樂園素食

营业中

休息中

一入到佢，正常要求戴住口罩攞食物啦，佢貼心到比定手套，攞嘢食要戴住手套嘅，雖然我覺得無乜特別幫助，但起碼知佢注意衛生嘅，咁食得更放心。熱葷：都幾多選擇，黑松露炒飯，炒麵，炒河，好大塊嘅粟米餅，春卷，咖哩角，椰汁南瓜，炒青豆，茄子......樣樣試少少，飽飽啦喎 最鍾逴個黑松露炒飯，有松露味嫁，夠乾身。冷盤：勁似真身壽司嘅素壽司，一般卷物好正，而佢嘅素餐肉壽司，本身素餐肉一向好鍾意食，估唔到配壽司飯咁夾，可能我一向鍾意食素餐肉啦！仲有醋雲耳，拍青瓜等，都水準之上嘅。甜品方面：有桃膠雪耳龍眼糖水，綠豆沙，brownie,泡芙，仲有款百香果糕（無試），水準十錯，桃膠糖水甜度適中，（我一向好甜的 不過真係唔覺甜），桃膠份旺好夠，只食2碗都覺得抵返晒。Bownie應該賣回來的貨，出面食開無乜分別，咁當然有一定水準先間間buffet都訂貨。總體食物水準不錯，樣樣嘢食都水準之上，飲品都有幾款，如可keep住做優惠，應該可以keep到人流。

每張都是相片原圖!呢間樂園素食BOOKMARK左一段時間，今日放假約埋朋友仔一齊黎食素食自助餐。樂園素食位於銅鑼灣Tower 535地庫，餐廳裝潢簡約清新，環境寬敞舒適。提供即棄手套方便取食物又衛生，令大家都安心D。食物款式夠哂豐富，有齊沙律、冷熱盤、炸物、甜品等。沙律區有三款新鮮沙律菜、水果、三色藜麥、鷹嘴豆等，醬汁多達6款，清新健康之選。前菜有多款涼拌小食，包括中華沙律、日本枝豆、一口蕃薯、醃青瓜等，推薦爽脆醒胃既陳醋雲耳同胡麻手拍青瓜。冷盤推薦滑溜冷豆腐同彈牙冷烏冬。素壽司好有驚喜，賣相吸引，其實係由蒟蒻製成。炸物提供一口蘿蔔、南瓜餅、粟米餅、咖哩角、豆沙芝麻球、芋茸地瓜丸、香蔥春卷等。款款新鮮炸起，熱辣辣好惹味。熱盆有超過10款選擇，包括黑松露炒飯、蒸腸粉、瑞士汁炒河、黑椒肉絲炒麵、茄子炆肉碎、欖菜四季豆茶樹菇、蒸粟米蕃薯、薑醋蛋、南乳豆卜蓮藕、葡汁四寶時蔬、鹿茸菌炆紹菜、薑汁芥蘭、油鹽水菜心、上海烤麩等。推薦香甜軟糯既椰汁芋頭南瓜、酸甜醒胃既酸齋、鮮甜有咬口既雙菇炆蘿蔔同味美香甜既鹵水豆腐!另有蒸饅頭、馬拉糕，香甜又鬆軟。飲品可選羅漢果甘草水、洛神花檸檬水、熱茶、豆漿、凍水、

