樓下冰室 (已結業)

今日等朋友食消夜日晚餐，佢話不少同事都會選擇食這間，來到時沒想到十點多都差不多坐滿，去到原來是間食蕃茄片的專門店，而且仲有其他不同食物添。蕃茄濃湯粉配鮮豬潤，豬潤保持滑身而且有豬潤香，蕃茄碎不少帶微酸好開胃，湯底蕃茄味都濃而通粉口感不錯。金牌咖喱牛腩飯，咖喱夠香帶微辣，牛腩份量不少切細細舊好淋身又入味，仲有二舊薯仔都幾足料，飯一碗食完都飽肚。瑞士雞翼三隻，沒想到咁大隻，雞翼好入味而且又濃郁，雞肉都吾會好鞋身不錯。蔬菜就選擇叫咗焗芝士西蘭花，芝士都吾少而且西蘭花份量都不少，配少少白汁不錯。飲品份量都大杯，紅豆冰的紅豆不少，夠淋身紅豆味都可以，而花奶吾太甜味道配合紅豆不錯。菠蘿冰的菠蘿夠酸甜，飲完幾開胃。

之前係間鋪頭食嘢嘅時候發現佢哋8月上旬，會開一間新嘅分店，喺荃灣荃景圍呢個地方， 最後搵唔到新店，去左第一間 阿爺店。晏晝呢個地方通常都唔使排隊。 如果可以開多啲分店畀其他人都食到就好啦。呢間店舖，好得意，差唔多每次去食嘢都會 聽到其他客人同店員講聲(你哋嘅食物真係好好味。) 一句簡單嘅說話 ,簡單而真心， 店員每一位都好勤快喺入面度返工， 不停 主動招呼客人，就像害怕怠慢了尊貴的客人們。每次去食我都會叫返 蕃茄麵(必食) .....下午茶仲有送埋蕃茄湯(必食) 以及熱飲，蕃茄湯有薑嘅味道， 蕃茄麵就會比較稀， 雖然 蕃茄湯冇上次香濃 ,不過依然保留住佢獨特嘅味道。附送埋呢個豬仔包(必食) 好好食呀，仲有香滑奶味嘅雞蛋同火腿，真係想叫多個再食多次 下午茶時段飯類，每隻碟飯都係a4紙咁長， 大大份， 好多人都係一支公去食呀。 第一次叫左佢個吉列豬扒， 非常吉列， 爽脆。 沙律：沙律醬比例非常恰當， 感覺唔會太過肥膩。埋單平均一人食咗41蚊，呢個質素抵食到爆，又有咁多野送另外，亦聽到餐廳入面有一枱既人話想冷氣可以調凍少少， 不過我覺得ok嘅

荃灣路德圍嘅美食多不勝數，食得多雲南米綫，想轉下口味，選咗呢間"樓下茶冰室"， 裝修都有少少懷舊氣氛，地方就一般。牆上掛咗必食及必試餐牌，咁就叫咗兩個套餐，1.蕃茄濃湯通粉，另加$10多選一個小食，點左炸雲吞;另一款是瑞士雞翼配沙律同埋一個豬仔包。好快二款餐已上枱，番茄濃湯通粉配上香滑牛乳炒蛋，湯底有番茄蓉，唔喺落番茄膏，濃濃番茄味又唔太酸，啲滑蛋攪勻連湯粉齊吃，幾好味，個炸雲吞都有小小驚喜，炸得脆卜卜，熱辣辣，碟上還伴上新鮮沙律菜，真的夠細心。瑞士雞翼入味又唔鹹，老公望住大大隻雞翼不知食得幾滋味，嗰沙律有哈蜜瓜，蘋果，粟米粒，不似一般只係薯仔罐頭波蘿等，碟邊仲有沙律菜，加埋落個沙律一齊吃，唔錯。套餐只用半價叫飲品，二杯飲品都好有特色。紅豆咖啡都好香濃，又唔會比紅豆搶晒味。綠椰冰味道相當好，綠豆蓉唔太淋，有口應，加埋椰汁，清香好飲。

