樂天皇朝 (青衣城1)

营业中

休息中

好耐無來！其中一間滿喜歡的上海菜，勁掛住八色小籠包，記得上一次來已經好多年前，第一次同呀女來食🥰餐廳播住中國音樂，有highchair 坐得舒服服務又好👍🏻.特色皇朝小籠包（八色）$142蟹粉豆腐 $138糖醋魚片 $108.來呢到一定為左小籠包！八種顏色八款口味：原味、蒜香、糟溜絲瓜、鵝肝、川味、芝士、蟹粉、黑松露，大愛黑松露和蟹粉味道濃厚，呀女仲完美示範bb式食小籠包笑死🤣.點了兩個小菜滿驚喜👍🏻成煲豆腐上😍熱辣辣蟹粉味道濃厚，口感細滑，出色👍🏻上海菜緊係食糖醋魚，魚塊煎得香口，仲有三色椒、洋蔥、菠蘿，酸酸甜甜好開胃😋.環境舒服又好味，最緊要呀女食得開心🥳食飽有氣力去玩啦！

今次我地就同屋企人食飯，又加添下多元化，所以就介紹下中式菜，價錢同平時酒樓差不多。💸$ 1130 💁🏼‍♀️人均$200-300不等整體食物評價：★ ★ ★ ★☆整體食物都幾好，而且有特色。服務態度：★ ★ ★ ☆ ☆服務員既態度都唔錯，但可能坐比較偏遠，難d見到服務員落單。環境氣氛：★ ★ ★ ☆ ☆同平時酒樓設計冇太大分別。🥯食物方面皇朝特色小籠包 （8隻）唔同色既小籠包打卡好靚🤩，而每隻色都分別係唔同味，有原味、蟹粉小籠包（橙色）、黑松露小籠包（黑色）、鵝肝小籠包（啡色）、絲瓜小籠包（綠色）、芝士小籠包（黃色）、川味小籠包（紅色）、蒜香小籠包（灰色）。味道都好新奇特別，然後入面勁juice超多汁。如果大家想叫任何剩一款味道都可以😌。清炒白菜苗因為成餐飯想冇咁油膩唔健康，叫多左碟菜😂，但呢碟菜好脆卜卜唔係熟到林哂，比較有咬口會好食d😆。川味水煮美國牛小排我地一致好評，成餐飯既MVP😆。CP值好高，價錢近$200但係份量大到夠4個人食，碗底仲有好多薯粉😂，真係好好食🥹。食落口雖然做到麻辣感，但都唔會覺得油膩感好重，唔會好似平時食麻辣野食完個口成陣油味。椒鹽小黃魚小黃魚魚皮煎得好香口好脆

今日同朋友去左青衣食中菜。樂天王朝的小籠包真係好出名，特別是他們的八款不同口味的小籠包，包括原味、絲瓜、鵝肝、黑松露、芝士、蟹粉、蒜香和川味，非常多元化。其中，我個人非常喜歡原味小籠包，肉質鮮美多汁，蒸得剛剛好，每一口都能夠感受到肉汁的爆發，真的是讓人回味無窮的美味佳餚。楊州炒飯，飯粒粒粒分明，每一口都能夠感受到蝦仁和叉燒的鮮美，調味也恰到好處，非常好吃。賽螃蟹，已經加入了少量的醋調味，讓人感到清爽開胃。再加上原隻蛋黃，口感更加豐富。餐廳的環境也舒適和雅致。菜餚外觀精美、符合廣東菜的烹飪特點。

之前經過餐廳已經好食想佢個特色皇朝小籠包，今次同屋企人嚟食，佢地都講想食，小籠包有8個口味-原味、糟溜絲瓜、鵝肝、黑松露、芝士、蟹粉、蒜香、川味。雖然餐牌有講到食嘅次序，但店員好細心再提醒一次。一咬開，好多肉汁嘅精華流出嚟，好好飲。個人最推介原味&黑松露味，味道最為突出。另外想叫個特色菜-京醬肉絲，醬肉絲好入味，一開頭以為係咸味，點知係咸甜咸甜，配埋蔥絲&皮食，好獨特鮑魚炒飯味道非常鮮美，飯粒粒分明，香濃而有口感，鮑魚則爽口彈牙帶鮮甜

