茄豬扒飯 - $60▫ 係細細個既味道呀，焗豬真係難以抵擋既邪惡之最，每塊厚切豬扒就好似魔鬼既誘惑咁，令你愈食愈開胃。而豬扒厚得黎夠鬆化，唔會太軟腍，有返佢應有既口感，而且完全唔乾身，唔錯；而飯底既濕潤度岩岩好，加埋芝士既配搭，成個飯既層次感非常突出。📌特色飲

作為住喺荃灣嘅我，又邊有可能冇食過樓下冰室呢，開業咁多年基本上我幫襯足咁多年，依家佢開到成行成市，我不知幾開心，連返工都有得食今日我專登彈下午茶時間嚟食，貪佢人少啲，點知都係坐爆曬🤣🤣🤣鰂魚涌分店行復古路線，啲裝修擺設十足十3，40年前嘅冰室咁樣，喺度食嘢零舍有feel舖頭有提供呢個非常時期嘅必需品：紙巾，非常細心食得樓下冰室，蕃茄通粉常餐就梗係冇得走啦，搭埋瑞士汁雞翼就perfect match😚，見第一次黎呢間分台店，就叫埋忌廉紅豆冰同埋口水雞炒蛋即叫即炒，非常creamy，蕃茄湯底番茄味濃郁，通粉唔會煮過頭，食落口彈牙，啱啱好瑞士汁雞翼嘅瑞士汁調味好適當，唔會鹹得滯，甜甜鹹鹹咁，食唔停口口水雞我第一次食，估唔到咁有創意加咗啲粟米筒喺上面，意外地夾，成碟雞又辣又脆，好野味Last 飲埋個忌廉紅豆冰，童年回憶返晒黎，紅豆冰嘅奶味好濃郁，紅豆煮到起晒沙，又甜又好食埋單$128，呢個價錢呢個質素我收貨

最近很久沒有和友人共聚午餐，這次我們決定了嘗試冰室 。而朋友推介我們去鰂魚涌名為樓下冰室的餐廳享用午餐。一進入該餐廳便感覺到有濃濃的本土味，例如有一些懷舊的玩具懷舊的食物等。我當日點了餐廳推介的金牌咖哩牛腩飯。我相當喜歡，餐廳的牛腩不要出現過硬的情況，還會有種入口即融的感覺。我們於該餐廳點叫小食為主因為我覺得冰室的小食有種熟悉的感覺。例如我們叫了馳名的菠蘿油，該餐廳的菠蘿油相當好吃新鮮出爐而且外脆內軟。還有她的瑞士汁雞比雞髀相當入味，每一啖也能嘗試到瑞士汁和雞髀的肉汁混合。而且我還點去了冰室裏的特飲，就是華田翠翠。我個人相當喜歡這款特飲他的脆脆和凍華田的味道相當合配。誠意推介大家來樓下冰室食午餐！

以前鍾意去旺記食豬潤通，樓下冰室開咗之後就徹底變咗心lu~佢個蕃茄湯底真係正，食完又唔會口渴，相信真係無落味精。相比起勝香園、華嫂、旺記個蕃茄湯，真心覺得呢個係最好，其他都偏稀或偏酸。平時weekend 3、4點去一定叫瑞士雞脾+蕃茄通。今次去食早餐估唔到都勁旺場，全場爆滿。蕃茄湯底Keep住一貫水準，無令我失望，不過$43食個早餐算係偏貴。通粉好似唔駛錢咁，多到食唔晒⋯⋯下次走埋厚多士唔好浪費😛

今日約左朋友傾project所以過黎呢間專食瑞士汁既冰室，真係一試難忘，由下午茶食到晚餐都咁滋味! 瑞士汁雞脾配薯角雞脾size正常而且真係好入味，基本上每一啖肉都充滿濃濃既瑞士汁味但又唔會過鞋同埋乾，肉質保持到鮮嫩彈牙，配埋薯角新鮮炸起調味亦都岩岩好，真係好出色!厚切牛乳炒蛋治呢個炒蛋亦都十分好食，厚身又夠滑同埋蛋味濃，簡單再配白麵包已經可以食到蛋既鮮味再加上牛乳既滑，下午茶嚟講真係一流!焗豬扒飯份量都唔少同埋豬扒肉質好鮮嫩又有肉汁，一咬就咬到唔會痴牙，焗飯既味道亦都足夠唔會太咸!!滑蛋叉燒飯滑蛋加埋叉燒呢個組合一向都冇得輸，呢度炒既蛋好滑而且蛋味十足，配合埋肥瘦適中既叉燒一齊食好正，重點在於佢既秘制豉油，加上熱辣辣既飯一齊食超滿足。華田脆爆華田既味濃郁又唔會太甜，朱古力味好香鍾意華田既一定要嗌嚟試下!紅豆奶茶味道好有驚喜，拍得住台式飲品店既水準，紅豆既味道甜得嚟唔會太漏，奶茶既茶底夠哂濃所以兩樣野撞埋一齊好夾!

