榮記茶餐室

营业中

休息中

超級崩潰的煲仔飯👼🏽🔫🔫等左3⃣0⃣分鐘入座，再等左6⃣5⃣分鐘既煲仔飯，係吖，係1⃣個鐘0⃣5⃣分鐘😭😭😭肚仔同個心都好煎熬好崩潰😭😭搭枱既人聽到我自言自語話等左咁耐都o左嘴😂其實未去前我都有心理準備要等，只不過估唔到耐得咁誇張😓坐低由未做愛回家開心速遞，到做左一半誇世代先有得食😭侍應姨姨後尾攞煲仔飯俾我地嗰個眼神👀有少少似義工派飯俾露宿者咁，好有愛❤🙆‍♂️😭 雖然等到我心力交瘁，食物質素黎講係好食的(個人覺得好過四季)，至於值唔值等咁耐就見人見智啦😅脆焦飯啱啱好，唔好焦到黑曬咬唔到，金蠔好香又大隻😋不過又咬蝦乾又咬飯焦，d牙都咪話唔攰😂豉油冇豉油味，問姨姨加多左好多都冇味🤔温馨提示🤗真係預會等好耐好耐好耐好有耐性既人先好去😂

今晚翻風都有啲涼意，忽然之間好想食啲暖胃野，諗起今個冬天有樣野想食好耐但一直未食，就係煲仔飯啦!! 咁啱呢間喺慈雲山嘅小店一直都想去試真係perfect池.叫得小店，鋪面當然唔太大，黎到都預左要等位，附近周圍都係食肆, 偏偏得呢間有一堆人排隊，睇黎都無揀錯.我地兩個人等位就唔係好耐，10分鐘左右啦，唔好以為入到鋪就贏左，一入到去就見到大大隻字寫住，繁忙時間煲仔飯要等30分鐘，即刻快快手揀左一個落左單先.最後足足等左45分鐘😩，等到一半我地都唔敢加單嗌第二個飯, 怕佢收鋪都未有得食______________________________🔹芝士煲仔飯 $68 (加蛋另加$5).芝士煲仔飯一聽就知係新式野啦，連食法都有啲唔同，諗到芝士+飯焦呢個組合，身為芝士控，我決定會一會佢.平時啲煲仔飯嚟到都最好冚一冚蓋，煲多啲飯焦出黎，但呢個芝士煲仔飯，店員一上台就叫我地即刻食.煲飯可以揀跟雞肉，餐肉或者牛肉，我地揀左雞肉，加$5可以加窩蛋. 本身煲飯就已經有粟米，煙肉粒係入面，同芝士好夾.原本想加埋臘腸，覺得煲仔飯要有臘腸先似樣，店員都好有堅持咁，話隻味同芝士煲仔飯唔夾，冇得咁樣加。好啦，諗諗下又

慈雲山這個地方原來有很多美食 這天朋友帶路說帶我去吃一家在慈雲山很出名的榮記茶餐廳 原來這家街坊茶記在慈雲山名氣很大 它自家製的新派煲仔飯最出名 朋友說一定要食他們家的招牌蝦乾金蠔煲仔飯 一打開真的被它的用料嚇了一跳，超大條的蝦乾加上肥美的金蠔 那鼓陣彈海味的香氣充斥著，鹹香味完全被米飯吸收 每一口都帶有海味的香味，加上脆脆的飯焦，美味非常 另外這裡也有生炸雞脾，全部即叫即炸 外皮炸得非常酥脆，肉質嫩滑多汁 炸得不油不膩，收乾油份，不會有油膩的感覺 很怕吃炸物的朋友，還可選擇可樂雞脾 以可樂醃浸再煮，雞肉吸收晒可樂的味道，帶有一點甜 加上他們自調的醬汁，味道豐富 梅菜扣肉也非常值得一試 梅菜鹹香度適中，根本不只是配菜那麼簡單 扣肉部份也令人有驚喜，豬皮很有膠原的嚼勁 肥瘦適中的五花腩，不油不膩，入口即化的口感，用來配飯一流