小朋友想吃小籠包，即時想起樂天王朝。很久沒有來了，看看餐牌有新菜式。沙拉排骨，炸起豬扒沾上沙拉醬汁，豬扒很軟熟，小朋友很喜歡。上海菜當然不少得吃上海小籠包，有很多款味道，芝士、蟹粉、鵝肝、黑松露等，但我較喜歡吃原汁原味的小籠包。皮薄多汁，趁熱吃。爸爸很愛吃辣，特意點了四川水煮牛肉，有分小辣、中辣及大辣。送上來紅紅的，有很多辣椒，未吃都感受到辣的氣場。材料豐富有牛肉、粉絲、麵條等。雖然點小辣，但已經辣到不能入口，但爸爸他說可以在辣一點。如果平日習慣吃辣及愛辣的人，不妨挑戰大辣。

很喜歡到這餐廳進食，因為環境舒適，光猛明亮，座位寬敞，服務態度很好，又有BB座椅，適合一家大細享用。餐牌選擇多，每次也要困難的選啊松子桂魚原條炸起，味道酸甜甜的。雖然有很多醬汁，但魚身仍然外脆內軟，入口美味。竹炭流沙包本人非常欣賞，外表烏黑色，平平無奇，但打開內裏，熱騰騰的蛋黃流沙不斷，名副其實，大愛。雪菜鹹肉炒年糕老少咸宜，年糕煙煙韌韌的口感小朋友亦非常喜歡，不過如果份量可以多一點就好了。餐廳提供淡淡的茶供大家解脂，小朋友不喝茶可以喝豆漿。如果大家不喜歡前菜，亦可以叫職員收回，賬單會免收小食費的。滿足的一餐📍樂天皇朝地址：青衣青敬路33號青衣城3樓310B號舖

就快到父親節，當然要同爸爸兩個撐下枱腳啦。今日黎到青衣城食樂天皇朝，因為突然好想食小籠包。餐廳既環境乾淨企理，仲可以透過大玻璃睇住廚師包小籠包，食得都安心啲。🔹原味小籠包🔹小籠包一籠有6粒，稱得上皮薄餡靚，咬落仲有湯汁，湯汁都幾鮮甜。🔹上海生煎包🔹上海生煎包外皮香脆，包軟熟，一樣有滿滿湯汁嘅，食既時候一個唔留神，啲湯汁就會噴到周圍都係。🔹椒鹽小黃魚🔹老人家愛食魚，呢碟小黃魚竟然令佢讚不絕口。小黃魚除左外脆內軟之外，肉質仍然好嫩滑，加上係椒鹽調味，配飯食係一流。🔹蟹粉炒飯🔹蟹粉炒飯好吸引，蟹粉和蟹膏放左炒飯的面上，離遠都聞到陣陣蟹既鮮味。炒飯炒到粒粒分明，加上蟹膏的甘香，非常惹味。.

