樂天大喜屋 (已結業)

上星期專登帶屋企兩老黎試下食放題，黎之前睇過呢間放題差唔多日日都爆晒場，所以一早book 好位，一行5人，到左book 枱時間，大批食客個個排好晒隊等入場食餐勁。第一次黎，原來係用app點菜，好方便又唔使狂fing手叫侍應，真係落單都快好多。今次真係食得好滿足，連媽咪daddy都大讚好食，仲話要帶埋其他親戚朋友黎試下。掛住食，完全唔記得影相，但好食既野真係好多好多，燒鰻魚、花膠、蟹粥、扇貝、串燒、天婦羅、刺身，全部都好新鮮，熱辣辣。順帶一提每人仲有一杯Häagen-Dazs雪糕，有限定口味食，正啊！不過自己最唔滿意一樣野就係環境真係比較迫，其他野都好好😀

大約有大半年無去 以為keep到水準 去大喜屋食當treat下自己 點知好多嘢都差咗 Haagen-Dazes無得任拎 仲要係每人限拎一次 得啲垃圾味 門口已經無曬人係度121314 大灜喜反而仲好仲多選擇又比較平今日食咗四五件三文魚刺身已經濟 創興大喜屋風光不再⋯ quality大跌 choice都大跌 失望

一行8人， 去完旺角shopping，惆悵緊唔知食咩好，其中一個朋友提議食放題， 好彩打去book仍然有得選擇7:30嗰轉。成班餓鬼衝上去 瘋狂點嘢食，嘢食選擇好多，亦有甜品區同飲品區，地方好大，不過可行嘅位置就窄少少。講下食物質素先，刺身整體好新鮮，希靈魚好鮮甜，另一讚係赤貝；炸物中最欣賞係芝麻雞翼同埋榴槤波波，雞翼色澤金黃，醃得好入味， 炸球內充滿榴槤香，外脆內軟， 我食緊隔離幾位都聞到一陣陣榴槤香味。唯一唔like係梅酒，以為係驚喜，可惜好難飲，超甜冇梅味。

晚上突然想吃放題，很幸運能訂到位可以7:30這段時間，不用吃到太夜。坐低馬上開始點餐，用手機掃描二維碼就可以直接點餐，重點肯定是魚生，油甘魚好新鮮，切得夠厚，不過偶爾有幾塊有筋，另外虎蝦、赤背、北極貝、帶子、希靈魚都算新鮮，帶子不似一般普通放題切得好薄，特別是赤背，口感很好，一定要大量吃。羊架烤得味道不錯，入味不會腥，雞翅就一般，有雪味，雖然烤得外皮酥脆，但裡面沒有味道。基本上烤物都有水準，特別要吃烤菠蘿，酸甜解膩。飲品種類選擇都算多，還有甜品區，但因為座在哪裡位置，懶得出去拿，所以不評論。整體食物水準還可以，沒有出現漏單情況，不過位置坐得比較迫。最後還有兩款名牌雪糕可以選擇，每人只能要一杯，很滿足了。

已經有一段時間冇食呢間樂天大喜屋，同以前一樣係咁多人，嚟到呢度見到佢個雪櫃有好多飲品選擇，而店員一直都將啲新嘅飲品放入雪櫃。其實以前去食放題我係唔會食壽司，因為覺得比咁多錢去食飯浪費左🤣但最近我比較返平時出去食嘅壽司，呢度嘅壽司竟然係比較高質素，經過比較之後其實呢到淨食壽司都值得，我就叫帆立貝，芝士蟹柳同埋星鰻壽司，質素真係唔錯。另外一提，佢個一口鰻魚超級好食，平時出去食鰻魚飯，有時會覺得佢既鰻魚好韌，但佢呢到係比較軟既，我好鍾意食。👍🏻👍🏻👍🏻👍🏻佢呢度亦都有一個自助拎熱清酒既機器，可以好似飲水機咁自動湛熱清酒。刺身方面，叫左我最鍾意既三文魚，大赤蝦同埋帶子肉質鮮美，冇雪味。最後其實有d意外，見到而家落單已經電子化左，用電話掃一掃QR code就可以，非常方便。👍🏻