一出側魚涌站就見到呢間餐廳，之前已經食過佢地荃灣店。入到去餐廳好有懷舊特色，好似回到70/80年代咁。打開個menu,好多野都好想食🤪，點佐一個"樓下自家三寶飯"同"鹹檸七""樓下自家三寶飯"樓下自家三寶飯有自家製免切叉燒，瑞士雞翼同一隻煎蛋。隻雞翼未食已經聞到好香,一入口，佢個雞翼真係做得好出色💓。瑞士汁加左多種香料配搭得好好👍🏻，而且雞翼煮到好林同好入味。我平時唔食雞皮都連皮食晒🥳。好好味,下次要食埋佢隻雞髀先。個自家製免切叉燒好大舊，拳頭咁大舊叉燒真係第一次食，咬開叉燒好juicy，岩晒D 食肉獸。"鹹檸七"唔係好多茶餐廳有得點，所以見到有都會飲番杯懹念下小時候🥰。佢D 野飲都幾有特色。

成日都去里間，樓下冰室乾淨，又新，位置方便就係鰂魚涌地鐵站一出黎就見到。我好少揀食飯時間黎因為都會大排長龍，通常都係朝頭早食早餐或者係下午茶頂多買外賣因為都好快嘅！不過如果黎大家可以試一試佢嘅招牌瑞士汁雞髀真係好入味好好食不過會偏甜，我食嘅係招牌雞髀拼沙律加杯奶茶另外有得點常餐係雞髀拼蕃茄米線，不過有啲客話兩樣嘢食好似唔係好夾不過我黎講就係我最愛！佢地其他嘢食都可以試試嘅不過唔係我大愛，味道亦都唔差嘅CP值正常，平民之選

呢間冰室正正係側魚涌地鐵站A出口對面，過條馬路就到，自己去食定約朋友都好方便。我去嘅時候係下午三點，唔使等枱，有午餐同下午茶menu揀，多選擇又抵食 😋好多都好吸引，佢個蔥花叉燒滑蛋飯我都考慮過，不過第一次嚟，揀咗佢最出名嘅蕃茄濃湯通粉配牛乳滑蛋，加滷水雞髀皇牌推介套餐，加埋杯凍檸茶係$65。個蕃茄濃湯轉左做公仔麵，因為好耐無食公仔麵 😂上菜好快，黎左個蕃茄麵先。個湯底名副其實濃湯，好入味，同埋好多蕃茄肉 🍅 個蛋都好正，滑到爆。即使個麵無肉，都好正 ☺️ 絕對可以encore! 滷水雞髀大大份，滷水好入味，食肉獸必選。食完成個餐，飽到唔使食晚飯。而家抗疫期間，枱同枱之間有間隔 👌如果食野比較唔小心，建議唔好著白色衫，我食滷水雞髀彈啲滷水件衫度 🤣

平時好會去鰂魚涌，今日咁啱去鰂魚涌有嘢做，做完嘢諗住坐MTR離開唔係咁熟悉嘅呢區，點知喺MTR入口對面馬路見到呢間熟悉嘅茶餐廳，印象中呢間茶餐廳原本位於荃灣區，啲嘢食都幾好，所以嗱嗱聲入去食個晚飯先。餐廳裝修都幾新正，應該新開張冇幾耐，依然係走香港懷舊風。haha 真係好多打卡位，所以唔經唔覺已經影左唔少相扮吓懷舊😆。叫左滑旦义飯($55)、瑞士汁鷄翼三隻($38)、紅豆冰🧊($14)。滑旦义飯有好多餸，想講啲蛋唔單止炒得好滑，仲唔會話食入口啖啖油好肥膩咁嘅感覺，同時份量又夠足，正；仲有其實啲义燒都幾好味道㗎喎，不過都係自己衰，落單時唔記得要半肥瘦义燒(其實都唔知道可唔可以咁樣叫㗎呢！)😆。

響太古坊番工既朋友一定對樓下冰室唔陌生，響正側魚涌站對面，招牌明亮好搶眼✨✨入內見到餐廳裝修模仿懷舊路線，不過座位過比普通茶記闊落。亦有可能由於疫情少左人堂食既原因，覺得一啲都唔逼👍🏼👍🏼呢間冰室打正蕃茄湯底同瑞士汁既旗號🍅🍗我同朋友分別叫左兩個皇牌套餐同冰室必食既菠蘿油滑蛋蕃茄湯通粉湯底顏色鮮艷，較杰身，酸甜味平衡得宜，配合通粉食亦適合不過😋炒蛋都好滑，而且份量不少😝而我自己本身過揀左三餸湯米線，湯底揀左小辣🌶上堂都嚇一嚇，滿瀉咁劑既份量，夠哂足料👍🏼至於另一款必食既仲有瑞士汁雞翼同雞髀🍗貪心既我哋兩樣都試左😝雞髀同雞翼都是大大隻，而且肉質煮得剛好，幾滑瑞士汁上色均勻，味道很有層次，甜中帶微香，做得不錯❤️同場加映飯後甜品菠蘿油色澤金黃 外皮香脆麵包略略焗熱才上台但略嫌牛油太少最後推介特飲綠椰冰紅豆冰就飲得多 綠豆冰都係第一次試綠豆已打成細蓉 而且超多料飲落淡淡綠豆🤤 味道亦不會太甜 推介👍🏼👍🏼

早收工就來到quarry bay食飯, 見到呢間樓下冰室有蕃茄湯食當然要食啦!我地就點左個蕃茄螺絲粉配瑞士汁雞脾($55). 蕃茄湯係飲落比較清甜個type, 仲有蕃茄個種微酸, 同坊間個D落好多茄膏嘅唔同. 上面炒蛋都幾滑~ 螺絲粉會吸湯, 愈食愈濃茄味! 瑞士汁雞脾係樓下冰室必點的! 大大只雞脾上色好靚, 食落肉仲好嫩, 一D都唔會柴!! 味道係甜甜的帶咸, 唔會太重口味! Jeng~ 另外就叫左個金牌咖喱牛腩飯($58). 咖哩味濃, 帶椰香~ 牛腩都幾多件! 仲要入味兼夠腍, 入面仲有幾件薯仔! 芝士西蘭花🥦 多汁多芝士 😻😻叫左杯熱檸茶~ 好大杯可以share飲!!