這晚又要到荃灣宜家買家居用品, 一場來到這邊，就想想附近有什麼地方平日想去但又沒時間去的，就來這裡。平日的晚上，人客也真不少，看樣子都是區內街坊客。先來一杯紅豆冰才算, 以長羹將碎冰混入奶水中, 奶水甜度適中，紅豆煮得軟稔起沙。熱賣項目是招牌瑞士雞脾, 雞脾本身夠大隻，瑞士汁非常香濃。店方推介一味蕃茄濃湯通粉配牛乳炒蛋，通粉只是普通貨色，但湯頭是以蕃茄即叫即滾的，上枱時還是熱辣辣的, 湯內有些蕃茄肉，酸味是較重，而牛乳炒蛋也是嫩滑的，不錯。

係荃灣嘅小行穿插發現仲有餐廳保存香港特色，價錢都算實惠，實在難得粟米忌廉汁雞排珍寶腸飯($50)份量多到你唔信！就連我呢啲大食之人都勉強食得晒，$50來講真係好抵食。而珍寶腸就冇偷工減料，足足有兩部電話拍埋咁長！雞扒唔單止整得好有水準，煎得好香同埋雞肉好嫩滑多汁，雞扒重好厚同大塊！正！冰室炒意粉($48)同個雞扒珍寶腸飯一樣，份量唔單止多，意粉都炒得好香，唔會炒得太過油膩得來又唔會太乾身，仲落咗好多雞肉、煙肉、火腿。厚切牛乳炒蛋治($20)上菜嘅時候仲好多煙，而襯熱食真係一流，隻蛋整得又香又滑又大份，麵包鬆軟，十分開胃！招牌瑞士雞髀($28)一啖一啖將隻手掌咁大嘅雞髀「照」落肚嘅感覺真係冇得頂！夾埋鼓油好惹味！菠蘿冰（$11）紅豆冰（$11）總括而言，餐廳上菜極快，同一個價錢份量比起其他餐廳多，絕對係醫肚之選！

見今日放早就同屋企人食飯，既然食飯當然要就腳啦，於是就行咗去路德圍個頭開飯，行到魚魚魚旁邊見到呢間食番茄通既鋪就忍唔住行咗入去開餐。一入坐低覺得環境比一般冰室都來得乾淨闊落，坐低後睇咗好耐先決定到食咩。最後叫咗菠蘿冰、番茄滑蛋通、瑞士汁雞腿、西多士，屋企人就叫咗芝士肉醬意粉、紅綠椰冰。番茄🍅滑蛋通粉滑蛋入口綿滑，食得出蛋味勁過奶味，絕對係水準之作。番茄湯底酸酸甜甜好岩我呢d番茄控哈哈。瑞士汁雞腿都好入味，而且用叉吉開就骨肉分離到，不過食既時候要小心，唔好俾汁彈到。西多士係最驚喜既，一口一件既size，入面塗既係有硬粒既花生醬，食落香口唔會油，令人一口接一口。加錢既紅綠椰冰同菠蘿冰都好足料，好多既菠蘿粒係入面，而紅綠椰冰椰奶味香濃入口順滑，配料好似好豆都煲到粒粒綿沙咁。

一向都知路德圍一帶有唔少小食，台式飲品，串燒同埋米線，今日經過當然要挑選一間未食過既黎試下經過樓下冰室見到佢比起其他鋪頭多客，而且主打蕃茄濃湯通粉，就俾佢吸引左入去入面全部都係卡位，比一般茶餐廳舒適既然係俾蕃茄濃湯吸引入去，當然要試一試各款小食，飲品都非常地道，完全係傳統既港式Style除左通炒仲有飯可以選擇呢個就係鋪頭既招牌，面頭d蛋食落非常滑，仲有好香既牛奶味。個濃底比金寶羅送湯更為有蕃茄味，湯入面更有超多蕃茄蓉，而且帶有少少辣，極之省胃，搞到我連湯都飲埋瑞士汁雞全翼係跟餐配既，雞翼既皮同肉都好嫩滑，亦醃得十分入味朋友轉左豬骨濃湯，相比起蕃茄湯底就遜色左d，唔喜歡蕃茄既客人可以試試呢款跟餐配既麻辣雞粒，令人非常驚喜，因為岩岩炸出黎所以非常鬆脆，調味亦恰到好處凍檸茶，普普通通椰汁綠豆冰，好多綠豆蓉係底總括黎講性價比好高，係我會encore既一間茶記！

