榮記茶餐室

营业中

休息中

好耐冇食過煲仔飯🤤🤤一入到門口見到好多報章食評都讚尼間，令我更加期待叫左兩個煲仔飯一個鹹魚肉餅，一個北菇滑雞等得吾算耐 我諗20至30分鐘左右一上枱未開蓋已經聞到好香🤤🤤打開蓋陣飯焦味勁濃店員幫我地落左秘製醬油再焗1分鐘就食得個醬油好好味，甜甜地少少鹹味同啲飯、肉餅、雞都好夾👍🏼雞大大件，肉餅醃得好夠味飯焦吾會燶曬好脆卜卜真係好正😋😋

同事住荃灣區，常常在我耳邊一直都話想去食榮記煲仔飯！😋因為位於慈雲山區！所以就等我呢個黃大仙居民😆帶佢來潮聖！😍😋呢度好有人情味！💕店舖比較懷舊，但老闆就係想保存呢種懷舊既風味！💕雖然外表懷舊！但煲仔飯就十分新穎！👍🏼四個人分別叫咗三個招牌煲仔飯都食唔晒！😃證明份量好足夠！👍🏼😬最特別係個金蠔蝦乾煲仔飯！👍🏼估唔到金蠔同蝦🦐乾擦出黎既火花係咁特別！👍🏼#芝士煲仔飯#金蠔蝦乾煲仔飯#麻辣牛肉煲仔飯#仲有榮老闆服待周到#真係十分好吃同溫暖

有Heart 創意煲仔飯😍襯天氣未到達夏天既極致😂梗係要把握最後機會去食熱辣辣既煲仔飯！除左一般既鳳爪、排骨、肉餅、臘味之外，佢地仲有極邪惡拉絲什麼必食既芝士煲仔飯😍😍😍同埋仲有肥牛、四川麻辣、金蠔<<今次完全係為左呢樣野而黎既😝聽就聽左流浮山金蠔呢個名好耐🙈食就第一次食，不是專家做唔到評價，外層曬乾左就好似蠔豉咁，而內層就仍然係蠔既軟淋口感😋一隻蠔兩個口感，不過食落去蠔味唔算好濃，味道比較淡🤣🤣可能真係要買番屋企整蜜餞金蠔，應該先仲正🤤聽到個老闆講佢地仲有賣蠔汁同金蠔呢😝有機會試試先😆再講埋佢個芝士飯又真係認真不錯不過加蛋加10蚊就😂😂😂貴呀！個芝士效果就等同韓式芝士咩咩咩咁，比起去食韓國野係平😝如果大家係share 食建議先叫芝士飯，黎左先再叫其他煲仔飯☺️咁就可以係芝士仲溶緊既時候食晒啲芝士😉芝士溶唔溶都好重要！！！總結番佢味道整法都係新穎但略為唔夠重口味🙈個飯焦太燶係食唔到🤣🤣🤣可以當番佢係用煲仔裝既飯得喇!

其實香港咁大，大到連慈雲山响邊我唔知。但呢兩星期，一連就去左兩次，今日係第二次了，如果下星期有時間，都好想再嚟。茶記食飯食飽就算？No No🙅🏻‍♂️！上星期，專程嚟慈雲山當然有原因。芝士保仔飯，有朋友响Facebook分享左張相，第日就即來試！超正，香到不得了，佢加埋隻窩蛋，就變得更滑口，上面又加左適量嘅脆Bacon條，不得了，不得之了！ 好再嚟個金蠔飯，叫之前都會諗，照片通常影到肥肥的，煲飯嚟到應該打個7折啦！但嘩，飯到，開蓋，堅肥！食入口好多汁，鮮味十足！ 正呀！加埋啲虾乾，甜豉油又幾夾喎！正！走之前老闆介紹，原來佢係流浮山人，所以係自己金蠔！ok，明哂！即係比你玩哂，好嘢！ 佢又介紹個麻辣牛肉飯，啲麻辣料係响城都買返嚟，而由於我個人口味關係，我都中意食啲濃味嘢(在我嚟講係好味嘢)，所以我今日就又返嚟！不太麻太辣，有香味！香港好多地方嘅麻辣我會形容為死麻死辣，欠缺那”麻香”，呢種麻香，如果你去過重慶或城都，你就會全個城市，四周圍都會smell得到，而呢間茶記個飯，有！ ok，又一個驚喜發現！！ 會唔會再嚟？ 唉！今次走嘅時候，老闆又話個XO醬排骨飯係必試㗎喎！ 心諗，你老闆，又唔早

