樂天皇朝 (青衣城1)

营业中

休息中

肺炎期間好耐都冇無出街食飯！今晚終於忍唔到，好想食炸醬麵😂所以去左屋企附近間樂天皇朝搵食～去到樂天皇朝當然要叫八色小籠包～一次過可以食幾款口味～佢ge小籠包皮薄，湯汁夠多～蘿蔔絲酥餅又係我好鍾意的小食～外皮酥脆，入面的蘿蔔絲仲熱辣辣～紅油鮮蝦抄手係我老公的最愛～唔係間間紅油抄手都好味～ 重點在於「紅油」，樂天皇朝的紅油唔係普通辣油得個辣字，佢辣得黎好香，仲好惹味～京味炸醬麵我真係好好好鍾意食炸醬麵～濃濃的醬汁，甜甜辣辣的，好味！涼拌海中寶海蜇夠爽口，配上酸酸甜甜的汁，好開胃～好彩屋企附近有間高質滬菜～呢間樂天皇朝我已經幫襯過幾次～價錢同食物質素成正比～ 環境唔錯，又坐得舒服～