樂天皇朝 (青衣城1)

营业中

休息中

青衣城間樂天皇朝佔據左個好靚嘅位置，因為佢係三樓，有一大部分嘅座位，係靠住落地玻璃，望倒商場其他角落嘅，所以餐廳空間感好夠！兩個人如果想食多幾款，就唯有叫d細portion 嘅野食啦。首選梗係特色皇朝小籠包，有8種唔同嘅味，雖然話一次食8隻最能夠感受味道由淺入深，不過一個人食晒8隻其實好飽，唯有一人一半啦，下次再幫襯，嘻！我食左人蔘，大家都知其實小籠包係邪惡野，入面包含左唔少脂肪，但係加左人蔘好似忘記左肥膩，仲覺得好補；芝士味一咬落有一大pat芝士，鮮肉嘅咸味同芝士嘅咸香都幾夾；雖然而家唔係食蟹季節，不過蟹粉味都不過不失，如果蟹季黎，一定要encore再encore！如果有喜歡嘅味道，係可以單點架。緊接兩道辣勁十足嘅夫妻肺片同酸辣湯，喜歡食辣嘅唔好錯過！夫妻肺片片大而薄，麻辣鮮香，配以花生碎香蔥碎更香；而酸辣湯里配料十足，辣到男朋友拿拿聲叫左杯凍飲（笑）。唔喜歡食魚嘅我，每次食中餐男朋友都會叫魚我嘆，話食多d魚聰明，唔係間間餐廳都做得好架，魚要啖啖肉，無骨，要滑，仲要唔腥，其實都唔算好多要求啫，樂天皇朝嘅黃魚就唔錯喇，呢道雪菜黃魚煨面黃魚大大舊，啖啖肉唔怕有骨，最緊要無腥味，而上海面略

郊遊完到青衣城找吃的，因為酸辣癮起，小朋友又喜歡吃小籠包，所以到青衣城樂天皇朝飯聚，我們點了廚師推介的醬鴨同香煎蔥油餅，另點了國原味小籠包、酸辣麵同炒麵，下單時服務員都說了蔥油餅即叫即整，問我們是否等，我們也不急所以確認等一下，但萬萬沒想到我們吃飽了其他東西，蔥油餅還未上桌，足足半小時有多，雖然味道是不錯，但不至於要等咁耐，餐廳都不滿座呢！醬油鴨絕對是垃圾，乾冷無味，份量少，與圖片大大不符，雖說都只係$58，但CP太低了吧！小籠包都唔夠juicy, 沒有爆汁感覺，酸辣麵同炒麵還好，不過不失！

一直有聽過皇朝嘅小籠包好出名，今日就去試一試首先叫咗一份皇朝小籠包，有八種不同味道，分別由淡至濃。原味肉汁多，略嫌皮有啲厚，但整體而言，不錯。人參味，好重藥材味。鵝肝味好香，幾濃，好食！黑松露味好重，好香，幾有驚喜。芝士味，太濃，食完就濟左。蒜味冇乜特別，可以略過。蟹粉小籠包，蟹粉味冇乜，唔合格。川味好有驚喜，未食過辣嘅小籠包，個味同豬肉湯汁好夾，下次會想再食！另外再叫左6隻原味小籠包，好滿足。叫左個蒜茸炒白菜仔，個味就正常。總結，未食過都可以試下個8色小籠包！

