榮記粉麵

营业中

休息中

哩間車仔麵絕對係我的中學回憶最出名的係雞翼尖我叫左蘿蔔，大腸，齋，牛丸，河粉蘿蔔要推介，超林好入味而且冇根，齋都一樣好入味。我最鍾意係佢湯底有通菜，以前都冇諗過通菜同腩汁係咁夾，通菜索晒湯汁好味道!佢個辣椒油都幾辣架，唔食得辣唔好落太多。今次仲試左加$4要個麻辣醬，好香，不過如果想食原味腩汁就唔好落太多麻辣醬啦，會蓋過腩汁味。另一碗係雞翼尖，大腸，韭菜雲吞，墨丸（唔知點解黎到變左牛腩）。必食雞翼尖好入味，不過大腸偏肥。另外，鮮豆漿好濃豆味，飲埋佢剛剛好飽。份量對女仔剛剛好，但男仔可能會唔夠飽。如果唔飽可以叫多碟雞翼尖。

叫左個大雜粗麵，麵底唔知係咪人太多關係，煮得有啲過淋！依間車仔麵比較特別，預設湯底已經連腩汁，望落去好杰好重口味，飲兩淡湯後，完全俾比佢個色呃左！腩汁唔算好濃味，入口幾清甜。魷魚鬚幾入味豬紅口感幾滑，比較似台灣火鍋嘅鴨血牛肚、豬皮煮得好淋好入味蘿蔔冇喳好清甜豬腸有啲偏甜，尚算可以#本人就鐘意食鹹味嗰種多啲！牛丸魚蛋就好行貨，唔係大雜麵跟，相信我唔會單點！魚腐好行貨，味道好似三哥米線嘅魚腐 #唔知係咪同一間供應商呢辣汁雖然要另加 $2 另上, 辣味較得幾好幾有驚喜，點來食又唔會蓋過食物味道，同時又增加味道層次！鍾意食辣嘅人唔好錯過！整體來講，係銅鑼灣可以 $50 麵連嘢飲，味道又幾出色，係一個不錯嘅選擇！

成日都會經過呢間車仔面，逢親食飯時間總會人山人海，想試既機會都無！今日終於避開左食飯時間，4點經過呢度買碗車仔面拎走！叫了三送面，牛肺+墨魚頭+雞翼尖米粉，價錢41蚊，如果要分湯記得落單時要出聲，比完錢拎住果號碼籌係外面等！等外賣果陣雖然堂食唔洗排隊，但係不斷見到有人幫襯，入面環境唔算好大，不過要食碗車仔面好快，就算等位我諗都係等一陣就有位！個人覺得牛肺好好味，呢個價錢比足料有突，同埋我係第一次食西洋茶配車仔面，湯底濃夠哂入味，加埋佢地既辣椒油無得頂呀

榮記粉麵（銅鑼灣）呢間次次黎都要排好耐隊😫比起以前而家多咗好多「同胞」黎🙄無意中睇到原來大眾點評有推介呢間餐廳🤭唔怪得之咁多人🤦🏻‍♀️叫咗四拼河粉 $46 😉魷魚鬚、豬頸肉、牛筋、蘿蔔😋😋蘿蔔入晒腩汁味😍魷魚鬚好易咬😛個腩汁汁湯底勁好食😚非常之出色嘅車仔麵🤩🤩韭菜豬紅真係冇得頂 $27👍平時我好少出街食豬紅😅因為驚整得唔好但呢個好惦🤩新鮮😋我都翻兜左幾次😍但係輪椅嘅朋友想入去就真係有啲困難😩因為門口有一大級😖而且餐廳裏面都有啲迫😣如果想去不妨可以考慮外賣😉📷IG: wheelchairvseatinginhk

上次食過覺得唔錯，今日專登走落去食，佢哋嘅車仔麵係唔錯，啲餸好入味，鐘意食佢哋啲豬皮蘿蔔同豬紅，不過呢間野啲員工冇論男或女態度都唔好，今日除左手袋外仲拎住其他野，見冇咩人就放低啲野嚮另一張櫈，點知有個女員工就好串態度叫我空返張櫈出嚟，咁我都狽返住個手袋放大脾再坐入啲，但手抽果袋真係冇晒位放，如果放埋嚮手袋之上根本就頂住食唔到野。然後個西面女店員又再叫我空返張櫈出嚟話啲櫈唔係比你放野，果刻我真係有啲著著地，但自己明白人哋地方有限要做生意唔怪得人，咁我就話，我都唔知仲可以放邊咁你哋有冇地方比我擺袋野啊？跟住西面個女店員就用鬧人嘅語氣態度非常串咁話：放地下囉！！！我望完個地下之後當然拒絕冇理佢，然後另一女店員就過嚟望到我真係冇辦法，佢就話一係你將擺野張櫈推後而，你再坐入啲比返個位出嚟啦。就係咁事情解決左，經過呢件事我決定就算再鐘意食都唔會再光顧，反正佢哋亦唔怕冇人幫襯，我亦冇必要比錢買氣受。

超愛吃車仔麵，很有小時候的味道，數不清第幾次來了，雖然環境一般，但味道滿滿幸感第一份：墨魚丸➕蘿蔔，配料自己搭配來選墨魚丸很Q彈，真的有墨魚在裡面喔蘿蔔是我的最愛，非常入味，香甜可口第二份：紅腸➕牛肚油面➕任何配料都很讚可以盡情搭配你想要的最後一定要喝湯底，濃郁的牛肉香味，好喝到想流淚第三份：通菜，新鮮味美本身面裡有配青菜🥬的，因為很愛吃通菜又再另外點了一份我基本都是下午過去，都不是用餐時間，卻次次都要排隊，很多人都跟我一樣愛吃，哈哈沒辦法，抵食

