榮記粉麵

营业中

休息中

銅鑼灣榮記車仔麵屹立香港數十載，亦都係香港車仔麵嘅代表。香濃嘅滷水汁亦都係多年來嘅賣點，另外每次經過銅鑼灣，都心思思食一碗。今次我有經銅鑼灣食個下午茶，就嚟咗呢一度叫咗一個蘿蔔 豬紅 墨魚頭油麵。三餸麵都要成$49，不過價錢唔係問題最緊要好食。豬紅同蘿蔔吸晒滷水汁啲味好好食，麵麵份量少左啲。佢哋依一間鋪嘅特製辣椒油都係賣點之一，相當之辣落少少落碗麵度。成碗麵就變得好辣，更加香辣同好味。依度職員嘅服務態度相比起，舊舖嗰邊嘅榮記好好多，嗰邊啲職員完全冇態度可言。

榮記粉麵在銅鑼灣是非常出名的，不少旅客都會走過來食。長期都有好多人在門口排隊。好在排隊的時間不算太長，通常可以在五至10分鐘內坐低，這樣都不算等得太耐。但係喺榮記粉麵食嘢，空間是非常狹窄的，連一個袋都要放在大髀上，同隔離嘅人坐得非常親密，手踭掂手踭。榮記粉面的餸菜非常多，例如可以選擇，豬皮、蘿蔔、墨魚頭、水餃、大腸、牛腩、魚蛋、墨魚丸、雞翼尖、等等。而我每次都會叫墨魚頭和牛筋，依度的雞翼尖非常入味，水餃都不錯，味道不錯！值得一試！但榮記粉麵的面底少，對於男性來講要食兩個先飽。如果分量多一點就會更加好！

今天下午來到這間香港十大必試食物的車仔麵檔。我們在配料一欄選了三項配料，之後茄米線和腩汁。怕肥的可以選擇要清湯，即他們說的走腩汁。可能比較人多的關係我們等了十多分鐘才有得食。我們點了牛丸，魚皮春卷和魚片頭，其實魚片頭即是魚蛋只是形狀不一樣，大家可以一試。牛丸純粹個人喜好其實沒有好食，或不好食之分。預備春卷是兒時回憶，如果大家是對食物有追求的，建議可以叫墨魚頭，朱豬和韭菜。這家出名車仔麵排隊是有道理的，最後提醒大家這裏只收現金。

榮記係銅鑼灣好出名，好多旅客都過黎食，長期都有條人龍係門外，好在都排得好快，通常十分鐘內都可以埋位坐低，都唔洗等好耐。黎呢度食野實在太逼喇！同隔離嘅人坐得好密，想搵多張櫈放下袋同外套都有啲困難！又平又大碗又多唔同種類嘅餸可以揀。每次都會食雞翼尖同墨魚頭，呢度啲豬紅就普通左少少，而水餃同魚吞都幾好味，雖然細粒左啲，但味道唔錯！可以一試！再加碟通菜，但有啲細碟！麵底其實好少，男人黎食其實都唔夠飽！份量多啲會好啲

嗰日做完Facial 諗住去食碗麵！一諗就梗係諗起榮記啦！平時就係去開SOGO個面嗰間，今日試下近渣甸坊嗰間啊！❤️❤️❤️❤️❤️❤️雖然唔同鋪頭，但係一樣咁好食，保持到水準❤️❤️❤️👍🏼👍🏼👍🏼👍🏼佢一日好肚餓，所以就叫多咗餸！墨魚頭必叫👍🏼👍🏼👍🏼👍🏼👍🏼雲吞都唔差！最有驚喜係個魚肉春卷！正！❤️❤️❤️❤️見出嚟食飯，嗌碟菜食下！$20成大碗，抵👍🏼👍🏼👍🏼👍🏼

同朋友朝早行山頂，落山之後去行下銅鑼灣，我就帶佢黎食呢間係銅鑼灣都算出名既車仔麵！呢間車仔麵好食又唔貴，好掂！哈哈我地叫左個沙爹菜心share食，沙爹味濃又香，好鬼正🤤🤤🤤下次去銅鑼灣食野，又唔想食咁貴，可以試下呢間

