榮記粉麵

营业中

休息中

黎到銅鑼灣一間食車仔麵好出名既地方——榮記坦白講，榮記服務就無嫁喇，侍應唔會特別有禮貌，都係一般茶餐廳既服務快狠準。以前讀u 成日黎，係超無禮貌，而家因為疫情關係，就終於正常返d我每次黎都係食油麵，雖然麵質無咩特別，不過佢既牛腩汁無得輸，一定要加。甜中帶咸，好香好濃，我從來未食過咁香濃既牛腩湯汁。餸就一定要點魷魚，佢既魷魚唔係用普通水魷魚，水魷魚好難煮到入味。佢係用人地串燒魷魚個隻，再配埋個醬不得了。第二個必點既餸一定係蘿蔔，蘿蔔好入味，好淋。第三個係美味齋，雖然同普通餐廳點既齋係差唔多，不過再配埋個牛腩湯汁既麵係一流。今次仲點左炸魚皮，不過就真係好普通，一般水準，唔洗特登點。整體味道：4.5/5服務：2/5衛生：3.5/5價錢：3.5/5

一直都聽過呢間野幾出名，但係細，你知我肥肥地幾佔位置架啦～咁我行過咁多次，次次都坐爆哂咪唔入去食！但呢排疫症關係，少左好多人食，咁我就行入去食喇。車仔面好多餸揀既，但呢到最特別就係有墨魚頭同埋酸齋！但酸齋我覺得唔太抵，所以我揀墨魚，嘩！真係好好味，好入味，d湯完全入哂味，一食落去就好大陣墨魚香，所以我平時食野快我都咬多兩啖唔捨得吞！！另外要讚既係d面，唔會煮得太老唔會太生！個湯味唔唔算重，無話食完超想灌水咁。

依間車仔面其實已經開左好多年,排隊人數依然Keep住咁多就知道咩事今日8點幾去到排隊排左5分鍾終於入到去食不過位置就有d逼, 坐得唔太舒服 唔緊要拿拿林叫番碗牛腩雲吞春卷油面湯底內置腩汁腩汁味非常濃郁牛腩份量有點少 不過雲吞夠大粒整體黎講算係一碗唔差既車仔面不過員工態度奇差 可能特色黎

每一次經過銅鑼灣，我也會看到這一家「榮記粉麵」的門外大排長龍，有外國遊客也有本地人在門口排隊然後，我再看一下裡面的裝修也只是傳統茶餐廳的佈置，我就心想應該是他們的車仔麵很出色？所以我就和同事決定找一天的LUNCH TIME，去買一碗車仔麵回公司吃～有很多不同的配料，有一些比較特別的食材：墨魚頭～（記住下單時要叫加腩汁！）墨魚頭，魷魚，春卷，炸素齋 湯底十分濃郁，不會好咸之外，還帶有一點微甜味我最喜歡的是：墨魚頭，爽口又有墨魚味魷魚很爽脆和帶有一點牛腩汁的味道，很惹味春卷則正常，不過不失炸素齋則不夠脆又很腍，不建議點！總結來說，我覺得很好吃又便宜！很值得為了湯底和配料，再來吃一次！

今日去到cwb唔知食咩好，行行下經過榮記，平時會有好多人排隊，今日冇咩人，所以我就走左入去食叫左我最鐘意既入味大腸，炸魚皮，牛筋，魚肉春卷，仲有墨魚頭一泥到已經聞到同以前一樣既味道，個湯好甜，同油面一絕我最鐘意個墨魚頭，真係幾爽口，唔會煮得冇曬墨魚味所以全部總括泥講都唔錯

一個人唔知食咩好嘅時候，又走嚟榮記食車仔麵，呢度嘅豬頸肉都係其中一樣推介，由於今日少食菜就要咗西洋菜，碗麵嘅份量啱啱好，唔會太飽，如果想要飽啲都可以加底，加咗腩汁個味道好濃。

午餐時間到左，唔知食咩好？梗係要食銅鑼灣嚟講數一數二好食嘅麵店啦。.車仔麵餸嘅種類10幾款，我地各自揀左3餸都係$42，餸同麵嘅比例啱好，麵嘅精華係牛腩汁，除非講聲，唔係每一碗都必有腩汁，個湯唔會好咸之餘，仲有微甜，連湯清晒成碗都冇問題🥰.三餸：魚腐+冬菇+牛肚 / 豬紅+豬皮+蘿白 全部都極度入味同好淋，牛肚同豬紅係去到入口即溶，冬菇大大舊，吸晒啲腩汁，好juicy。.仲有每一碗都有好多菜咖，所以係4餸❤️

