榮記粉麵

营业中

休息中

<🐮深邃腩汁的魅力🍜>✨牛腩牛筋蘿蔔魷魚鬚粗麵 ($44)✨冬天就是要瘋狂食熱野 四餸剛好食到曬想吃的餸😏外賣不用收錢 拎走半小時後吃仍然熱騰騰冒著煙湯底顏色是深沈的褐色 味道滷水水濃腩汁香濃 牛腩幾塊都能嚼爛 未有化開咁腍但仍然炆得入味牛筋俾得好多 超腍質感下感覺在吃滿滿的骨膠原蘿蔔甜而入味不帶筋 魷魚鬚爽口但不算最入味😤粗麵掛汁力頗強但因浸久有點腍 一整碗都夠飽肚整體美味不過不大驚喜 食完有口乾 味精走不掉吧Rating💁🏻(6.7*/10*)<🍖尖尖惹味的滷水🐔>✨滷水雞翼尖 外賣 (右下有小圖 $32)✨叫上散點的雞翼尖自然分上不會浸在麵汁中溝稀了 打開份量滿滿的很足料 雞皮炆得超淋而軟綿綿的😍滷水味極能進入雞皮中 不愛雞皮也禁不住吃多了Rating💁🏻(7.4*/10*)

不經意地，由後巷至搬入舖，少說都超過20年，但味道多年來如一，只是價錢卻是級級上。都已經9點幾，店內依然是人頭湧湧，人氣店可不是說笑的。一碗大什米都已經近半條紅衫魚，有豬紅、牛丸、豬皮、牛腩、蘿蔔及牛肚之類，每款都是炆得軟稔入味，再刻意加添牛腩汁，令米粉沾上後都變得惹味。另加一碗灼菜，基本上都是選用西洋菜，同樣是加上腩汁，但夾雜了肉碎下，味道都豐富了，個人覺得腩汁是鎮店之寶。再加汽水之下，一條魚已經跑掉了。

今晚睇完電視有D餓，又要落街去買野，咁就順便去食宵夜啦，買完野就近穩宵夜食，行到榮記，估唔到咁夜仲有人系度排隊，阿媽就話嚟呢間食啦，我地都中意食呢度嘅豬紅，好好味嘅，店面唔大，環境一般，但食物唔錯。嚟呢度梗系要點豬紅蘿卜啦，冬天我好中意食蘿卜，因為好清甜，蘿卜腌過嘅，煮得好淋，又入味，更顯得清甜，呢度嘅豬紅整得好嫩，豬紅最怕就系煮得老，但呢度煮得好滑，我中意加胡椒，更加好食，個湯底都幾清甜，我可以連湯都飲曬。仲點左個三拼車仔麵，因為呢度嘅牛腩都好好食嘅，比得上九記，而且呢度無咁多人排隊，墨魚都整得好入味，又爽口，本嚟想要魚蛋，但賣曬喇，就加左雞亦尖，都整得好入味，個湯都好濃，其他小食都幾好食嘅，總體唔錯。

店名：榮記粉麵地址 : 銅鑼灣糖街27號A地 下好味指數：8／10價錢：$42大雜米(豬紅 、豬皮 、蘿白 、牛肚魚蛋 、牛丸)由細食到大的車仔麵，細個佢仲未搬入舖之前係坐係後巷食，睇住佢搬入舖 、 擴大 、加價，真係可以話係由細食到大。配料推介豬紅 、蘿蔔 、牛筋 、雞翼尖 、豬腸。豬紅好滑，同出面食個d好唔同，浸埋落碗湯度超好味。蘿蔔好清甜，牛筋炆到岩岩好，又夠入味。雞翼尖通常會另外叫一碟，d 鹵水汁入味又惹味。揀大雜原因係可以食得多d餸，唔洗左諗右諗，小雜（$37），少左蘿蔔。呢度既所有粉麵都會自動加入腩汁，所以湯底都會好濃郁，唔要既話記得落單前講明。另外，食之前記得加埋辣椒油食，又香又辣。除左推介粉麵之外，呢度的淨菜都好鬼正架！你可能會話， 「下！菜之嘛！有咩咁巴閉？ 」 呢度既菜係用出門好少食到的西洋菜，再撈埋濃郁的腩汁，大滿足！ 

