樂天皇朝 (青衣城1)

营业中

休息中

今日黎樂天皇朝青衣城店, 出港鐵點就見到店舖很易找,  店內環境十分舒適, 坐位闊落,  裝修古色古香. 點左以下三款主食及甜品.原味小籠包($72) 咬一啖已經知道是好味小籠包, 皮薄餡靚, 包裹著熱辣辣肉汁、內汁液浸住肉餡, 全感受到小籠包既鮮美, 再配醋同薑絲, 令味覺提升.🥟李白醉雞($88): 雞肉嫩滑而且雞肉好香花雕味, 份量多都好入味木樨肉炒拉麵($90):  足料唔油膩有芽菜 ，椰菜 ，肉絲 ，木耳各配菜分量不少香煎豆沙鍋餅($58): 薄薄的餅皮再有紅豆清香，食落口感綿密，甜而不膩。 不要以為是簡單一塊中式煎餅夾紅豆餡，因為食落口不感到強烈的炸油味，確實好吃樂天皇朝食物有水準加上環境舒適價錢合理下次屋企人或朋友聚會再黎試試八色小籠包,  八款獨特口味小籠包, 包括有蟹粉,芝士, 香蒜,人參,麻辣, 鵝肝和黑松露📌樂天皇朝青衣青敬路31-33號青衣城1 3樓310B號

去完迪士尼玩,去青衣城搵嘢食,就去返我鍾意嘅樂天皇朝,一坐低就奉上花生小食上海炒飯:飯炒得粒粒分明,上哂色,稍為有鑊氣,另外加咗菜心粒增加口感口水雞:入口冰涼微辣,食得出幾有雞味,雞上面嘅辣醬係有少少偏鹹,建議連埋雞一齊食糖醋魚片:採用咗鮮魚片,比較薄,做法比較偏向咕嚕骨,酸得好食蟹粉鍋貼:上次食八色小籠包覺得蟹粉口味幾好,於是今次直接嗌蟹粉鍋貼,果然無令我失望,蟹粉嘅味道融入咗豬肉餡,隻隻一咬都爆汁

每次約朋友去青衣城都必食地方😍😍今日又食我至愛小籠包🫶🏻地方大坐得又舒適👍🏻先來一碟花生小食-微熱栗子及花生，好開胃，係咁食😁今日點了至愛川味小籠包-全皮紅色已經有川香風味，先等一陣才慢慢夾起，點起醋，再用口細口咬，絕飲湯汁，辣味已經上昇，再一口咬，嘩，簡直回味無窮，一籠有6隻。抵食🥰🥰素鵝-我覺得看似簡單但其實都考功夫餸菜。看似好的骰，但經過煙燻後，令到香而不膩，外皮帶小脆。不錯👍🏻素菜餃-蒸餃內全是素菜，脹卜卜，料多皮簿，一籠6隻，正成都口水雞-麻、辣，滑已經係口水雞重點😄麻辣淋滿雞件，雞夠滑，必試🫶🏻

環境係幾好坐因為空間夠大同隔離枱距離都遠感覺幾啱一家大細一齊食價位亦都唔貴啱晒食團年飯但係味道嚟講就認真爭啲賽螃蟹同紅油抄手直頭係唔合格應該叫蛋白撈醋同豉油撈雲吞皮水餃小籠包皮偏厚肉香味唔濃想要啲新鮮感嘅八色小籠包唔會有奇怪感但又算唔上係好食前菜油燘筍同烤麩反而比較好上海炒年糕都唔錯年糕處理得幾好但有次個廚落太多老抽見到嚇親我沙拉骨同咕嚕肉都有種勾太多芡嘅感覺不過味道正常唔會太鹹或太甜酸辣湯偏水味道偏酸食唔到其他材料味唔好諗住會食到好正宗口味嘅上海菜亦都唔會話好精緻食過返尋味中規中矩冇肚痛冇投訴但係建議唔好叫擂沙湯丸同驢打滾麵粉味好重好似放咗啖澱粉質入口咁