今日跟朋友打算睇戲，行經荃灣看有什麼好地方食野，原來呢區有幾條主要食街，來到間茶餐坐下叫樓下冰室，見餐牌好多野食選擇，店員會介紹推介餐，由於門口能見到大的食物圖餐牌，一早已想好心水菜了，好快便下單等食。先來個招牌瑞士雞翼、粟米什果沙津配蒜茸牛油膽豬仔包，果然雞翼如想像的充滿瑞士汁的味道，入口肉質爽滑又有少少甜味，沙津開胃又清新全食粟米和什果粒，真想食堆朋友果份，豬仔包帶有蒜茸香口味道。黑椒牛扒配2條腸仔，其中黑椒汁熱中帶著牛扒香，切開牛扒多肉汁食埋腸仔加白飯，真係好富裕的份量。飲紅豆冰後，再食招牌瑞士雞脾飯，大隻的雞脾成隻放入口咬都唔錯，好耐無食過雞脾真是特別喜歡。大家舒服地閒聊在食完飯後，我朋友仲再看多次餐牌，想下次再來食。

今天下班後剛好在荃灣，便到路德圍附近吃晚飯。看到有一間茶餐廳的招牌有一個大大的紅蕃茄，便被她吸引了。餐廳除了一般的茶餐食物外，主打瑞士汁雞脾和蕃茄湯通粉。於是我便點了蕃茄濃湯通粉配牛乳炒蛋和雞脾。另外，更點了一客焗芝士肉醬薯角。先說蕃茄濃湯通粉，湯底蕃茄味香濃，帶有些微香辣，入口茄味濃郁。加上通粉彈牙富口感，配上蕃茄濃湯後，令人也想把湯底全都喝掉。牛乳炒蛋也很嫩滑，入口除了雞蛋的香味外，更帶有絲絲的牛奶香。瑞士汁雞脾則烹煮得十分入味，雞脾肉厚而且嫩滑。醬汁跟雞脾配得不錯。至於焗芝士肉醬薯角則份量十足，表面更有經焗製過的芝士。芝士味濃郁。另外，肉醬則蕃茄味充足，配上肉碎黎更增添口感。飲品方面則點了懷舊紅豆冰，紅豆甜度適中，加上淡奶後，入口也十分順滑，是清涼消暑的任品。

荃灣茶餐廳個個野食都差唔多，但要脫穎而出，野食一定要有自己特別既一面，同埋最重要好味。碟頭飯黎講，個金牌牛腩飯都算大份。得一塊薯仔，全部都係牛腩。個金牌咖喱一食就知道落足料。食到好多種材料，八角都有放落去。好香又濃郁。咖哩唔會辣，但香味十足。牛腩質感軟滑，吸左咖哩汁，特別入味。好多塊牛腩，食完都覺得好飽。要杯熱檸蜜清一清胃。好多檸檬好開心。最後欣女要食佢個瑞士雞腿。雞腿好大個，睇到都興奮。雞腿肉已經入曬味。瑞士汁好濃，陣糖香味聞到都覺得好香，食落更加美味。雞腿浸係瑞士汁應該好長時間，雞肉水份多，又滑。味道同口感真係一流。