呢間樂園素食BOOKMARK左一段時間，今日放假約埋朋友仔一齊黎食素食自助餐。樂園素食位於銅鑼灣Tower 535地庫，餐廳裝潢簡約清新，環境寬敞舒適。提供即棄手套方便取食物又衛生，令大家都安心D。食物款式夠哂豐富，有齊沙律、冷熱盤、炸物、甜品等。沙律區有三款新鮮沙律菜、水果、三色藜麥、鷹嘴豆等，醬汁多達6款，清新健康之選。前菜有多款涼拌小食，包括中華沙律、日本枝豆、一口蕃薯、醃青瓜等，推薦爽脆醒胃既陳醋雲耳同胡麻手拍青瓜。冷盤推薦滑溜冷豆腐同彈牙冷烏冬。素壽司好有驚喜，賣相吸引，其實係由蒟蒻製成。炸物提供一口蘿蔔、南瓜餅、粟米餅、咖哩角、豆沙芝麻球、芋茸地瓜丸、香蔥春卷等。款款新鮮炸起，熱辣辣好惹味。另有蒸饅頭、馬拉糕，香甜又鬆軟。熱盆有超過10款選擇，包括黑松露炒飯、蒸腸粉、瑞士汁炒河、黑椒肉絲炒麵、茄子炆肉碎、欖菜四季豆茶樹菇、蒸粟米蕃薯、薑醋蛋、南乳豆卜蓮藕、葡汁四寶時蔬、鹿茸菌炆紹菜、薑汁芥蘭、油鹽水菜心、上海烤麩等。推薦香甜軟糯既椰汁芋頭南瓜、酸甜醒胃既酸齋、鮮甜有咬口既雙菇炆蘿蔔同味美香甜既鹵水豆腐!飲品可選羅漢果甘草水、洛神花檸檬水、熱茶、豆漿、凍水、咖啡等，解膩消滯。

上星期陪婆婆食齋👵🏻，但爸爸又唔慣食得咁清淡，就帶左佢地去食𝐁𝐮𝐟𝐟𝐞𝐭👅，自己中意食乜就攞乜٩(•̤̀ᵕ•̤́๑)！呢間喺銅鑼灣新開張既素食𝐁𝐮𝐟𝐟𝐞𝐭，分午市、下午茶同晚市三個時段，星期六晏晝都只係$𝟗𝟖，而且𝟏月做緊8折優惠，好抵食🗣———————————————————𝐋𝐮𝐧𝐜𝐡 𝐁𝐮𝐟𝐟𝐞𝐭 $𝟗𝟖 / 𝟕𝟓 𝐌𝐢𝐧𝐬食物款式有沙律🥗、前菜、主食、粉麵飯🍚、炸物、天婦羅、壽司🍣同甜品。飲品除左有羅漢果甘草水、洛神花檸檬水🌸、豆漿同熱茶外，仲有咖啡機任你斟☕️～-婆婆係純素食者，連蛋奶都唔食🧘🏻‍♀️、而呢道每一碟都會寫清楚係純素定蛋奶素，好清晰👍🏻————————————————————熟食個人最推薦黑松露炒飯😋，炒得好乾身。其餘南瓜炆芋頭🍠、酸齋、素蘿蔔牛腩🐮、素乾炒牛河同素肉絲炆茄子🍆都唔錯。比較特別既係呢道有埋壽司食，雖然係蒟蒻，但口感都真係幾似三文魚🍣。————————————————————不過整體黎講我覺得佢既炸物係最好食❤️，香脆得黎唔油膩。一口蘿蔔糕惹味，芋圓地瓜丸外脆內煙韌😻，芋泥餡好濃芋香，推薦🔮；粟米餅同南瓜餅就最搶手，每次一出就會比人清哂🌪—————————————

Paradise Veggie🌿 Let's start to eat healthy🥢..素食養生。。你又開始左未❓閒時食下素食，清清腸胃，都係唔錯既選擇🤗。現今素食文化🌿，愈黎愈多元化，而且以自助形式，更加受到大眾歡迎。因為可以按個人喜好，揀選自己喜歡既食物，就算同朋友一齊黎食，都唔怕會浪費，做到環保又養生喔。.呢間素食店，地理位置方便，食物質素唔差，都係由大廚主理👨🏻‍🍳，而且老闆好友善親民，會聽取食客意見，不斷改良迎合大眾口味，最重要價錢亦非常可取啊啊啊😍。.裝修環境舒服，以白色為主調，牆身更以手繪畫繪畫，具有心思又雅致，仲設有私人派對房間，疫情過後，一大班朋友黎聚會食飯，私癮度更高呢🥳。入到黎餐廳，真係會每人唔捨得走架。.菜式方面，由：壽司、炸物、中菜、蒸物、甜品、糖水、飲品，相信梗有一款岩你口味喔❤️。而且仲有Coffee☕️ & Tea🍵，當素食Cafe 都不錯喔。素食都可以好多元化 你又開始未😋❓..×××××ש銅鑼灣謝斐道535號Tower 535地庫B04號舖..