樂天皇朝嘅小籠包，皮薄餡靚是必然的，八彩繽紛意味着唔同味道，由淡至濃：白色係原味、黃色是芝士🧀、綠色是人蔘、橙色是🦀蟹粉，褐色是🧄蒜香，啡色是鵝肝，黑松露當然是黑色，麻辣是紅色一望而知。每次吃八色小籠包，食、香、味賣相都盡得人心 ，屢獲殊榮確係實至名歸👏👏👏前菜小食點了麻醬油麥菜、油麥菜重重疊疊用青瓜捲起，點一下芝麻醬，清新爽脆，食沙律嘅感覺。蔥花皮蛋豆腐，冰涼軟滑，醬油不會太搶味，不錯啊😋😋😋松子桂魚，賣相討人歡喜，橙紅色的甜酸醬料，看到聞到已經急不及待，金黃脆脆的表面，咬開是白滑嘅桂花魚肉，掛上合度嘅糖醋味道，大人小朋友都愛吃👍👍👍凡係梅子入饌我個人特別鍾情，皇朝話梅骨用上不少的話梅，去核起肉配合醬料煮至收汁，每口骨排黏黏的掛著梅子嘅精華，喜歡咀嚼骨頭的，一定要試吓🥳蘿蔔絲酥餅一層又一層，鬆化不油膩，主角鮮蝦嘅重慶紅油抄手，鮮蝦彈牙，汁料恰到好處、我就是一道楊州炒飯，煙靱米飯粒粒分明，點心、炒飯互相配搭，呢餐飯真係多姿多彩🌈即製雷沙湯丸，宮廷驢打滾，一個芝麻、一個紅豆蓉，被軟糯嘅粉糰包裹着，飯後甜點同樣好有水準🥰喜歡樂天皇朝，皆因佢嘅菜單組合，前菜，小點，特色小炒，以致甜品餐飲，選

有數間分店嘅樂天皇朝，青衣呢間係我經常幫襯，無論搭車或者自己揸車都十分就腳方便，食飯後再shopping 更加理想😍環境舒適乾淨，格局優雅，坐位與坐位之空間感夠，樓底高，可遠眺廚房工作人員製作過程😬菜牌印刷精美，圖文並茂，食物選擇十分多，而且價廉物美🤗大家都要用啲時間商量下食咩先？😂皇朝小籠包$118，八款味道，八種享受，跟指引由淡至濃，必食推介😍皇朝話梅骨$98，酸酸甜甜，開胃醒神，越食越滋味😋松子桂魚$238，皮脆肉滑，配上醬汁，惹味非常，送飯一流😍葱花皮蛋豆腐$55，刀功精細，化腐朽為神奇，薄薄的豆腐，上面佈滿葱花、皮蛋碎，色香味俱全😍麻醬油麥菜$65，將油麥菜扎成卷狀，配上香滑麻醬，爽口健康，零捨不同😋重慶紅油鮮蝦抄手$72，夠味唔太辣，鮮蝦爽口彈牙，滋味無比👍🏻👍🏻👍🏻楊州炒飯$85，份量十足，四個人亦足夠，而且蛋香料夠，米香軟淋，特別開胃👍🏻甜品宮庭驢打滾$45，賣相特出，又甜又滑，感覺好幸福和滿足😍蘿蔔絲酥餅$42，又係必食甜品，口感細膩，甜甜蜜蜜，如果有4件就更Perfect 😬呢度坐得舒服，服務又好，四個人，人均消費二百多元，確實物超所值😊😊😊

新年時期去試下，諗住都ok因為佢既其他分店都唔難食。全場無不太多人，所以唔訂位都ok。但d食物偏咸，其中一樣係咸到無法接受🤢🤢最後叫侍應同廚房double check 係米比錯或煮錯d咩，換過比我地。個侍應姐姐一開始拒絕（心諗：what???🤷🏻‍♀️）之後我地叫佢自己試下先，佢先拎入廚房問。問完又無get back我地🤧要我地追問左陣先話無得換，因為我地食過（🤷🏻‍♀️咁唔食過點知太咸）咁我地唯有cut左呢味小菜，但真係唔明、條氣有d唔順⋯⋯

肺炎期間好耐都冇無出街食飯！今晚終於忍唔到，好想食炸醬麵😂所以去左屋企附近間樂天皇朝搵食～去到樂天皇朝當然要叫八色小籠包～一次過可以食幾款口味～佢ge小籠包皮薄，湯汁夠多～蘿蔔絲酥餅又係我好鍾意的小食～外皮酥脆，入面的蘿蔔絲仲熱辣辣～紅油鮮蝦抄手係我老公的最愛～唔係間間紅油抄手都好味～ 重點在於「紅油」，樂天皇朝的紅油唔係普通辣油得個辣字，佢辣得黎好香，仲好惹味～京味炸醬麵我真係好好好鍾意食炸醬麵～濃濃的醬汁，甜甜辣辣的，好味！涼拌海中寶海蜇夠爽口，配上酸酸甜甜的汁，好開胃～好彩屋企附近有間高質滬菜～呢間樂天皇朝我已經幫襯過幾次～價錢同食物質素成正比～ 環境唔錯，又坐得舒服～