行行下街，突然覺得肚仔有啲餓，所以就入嚟榮記食啲野啦。其實呢度入面都幾多品種噶，不過就會有時多到唔知揀邊樣好 先要咗碗牛腩雜粉，啲醬汁噶味道好濃郁，而且牛腩真係好多啊，再加上蘿蔔煮得好軟熟，好似淨係食牛腩都夠曬飽啦。 佢噶麵係屬於比較粗噶，不過韌度啱啱好，再加上有少少蔥花，成碗牛腩粉都好香。 每次嚟都必點噶豬紅蘿蔔，聽講啲蘿蔔係用蔗水醃過噶，所以食落去好甜好好食，而且口感唔錯。 淨係食牛腩粉麵係唔夠噶，所以要叫多碗淨牛雜，牛肚煮得好淋好好味。而且牛腩蘿蔔都好入味。

講到銅鑼灣既平價美食 又點少得榮記粉麵 講起榮記相信食過既大家既心水都唔同而家今日我就簡左 墨魚頭 豬頸肉 同 冬姑 基本上每一碗麵都會跟香濃入味既腩汁, 湯底好濃郁墨魚頭爽口彈牙 豬頸肉好入味平時食車仔面都會搭條菜, 通常都係生菜, 估唔到榮記既竟然係西洋菜西洋菜比生菜更match黎得榮記仲點少得 雞翼尖 煮得好淋好入味 梗係要嗌夠一碟 不過一個人食就有D過量 兩個人就差唔多總括黎講地點 性價比 堂食外賣都一流

每次經過銅鑼灣榮記粉麵都有長長的人龍, 今天決定無論如何都要排一下, 誰知不用排隊 牛腩河: 我點了牛腩河打算試試他的湯底, 坦白的說, 我覺得味道沒有我想像中的好味湯底好濃, 正如相中一樣, 但入口卻沒有牛腩的香味, 又不是味精的味道, 覺得有點奇怪河粉應該煮得好快, 完全沒有吸收湯的味道, 食起來有點各自獨立的感覺牛腩都幾"淋", 但不夠入味, 而且有少許的韌建議不要加辣油, 我加予十分後悔, 因為味道變了, 辣油會完完全全的蓋過湯自身的味道豬紅:之前有朋友外賣過這裡的豬紅我覺得好好味, 所以指定要再試幾欣賞這裡的豬紅夠硬身, 不會一夾就散, 而且豬紅味十分的香, 食完有陣香香的豬紅味在口中陪回美味雞翼尖:朋友指明要點的雞翼尖, 作為雞翼和雞翼尖絕對不會拒絕!雞翼煮得非法的入味, 無論入面的肉還是外面的皮都帶著少許甜甜的汁, 汁像卥水汁加瑞士汁混起來, 入口香甜, 和雞翼尖配搭一流!! 沒想到小食比牛腩粉更好味! 

最近天氣有少少凍，又無咩胃口，呢個時候食碗熱辣辣的車仔麵最好不過了！聽朋友推薦呢間，話老字號開左30年，所以即刻嚟試，無令我失望！真係好好味！3拼38蚊，我要左幼麵，牛筋，豬紅，美味齋，朋友要左幼麵，雲吞，魚皮餃，魚腐。湯底係腩汁，如果唔要可以提前講。好快麵就嚟啦！睇湯底顏色好深，以為好鹹，但食落味道岩岩好牛筋好淋好正，豬紅好多夠，美味齋索曬d湯超級正！朋友的雲吞同埋魚腐都好好味，下次我都要雲吞先得，食過最好食的雲吞！最驚喜係麵入面仲有西洋菜，好balance好健康，其他地方菜都要加錢簡簡單單一餐，食得好滿足，以後食車仔麵就嚟呢間！

榮記粉麵在銅鑼灣共有兩間分店，一間位於渣甸街，另一間則在糖街。榮記最特別的，就是自家熬製的腩汁湯底，可以說是獨一無二的，是它們的秘密武器。等候期間，三名熟客女子汗流浹背地到，大聲嚷著冇冷氣，並與小妹等另外兩位女士搭枱。原本只是小事一件，然，一疑似老闆娘女子卻不忿地駁了一句：「咁大間舖，點會冇冷氣﹗」三名女子見其態度囂張，心有不甘，不停地低聲說著悔氣且無意思的說話，煞是擾人﹗不久，小妹的腩汁雲吞魚腐米線$32送上。腩汁湯底呈濃濃深褐色的，飲一啖，湯底極為濃郁惹味，質感較為清爽而不膩，且帶一點微微甘甜，又絕不死鹹的，食味豐富多變，啱晒小妹口味。米線淥得恰到好處，咬下去爽滑，且具嚼勁咬口。餸料有鮮蝦雲吞和魚腐各兩件，前者水準一般，後者口感軟腍，如海綿般吸盡湯汁，極為入味。此外，還有附送的幼嫩通菜，以及冬菜，伴與湯米線同吃，一絕也。

