榮記粉麵

营业中

休息中

成日聽朋友講哩間車仔麵好吃吃，而且聽講係老字號，平日都要排隊噶！四個餸HKD45蚊一碗。等左幾分鐘車仔麵就來啦，湯底係腩汁，味道好濃郁，十分唔錯！個白蘿蔔幾鮮甜喔，同埋無渣呀，清甜可口，D鹵水雞翼尖好入味，好淋喔都，有D瑞士汁咁味，豬紅是這裡很出名的一味，所以必點呀！又滑又嫩，味道無得輸！豬頸肉都幾厚身，牛腩夠曬味，就係有D癡牙，墨魚丸唔夠彈牙，比較多粉，魷魚鬚咁大條都超淋，有鮮味，好惹味，一百個like俾魷魚鬚！食完好滿足！

由中學開始食嘅榮記，真係我最愛嘅車仔麵！過冷汁湯底真係世界級咁好食！每次我都會帶啲好入味嘅餸， 例如蘿蔔，同埋牛腩！再加啲腐乳通菜真係冇得彈！而女朋友就叫咗個牛腩牛筋豬紅牛肺米線！睇見都覺得俾啲腩汁浸得好入味！

仲記得由小學開始，已經跟爸爸黎呢間榮記食，嗰陣既我，一碗都食唔哂，要爸爸執我手尾食埋佢所以我對呢間榮記特別有感情今次再黎，唯一冇變過既，就係啲位過咗十幾廿年都仲係坐得好唔舒服大個左又肥左既我表示坐係走廐好辛苦後面係咁有人行過食量隨年紀變得越來越大而家既我要叫碗三餸先夠食啦叫左墨丸牛肚牛筋河墨丸浸落啲咁濃既湯汁真係好正架不過不過啲湯稀咗好多比起以前.......真係有啲失望四十幾蚊一碗粉其實幾貴冇咗以前好濃既藥膳味個湯汁竟然都隨時間變淡了

榮記車仔麵係我由中學時代開始食到依家嘅車仔麵，由以前三餸30幾蚊已經加價加到三餸變成＄40喇。今日經過銅鑼灣心思思又走咗去食喇。今日叫咗個雞翼尖蘿蔔加通菜米粉底， 三餸$40。味到咁多年都冇變過一樣係咁好味呀，佢個腩汁湯底甜甜地雞翼尖滷水炆到入晒味，蘿蔔又甜又入哂味，真心好好味！🤤🤤人哋成日話深水埗間文記好好味，我話銅鑼灣榮記先係一絕呀。雖然佢＄40一碗細細碗，女仔呢就應該夠飽嘅，男仔就可能未必夠飽啦。不過真係好好味呀，所以我仍然會做佢嘅長期食客！😆

同frd行完銅鑼灣shopping👭財散💸梗係要食平又好食嘅車仔麵🤤個frd推薦我食呢間 話幾出名🤓🤧叫左兩餸 蘿蔔雲吞油麵 要腩汁🤤🤤🤤d蘿蔔真係好淋 入口即化🤤🤤🤤🤤🤤🤩雲吞嘅皮超級滑超級薄 🦐都好新鮮🤩🤩油麵都好食嘅 但湯底加左腩汁都唔算濃 都可能係我重口味🤔整體而言 因為d餸實在是滿分💯麵同湯底都唔錯😌下次我加埋辣油應該更好🤔三十幾蚊 下次shopping完一定再食🙈🙈正啊！🤩

細細個係喺銅鑼灣讀聖保祿學校St paul‘s convent school 架～我記得細個榮記係喺皇室堡後面一條後行仔*細細個放lunch 去食好有風味！食車仔麵來講簡直對榮記係有一個情意結嘅！我而家住喺九龍要過去對面海先至可以食返碗～*我最愛佢個湯底～*食完全香港只有佢一個係呢一個味道～*每次都係叫雞翼尖,豬大腸,墨魚頭、油面～*偶然會食吓去過冬菇～*好入味巧巧味、巧鬼正架～*每次我食完都會打包一盒雞翼尖走～*我食過好多間雞翼尖好多都一係唔夠淋一係就有雪藏嘅味道～*總之唔係間間都好味啦仲有呀～～～～～*唔使叫菜都會送幾條通菜～*一句到尾食車仔麵真係要幫襯榮記啦～*

呢間榮記粉麵份量世界級少3樣餸都＄47 每樣餸都得果3，4舊佢係勝在個湯夠濃味員工個呀婆成日落錯單 坐左唔夠4個未已經錯左2張單其實係好唔抵食 份量寶係好少得果幾條粉皇室後面果間都多少少起碼係食得好飽 有9成呢間得6-7食 唔會再食呢間唔值得去食同唔抵食

以前係則漁涌返工時， 一有sogo 感謝祭我地就會lunch 衝落去掃貨， 掃完貨， 過左午市長龍時間先黎呢度等位， 再極速隊個車仔麵先返工！今日經過cwb 約左人未到時間， 突然心癮起就去啪個麵先！星期六下畫兩點幾， 唔駛排隊， 正呀！ 叫左兩餸麵 蘿白同墨魚頭 +米粉 $34呢度個湯真係冇得輸！ 好掛住！招牌墨魚頭係必叫。 因為散叫好貴， 有時都會見到食客叫兩份墨魚頭蘿白都係必叫， 好甜冇根 勁淋勁吸湯！d 餸既份量都好ok, 反而覺得個麵底太少！ 唔夠食。加罐裝飲品都係$7, $41 可以係cwb 食飽走得， 依家都好難搵喇！另外， 呢度d 醬料都好正， 自家麻辣醬同咖哩辣醬都好值得一試！！