一向都鍾意食上海小籠包所以見到間上海餐廳高入咗去10粒小籠包$118皮薄餡靚，裏面好多汁，所以夾嘅時候要小心啲，好容易穿咗啲汁就流晒出嚟😛係正常小籠包嘅味道，另外佢有醋同薑絲可以自己加，所以可以食好多都唔會覺得膩蟹粉炒飯$142炒飯底，上面有蟹粉嘅汁，好香蟹嘅味道上海炒年糕$93淨係望個顏色，感覺上好濃味，去食落又唔會，反而味道啱啱好，年糕好煙韌，而且都幾鍾意佢啲配菜，有冬菇同娃娃菜，仲有啲肉絲

🥢皇朝小龍包(8 pcs) $142一直以來都係主打的必食八色小籠包，不只賣相吸引📸，而且味道都好正！😋 共有八個口味，有原味、蒜香、鵝肝、蟹粉、芝士、川味、黑松露同埋糟溜絲瓜。每個味都好有特色。每款都皮薄多餡🤩，而且入面仲有好多肉汁💯💯！🍜鮮蝦雲吞拉麵$85賣相白雪雪🤍入口好驚喜🫢！麵條幼身，口感剛好，軟硬度適中🍜。雲吞蝦肉新鮮香甜，皮薄而滑口❤️，一碗拉麵有4粒足料雲吞🥟。湯底方面，勁濃香豬骨味☺️。🥟上海生煎包$48都係咬開個餡有好多肉汁，新鮮而且煎到個底脆脆地，食落好香口！必點👍👍👍🥃山楂茶（熱）$20好濃山楂味，食落酸酸地，吾錯😉☕️茶位$20/人✏️有加一服務費人均消費$174

呢度嘅小籠包香港數一數二幾好食嘅餐廳，所以嚟呢度一定要食小籠包。小籠包有好多款式唔同味道我就揀咗原味。原味小籠包$72揀咗六隻。小籠包皮薄，而且新鮮蒸起好夠熱，入邊小籠包充滿湯汁、好味道。另外試咗廚師推介餐牌嘅蟹粉鍋貼$58，一份鍋貼有三件，而且都幾大件。咬開鍋貼啖啖肉，入邊有蟹粉、蟹油香味。而另外揀咗個前菜醋醬海蜇頭$88。海蜇頭非常之爽口，醋味濃郁好好食，當然配有青瓜。然後叫咗一個王牌擔擔麵$68一齊食。擔擔面比一般嘅香辣，辣得過癮，而且面上仲有啲麻醬、花生碎、少量蔥花。呢度另外收茶芥$10一位，前菜$15 。

青衣城近年開咗好多餐廳 呢間上海餐廳屹立多年 但依然人氣爆滿 真係要你試吓佢😍==============================𝐅𝐨𝐨𝐝 𝐋𝐢𝐬𝐭📌🥟原味小籠包 食上海嘢又點少得食小籠包🥰要試一間餐廳嘅功架 食佢最基本signature嘅菜式就試出真功夫 有6件同10件嘅選擇 兩個人叫咗六件🤤每隻小籠包大細全部Standard😯究竟點樣可以包得咁靚之餘又可以皮薄餡靚⁉️🤔🐣炸子雞丁 即叫即炸🔥鬆軟酥脆 配合辣椒嘅香辣😋令雞丁昇華到另一個境界🤩🫒肉碎四季豆 有住家嘅感覺🏡冇味精新鮮就咁炒已經好好食👍🏻🍜 皇朝擔擔麵 濃濃花生香湯底非常惹味✨擔擔麵好讚👏🏻==============================四道菜已經食得出呢間餐廳嘅功架💯大型商場講呢個價錢簡直係物超所值🤑