時段5:30-7:30pm 星期五 第一round 坐唔滿唔算太多人食物質素 一般 叫左嘅野食係下面個d 點完野食黎嘅速度快炸物保持水準 、 剌身味道正常海膽手卷 （海膽新鮮）但紫菜叫2次2次黎到都係唔脆羊架 同 牛柳粒 肉質唔錯 但敗筆之處 黎到都係凍嘅到尾段7:20-7:30 左右收碟速度慢到 佢地好似睇唔到咁 直行直過最差就係服務態度差（半金色 及肩頭髮侍應小姐）大喜屋集團期下嘅放題，我都食過好多次 不同地方（尖沙咀、銅鑼灣、元朗）級數唔同（殿、極尚）但最令我另眼相看就係今日哩一間樂天大喜屋 話說 最後食完會俾張紙你 寫雪糕（Haagen dazs 同movenpick 每人一杯 ） 我地每款各一杯 黎到 Haagen Dazs 個只味唔係我個種味（奇異芒果） ，當時我男友食緊自己個杯由佢黎到我發現都唔過2-3分鐘 叫侍應過黎話換反我要個款味道侍應 我侍應：「雪糕溶曬，個盒變曬形。」我：「下，放左幾分鐘，點會溶曬？ 你地黎到就係咁嘅樣。」我：「我男朋友食緊都無溶到咁」侍應：「個盒變曬形」我：「Haagen Dazs 雪糕唔係要放幾分鐘，5分鐘先食嘅咩， 仲有放幾分鐘唔會溶到變

耐唔耐我就會約埋我朋友去擦餐放題,講度放題我地兩個都會去指定嘅餐廳-樂天大喜屋大家都知道呢度長期爆滿,原因好簡單,就係價錢合理,食物水準又不錯,所以經常滿座都不無原因,講開食物,種類繁多我最喜歡就係佢地嘅劍魚腩魚生同左口魚壽司,而熟食方面,我就很喜歡雞軟骨,蝦天婦羅和盬燒雞翼。所以我呢幾款會點得特別多,而另外亦都有好多其他種類嘅食物味道都不錯,而飯後甜品亦都有movenpick 同 haagen dazs選擇。在座期間,都見到好多一家大小嘅家庭過嚟食,尤其是小朋友,食得非常開心。家庭聚會這裡都不失為一個好選擇。

同好友慶祝生日，唔少得要拆返餐勁架，最好既選擇梗係搵間好味既放題放肆食一餐，提到好味既放題又點會少得樂天大喜屋。避免太多人要等，我地一早book好位，一如既往都係好多野食前菜主要都會係出面既自助專區度夾，幾款前菜味道都唔錯而且好夠凍刺身選擇多又新鮮，連蟹腳都有得食，我地每樣都叫左少少，可以試多幾款又唔會太飽點少得海膽手卷，細細舊方便入口，海膽好鮮甜鰻魚係每次必點既，真係好好味，而且每次都比足份量，唔使爭食帆立貝有濃厚芝士味，好正唔係好記得呢條魚咩名堂，但好好味，我地encore左兩次天婦羅炸粉唔會太厚，炸得好香脆最愛芝麻雞翼，外脆內嫩，咬落好juicy雞軟骨都係每次必點項目，唔會太飽肚人參雞湯，有人參味而且有大大件雞榴槤波波，榴槤控又點可以錯過最後每人一杯雪糕，有最喜愛既焦糖脆餅，結束圓滿既一餐

兩個星期同朋友就去咗呢間放題飯堂慶祝生日， 呢間放題食咗咁多年都冇乜點變唔會退步，食物有一定水準！值得一提嘅係，而家點放題已經唔用一本簿仔嘅點餐紙，你只要掃一掃QR code就點到餐可以同朋友各有各點！好方便！食放題一定要有刺身拼盤，雖然拼盤已經冇以前嘅乾冰坐鎮，但反而食物比以前更有水準！赤蝦刺身同你開埋邊，唔使理個頭，啖啖肉又新鮮！帆立貝好大粒又厚切，食落有鮮味，做足解凍！呢個罐裝飲品值得推介-荔枝烏龍茶！甜到唔算太高，。入邊冇荔枝粒粒但反而更清爽，又有烏龍茶味！天婦羅方面有大蟹柳，抵讚！海膽迷你手卷-一啖一口無理由唔食，出街食海膽就貴啦！牛油粟米每人一杯，好香牛油味，粟米夠香甜，無得輸！最後當然要食H記雪糕，有焦糖脆餅味，第二間放題就未必有呢個味啦!