今天跟朋友到這家食店吃晚飯，侍應為我們安排了卡位，做得比較舒服。我們叫了醉雞，雞肉夠厚，香濃的酒味朋友推薦吃彩色小籠包，每種顏色都有獨特的湯底，挺特別的。本人比較喜歡蟹粉味，另外川味也不錯。這個一定要趁熱吃。我們兩人各叫了一碗湯，我點的是酸辣湯，裡面有蝦仁，本人覺得可以再辣一點。蔥爆牛肉也夠惹味，牛肉夠嫩，配飯一流最後還叫了酒釀丸子，有清香的桂花味，酒味不是太濃，兩人分，份量剛剛好。多人來吃比較划算。

特色皇朝小籠包(八色)終於有機會嚟到樂天王朝一試呢個色彩繽紛嘅小籠包😍😍😍有特色得來，又好味。特別深刻嘅係鵝肝同蟹粉味 正呀！今次先齊咁多隻色，下次就可以淨係叫嗰一款！一定encore👍🏻👍🏻👍🏻另外叫咗蟹粉炒飯、燉湯各樣都唔錯幾好食但係第一次黎，都係試一試小籠包啦😉😉😉太鍾意食上海甜品，要嗌兩樣先夠🤣🤣🤣香煎豆沙鍋餅皮薄，豆沙餡甜度適中！好食擂沙湯丸熱辣辣食都好好食👍🏻

今日嚟到樂天皇朝，門口帶位嘅侍應非常盡責，會追住探熱，又見到埋單後侍應會用清潔劑清潔枱面，喺呢個環境之下都安心啲。小菜係鳳爪，本身以為係豉油鳳爪，食落原來有少少麻辣，唔會死鹹，幾好。呢度小籠包出名，當然要嗌小籠包，但係得兩個人食唔晒彩色嗰隻，所以都係嗌原味六隻。果然不愧係小籠包專門店，小籠包個皮好滑，湯汁豐富，而且皮夠薄，唔會食到一半覺得小籠包個頂一舊粉好硬。小籠包餡唔會太鹹，可以食到肉嘅鮮味，值得嗌。醉雞嘅雞肉未算十分滑，但唔會好鞋，唔會食到有渣，面嗰層酒味較淡，底個層浸住酒好有酒香。蒜泥白肉擺盤好靚，肉片捲着青瓜，令口感更豐富，軟中帶爽。肉卷味道偏淡，因此醬汁偏鹹，混合一齊食就啱啱好。擔擔面醬汁濃厚，淡淡花生味，有少少辣，唔食得辣要小心d😂雪菜炒年糕煙煙韌韌，非常香雪菜味，可惜鹹肉比較少。紅燒肉係唯一唔係咁好食嘅菜，睇落好靚，上層嘅肥膏亦都唔肥膩，但下層嘅肉比較鞋，唔夠鬆軟，令人失望。甜品嗌咗豆沙鍋餅，新鮮熱辣，炸得唔會太燶，亦冇好重油益味，味道甜得岩岩好，令人滿意雖然係中餐廳，但都學習左日式餐廳嘅優點，會有個架比客人放袋，幾貼心。呢餐整體來講算幾好，大部份菜式都算有水準。

//< 樂天皇朝 >一直都聽聞佢地既8色小籠包好出名，唯一直未試～ 近排見到foodie們都去食就終於一試究竟🥰 平日下午茶優惠仲有半價添啊omg😍😍- 皇朝小籠包 $118–> $59 -超吸引好吸睛🤤 8隻顏色8種味道😎每個味都唔會太濃令人覺得奇怪～好有心思咁要順次序順濃淡去食😆特別鍾意黑松露、蒜味同川味🙊芝士可以拉絲、蟹粉幾正都唔錯🙊人參味稍微覺得一般！但係整體都皮薄多汁好味道- 李白醉雞 $85 —> $42.5 -份量唔少！okay滑啦未至於好嫩好滑🤣酒味都幾香而唔會話太’keng’! 啖啖肉唯獨某d位置肥左少少，但係都okay😇半價真係好抵好抵！呢個優惠其實都已經好耐架喇🤧想用優惠嘅價錢去試就唔好錯過喇💕平日2:30-5:00啊！—————————————評分：6.8/10地址：青衣青敬路33號青衣城3樓310B號舖營業時間：11:30-22:30#樂天皇朝 #小籠包 #青衣 #青衣美食 #青衣城 #青衣城美食 #香港美食 #美食博客 #hkfood #hkfoodie #hkfoodshare #hkfoodlover #hkfoodblo