呢碗叫豬紅雞尖麵，好重既鹵水汁既味。同豬紅一D都唔臭，仲有鹵水汁D味入到個豬肉心！所以我都一食忍唔到口食左幾件。雞尖係店舖皇牌之一，佢既味道都好重。不過唯一唔好既地方就係太少肉食，唔夠喉。希望佢下次改用雞翼就好吧！

其實榮記已經食過好幾次啦，但就唔知點解食極都唔會厭就係forever 21格離街，位置算就腳，所以一想食車仔面就會去榮記$50以下食到好飽既午餐已經好少啦蘿蔔、腩肉係我一定會點的尼度豬紅都好好味，可惜我黎既時候已經賣曬湯底有幾種選擇，我最中意沙爹湯底，夠曬味環境唔算好，好擁擠，繁忙時就一定會拼臺服務都好一般，不過上菜好快

我同女朋友仔都係車仔麵大愛 但女朋友仔巧耐都無食過了 於是便決定當日下午去食車仔麵，然後再去睇戲啦 今次我倆既目的地係位於銅鑼灣糖街既榮記粉麵，女朋友在openrice楝了這間榮記粉麵，睇d食評話巧正，就帶了我去試食啦 身為食家既女朋友仔當然無介紹錯啦                              去到目的地，發現食店人流爆滿，我地等了幾分鐘便安排了入坐，店舖內比較細路窄又迫   我同女朋友仔不約而同地點了四個餸 我就點了豬大腸，魚蛋，豬紅，豬皮（幼麵）。女朋友仔就豬大腸，魷魚鬢，豬紅，豬皮（粗麵）女朋友仔話上openrice時巧多人都話豬大腸同魷魚鬢正爆，所以係必試既魷魚鬢好大條又淋，豬大腸仲正，好厚身絕對唔韌超淋好惹味豬紅好大舊又紅又滑，魚蛋好大粒又滑又彈牙，唯一既係豬皮，豬皮比較硬無咩味道粗幼麵都巧正，淥得好彈牙配埋濃湯超正我同女朋友仔滿口福 

六點半左右去到，唔洗等位太好了！心大心細，想揀好多餸哈哈哈，但每次都眼闊肚窄今次揀左牛筋＋蘿蔔＋墨魚頭配粗麵，我同朋友都有少少趕時間所以今次無食雞翼尖...兩碗麵好快都黎到，濃濃既腩汁湯底，聞到好香好香～第一樣就係試下個湯，仍然好濃，個人認為係碗麵既精髓如果落單唔講清楚，腩汁就一定會俾你，唔食既人記得留意啦！再咬舊蘿蔔，好好好好好好好好食，好甜又無渣，又夠林，實在無得輸，一定要叫！牛筋火侯控制得好好，唔會太林，食到啖啖膠質，骨膠原好重呀哈哈哈墨魚頭亦都好推介，口感好好，又夠大條，唔似得有d餐廳俾得兩三條你sosad最後講下粗麵，我地都覺得比起外間既好唔同，厚實好多有少少太硬，好似好難消化咁，鹼水味係零，都幾特別如果林返少少就好啦～食到底有通菜好正，索哂個湯，yummy我地兩個每人一碗，食完都好想encore一定會再返黎幫襯啦，好令人回味～我地食完大概七點半，出到舖頭外面已經見到一條小小既人龍，好彩快人幾步姐！

雞翼尖鹵得很入味，嫩滑的雞皮，帶著濃甜的香氣車仔麵加通菜，湯濃郁，甜甜地配料墨魚頭，爽口鮮甜，豬紅，蘿蔔，紅腸，蘿蔔仍是那麼甜，但價錢就盛惠60多元。

一個人係銅鑼灣行完街，心血來潮想食車仔面，食車仔面第一時間想起這家店，叫了雙拼油麵$32配雲吞和牛筋，雲吞裡面有原隻蝦，而牛筋分量足夠真係好淋好入味，炆到晶瑩剔透，牛腩湯底做得好出色，鹹淡適中，湯底顏色好深但其實唔鹹，配上油麵一流，好吸味，再加上辣椒醬好惹味。$26美味雞翼尖，好入味，滷水味好香，令人一隻接一隻，不知不覺好快就食完一碟。