朋友喜歡吃樂天大喜屋話款式多味道不錯，今次又約了我一齊二人過來吃放題，一個個好多飲品選擇的飲品櫃好吸引，而且仲有凍盤，甜品在出面都可以找到，叫完食物就出去拿凍盤的蝦又爽口又甜，食物都開始來到壽司好快來到，帶子壽司厚身又甜美，三文魚腩壽司濃郁味道又厚身啖啖肉，當然也有不少火炙壽司選擇而左口魚邊就是我最愛，魚油十足又軟熟。卷物細細件岩一口吃，天婦羅幾新鮮又不油不錯，芝麻雞翼芝麻味好香又脆。手卷海膽份量幾多，又都幾新鮮，紫菜又夠脆口。熱品如牛柳粒炒得惹味，又夠熱新鮮。刺身的蝦都有二款甜蝦和超大赤蝦，好甜又大隻，三文魚新鮮味甜，赤貝好爽口，最後仲有大牌子的雪糕勁滿足。

星期六去食,17:30至19:30 有85折(原價258元一位成人),加一則收原價,未夠鐘,D人已經排隊中。餐廳準時17:30放人入去。除了用QR CODE下單之外,現場有一區提供小食,湯,雪條,在第一輪食物未到時,可以去拎,頂住肚餓,另外飲品都多元化,滿足不同人口味,仲有啤酒飲

今日同朋友去開旺角行街，大家都係日本料理的愛好者，就當然要去食日式放題料理。今晚就去咗旺角的樂天大喜屋，首先坐位夠寬，地方夠大，冷氣充足。環境十分舒服。店員也很有禮貌。食物種類很多選擇，點完食物，又無漏單，值得一讚，上菜時間又算快。非常滿意。叫咗炒蜆，好入味道，蜆好新鮮，又香，汁又濃。刺身方面，又新鮮，賣相也很好，尤其三文魚，又有口感，又滑。非常好食。北寄貝也很新鮮，好鮮味。材料好有水準。炸物也做得非常好食，尤其炸雞翼，又脆脆地又熱，是即制的。手卷也做得好好食。芝士炸蠔，芝士味好濃，蠔又新鮮，一食再食，停不了。個人認為是必食的食物。至於飲品方面，選擇十分之多。實有一款適合自己，最後又有雪糕食，而且係哈根大師。特別好食。又有任食雪條。絕對是非常滿足和物有所值的一餐。

超級肚餓！放工比老世CHUR完後，約埋朋友黎到大喜屋！真系大喜！食番個滿足！有我超超超鍾意啲刺身，鮮甜啲蝦 配埋北奇貝，仲有蜆肉，作為前菜甘打響頭砲要補番下，所以叫個一整煲人蔘冬菇菜湯，見過甘多間放題，依間特別有依個咁補啲湯可以叫，真系要叫黎補番下補完之後，又叫左個特式漫魚，我個人覺得超得意！一片葉甘放響底，我就一大件咁放入口肥美好味之後仲有無限任飲啲野食同埋雪糕，真系由入場超肚餓甘用一個鐘就變成滿載而歸啲感覺建議早點來吃，因為愈夜愈多人 !~

勁好味既日式放題呢間真係非常好食既日式放題!無論係魚生同埋熟食都係絕對冇得輸，超高質!!!魚生黎講每日款都係非常之咁新鮮，而且用冰凍住，最驚艷我既係海膽，佢呢度既海膽係好好食果種，新鮮到爆!另外呢度既蝦都係非常好食，一時忍唔到手就叫左勁多哈哈哈。熟食方面，我係大推烤鰻魚的，放題可以怒食鰻魚真心好幸福，另外呢度有好特色既野叫，佢就係花膠，佢真係有花膠叫既唔係厄人，可以一試!炸物同蠔都勁好食，完全唔會失望，味好夠，該脆口既脆口，該香口既香口，總之超正啦!

同朋友行開街, 經過創興好鬼肚餓, 一上2樓就系放題即刻下載番個apps, 因為大數據年代依家放題店都進化到用apps落單！同朋友一坐底, 已經瘋狂用個apps按按按, 選好了各自喜愛啲野食刺身呀，油甘魚呀，三文魚呀，希靈魚呀，北寄貝呀等等全部新鮮啲您叫得出啲食材，依度都有呀！！！！另外叫左鰻魚，師傅一件件的放在一片葉上面，肥厚的吸引到我一大口放進口內！除左凍食啲刺身，我地仲叫左個人蔘煲，補下養顏嘛全場任飲啲野飲仲有不少，我就選左菠蘿汁同埋烏龍茶cross over咁飲甘樣撞黎飲真系好鬼正咁！放題啲美食多不勝數，我地仲有食蝦呀，炸物呀，等等，依間放題啲侍應也特別快手，上菜快，收碗也快，服務一流下次肚餓一定再黎瘋狂掃食xDDDD