提及特色小籠包，相信大家會聯想起《樂天皇朝》的經典八色小籠包，有原味、糟溜絲瓜、鵝肝、黑松露、起司、蟹粉、蒜香、川味，味道獨特，配上色彩繽紛的外皮，感覺猶如法式甜點的馬卡龍。最近，BeautySearch 來到位於青衣的《樂天皇朝》，不過，這次不是品嚐小籠包，而是嚐嚐其他美食。餐牌上有多款廚師推薦，而我點選了當中的皇朝話梅骨，味道酸酸甜甜，排骨的肉雖然不多，但勝在肉質軟腍爽口，而且均勻沾上話梅汁的酸甜味，令人越食越開胃，非常適合現時這悶熱天氣享用。  上海炒飯色澤相當吸引，鑊氣十足，充滿飯香，當中還有牛肉碎、蝦仁及菜粒等，餡料蠻多，搭配粒粒分明飯粒，十分有口感。 肉絲年糕豬骨湯，乳白的豬骨湯底，搭配口感煙韌軟糯的年糕，還有肉絲、津白等，令味道更為豐富，鮮甜味美。宮廷爐打滾，名字相當特別，還是第一次見，原來是甜品名。究竟是什麼？卷物外形，表層撒上大量黃豆粉，入口時香軟煙韌，口感有點像糯米糍、很香，中間卷著紅豆蓉，不太甜膩，蠻不錯。店內空間相當寬敞，裝潢富麗堂皇，充滿氣派的中國風，在這裡進餐十分舒適。

突然好想食小籠包, 約朋友問佢去邊間好佢就話梗係樂天皇朝啦, 比佢越講越想食所以就約左佢係青衣城食啦青衣城間樂天皇朝都幾大, 環境都幾闊落, 幾岩三五知己/一家大細食飯傾計前菜既花生係入晒味的, 唔係一般坊間花生可以, 前菜都見到餐廳既誠意原味小籠包-$72/6隻小籠包都幾晶瑩剔透, 個皮都算幾包, 但又包得D湯好穩陣, 可見師傅既功力, 入面既肉都幾鮮嫩, 仲有唔少湯汁, 所以記得要開左個窗, 飲左D湯, 先好放落好鮑魚炒飯-$128鮑魚炒飯係真係有鮑魚的, 貨真價實, 而且幾入味, 幾好味, 而個炒飯炒得好好, 幾有鑊氣, 而且粒粒飯都好入味, 唔怪得係廚師推薦鮮蝦抄手拌麵-$75個拌麵係有少少麻辣味的, 好開胃, 而個鮮蝦抄手都好足料, 蝦又夠爽口彈牙總結樂天皇朝果然唔錯, 小籠包係一絕, 下次會再黎試下其他款既小籠包的

朋友帶我黎青衣城食晚餐，青衣有間食上海菜既餐廳，入面好闊落，好好坐，有好多位置好岩一家人去食，仲可以睇到廚師同廚房點做小籠包，甘樣衞生情況就比較乾淨睇到廚房運作食得安心d,即叫即整大大粒，皮薄涵靚，好多汁同唔會好易爆皮，涵同肉汁味道新鮮蒸到岩岩好，新鮮軟熟，香口，仲有小炒款式都好多，小食，小菜，魚鮮等等都有，蔥爆牛肉好大碟，入味，牛肉好多片抵食，魚肉加入糖醋酸甜開胃，魚肉無骨易入口，幾多菠蘿配菜都入味。

青衣城地鐵一出就係，完全唔洗周圍搵路，約長輩又一好選擇喇！ 天氣開始熱，入到黎好舒服，慢慢先嗌野食。先黎個清燉雞湯補一補， 夠哂老火，雞味香濃，老人家舉手指大讚。薺菜黃魚春卷，皮薄夠脆口，第一次試呢個配搭味道好夾。仲嗌左其他小食，紅油鮮蝦豬肉炒手，大大粒好飽滿，調製辣味正宗，咬落新鮮，皮薄餡靚，好耐無食過既質素，6粒唔夠喉呀！ 至於竹炭流沙包，好軟熟，流沙蛋黃色香味俱全，外賣多一份午阿囡先得。地方寬敞闊落，估唔到平日下午茶人流超爆，年齡層係2-90歲，門口有洗手間，提醒老人家搭車前去左先。