放工同同事食個quick dinner, 揀左間係路德圍既樓下冰室，離荃灣地鐵站唔算遠，大概5-10 分鐘路程左右。早聽聞呢度出名食瑞士汁同蕃茄野，所以我同同事都唔例外，叫左個蕃茄濃湯配牛乳炒蛋螺絲粉，我就要豬潤、素菜，同事就要火辣牛丸、素菜。蕃茄湯底好濃味，有茄茸，炸腐皮索哂蕃茄汁真係好好味呀！火辣牛丸亦相當有驚喜，初頭以為佢係黑椒牛丸，原來入面唔係黑椒，係辣椒黎架！我地另外仲叫左招牌瑞士雞脾同瑞士雞翼，好入味但略嫌偏咸。大食既我地驚唔夠飽，仲叫左個"炸海鮮芝士豆腐"做小食，點埋沙律醬真係幾開胃。最後以紅豆奶茶作終結，奶茶好夠香好濃茶味，d 紅豆真係有起沙，好飲過連鎖快餐店既紅豆奶茶/紅豆冰好多呀！

小女子真的孤陋寡聞,瑞士雞翼食得多,瑞士雞脾真係好少見,上網見呢間個雞脾大大隻,呼喚起我嘅食肉靈魂,忍唔住要嚟試下！個雞脾好大隻好lum入味好易砌, 如果你着白色衫就要好小心啲汁彈到啦哈哈,幸福嘅感覺由你見到隻雞脾放係你枱面個刻開始。個濃湯蕃茄螺絲粉味道正常,特別嘅係佢上面個個炒蛋，就咁食佢面頭嘅蛋有好香牛奶味,feel到廚師嘅心機。好多男士都係叫個雞脾飯,大大份好夠飽,女仔如果想食雞又唔想食飯可以叫呢個餐。

今日因為要去荃灣返工，原本要返11點，點知10點幾個時收到電話話改12點，雖然內心哀嚎，但好開心，因為有左食早餐既時間！！！一路行一路搵，兜兜下就去左樓下冰室既門口，咁我見前幾日食左蕃滿門，咁就想比較下啦，於是入去食。入到去，餐廳都幾闊落，唔會太逼，同埋11 點幾未算好多人。望一望餐牌，見到有鮮茄濃湯餐，包埋野飲，43 蚊，凍飲加兩蚊！！好抵呀，蕃滿門我食個時唔包野飲，夾埋要58蚊。咁首先講下環境先，見到都幾乾淨企理，同埋我坐左二人卡位，都OK 舒服。然後講下野食啦，我個餐一共三樣野：鮮茄濃湯叉燒通粉，牛乳炒蛋＋兩塊火腿＋蒜蓉脆豬同埋一杯檸茶。我之前食蕃茄濃湯配米線，我覺得唔太夾，所以決定今次配通粉啦，我個人平時就中意食米線但我發食食蕃茄濃湯係一定要配通粉！！！因為可以一路食飯一路飲埋湯，所以係絕配！咁首先講吓到湯底啦個湯底，甜酸度適中嘅同埋佢大有啲蕃茄粒啦咁係好好食，仲好開胃，我越食越餓，但佢份量係絕對充足。同埋重點係佢湯底唔會話好濃同好稠，佢係啱啱好。至於叉燒呢就大概有六至七件，不過就略嫌一樣野，就係叉燒有少少太厚切啦。如果可以切薄少少會好啲，不過個味道係OK嘅，個肉質唔會好韌啊，

香港人係咪都會幾鍾意蕃茄湯其實？我自己本身勁鍾意蕃茄薯仔湯，所以見到鮮茄湯都會試，如果價錢合理！Lunch午餐嚟講其實一戰都唔貴，加上荃灣太多好嘢食！我平時鍾意牛肉嫁，但最近戒緊，所以先試叉燒😂通粉好似係咁多隻粉無咁肥😂所以如果大家想唔好太肥都係揀通粉好啲😂其實$42連埋豬仔包同炒蛋我已經覺得可惜下午tea都唔駛叫😂我啲男同事係揀湯飯😅佢哋食量比較大，同埋話緊係要食飽啲做嘢咁辛苦🤔下次試埋豬骨濃湯先🤣

$45招牌果然係招牌呢到嘅瑞士雞脾真心正🤣雖然雞脾嘅肉質唔係好腍但係佢好夠入味🤘🏻飯底仲有大量嘅瑞士汁可以撈飯啱曬我呢啲嗜甜人士🤤其實我好鍾意食雞胸有無餐廳可以考慮下整瑞士雞胸👅