每隔一段時間，我就要食邪惡食物來減減壓。 得幾個人去食放題或打邊爐太毒吧，索性食中菜的邪惡之物！ 梅菜扣肉飯！ 想不到榮記也有好正嘅梅菜扣肉飯食！！ 味道很有失傳的大排檔FEEL，梅菜更是一絕，咸甜適中，很我隊了很多白飯！ 榮記的扣肉是肥瘦適中的，不會太肥。 心裡安慰了一點，大佬，我想減壓，又想減肥呀！ 侍應先生大概聽不到我的心聲，還推介我吃生炸雞脾及蒜蓉牛油雞翼。 ＯＫ囉！點JEI，照食囉！ 生炸雞脾 很久沒吃過生炸雞脾了！ 現在這世代，誰還有心情跟你慢慢生炸？ 大大隻的雞脾，雞皮炸得金黃香脆，但肉質依然很嫩。 味道跟小時候的一樣。好感動！ 是即叫即炸的，但值得等。 蒜蓉牛油雞翼 港式蒜蓉牛油雞翼，又幾好食WOW。 香脆可口，非常惹味！ 成晚邊食邪惡東西，一邊想，有得飲啤酒就更好了。

記得細個果陣去親茶餐廳食下午茶，媽媽總會叫炸雞髀薯條！以前雞髀多是生炸做法，但現在多間快餐店為了省時，已越來越少生炸～而這裡有生炸雞髀，就點一隻嘗嘗～上桌時熱辣辣，雞髀挺大隻，外皮炸得金黃！熟度掌握得挺好，入口雞皮香脆，外脆內嫩！這就像久違了的味道，令人勾起童年回憶～再配上樽裝可樂，整個童年出晒黎，總係覺得樽裝可樂係飲得過癮D！平時到越南餐廳一定會點蒜蓉牛油雞翼，想不到港式茶記都看得見！加上炸得金黃的蒜蓉一併食，入口富蒜香，香脆可口！惹味得令人食完一隻又一隻！看見隔鄰桌點的梅菜扣肉幾好味咁，又點一客～滿滿的梅菜蓋著扣肉，鹹鹹甜甜的梅菜用來送飯食一流～扣肉肥廋適中，岩晒想食又怕肥既女士們，減輕罪疚感XD食物整體不錯，而且價錢親民，屬平民美食！

以前食煲仔飯，會去太子廟街。但係廟街的質素，都每況月下。不過，今次聽聞，係慈雲山有間茶餐廳，好出名食煲仔飯，所以四個人就一齊去搵煲仔記～～一黎到，都等咗一輪位。好多人，我哋算早，所以無話等好耐。但走既時候睇到，條人龍好勁！呢度既招牌煲仔飯之一。就係流浮山金蠔拼蝦干煲仔飯。哇！堅係流浮山金蠔喎！真係大大隻名不虛傳！蠔味濃郁，而且配上特別大隻的蝦干，蝦味濃而且配上金蠔個味，食起上黎更加鮮！呢個豉汁白鱔煲仔飯，係老婆至愛，佢就最鐘意食白鱔了！肥美的白鱔，加上夠晒味的豉汁。配上微焦的飯焦，又香又軟又脆，食起上黎好回味。而飯香內更滲有白鱔的油香！另一名菜，邪惡芝士煲仔飯，唔好心急住，食既時候要打返隻雞蛋！然後，用上煲仔飯的熱度，再將蛋及芝士溝勻。咁就變成了好邪惡，又可以拉到絲的煲仔飯！芝士控就一定唔可以錯過。用上幾款芝士，食起上黎更有層次。而且啊，仲有蛋香以及煙肉碎，更加有咸香感～