住咗慈雲山好幾年，都未幫襯過呢間茶餐廳，原來話呢間茶室嘅煲仔飯都幾出名，同事發起話想試馳名嘅金蠔蝦干煲仔飯，身為慈雲山友，當然要響應一下，一齊去試! 我哋4個人，揀咗3個煲仔飯加一碟小菜。首先，一人一碗靚例湯，夠味但應該無加味精，唔錯!跟住先嚟小菜一碟連白飯，正常水準!第一個煲仔飯出場~火焰玫瑰肥牛煲仔飯，好香玫瑰露酒味，牛唔硬，一上枱先點火燒一燒d牛，名付其實嘅火焰牛!第二個係邪惡芝士煲仔飯，勁多芝士勁香，鍾意芝士嘅一定唔可以錯過!最後當然唔少得主角金蠔蝦干煲仔飯~金蠔大大隻配勁多蝦干，蝦干大大條超好味，自己食一煲應該都大滿足，我哋4個人分，一人少少有d唔夠喉呢！講真，呢度d煲仔飯確實唔錯，但呢個價錢值唔值就真係見人見智，不過個人覺得試吓又無妨嘅! 唯一不足，食食吓突然冷氣開得勁大，吹到d嘢食凍哂，影響質素!

山長水遠去慈雲山食個煲仔飯，有雞肉餐肉同牛肉，而今次叫咗個雞肉，一個芝士煲仔飯，大家記得一定要加蛋，因為會香好多而且唔會好流。雞都算OK， 10分裏面我會比7分，我覺得最正係有金華火腿，而且白飯煮得剛剛好，令到不喜歡吃飯焦的我也把整碗的飯焦都吃掉了，加埋鼓油然後撈埋一齊，簡直是一流！總結：原本我覺得$70一個煲仔飯真的比較貴，但當煲仔飯來到的時候我發現食落真的特別好吃，而且朋友說連鼓油也與別不同，吃得出是用心煮過的，來這裏一定要點一個煲仔飯來吃！

講到最邪惡嘅煲仔飯☝️莫過於呢款芝士煲仔飯🧀拉芝能力超強！！ 配料包括火腿絲，肉餅，洋蔥等食，芝士份量都幾多，芝味勁濃郁不過就咸左啲啲啦😂口感有啲似Risotto (意大利飯),creamy得黎系好多汁嘅飯😆岩哂重口味人士😈另外臘腸雞亦都吾錯，雞肉都系嫩滑而且有醃過，帶微微咸味😊😊臘腸半肥瘦，有油香，送飯的一流之選，底下仲有香脆飯焦！中意食嘅朋友必點呀！！！而且跟餐仲有一碗例湯，夠哂飽😺

今日約咗朋友食飯，個friend就特登帶我來呢個慈雲山食煲仔飯，以前食煲仔飯經常都係去廟街，嗰間好似叫做四季煲仔飯，但係而家呢就好似要食啲特色啲㗎啦，呢間茶餐廳個格局真係好一半，真係冇乜期望，但係坐低左之後原來佢啲煲仔飯好有特色，我哋就叫咗一個火焰玫瑰牛肉煲仔飯，同埋另一個好似係鱔嘅煲仔飯，佢個火焰牛肉真係好得意真係係你面前點火，味道都幾好而且啲牛肉好食好有牛肉味。另外嗰個鱔嘅煲仔飯呢我都唔記得左叫咩名啊，但係啲肉汁其實落去啲飯嗰度真係好好食，呢個真係要讚，你間餐廳仲有好多款唔同嘅煲仔飯真係要分好多次嚟食先得