依間食小籠包都出曬名，之前八色小籠包剛推出嘅時候。晚市時段如果沒有book位，基本上都要等一個鐘以上先可以有位，不過依家分店多咗，基本上都唔需要等位，而且咁啱經過見到他們下午茶時段平日有5折優惠，咁梗係要入去食下小籠包雖然只係小籠包、點心、涼菜、湯及拉麵，但其實都已經好多款式可以選擇原味小籠包(6PCS) 原價$72 折後$36 推薦指數🗯️：🌟🌟🌟味道方面和其他鋪的小籠包感覺差不多，不過都算皮薄餡靚，而且食的時候會爆汁，所以要小心啲芝上小籠包(6 pcs) 原價$92 折後$46推薦指數🗯️：🌟🌟🌟其實味道和口感上和原味分別不大，芝士味不濃，不過食完會覺得比原味更加滯蒸饅頭 原價$30 折後$15 推薦指數🗯️：🌟🌟🌟🌟食落都好鬆軟，唔會好實身，而且會食到淡淡牛奶的甜味，不過配埋煉奶一齊食也不錯紅燒扣肉拉麵 原價$90 折後$45推薦指數🗯️：🌟🌟🌟🌟份量沒有因為打折而減少咗，扣肉依舊大大一嚿，食落肥瘦適中，唔會食完覺得好滯，拉麵嘅硬度適中，唔會太淋，整體來講都幾好食三鮮鮮肉水餃 原價$68 折後$34推薦指數🗯️：🌟🌟味道方面冇咩特別，就係平時百自己買到嘅急凍水餃以上均是我個人觀感，每個人嘅

因為要去博覽館睇演唱會所以預先去青衣呢邊食咗嘢先入去😆我超級鍾意食佢個前菜啲栗子同花生都好淋好好味😆每次我都會食到停唔到口👍🏻- 雪菜鹹肉炒年糕啲年糕好煙韌 配埋啲鹹肉鹹鹹地好香🥰👍🏻- 蝦仁酸辣湯拉麵酸辣湯好足料 不過食落都有啲啲辣😆辣得好過癮🤤- 刀切小饅頭（炸）個饅頭炸到金黃色點埋啲煉奶 簡直perfect👍🏻不過成日都覺得啲煉奶唔夠多😂- 原味小籠包（六件）小籠包方面 入面啲湯唔算多不過不失 記得要趁熱食😝

樂天皇朝是新派滬菜，在青衣城的分店， 簡約優雅中式佈置，落地大玻璃窗， 採光度十足，環境闊落 舒適， 剛巧坐玻璃窗口位置， 可以俯瞰整個熱鬧的商場。李白醉雞例牌 $88李白醉雞，金黃的雞皮，充滿彈性，雞皮下還有一層透明啫喱，雞肉軟嫩滑溜， 帶淡淡醉人酒香， 卻不會奪去雞的鮮味， 令人喜歡。蒜香排骨湯拉麵 $85大塊嘅排骨炸到酥脆可口，啖啖惹味嘅蒜香， 爽彈的拉麵好掛汁， 浸泡在濃稠奶白色的豬骨湯， 加上香香蔥粒， 滋味滿載。招牌原味小籠包六粒 $72新鮮蒸起的招牌小籠包， 還冒著煙 ，小籠包皮薄餡靚，夾起小籠包， 看到湯汁在底部滾動，大口咬下去，肉湯洶湧而出， 湯汁鮮甜美味， 再配上陳醋、薑絲， 滋味加倍提升。桂花酒釀丸子 $38桂花酒釀丸子， 甜度適中， 丸子香軟滑糯， 加上淡淡的桂花香味及酒香，完美融合， 成為上海經典的甜品。

🚸蟹粉鍋貼👍🏻🥢蟹粉鍋貼：雖然未到食大閘蟹嘅季節，但蟹膏鍋貼依然出色，一咬滿口蟹油香🦀，建議唔加醋原汁原味食😋。🥢原味小籠包：小籠包皮薄🐽Q彈，湯汁是精華，果然是signature dish。🥢京醬肉絲配薄餅：京蔥絲炒肉絲好惹味！薄餅就稍稍凍同硬。🥢宮保腰果雞丁：少少辣啱送酒，不過腰果份量較少。味道：🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）