已幫襯多次，素食自助餐，疫情下現時午餐更有八折優惠，埋單兩人只係$176！老闆用心經營，食物有水準之上，款式又多，好抵食；餐廳環境乾淨整潔，員工有線親切，服務良好；疫情下，已一個月未敢出外進食，見近日疫情稍為確診數字下降，才敢外出進食。餐廳用心安排，取食物必須要戴上手套，確保大家食得安心，餐枱之間保持一定的距離。推介大家必食酸齋丶炸芋頭丶煎堆、胡椒湯丶桃膠👍🏻👍🏻👍🏻；仲有一定要飲洛神花檸檬水丶羅漢果茶。

前排聖誕節大魚大肉，間唔中要食返餐素菜健康一下。是日中午黎到位於銅鑼灣嘅樂園素食，主打午市、下午茶、晚市素食buffet。沙律、前菜、主食、炸物、飲品、湯水、甜點等等食物同飲品都任飲任食，定價相宜，今個一月仲會有八折優惠星期六2pm黎到座無虛席，好受歡迎哦沙律區有多款沙律菜、配料及醬汁，新鮮翠綠，開胃首選素食壽司及卷物都有唔少選擇，仲有炸春卷、地瓜條、蘿蔔糕、天婦羅等等多款炸物任君選擇。炸物香脆可口，好好食呢素乾炒牛河及炒麵，調味適中，有鑊氣，炒得乾身唔油膩熱盤區有素蘿蔔牛腩、咖喱魚蛋、四喜烤夫同椰汁南瓜芋頭都好出色洛神花檸檬水、羅漢果甘草水等等飲品都係任飲，低糖健康又養生💪🏻仲有咖啡機，可以自行炮製鮮奶咖啡或泡沫咖啡☕️素餃子、素菜包同蓮蓉包都好受歡迎架👏🏻足料又美味

正所謂新屎坑三日香，呢間前手叫素一，估唔到轉手都係做素食自助餐，一於試下先。唔知點解食素食會有壽司，但我又buy喎，因為我本身就鍾意食壽司，過下癮都唔錯。個素鮑當然同真鮑冇得比啦，個湯其實唔錯，係冇肉味咁解其實啲野同之前分別唔大，我覺得Ok嘅，可能用同一班底厨房掛，不同之處係晚市選素鮑同個唔知咩燉湯，都扺嘅，由於係禁堂食前食嘅，唔知而家仲有冇呢？新開冇幾耐價錢好似仲平左添，整體黎講算唔錯。順帶一提，佢個洗手間喺出面商場，行幾步就到都算方便，老人家唔怕揾廁所。

聖誕新年食得太多肉肉大餐，星期日想清清腸胃，所以就去咗食素。我哋幫襯咗位於銅鑼灣世貿隔離535大廈地庫嘅「樂園素食」，素食白助餐真係第一次食，心情有啲期待😚。餐廳面積比想像中大好多，其中仲有個位置好適合包場搞派對。整體環境好舒適👍，特別係而家兩人坐四人枱。餐廳注重衞生，因為除咗要求客人帶口罩出去領取食物之外，仲附上即棄膠手套🧤供客人使用。定價方面，餐廳以自助餐形式計算、按人頭收費，現時直至一月底仲提供八折優惠添‼️，超級抵。以我今日星期日下午茶時段為例，原價$78/90分鐘，加一折完只係$70到，喺銅鑼灣求其食個午市套餐都唔得啦😍。題外話，呢度仲有素盆菜賣㗎！食物種類繁多，我諗仔細逐件計，應該起碼超過一百款😱，每樣夾一件都已經飽哂。我先介紹食物，之後再講取食物嘅區域。日式食物方面，🍣壽司造型維肖維妙，👀驟眼睇點睇得出佢唔係真．魚生壽司呢。壽司款式包括三文魚、呑拿魚、蟹棒、魷魚、燒粟米、紫菜卷以及芝麻加州卷。「魚生」基本上係用上豆類同蒟蒻製成，而壽司飯亦如正宗整法加咗醋，酸酸哋。另外，冷豆腐同冷烏冬就應該無素唔素之分啩(我估)，後者更為大受歡迎項目。熱食方面，🥦蔬菜類佔咗唔少部份，例如薑汁