天氣一凍就想食煲仔飯，熱辣辣嘅米飯，配上焦香嘅飯粒，加上面頭嘅餸菜撈飯，諗起都流口水。金蠔蝦乾煲仔飯 呢個招牌菜真係冇得頂，蝦乾同埋金蠔到鮮味濃郁，我特別鍾意個蝦乾，白飯煮得剛剛好，飯焦亦都唔係燶晒癡底嗰隻，撈埋一齊食真係好正好正，加埋啲豉油食，簡直係冇得頂呀！川味系列煲仔飯不過相對上我更加鍾意呢個川味煲仔飯，因為本來我都鍾意食四川菜，鍾意馬勒嘅感覺，呢個煲仔飯就對晒我嘅口味，嫲嫲辣辣嘅口感配上啲飯呢真係好正，食完返尋味！呢個就係我網上見到嘅邪惡拉絲芝士煲仔飯，我哋一班朋友都有叫黎食，不過就覺得唔太健康，感覺上都比較肥膩，所以我覺得只能夠一班人每人食幾啖咁樣，如果一個人食就唔係好想叫呢一個

年廿八和朋友被人氣報導的煲仔飯吸引⋯硬要唧時間食埋金蠔蝦乾煲仔飯才過年⋯價錢絕不便宜⋯另一個煲叫了芝士鍋蛋雞肉煲⋯先上了芝士煲⋯飯濕左D⋯芝士其實和雞蛋雞肉好夾⋯其實似西式的芝士雞肉意大利飯放入中式煲仔甘⋯有香脆飯焦⋯努力的起⋯相信洗碗姐姐很多謝我們把煲清理得甘乾淨⋯極期待的金蠔蝦乾煲⋯👉🏻👈🏻🤦🏻‍♀️飯乾到似有D生米⋯重大問題係⋯成個煲味道完全係各有各⋯金蠔淨食剛剛夠味道⋯和飯底無瓜無葛⋯蝦乾其實很咸香⋯但和飯底也沒火沒花⋯根本不似臘腸煲⋯臘腸油香滲入飯⋯而臘腸每啖肉可跟上幾囗白飯甘⋯我和朋友😔⋯只能說可以心息過新年⋯其實圖真係好靚⋯👉🏻👈🏻其實實物都真係好靚⋯👉🏻👈🏻但⋯

來到慈雲山有這間店,原先不知這裏有煲仔飯吃,以為只是普通的茶餐廳,所以一直沒有入去,叫了一煲臘腸排骨飯和一煲邪惡嘅芝士牛肉飯加一隻蛋,每個 煲仔飯都會跟一個例湯,而這店招牌煲仔飯是金蠔蝦乾煲仔飯,可是我不吃金蠔蝦乾的,就試吃傳統的排骨煲仔飯,原本覺得70蚊一煲排骨煲仔飯,有點貴,但當煲仔飯來到,發現他和外面的煲仔飯不一樣,不是只有數粒的排骨,而是有半煲的排骨半煲的飯,煲大小也不會太小,飯焦很香,排骨質地軟硬適中,味道也好吃,但不得不提,這個自己店煮的甜豉油,有點像鰻魚汁的質地,看得出是用心煮的, 成個排骨煲仔飯是 90分 ,但邪惡的芝士牛肉飯,你要清楚如果你一心想食煲仔飯的話,就不要叫了,因為芝士飯是特別但沒有煲仔飯嘅感覺,有點像西餐廳的芝士焗飯,所以不要浪費了,如心想食煲仔飯的話,不要叫這個,但好奇的話這個也無妨