樂天皇朝 青衣青敬路31-33號青衣城1 3樓310B號舖新式飲茶！裝潢現代化，充滿了時尚感和創意，都注重用餐氛圍和服務品質環境闊落，坐得舒服檸檬薏米水 $20成都口水雞 $88辣味十足、香氣四溢辣椒油、花椒粉、蒜泥、醋 雞肉索哂辣油同香料黃魚羮 $63以黃魚為主要材料，少量蔬菜、豆腐魚湯濃郁、豆腐軟糯、口感鮮美 可根個人口味加少量調味料，如鹽、胡椒粉、蔥花！擂沙湯丸 $45口感QQ軟糯 裡面係流心黑芝麻黃魚煨麵 $98魚汁與麵條的濃郁結合，味道鮮美黃魚——海水魚，肉質細嫩，味道鮮美，富含蛋白質和維生素魚湯煨麵條 魚湯的味道可滲入到麵中如果中2食辣，可加辣椒油 佢哋嘅辣椒油幾惹味

La mian served with double-boiled chicken soup 清燉雞湯拉麵 🐔🍜 $95無添加燉青雞湯配湯陽春面喺個唔錯嘅主菜😋，陽春面用招牌豬骨湯底，飲落去充滿骨膠原，而麵嘅口感彈牙份量多，加埋新鮮原隻燉清雞湯🐔，清甜滋潤，入面仲有唔少雞肉，真係滋補、養生又好飲啊👍🏻Braised gluten cube in Shanghai mom’s style 上海媽媽烤麩 $58充滿上海菜特色嘅烤麩係廚師推介產品之一✨，正宗嘅烤麩帶有少少甜醬油味，口感軟身滲滿醬汁，仲有補血嘅雲耳、新鮮冬菇🍄、醃筍絲等，係個幾好食嘅傳統上海前菜Garlic Xiao Long Bao 🧄 蒜香小籠包六粒 $92 蒜香味嘅小籠包比傳統上海小籠包更有特色🥟，灰黑色嘅小籠包外皮望落去已經好特別同吸睛🖤，用天然食材代替食用色素味道更natural 🌿，裏面嘅蒜蓉味湯汁飽滿，而小籠包外皮就好似紙咁薄，好考師傅手藝，每一粒都充滿湯汁而唔油膩，值得推介呀Steamed vegetable buns 家鄉蔬菜包 🥬🥯 $48素食者都啱食嘅家鄉蔬菜包一籠三個，即叫即蒸熱辣辣🔥，包嘅口感軟身棉密

出去青衣城行街街,見好耐冇食過小籠包,就諗起樂天！叫返冷盤食下李白醉雞🐔比佐雞脾位,肉好滑同埋都幾有酒香🍶招牌原味小籠包六粒 $68招牌小籠包,新鮮蒸起還冒著煙,熱燙燙,皮薄,再沾上陳醋、薑絲滋味提升,一口咬下去肉湯洶湧而出,鮮香美味,正👍撈伴海中寶🦐呢個係凍食嘅,配海蜇絲,青瓜絲,魷魚絲,蝦,加啲蒜蓉,酸酸哋頗開胃,如夏天食一流！無錫鮮肉煎鍋貼🥟內裏係juice,只是皮煎得不夠香口,皮硬咗小小😅蔥油餅🥠鬆脆,蔥味夠香,炸得好香脆~切左細細舊,方便食蒜香排骨拉麵排骨🍜麵幼滑,排骨炸得鬆脆清湯燉雞湯麵🍜濃郁雞湯味,亦不錯豆沙鍋餅餡🫓入面有豆沙及有D似麻薯煙韌,不會太甜同樣出色！