📍$78超抵食素食buffet‼️-- 樂園素食🌽🥬·Follow @pigfoodiexhk for more food!🐷💛#pigfoodiexhk_銅鑼灣===========================近排天氣凍咗成日打邊爐食韓燒，食咗唔少肥膩嘢🤣今日同媽咪喺銅鑼灣行街見到間新開嘅素食自助餐，裝修簡約舒適，而且價錢相當親民！於是就食餐素清下腸胃🥰‼️------------------------------餸菜種類非常多，有飯麵、熱盤、冷盤、炸物、壽司、甜品💕應有盡有🤩依家就重點介紹下啦🥰‼️•⭐️主食推介：黑松露炒飯、黑椒肉絲炒麵、炒烏冬炒飯粒粒分明，仲滲住黑松露嘅香～🥰炒烏冬頗煙幾彈牙～•⭐️熱盤推介：茄子炆肉碎、椰汁芋頭南瓜、四季豆、烤麩🤤🤤茄子煮得軟腍入味🤤椰汁香氣撲鼻，南瓜綿密清甜，芋頭口感粉糯💖必試‼️•⭐️炸物推介：豆沙芝麻球、南瓜餅、芋蓉地瓜球炸物嘅外皮好香口，而且唔厚粉，內餡天然微甜🤤•⭐️素壽司蘇壽司有好多款式例如三文魚、吞拿魚、加州卷、蟹棒、煙鴨胸等等～用蒟蒻仿製出三文魚同吞拿魚，非常有心思🤤💖•⭐️甜品推介：朱古力布朗尼、泡芙、桂圓雪耳桃膠Brownie口感濕潤，

午市同埋下午茶嘅素食自助餐，幾十蚊就有交易喇，食物選擇豐富，賣相又夠亮麗，初一十五都唔會有額外收費，簡直就係素食者嘅福音！假日午市自助餐 $98/位餐廳環境潔淨明亮，除咗入場要探熱同埋洗手外，每次去拎嘢食都必需要戴返口罩同埋用佢地提供嘅即棄手套，令人感覺更衞生同埋安心！含蔥/蒜/蛋/奶嘅食物，會特別標明，唔同Style嘅素食人士都照顧到，超貼心！食物選擇極多，沙律/包點/壽司/熱盤/炸物/飯麵/甜品/咖啡都一應俱全！沙律菜新鮮爽脆，炸物香脆可口，壽司賣相漂亮，入口仲要同真嘅壽司有得揮！

銅鑼灣美食多多😚星期一，就由 green 開始 la~今日一於去食素食自助餐🥢🥢餐廳位於地牢，地方闊落，環境優雅舒適👍食物區域整整齊齊👍素食供應種類超過60多款😚上至榚點炒粉炒麵下至湯水甜品糖水仲有即磨咖啡飲☕想滋潤啲有羅漢果茶 / 消滯洛神花茶應有盡有☺多款炸物做得唔錯好食， 酸齋係我至愛， 還有薑醋蛋😋🍣都有驚喜， 燒粟米正呀😚湯水飲咗胡椒鹹菜苦瓜湯，胡椒味突出👍一月份全日仲有八折優惠🤭