今日花開又一年，適逢花市季節，決定第一日去維園花市湊下熱鬧我朋友啱啱腸胃不適，就諗住去食粉麵，清淡一d本來我哋一去係去糖街個間，但係去到見到門口大排長龍，有排都唔會等到上openrice發現，銅鑼灣仲有另外一間分店，我哋就行咗過去兩間舖其實一橋之隔，好快就行到。去到幾乎唔洗點等，就入到去😍呢間係主打車仔麵同埋牛既產品，每人平均消費要$34或以上，有好多餸俾你揀，好多都係平時食唔到既車仔麵餸除此之外，唔夠飽既仲有好多秘製小食，都係好出名我哋最後叫咗一個三餸油麵(HK$41:魚肉春卷、豬頸肉、牛肚)，而我朋友就叫咗個四餸粗麵(HK$47:牛根、牛腩、豬頸肉、魚肉春卷)腩汁味濃，但略嫌太細碗，而牛肚就好un，好難咬開😢豬頸肉肥瘦適中，係亮點👏🏼但魚肉春卷就無咩特別，放耐咗仲會林哂😕但我會再因為佢既汁而幫襯佢架，下次會試埋d小食，聽講咖哩/滷水汁墨魚頭都好好味🐙🐙🐙

I didn't know Wing Kee Noodle have another branch (in Sugar Street) in Causeway Bay until I walked pass this street. Personally, I prefer the branch in Sugar Street. Compare to the other shop, there's no queue outside and the shop is smaller.You cannot select your broth because they serve the same broth to everyone. However, you can choose your own noodles and toppings. The broth taste different in this shop...taste like water with colorings. The fish cube and spring roll is chewy. The pig skin

晏就毒自食榮記 以前既我一定唔會自己係街食野 覺得唔知點咁😂而家反而會享受自己一個既時間👻豬腸魚肉春卷蘿蔔油面🤤次次黎都點呢3樣餸⋯腩汁好正！！蘿蔔好甜 無渣！係銅鑼灣諗唔到食咩就榮記啦！

下午茶時間，去左食榮記。地點非常方便，係正地鐵站出口三分鐘步行範圍！三個人叫左個雲呑河，兩個車仔麵，一個菜同兩罐汽水，埋單係百零蚊，銅鑼灣黎講都算係平食之選！雲呑河好一般，無影，可以唔試。蘿蔔豬皮墨魚頭配米粉，腩汁偏鹹，蘿蔔好淋好入味，豬皮都幾爽口，墨魚頭就煮得夠淋，唔會咬唔開！餸既分量正常但米粉偏少。另一個叫左豆卜墨丸，墨丸得兩粒 嘩兩粒係一個餸。。。好少喎。好彩個麵同腩汁係幾好食先會再黎食。再加左個菜，都係加腩汁，正常。

榮記幫襯左好多年, 係我心目中NO.1既車仔麵,單拖食店既首選。我食麵向來最鍾意加腩汁, 榮記正有我最愛既腩汁湯底,仲要係夠晒濃!😍佢好多餸都好好味, 我一向都唔食雞翼尖, 因為覺得無咩肉地, 但佢既雞翼尖絕對係又腍又滑一試難忘~~今日一個人去食都諗左好耐揀咩餸好, 最後叫左三個餸, 40 蚊。湯底~~~~除左腩汁仲帶點西洋菜香味~~~👍魚腐: 每次黎都必食,有兩大舊脹卜卜. 咬開軟綿綿勁索汁, 起其他麵鋪好少食到呢隻魚腐👍蘿白: 每次黎都必食again, 超腍超甜超入味無渣👍牛筋: 每次黎都必食again again😂,  都有成5,6 舊嫁, 真係一讚佢舊舊都咁腍, 仲好入味不過老老實實, 佢個湯底其實係有D咸,所以我每次黎一定要飲埋可樂先perfect (我幾懷念佢既支裝可樂, 可惜已變了罐裝)如果鍾意重口味, 榮記一定啱你👍 鍾意食清淡你都係過番對面😙銅鑼灣40蚊食個晏, 講真好平喇~~~不過服務就一般般~D 伙記style都係勞勞嘈嘈咁~~

放工一個人其其求求食個晚餐，緊係食車仔麵，不過成日都超多人，今晚好好采唔算多人。叫左3個餸$40 ，墨魚頭／蘿白／魚蛋＋腩汁湯底，記得人地話墨魚頭好出名，所以每次都會叫，今日唔算肚餓所以份量都是剛剛好 。

榮記食過好幾次，每次都食過番尋味。先講講餐廳環境方面，榮記其實類似茶餐廳咁，所以唔好預佢環境優美，好乾淨，有好舒服嘅凳坐。通通係無嘅，作為類似茶餐廳嘅餐廳，佢嘅環境算係整潔嘅，只係有時上一手食客一食完就即刻入下一台客所以未係你的好乾淨張枱。職員方面，態度當然無得同連鎖店比，但係態度算係和善，只係大家切記，每次入去之前要諗好食咩，因為你一坐低，職員就會問你食咩，你係唔會有時間諗架。食物方面，上菜快味道好，總之就好。每次去榮記我都係會叫豬頸肉油麵同一碗菜嘅。首先，豬頸肉油麵雖然有時候豬頸肉會切得太厚或煮得太軟，不過一般嘅餐廳都好難可以煮得好豬頸肉，要煮得不軟不硬帶一丁點脆。不過好在油麵同湯底搭夠，麵質唔會煮得太軟，湯底濃郁。菜方面，菜係濃濃嘅湯底裡面，食起菜黎口裡面會散發出濃濃嘅湯味，非常正，而且菜唔會煮得太耐太軟，非常好。