今日大概10點去到 無人龍 即刻可以入去坐嗌左 魷魚鬚 豬大腸 同蘿蔔魷魚鬚好易咬 豬大腸好入味 白蘿蔔又系好有腩汁味 好好食 腩汁湯底超正 車仔麵黎講 算系出色奈何佢地既服務態度有代改善 總括黎講 可值得一試

黎到銅鑼灣不得不提榮記粉麵，係我地中學嘅集體回憶！由中學開始食到依家進入職場，雖然見證住通脹影響之下一年比一年高嘅價錢，唯一不變嘅就係車仔麵嘅味道。榮記出名在濃郁腩汁湯底，對於有d人黎講可能會比較鹹，不過就啱晒重口味嘅我啦！豬紅係我每次必叫嘅餸，排第二嘅分別有牛肚同冬菇，墨魚頭都係哩度嘅招牌。麵底方面，我會選擇米粉或者河粉，因為用黎索湯一流！菜就每碗都有少許通菜，同其他車仔麵與眾不同，唔洗驚食車仔麵冇纖維啦！希望佢長做長有，長存中學回憶嘅味道

人好多喔........在門口等了一會.......不過很快便有位......安排得宜........餐牌在牆上............都清晰明確.............點了.....米線....魚腐....豬大腸......春卷....春卷有一開二的感覺.....以為大大條........不過上菜速度都快.....👍🏻👍🏻👍🏻沒有咖哩魷魚...大大條魷魚鬚....👍🏻👍🏻👍🏻 另加牛腩...蘿蔔......腩汁湯底...雞翼尖好入味....👍🏻👍🏻

閒日12點去到 都要排15分鐘左右 個腩汁湯底算係幾濃郁 叫左魷魚牛腩都幾好味 魷魚幾彈牙有大條 係個份量細左少少 40幾蚊都唔係幾飽咁 可能加個豆漿或者菜會飽d 如果下次撞正唔洗排隊會再試下👍🏾

好多時行過榮記門口都見到一大班人排隊，每次都疑惑是否真的那麼好吃？可是每天工作煩忙，只是走過路過再錯過，今日休息又同老婆行過，一如既往又見門口一條人龍，老婆話想試試，好！咁就排隊啦！長話短說，小弟叫左美味齋，冬菇，墨魚頭 河粉。先講餸，味道可以，冬菇厚肉，齋就一般，以價錢來講，是無問題，可以一食，不過河粉全碎上，小弟要用匙羹來吃，感覺像吃餘羹……！總括結論，價錢同出品一般，無特別好食，亦不難食，不用排隊的話，又不太肚餓（份量不多），是可以一吃的。

星期六和朋友去港島區行山，我地大家都住九龍新界，好少去港島區食野，朋友就推介去榮記食車仔麵。有名車仔麵其實都有好多間，荃灣，深水埗都食過，今次就試下港島區的車仔麵啦。我地去左糖街的榮記粉麵，去到差不多4點左右，呢個時間又唔係下午茶，又就快食晚飯，所以都唔洗排隊，但係入面都坐滿人。因為我夜晚約左朋友食晚飯，所以要留肚，朋友和我都叫左個三餸麵，我點了魚皮餃，牛筋，墨丸。牛筋很腍的，其他餸也OK, 湯不咸，沒有加味精感覺，很入味，份量適中，如果男士可能不夠飽，港島區價格尚可接受。環境也算乾淨，有食客也是突別來試吃，因為太多車仔麵競爭，沒有太驚喜，但我認為是不錯的，去開銅鑼灣可順道一試。

講起銅鑼灣車仔麵，應該會即時諗起榮記，長期都有條人龍係門外，好在都排得好快，通常十五分鐘內都可以埋位坐低。黎呢度食野唔可以坐得好舒服慢慢嘆，因為實在太逼喇！同隔離嘅人坐得好密，想搵多張櫈放下袋同外套都有啲困難！又平又大碗又多唔同種類嘅餸可以揀。每次都會必食雞翼尖同墨魚頭，呢度啲豬紅就普通左少少，而水餃同魚吞都幾好味，雖然細粒左啲，但味道唔錯！可以一試！記住一定要加辣，加少少都可以令成個麵更香更惹味！麵底就每次都食米粉，不過有時就太碎喇！好難夾黎食。

車仔麵黎講，榮記係我近期既至愛！一到熱門食飯時間就會有條人龍喺門口等位。為左避免人流要排隊，我多數會5/6點就會去食。我多數嗌3餸，魷魚鬚係必嗌的，勁爽口彈牙，牛腩或者牛肚好林都會入哂味，湯底係超濃既腩汁，帶少少甜味，好特別。不過可能對男士黎講可能一碗會有啲唔夠，因為真係比較細碗，所以我多數都會再加多一個菜，咁就夠哂喇👍🏾

是日去銅鑼灣工展會，食埋lunch先過去，最方便梗係糖街榮記（心心眼）。幫襯小店系列，銅鑼灣其實都唔少粉麵店，不過榮記回頭率最高。大概三點到等左十分鐘就有得入。二人叫左兩碗麵 - 蘿白切細舊，夠林夠入味，吸晒腩汁；墨魚頭每次必嗌，爽口彈牙，不過食倒其中一舊偏林；鹵水豬腸夠入味，乾淨；牛腩偏孩，燉得唔夠耐；牛筋正，有膠質，整體加上腩汁好入味，配米粉吸晒湯汁！另外叫左個豬紅都好好味，雖然唔重味但都無腥味。