由佢係行仔食到而家，講真我食過唔少話出名嘅車仔面，呢間嘅湯底同蘿蔔係最正，湯底係好濃嘅色而且係佢獨有嘅材料煲咗好耐嘅味道，其他話好食都係靠下D秘製辣汁而令碗車仔面好味，但呢間你唔落都唔會差，佢嘅蘿蔔夠甜，未試過食到有渣，豬大腸都夠淋，不過我鐘意食好厚肉嘅大腸，呢個就睇彩數，上次食兩款都有整，仲有佢嘅伴面菜係西洋菜真係好夾，因為佢有葉條莖又夠幼細，唔同菜芯有時D莖好粗，最愛仲有佢嘅雞奕尖，因為佢嘅卥水汁甜度同味道都配合得好好，而且浸得好耐所以成隻雞奕尖都好淋身入哂味，平時嘅雞奕尖我都唔會食，通常我都掉咗佢，但係呢度我會用錢買起佢唻送入我口

聽朋友介紹，話呢間嘅車仔麵好食，諗唔到食咩就過嚟試試，叫咗個三餸油麵：菜，魚皮餃，墨魚頭。好鐘意食佢個魚皮餃，好咬口，又幾鮮甜，墨魚頭好爽口，份量都唔會少，西洋菜夾埋啲腩汗幾啱味，下次都會再食呢間。

真的超好味的絕配車仔麵，豬紅的軟滑，牛肚的入味和軟硬適中，牛丸的爽脆,羅白的入味，再配上天衣無縫嘅牛腩汁和香蔥醉，超好食的車仔麵，西洋菜配腩汁好味，招牌必點，自家的油面別家店找不到，軟軟面身有彈性，車仔麵的靈魂絕配，讚！

好喜歡吃車仔麵的我，來到銅鑼灣行街後來一碗車仔麵，已經食過N次，一如既往好美，唯一一樣野唔同左，就係少左自由行，算係唔洗等點等，太好了，之前有幾次想食都因為太多人排隊而被迫放棄，轉食其他野。講返車仔麵，今次點左豬大腸，豬紅，菜三個餸配米粉，豬大腸同豬紅真係必食既，好味道，配左腩汁湯底，Lam Lam 脷之選。

超入味牛筋腩米🤩尼到好香港地道牛腩麵入面得招牌幾款配河、米、麵之後飲品得豆漿同汽水（5會有其他奶茶咖啡☕️）本身來到都覺得未必好食😟點知🤩🤩🤩一食落超入味腩汁😍d牛腩蚊到好入味，牛筋軟硬岩岩好同埋入味👍🏻最正個腩汁，有10倍入味感米粉有d碎豆漿ok但注意佢無單，食完會叫幾錢近門口有個EE收環境就好舊式🧐————————————————滿分5🔆🏝環境🔆🔆🛋服務🔆🔆🔆💲價錢🔆🔆🔆🔆😋食物質素🔆🔆🔆🔆💥翻兜指數🔆🔆🔆🔆————————————————📍餐廳名稱：榮記粉麵📍地址：銅鑼灣#牛腩米 #food #foodies #美食日記 #美食分享

好多人都知，依間舖頭成日都要排長龍，今日排得兩三個人，所以入去食。今次點咗美味齋、豬腸、冬菇車仔麵，另加一份雞翼尖。因為知佢車仔麵會加腩汁係湯汁到，所以特登點齋，吸收多D腩汁同湯汁，結果佢湯底冇令我失望，湯汁濃，腩汁香；豬腸又卤得又夠香；最令到我有驚喜嘅係冬菇，冬菇本身大隻又爽，佢嘅冬菇香味超濃，令到人唔會咁輕易忘記，大家值得一試呀。仲有一樣值得讚，就係每碗都有少許菜，令到整碗車仔麵無咁肥膩最後，要講下翼尖，佢用鮑汁煮的，好香，味道又夠，色澤又好，最重要係滷得夠入面，依碟翼尖，又係另一推介食品呀！

從10年前在銅鑼灣上班，一吃已經覺得驚為天人，到現在重回舊地，水準依然保持到10年前的風味，在我心中已經是全港最出色的車仔麵每次豬紅都是必點的，和平時車仔麵店食到的豬血不一樣，只有在榮記才食到如此Q彈滷得入味的豬紅！榮記車仔麵在銅鑼灣有2間分店，個人偏好於糖街分店的，感覺上調味沒有渣甸坊分店的死鹹當然在這種小店不能要求很好的服務態度，建議在進店前要想好點什麼配餸，不言在點餐時會承受店員無形的壓力，haha

同事介紹，本身係中環返工都專登過去銅鑼灣食呢一個好出名的車仔麵！果然冇令我失望佢啲料真係好好味我好特別好欣賞就係佢附送嘅通菜，的確係第一次食車仔麵入邊送通菜，加上佢好濃的湯底，所以覺得好好味！