天氣熱還熱，但我家食飯是不分秋冬的。。。老媽子一句:「我要食煲仔飯！」星期五晚，我就拋夫棄子，放工又去慈雲山榮記茶餐室開飯~~~（雖然慈雲山真係唔就腳🙈🙈🙈）一行6人加個小朋友，叫4個煲，再叫個炒菜。茶記嘅裝修，但內有乾坤。嚟到，只為食邪惡煲仔飯！流浮山金蠔蝦乾煲仔飯金蠔同蝦乾超超超超好食呀！！金蠔鮮味度勁高，蠔身飽滿。每一啖都係蠔香。用煲仔飯嘅煮法都唔會煲乾金蠔，咬時還有蠔汁慢慢滲出。飯底有蠔汁同蝦香，勁正。記住上枱時焗耐d，咁先有飯焦！我一個人食咗半煲！！！(所以我地叫左2個 XDDD)四川麻辣牛肉煲仔飯估唔到可以變煲仔飯。充滿麻香，入口唔辣但愈食愈辣，會食上癮。我同妹夫2個食得辣之人KO咗大半~牛肉唔鞋，真係估唔到。潤腸滑雞煲仔飯我飽到發棄咗，但我爸話好食！同埋話滑雞堅滑~ (我忍唔住笑咗，GAG來的嗎？XDDD)全家人都話好滿足！好飽！專登嚟食都絕對值得！！拍得住15年前嘅九龍城添樂園。超級回味，下次我要同老公再去！

芝士煲仔飯$68芝士撈一丁$45呢間慈雲山的茶餐廳之前就因為佢地既芝士煲仔飯爆紅，雖然慈雲山毓華街餐廳林立但係我地真係絕少來慈雲山食飯，不過今次都係敵不過芝士煲仔飯的誘惑來左試下～除了芝士飯之外，呢度仲有好多款煲仔飯，但係我地目標明確，當然點了芝士煲仔飯，另外仲要個芝士撈丁。芝士煲仔飯可選餐肉、雞肉或牛肉，我地就揀左餐肉。煲仔飯等候時間會耐d，我地大約等左半個鐘，熱辣辣的芝士煲仔飯芝士份量都唔少，所以非常拉絲，芝士控絕對收貨。除了芝士同埋我地揀的餐肉外，仲有粟米粒同埋火腿絲，食落很creamy有芝士的鹹香，但就有點偏鹹，不過都係接受到的程度。雖然芝士煲仔飯係一個幾特別得combination但整體感覺其實同芝士焗飯差不多，不過製法就確確實實係煲仔飯的傳統做法，只係份量比較少$68一個唔算好抵食，不過好似我地咁係芝士控的話都值得試試～

今天第一次去食，大囡大讚芝士㷛仔飯好味、芝士撈丁個汁一流，雞翼皮脆入味。而且他們也十分親切，二哥還細心地介紹金蠔蝦乾和麥提沙西多比我們，所以下次會再去幫襯和介紹給朋友。

一開始以為係平平無奇既普通茶餐廳. 但係見到有好多既款式都好特別. 所以就坐低試試了. 一開始最特別的是芝士午餐肉煲仔飯. 最特驚喜 . 成煲都係芝士. 好岩芝士控. 認加多隻雞蛋打落去啲飯會比較滑. 真係一試難忘. 到最後甜品麥提沙多士係最出名. 西多士係即叫即炸. 麥提沙醬都唔會話太甜. 最驚喜係有粒粒係入面. 呢間茶餐廳值得推介. 價錢優惠又特別最特別一試就係甜品及煲仔飯. 仲有一個特別就係麻辣雞煲仔飯. 唔太辣，以及好香麻辣味. 好香飯蕉都好好味

睇雜誌介紹呢間特色煲仔飯小店，一於黎試下，剛好晚飯時間，等左5分鐘左右就有位，叫左2個梅菜肉餅飯同麻辣雞煲飯，2煲飯一齊上時候，有陣好香瓦煲味，落埋豉油，梅菜同麻辣味勁出，食哂啲飯，仲有飯焦，吸引哂所有精華，脆卜卜勁好味 。

有多款煲仔飯選擇, 而且款式有點新穎..有芝士煲仔飯、金蠔蝦乾..等, 選擇困難症既我最後選了金蠔蝦乾煲仔飯同四川麻辣煲仔飯~等了一會, 金蠔蝦乾煲仔飯熱辣辣上枱, 香氣迫人~打開蓋看見3大隻金蠔及滿滿的蝦乾, 都挺足料!伙記教路先將金蠔取開,將飯同蝦乾拌勻~果然每啖飯入口帶咸香, 香得來帶鮮~更佈滿飯焦, 飯焦易取不黏底, 咸香配上脆卜卜飯焦口感 , 正!  平時不太沾飯氣的我差不多吃掉一整煲..XD四川麻辣煲仔飯 , 可以揀牛肉或雞肉, 點了雞肉~係譚仔食開3小辣既我覺得辣得好過癮 ,雞肉入味..辣得來雞肉保持滑嫩~不需再添加醬油  , 味道有點似水煮魚的辣 ,刺激味蕾!