天氣凍， 最好就係食熱野！呢間茶餐室鋪仔細細， 但賣的煲仔飯質素不錯。 邪惡芝士煲仔飯（$73+5），肉類自選有牛肉/雞肉/餐肉，落單時店員推薦我們加窩蛋。煲仔飯一上枱， 黃金色的芝士份量滿滿， 相當吸引， 最面更有煙肉碎點睛。 芝士海下面隱藏嫩滑雞肉及栗米。 可能是蛋汁的關係， 所以一開始食落濃香濕潤， 食到最後焦香的芝士飯又係另一風味。另外是全店最貴的玫瑰火焰肥牛煲仔飯（$133)，選自本地李輝記牛頸脊，肥牛擺放到好似一朵盛開的玫塊。上枱時淋上玫瑰露，火光隨即熱舞，空氣中的酒精也是教人醉了。牛頸脊比起一般肥牛更濃牛味，質素好。 可能玫瑰露太濃的關係， 牛味沒有滲入飯底， 吃起來略嫌單調， 要靠醬油提味。而且價錢方面， 感覺CP值不太高。餐單上還有新推出的四川麻辣系列， 感覺麻辣牛肉應該也會不錯。要注意⚠️煲仔飯要六點後先有，而且繁忙時段入座後也要等三十分鐘製作。

不知道是否介紹的文章寫得實在太好好像有點言過其實的感覺這個甜豉油有點太甜 好像還是老坑火鍋的煲仔飯比較靠譜 金蠔是很香甜啊蝦干有點硬飯焦不太夠煲仔飯即叫即煮 等了2-30分鐘鹹蛋肉餅不錯

夜闌人靜嘅一個放工後嘅晚上，有乜嘢驅使大胃逼地鐵去黃大仙，跟住就直爬上慈雲山去食煲仔飯？答案就係佢嘅煲仔飯同街外嗰啲真係好唔同，有我最愛嘅芝士，又有奇特賣相嘅玫瑰型肥牛，一次過滿足味覺同打卡嘅需要雖然撈勻之後個樣勁似粟米斑腩飯，唔多開胃，但食落勁綿勁濃芝士香，記得聽老闆娘話，加$5窩蛋，真係會滑好多。等啲芝士燶喺煲邊，刮佢出嚟，金黃嘅完美顏色，食落就知甘香呢個就鹹咗啲，不過金蠔啖啖肉，誠意十足極力推薦玫瑰肥牛煲，首先老闆娘會表現火燒肥牛過你睇，仲好細心問你使唔使拍片𠻹！燒完之後有陣臘肉味，食食吓先知係玫瑰酒味，加上牛肉火炙香，一流

只係試煲仔飯。好評好多，友人落力推介下一齊去咗。現在環境真係唔係好好，舊茶餐廳風格，非常逼！坐咗去卡位都要側身入去，一邊其實坐一個先剛好有鬆動位，可惜個卡位係四人座，超級逼，坐得落去要攬著袋食。8點幾已經冇曬白鱔啦，唯有叫招牌金蠔煲仔飯加傳統潤腸排骨飯。 送咗兩碗西洋菜湯，正常味道，幾大碗，多油。唔知係咪老闆，態度好好，幫手落豉油加溫馨提示5分鐘先開蓋再按口味落。金蠔睇落好吸引，張張相都係4個，賣$118好似，但而家得三個，鋪唔曬遮蓋飯。蝦乾就非常多，令啲飯得蝦味，冇乜蠔香。 成個配搭偏乾，無論蠔，蝦乾都幾乾下。蠔唔知係咪期望太高，唔覺有咩特別，唔夠香。蝦乾有啲鹹。個飯就出色，飯焦香口，痴牙唔多。份量有啲少，女仔都只係啱好。傳統潤腸排骨飯，足料，冇期望下覺得較出色。排骨好多，潤腸好味。相對冇咁乾，唔會想啃親。味道都覺香。份量唔太多，所以好快食完，座位真係好唔舒服好逼，所以食完即刻走。 總體食物質素不俗。