影片
更多
2019-01-04
917 浏览
只係試煲仔飯。好評好多，友人落力推介下一齊去咗。現在環境真係唔係好好，舊茶餐廳風格，非常逼！坐咗去卡位都要側身入去，一邊其實坐一個先剛好有鬆動位，可惜個卡位係四人座，超級逼，坐得落去要攬著袋食。8點幾已經冇曬白鱔啦，唯有叫招牌金蠔煲仔飯加傳統潤腸排骨飯。 送咗兩碗西洋菜湯，正常味道，幾大碗，多油。唔知係咪老闆，態度好好，幫手落豉油加溫馨提示5分鐘先開蓋再按口味落。金蠔睇落好吸引，張張相都係4個，賣$118好似，但而家得三個，鋪唔曬遮蓋飯。蝦乾就非常多，令啲飯得蝦味，冇乜蠔香。 成個配搭偏乾，無論蠔，蝦乾都幾乾下。蠔唔知係咪期望太高，唔覺有咩特別，唔夠香。蝦乾有啲鹹。個飯就出色，飯焦香口，痴牙唔多。份量有啲少，女仔都只係啱好。傳統潤腸排骨飯，足料，冇期望下覺得較出色。排骨好多，潤腸好味。相對冇咁乾，唔會想啃親。味道都覺香。份量唔太多，所以好快食完，座位真係好唔舒服好逼，所以食完即刻走。 總體食物質素不俗。
好評好多，友人落力推介下一齊去咗。
現在環境真係唔係好好，舊茶餐廳風格，非常逼！坐咗去卡位都要側身入去，一邊其實坐一個先剛好有鬆動位，可惜個卡位係四人座，超級逼，坐得落去要攬著袋食。
8點幾已經冇曬白鱔啦，唯有叫招牌金蠔煲仔飯加傳統潤腸排骨飯。 送咗兩碗西洋菜湯，正常味道，幾大碗，多油。
唔知係咪老闆，態度好好，幫手落豉油加溫馨提示5分鐘先開蓋再按口味落。
金蠔睇落好吸引，張張相都係4個，賣$118好似，但而家得三個，鋪唔曬遮蓋飯。蝦乾就非常多，令啲飯得蝦味，冇乜蠔香。 成個配搭偏乾，無論蠔，蝦乾都幾乾下。蠔唔知係咪期望太高，唔覺有咩特別，唔夠香。蝦乾有啲鹹。個飯就出色，飯焦香口，痴牙唔多。份量有啲少，女仔都只係啱好。
傳統潤腸排骨飯，足料，冇期望下覺得較出色。排骨好多，潤腸好味。相對冇咁乾，唔會想啃親。味道都覺香。
份量唔太多，所以好快食完，座位真係好唔舒服好逼，所以食完即刻走。
總體食物質素不俗。
张贴