作為芝士控當然要去試試呢排大熱既邪惡芝士煲仔飯!!!山長水遠走左慈雲山就係為左佢~~~邪惡芝士煲仔飯 (HK$68) 可以自選牛, 雞或餐肉~個人覺得餐肉比較搭配, 另外加蛋 +HK$5, 聽講食落口感會更滑, 就試試吧!!上台後老板建議先食呢個, 超香既芝士味, 加入蛋後攪勻就食得。飯裡面原來仲加左洋葱粒, 粟米同煙肉碎;芝士就用左水牛芝士及車打芝士混合, 完全做到拉絲既效果, 真係呃LIKE 一流!食落就D 似意大利飯咁, 芝士味濃而不膩, 加埋蛋令飯底更滑~估唔到同煲仔飯會夾得到, 食到最後仲有飯焦, 真係好邪惡!!另外仲叫左個火焰玫瑰肥牛煲仔飯 (HK$128)佢地係用九龍城李輝記既牛, 砌成玫瑰花形狀, 再即場加入Rum酒點火燒熟;外貌夠哂靚, 食落都開心D~~帶有微微既酒香, 加埋煲仔飯豉汁估唔到都搭配喎!肥牛嫩且不老, 果然係出名既靚肥牛黎!

早排同三五好友約埋一齊係慈雲山打波，打到肚餓見附近有間岩岩上完雜誌既餐廳有煲仔飯，就走左去試下傳統既煲仔飯會用一啲有肉汁或者用一啲油份比較重既食材做配餸，令飯吸收表面既香味，令整煲成為一體。而呢到比較特別，用麻辣牛肉做配餸，啫辣既我一見到即刻order，因為煲仔飯係要等架！大概20至25分鐘左右就上枱，上枱時有麻辣味滲出黎，我即刻加豉油再焗5分鐘，令煲底有飯焦食落小小辣，牛肉尚嫩滑，而飯吸到小小麻辣味，但如果可以係飯到加小小功夫，令成煲更加有一體感就更好。

銅鑼灣有間榮記，買嘅係美味車仔麵，佢嘅麻辣出名，雞翼尖出名，墨魚頭朱紅等等都好出名。我呢啲港島人，一聽到榮記呢兩個字就覺得係好嘢！呢日嚟到慈雲山，同朋友來食榮記，原來佢係慈雲山嘅其中一間棘手可熱的餐廳，將傳統嘅煲仔飯配合新形象，帶來潮流新鮮感。當然食佢嘅招牌蝦乾金蠔煲仔飯，用上飽滿金黃的金蠔，以及美味嘅蝦乾，分量足夠鋪滿成個煲仔飯嘅蓋面。金豪好味非常，鮮而不搶，配上我向來特別喜歡嘅大蝦乾，鹹香味十足。另外一個點左最新推出嘅鵝肝鰻魚煲仔飯，呢個煲仔飯呢就唔使落煲仔飯豉油嘅，本身已經調教左襯到鵝肝同埋鰻魚嘅甜豉油醬汁，最佳食法就係將鵝肝同埋鰻魚混喺飯，就能夠突出到鰻魚同鵝肝嘅鮮味，同時將鵝肝嘅油份參落飯裏面。令到個飯更加香！呢一個咁創新嘅煲仔飯實屬罕有，價錢係比較貴一點，但值得食架！我欣賞嘅係煲仔飯叫飯焦，香脆美味，能夠做得咁剛剛好嘅飯焦都係廚師嘅功夫！唔怪得榮記成為其中一間受歡迎嘅餐廳，令我對"榮記就係好嘢食" 呢個感覺更加深刻！