榮記粉麵

营业中

休息中

之前黎到銅鑼灣，突然醒起好耐無食佢。1點鐘黎到外面見到排晒大隊，哩間車仔麵係小編最愛呀。我地分別叫左2餸$35，我地叫左魷魚腳同埋齋卜，2樣都好入味，魷魚好彈牙好香，另外叫左米粉，好入味😋👍🏻仲叫左牛筋牛腩，2樣都好淋好入味，牛肉肉質鮮嫩。好大碗，個湯好濃厚，好味好味。另外我地叫左豬紅豬皮$28❤好正，吸晒啲腩汁精華，但略嫌有食到尾有小小過咸，但豬紅真係好滑好正呀💕

榮記粉麵今日去到銅鑼灣，突然醒起好耐無食佢，Lunch帶埋daddy去食😘，1點鐘外面都排晒大隊，哩間車仔麵係小編最愛呀我地分別叫左2餸$35，我叫左魷魚腳同埋齋卜，2樣都好入味，魷魚好彈牙好香，而小編叫左米粉，好入味😋👍🏻爸爸叫左牛筋牛腩，2樣都好淋好入味，牛肉肉質鮮嫩，爸爸叫左河麵，好大碗，個湯好濃厚，好味好味另外我地叫左豬紅豬皮$28❤️好正，吸晒啲腩汁精華，但略嫌有食到尾有小小過咸，但豬紅真係好滑好正呀💕大家下次經過入黎試下喔😛地址:榮記粉麵 (銅鑼灣)銅鑼灣糖街27號A地下味道⭐⭐⭐⭐⭐價錢⭐⭐⭐⭐⭐環境⭐⭐⭐⭐服務⭐⭐⭐⭐推薦星數⭐⭐⭐⭐⭐#hkfood#hkfoodie#hkfoodbloggger#hkfoodblog#hkrestaurant#foodphotography#openricehk#foodpic#foodporn#picoftheday#instafood#topcitybiteshk#hkig#hkiger#hkigers#foodie#foodgasm食評#travel#相機食先#食好西#吃貨#銅鑼灣美食#車仔麵

Am a fan of such noodle. You can opt for up to 5 different ingredients and it's priced at around hkd 50 per bowl. They have English menu so you need not worry. This round I opted for beef balls, beef tendon, beef gripes, pork skin. It was great. Soup was nice but just a little salty for me. Other than that it was all good. Average hkd 50 per pax for a bowl of noodle.

見成日有人介紹銅鑼灣榮記粉麵，今日終於有機會試啦🤪叫左個雞翼尖、蘿蔔、豬皮米線，個腩汁真係好正，個蘿蔔同雞翼尖吸晒個湯底😍😍下次黎會就咁叫碟雞翼尖，因為太好味，幾隻唔夠喉🤣不過男士們黎食就建議叫5餸，因為啲面真係好少，叫三餸其實都唔會太飽

一間餐廳咁多年味道依然無變真係好難維持，E間就係其中之一，要用心保持係需要好大努力，無論用料、味道，每一樣細節都要用心去做，E一碗車仔麵就係我食過其中一碗最好之一，牛腩入味，麵爽囗豆仆唔會太諗，正！

奔走車仔面系列 第一擊！！由一個中學生哥仔 食到e家丫叔一名多年味道不變 保持得住 唯獨價格不停上升。。。。。叫左油面 （車仔面最夾）牛肺清洗干淨 没有異味 腩汁味入到個心到 不會太淋 咬落唔會粉身碎骨！！正豬皮（車仔面吸汁之一）沒有毛 佢唔係勁淋果隻 係有d爽口 鹵得入味！！正！豬大腸 清洗干淨 沒有異味 食內臟最最重要一環 夠淋 入晒味！！正雞翼尖 爆好味 勁淋 又香 鹵得入味！！ 齒頰留香！！ 吮骨者會超鍾意食！！！辣椒油 超超超爆辣 落幾滴 都超辣 要少心d落！！

今日去銅鑼灣行街街同男朋友都早左少少出黎佢又突然好想食車仔麵佢本身提議去天后食但因為我唔係好想行就近少少食榮記啦去到十二點幾都要排一陣隊大概排左十分鐘 終於入得座係入去之前己經嗌左食咩咁我就嗌左魷魚 時菜 同魚腐湯要腩汁配油麵魷魚係非常彈牙爽口 好好味呢通菜索晒d湯汁 真係好夾車仔麵至於佢嘅獨有魚腐係好好食食到有魚味之餘都大大舊 幾抵食個湯係feel到有味精但真係好好飲食得車仔麵其實都預左好飲就得啦唯一美中不足就係成碗細左少少我男朋友食完就唔太夠飽我就岩岩好嘅

今日想去銅鑼灣shopping,所以就順便去左榮記食車仔面。第一次食左車仔面店少有既墨魚頭。 原來好好食! d肉好彈牙。唯一美中不足係我地三個人落既order都錯左，兩個錯面底，一個少左一樣送， 建議大家同佢double check個order先好比佢落單😂😂😂😂