又有新嘅素食自助餐開張！睇IG俾佢嘅素壽司🍣吸引到，特登去試下。假日午市每位$98（+10%），新張期間做緊8折。食物種類繁多，並有明確標籤🟢含蔥蒜🟡含蛋類🔵含奶類。是日有起碼8款素壽司🍣。除咗以經過炙燒嘅粟米製成嘅粟米壽司🌽，其他壽司大多以蒟蒻製成，口感同魚生頗相近。.各款炸物一應俱全。粟米餅、天婦羅，連一口蘿蔔糕都有。佢哋仲有素食XO醬，配蘿蔔糕食一流。估唔到素食版本嘅味道定係口感都同普通XO醬咁相似。.甜品方面選擇都好多。推薦薑母紅棗桃膠糖水，秋冬暖胃滋潤之選。足料之餘甜度啱啱好。凍食嘅甜品有忌廉泡芙、朱古力Brownie、百香果果凍。各款質素都唔錯。.

越來越多人中意茹素 XXG見到係銅鑼灣開咗新嘅素食館 最平下午茶$68 90min可以嘆到素食自助餐 款式仲要超過60款😱‼️咁抵嘅野 衝咗先講🏃🏻‍♂️🏃🏻‍♀️▪️7.5/10▫️<< 手握壽司 >> 最基本三文魚、吞拿魚同魷魚壽司🍣 味道同質感分別唔大 素刺身有鮮味 由於用蒟蒻來做 口感小彈牙 壽司飯味道同口感幾日式 正宗 驚喜☺️ 另有創新壽司 如燒粟米、芝麻加州卷等 味道幾特別▪️7.5/10▫️<< 炸物 >> 必試芋蓉地瓜丸同南瓜餅！地瓜圓吉列外皮個味少似菠蘿包個皮 芋泥蓉勁香濃😋 南瓜餅南瓜香味出 咬落煙韌✔️ 粟米餅、天婦羅、炸春卷都幾香口👌🏻 香草焗法包🥖 同蒜蓉味非常夾！▪️8/10▫️<< 冷熱盤熟食 >> 熟食區選擇最多 一讚黑松露炒飯 炒得乾身有鑊氣 淡淡黑松露香☺️ 傳統齋品上海烤麩、酸齋同滷水豆腐好上癮 薑醋蛋同欖菜四季豆茶樹菇勁入味🤟🏻 以上都係係咁encore嘅菜式🤣▪️7/10▫️<< 飲品 >> 飲品區有凍豆漿、羅漢果甘草水、洛神花檸檬水、熱咖啡、

2020年12月31日 星期四嚟到2020年嘅最後一日，好想食返健康嘅食物，因為呢一年感覺好似肥咗好多，希望新一年可以健康返少少，於是就同老婆去咗銅鑼灣睇吓有冇健康食物嘅餐廳最後我哋決定食素食自助餐，因為呢一間餐廳嘅價錢實在太抵，新開張價錢再有八折優惠，每人加完一之後都唔使$80 ，就可以任食任飲見到食物區都有唔少嘢食，左手邊嘅係欖角炒飯，色香味俱全，飯炒到一粒粒分開，好夠火候，而右手邊嘅係蒸腸粉，可以配搭唔同嘅醬汁，蒸得啱啱好，唔會太靭之後有豉油王炒麵，夠晒鹹香，雖然唔係好多配料，但係都見到落足心機煮，因為麵好有咬口，同隔離嘅炒烏冬一樣，夠彈牙除此之外當然唔少得蔬菜，有煮茄子，茄子煮得好腍，配搭埋素肉，食落去同真嘅魚香茄子冇乜分別右手邊嘅係雞髀菇炒四季豆，可能落咗豆豉嘅關係，所以炒得好惹味估唔到素食自助餐都有中式老火湯飲，係粉葛赤小豆牛蒡湯，見到成個煲都落足料，所以成個湯都好濃郁，夠晒清潤同下火冷盤方面，竟然發現有壽司食，原來係素壽司，即係有素三文魚同素吞拿魚，食起上嚟當然冇真嘅咁好食，不過味道都大致相同，感覺唔錯下面嗰層分別喺唔同嘅炸物，有炸芋頭球、炸一口蘿蔔糕、炸春卷同蔬菜天婦羅