💛 樂天皇朝📍青衣青衣城3樓310B號舖------------------------------1️⃣ 特色皇朝小籠包（八色）$138推薦指數：👍🏻👍🏻👍🏻👍🏻味道很創新 最喜歡蟹粉和絲瓜的口味😆蒜味則有點太濃烈 接受不到😂2️⃣ 招牌原味小籠包 $68推薦指數：👍🏻👍🏻👍🏻食完不同味道的小籠包 原味顯得有點平凡單調😂3️⃣ 醋醬海哲頭 $74推薦指數：👍🏻👍🏻👍🏻👍🏻👍🏻推薦🤩海哲頭非常清新 爽脆 配上青瓜 更清爽😍醬汁開胃 酸酸甜甜的4️⃣ 蒜蓉炒菠菜 $68推薦指數：👍🏻👍🏻👍🏻菠菜新鮮 蒜味🧄香濃😆炒得不錯 沒有苦澀味道👍🏻5️⃣ 話梅元蹄（半份）$100推薦指數：👍🏻👍🏻👍🏻元蹄非常軟腍 一夾即散😆話梅甜甜酸酸 送飯一流😂6️⃣ 瑤柱芙蓉賽螃蟹 $84推薦指數：👍🏻👍🏻👍🏻👍🏻👍🏻蛋白處理得不錯 滑嫩🥰還有一隻溫泉蛋 蛋黃的香氣和口感 混和蛋白 不錯🤩7️⃣ 皇朝酸菜魚 $202推薦指數：👍🏻👍🏻魚肉不滑 不太嫩😞味道亦不合格 不太酸 亦不辣 8️⃣ 鮮肉卷豬骨湯拉麵 $68推薦指數：👍🏻👍🏻👍🏻拉麵較腍😆湯底清淡 豬肉片不太滑 當一般的充飢主食9️⃣ 擂沙湯丸 $45 推薦指數：👍🏻👍🏻👍🏻湯丸內餡的芝麻

食上海小菜我梗黎呢度。佢d小籠包，一籠6粒，個皮薄薄咁，包住嘅肉汁好多好鮮美味，令人食落去直呼過癮！仲有上海生煎包，皮脆脆地，一口咬落去，啲肉汁四溢，好鬼正！一盅湯羹，上檯靚，薺菜黃魚羹啲黃魚肉味道濃郁，加上啲薺菜，加d胡椒粉真係好開胃！至於上海炒年糕呢，年糕加埋啲肉同菜，入味而且年糕口感好好。老婆最鍾意食呢個北京宮廷點心「宮廷驢打滾」，又稱豆麵糕，以糯米做皮，紅豆做餡。麵團軟熟、紅豆香甜，係好少地方可以食到嘅高質甜品！抵食架，$48咋。

小籠包食得多，有冇食過唔同顏色，五顏六色，有啲估唔到嘅餡，味道都唔錯👍🏻好特別，夠創新。特色皇朝小籠包屢獲殊榮小籠包，繽紛八色由天然食材提煉而成，蒜香蟹粉芝士原味糟溜絲瓜川味鵝肝黑松露八款口味，啱晒鍾意創新嘅你。楊州炒飯飯粒粒彈牙香口，用料新鮮。聞香蔥油餅蔥油餅食得多，呢一個香脆可口，又唔油膩。糯米紅棗紅棗滋補又養顏，簡直係女士嘅恩物，有冇諗過可以夾煙煙韌韌嘅糯米一齊食？口感非常特別。蘋果荔枝茶蘋果嘅香荔枝嘅甜，配埋茶香氣又可口，仲有消滯嘅作用。❤️餐廳資料🌸餐廳：樂天皇朝地址：青衣青敬路33號青衣城3樓310B號舖@paradisegrouphk#樂天皇朝 #八色小籠包#青衣城 #青衣城美食

今次最令我印象深刻嘅一定係紅油抄手同宮廷驢打滾🤤 紅油抄手都有兩隻，但我建議你食有註明鮮蝦豬肉嗰隻🤭 因為佢的確真材實料👍🏻 加埋啲紅油，其實自己唔食得辣，但佢仲麻麻地嘅口感絕對令成件事加分🤓到宮廷驢打滾 $48/3粒 - 絕對啖啖都係工夫錢🤭 好煙韌好軟，捲着綿滑的紅豆蓉，層次分明，呢嗰絕對可以因為佢再返嚟食🤭凍蘋果與荔枝茶 $28 - 呢嗰凍飲都有啲驚喜，因為驚辣，所以叫嗰凍飲😂 估唔到茶樓都有咁嘅水準嘅飲品🤤 唔甜，都幾好飲☺️鮮肉鍋貼 $45/3件、刀切小饅頭🔪 $30/3件、皇朝擔擔拉麵 少辣 $68 就無乜特别🧐