飯桶最近少食飯，食粉麵多，週日黎到港島區都順便緬懷下榮記。多年前短暫喺銅鑼灣工作時，另一半帶我食第一次，今日再食，啊依然幾啱食。榮記喺銅鑼灣都好多年了，雖然有分店，但我地都係黎糖街無論任何時候都有人排隊嘅，不過用餐時間唔會好長，我地都只係等左一陣。車仔麵店嘅環境都唔洗多講，少少窄啦，但唔逼嘅，目測一張圓枱最多5個。一般車仔麵店環境，搭枱基本，但未算逼，目測一張圓枱坐5個。餐牌簡單易明，單餸/雙拼粉麵定價$35；額外一餸加6蚊。配料26款，豬頸肉、魷魚鬚、墨魚頭、牛肺/肚/筋/腩等，配腩汁 (辣汁另加2蚊)；可選油/幼/粗麵/米線/河粉。墨魚頭、魷魚鬚、豬紅+幼麵、腩汁 $41美味齋、豬大腸、牛腩+油麵、腩汁 $41雞翼尖 $28車仔麵定米線，我食黎食去嗰幾味，雞翼豬紅之類，但黎榮記有少少唔同，因為冇雞翼，我多數點墨魚頭魷魚鬚。配料大方，鋪滿成碗麵，墨魚頭、魷魚鬚好爽啊；豬紅新鮮，香而滑溜。其他配料正常發揮，牛腩都係普通，偏細碎。湯汁濃郁，個人認為唔算話特別鹹，起碼冇瘋狂搵野飲，所以榮記依然係我地過海車仔麵之選。

每次嚟呢度食都一定會叫魷魚鬚！因為真係好入味！上菜時魷魚鬚面頭仲會留咗啲醃料，用嚟送麵真係一流！今日放飯同同事去食，我地都嗌咗魷魚鬚同豬頸肉做餸，同事食幼麵而我就跟米線。碗麵個湯底甜甜地，同啲餸幾夾。魷魚鬚一如既往咁好食，而豬頸肉都好入味，索曬啲湯汁每碗麵都有唔少嘅通菜跟埋，但我就覺得冇咩味，不過不失啦～埋單每人$35，係銅鑼灣黃金地段都算係咁，不過份量可能比較細，如果過下口癮都OK，要醫肚餓可能就要叫多個餸/加底，哈哈。

食得車仔麵當然係貪快貪方便啦，隨手點幾個鍾意食嘅餸快快手醫肚。但係點樣令唔同嘅餸菜擺落同一碗粉麵度而又唔會相撞，就係比較少人諗嘅問題。我覺得大家可以嚟榮記搵答案。榮記話畀我哋聽，答案係腩汁。我敢講腩汁係榮記嘅鎮店之寶，先唔講佢哋餸菜本來就做得出色，車仔麵之所以能夠成為車仔麵，更加係因為我哋可以係一碗麵入面搵到何謂調和。試下去想像，無論係彈牙入味嘅墨魚頭，定係肥瘦適中嘅豬頸肉，更加唔使講食極唔厭嘅豬大腸，佢哋每一樣都係獨當一面嘅。如果無咗腩汁，同埋浸係底嘅西洋菜，相信好難會覺得你食緊嘅車仔麵，仍然係你最初認識嘅車仔麵。

一向都知呢間牛腩店好出名，好多明星都會特登O黎食....今次我就同朋友特登過O黎排隊試食...當然，一去到就一條長長O既人龍!!!! 入到去我同朋友都各點一碗麵，的確明不虛傳，真係好好味! 入味! 淋身! 已經係冇得輸! 自己本身比較偏好牛筋多過牛腩，但呢一間牛腩宴係令我喜出望外!!

今日忽然好想食牛筋，於是就去咗位於銅鑼灣糖街既榮記，佢既牛筋非常淋同入味，腩汁湯底，非常濃郁。蘿蔔也是我既必食之選。榮記係銅鑼灣區既速食之選，而在車仔麵間都係數一數二。去到榮記都要排10分鐘隊先可以入坐。今日我就點了兩樣我既最愛，牛筋、蘿蔔淨餸。另外，還點了韭菜加了腩汁十分惹味。朋友就叫了，牛筋雲吞米。見其他食評話墨魚頭好食，等我下次都試下先。

今日趁食lunch，拎條西褲去銅鑼灣G2000改。由灣仔行到去銅鑼灣，用咗四個字，得番好少時間食lunch。正當吾知食咩好之際，眼前就係榮記車仔麵，於是走入去食車仔麵。榮記出名快靚正。我叫咗一個三餸車仔麵。一落單，馬上有得食！快！D餸鋪哂成個麵上邊，賣相吸引，靚！油麵絕對無鹼水味，軟硬適中！雲吞大大粒，蝦肉爽口彈牙！魚腐勁正。榮記車麵嘅「通菜」湯底，滲滿成舊魚腐，超好食。墨丸大大粒，爽滑彈牙！吾似譚仔d「墨現」走哂樣，細細粒，勁多粉。食完麵同餸，係會想飲埋d湯，成碗車仔麵認真好味道。埋單只係$41，絕對係銅記單拖快靚正嘅速食之選。

Traditional HK style noodles🤤車仔麵係香港嘅signature🍜Fast, tasty and speedy!夠哂快靚正又高質！Radish is my all time favourite🥕You know how juicy it can be 🤤白蘿蔔入哂味真係好juicyhoneycomb tripe is also the highlight of local noodle! 潮州粉麵嘅金錢肚、牛腩真係必叫😏第一次食雞翼尖，夠哂入味👍🏻