在疫情的時候，餐廳對衛生不能怠慢，每位客人要量體溫及備有酒精消毒雙手。麻醬油麥菜 （$65）油麥菜卷得扎實，當沙律食，好爽，加麻醬就更開胃椒鹽小黃魚 （$108）小黃魚外皮炸得鬆脆，小黃魚沒有太多骨，魚肉有點鬆散蘿蔔絲酥 （$42)蘿蔔絲蓉熱辣辣，外皮焗都黃金，好香。入口即溶的蘿蔔絲蓉。清燉雞湯 （$62）雞湯清潤，雞味濃郁，但一點也不覺得油膩，好滋補。小龍包 （$118）這個是廳餐出名的菜色，有八種不同的味道，雖然不是第一次食，但每次都有驚喜，而我鍾情於原味，當然蟹粉、川味、蒜味也不錯，濃味出眾，每隻小籠包都好多汁。

網上訂左台有半價我明出面市道好差想出去食野既都唔系好多人，系咁既疫情下就算老波 派一萬蚊都唔系開心事推介下先呢間我多數會叫酸辣湯面同小籠包都好食今曰無素鵝食疫情下入餐廳要 量體溫系非常好

上一次食樂天皇朝係晚上六點， 食到一半先發覺原來平日 下午2點半至下午5点部份食物係半價， 當晚400蚊埋單， 於是隔咗一個星期喺半價時段去食， 心喺度諗會唔會將貨就價， 偷工減料呢? 於是叫返同我上次食正價嘅種類🤔， 八色小籠包 味道層次無變， 八種味道款款美味， 原味小籠包皮薄多湯， 略嫌肉質有啲"鞋",擔擔麵啲醬亦好香口，麵質滑，不過湯杰咗小小， 煎鍋貼香脆可口而且咬開仲有肉汁， 正! 埋單都唔使200蚊， 而且品質同正價係一樣， 我最鍾意係薑絲 自己鍾意幾多夾幾多， 唔似有啲跟一小碟， 加埋咁舒適嘅環境 值得推薦!

新年過冇耐，都想同⛄️兩個人食下中菜，就去左呢度啦，佢主打宮廷上海菜，而價錢又唔算貴。值得一讚嘅係佢地嘅衛生真係做得足，除左職員戴口罩呢d基本野，入到門口會續個探熱同有酒精搓手液比大家用，而且廚房有塊透明玻璃，見到d廚師全部戴曬口罩😷，我地d食客都食得放心d🤓-特色皇朝小籠包(8色) $108呢個係樂天皇朝必點嘅八味小籠包，有齊曬8隻味，勁colourful，啱曬d選擇困難症嘅人試曬每隻味🙈咬開會流湯汁所以小心熱啊♨️最鍾意佢d皮薄得黎煙韌，唔會好易穿，手殘嘅我都可以輕鬆夾起🤓而每隻味都好香，特別係松露味同鵝肝，味道濃郁，想再來多件嘅節奏🤩-鮑魚炒飯 $118用鮑魚炒飯真係第一次聽🤓每一粒飯都均勻地索曬d鮑魚汁，食落唔會好似一般炒飯咁乾，面頭舊鮑魚令到成個炒飯賣相好吸引🤩-皇朝話梅骨 $88個人好鍾意食酸野，呢個一定要叫😆！！d排骨比較細舊，不過就好入味，睇個色水已經知😏d汁唔多唔少，啱啱好鎖實係d排骨度，鍾意酸嘅人呢個係必點，食完好開胃！-竹筒剁椒魚片 $128魚片夠曬滑溜，用油爆過之後更加帶到剁椒嘅香味🤩而且每一片都係冇骨，啱曬唔想拆骨嘅懶人，微辣對於唔太食到辣嘅人都ok😋-檸檬蘆薈桂