係銅鑼灣想食個麵就一定係去榮記。之前一路食開糖街嗰間之後發現咗渣甸街又有間榮記又就腳啲所以就之後一路食呢間。今日聽到個侍應話佢哋兩間係唔同嘅，不過好老實個湯同埋啲雞翼尖都差唔多質素。地方淺窄要搭枱就必然㗎啦，你唔使俾人趕上2樓已經偷笑。去食嘅時候請記得自備紙巾。佢嘅車仔麵會跟麵送幾條菜俾你。蘿蔔炆得夠焾，不過有啲太甜應該係落咗糖。墨魚頭夠焾不過唔算太入味。冬菇就真係幾正，夠入味又夠焾又大塊。湯底係重口味嘅滷水湯，夠姜可以就咁飲，唔夠薑嘅同麵一齊食已經好過癮。

雖然每次都要排隊但每一次去銅鑼灣都必定會食香港還能保持水準的車仔麵真的不多在銅鑼灣有2間分店湯底濃味，每碗本身都會有菜跟必食😋：墨魚頭，牛筋，雞翼尖，蘿蔔價錢：4餸1麵$49👍🏻👍🏻👍🏻

我明車仔麵餐廳係sell平民貼地，但唔代表進食環境可以咁唔討好，全程勁嘈，客嘈唔緊要，員工都高談闊論，係正隔離講野勁大聲，雖然好好味，但未食晒已經想走。☹️雖然環境嘈，但都要公正地講下啲車仔麵。✨魚皮餃+雞翼尖+蘿蔔（粗麵）👍🏾蘿蔔清甜無渣，鹵水雞翼尖好味！✨墨魚頭+魚皮餃+蘿蔔（米線）👍🏾墨魚頭爽口，鹹鹹地幾好味，推介！✨豬頸肉+蘿蔔+墨魚頭（米粉）👍🏾豬頸肉好林好入味，再次推介蘿蔔同墨魚頭！呢兩個餸最正！✨腩汁西洋菜👌🏾本身個菜無乜味，要放落自己碗麵浸下，不過西洋菜無渣OK嘅。榮記車仔麵好味就個個都知，不過多左好多內地人食，環境嘈左好多，啲行李放晒出黎，真係有d趕客，希望榮記可以注意下啦，我都想繼續幫襯。

大概10年前朋友介紹我去榮記車仔麵食過之後，每次泥到銅鑼灣一定會食反一碗車仔麵先肯走點解？原因好簡單，用心製作，肯定會不斷有回頭客！牛腩湯底非常濃，配上通菜好滑，最愛佢地既豬紅，非常軟，好入味好好食，蘿蔔都係必吃，非常入味！豬大腸好香，牛筋超正！細細個就中意食雞翼尖，佢地既鹵水雞翼尖係一定要食！從來都只食米線，老公叫左粗麵，試左啖，都唔錯，下次又可以有新既選擇！榮記車仔麵係唯一一間麵店我可以食哂全碗麵！打打下食評又好想食喇....

以前讀中學嘅時候，放學久唔久都會嚟榮記食嘢。今日去銅鑼灣行街，突然心血來潮想去返食麵。但係可能榮記越做越出名，夥計態度很惡劣。去到的時候， 剛剛坐低，女的店員不斷催促落單。落單的時候，明明我叫了三餸麵，店員話我叫了四餸麵。我禮貌地請她更正，她知道自己錯了，仍然強惡言相對。我都明白人有時都有錯，而我來榮記這裏粉面店，也不是要求什麼高尚的服務。但人與人之間，我想必須要基本的尊重。來你店吃東西，本身也知道沒有服務可言，但是我作為客人禮貌更正店員，卻受到指責。老實說，他們的車仔麵味道是可以。但是我想今次之後，我再不會來這店吃東西。

對上一次食榮記已經係成年前既事，係朋友帶我去食既今日出開銅鑼灣買野唔知食咩就去食車仔麵啦榮記湯底唔使專登叫就會跟咗好濃既腩汁，我叫咗一個三餸米粉，豬紅，豬皮同埋墨魚頭餸嘅分量都算多，墨魚頭喺市面食車仔麵相對少見，所以食親榮記都會嗌，煮得剛剛好，好爽口好好食👍豬皮入味同埋夠淋，冇毛好乾淨豬紅夠滑 (以前食親豬紅經常好早賣晒的) 碗麵跟咗少少通菜， 但係通菜有少少渣可能唔夠新鮮，米粉好索味好食👍隔左咁耐都算保持到水準，希望會keep住👏

車仔麵是港式食物代表之一，方便快捷價格便宜，適合生活急促的香港人。不過現在百物騰貴，車仔麵亦從二三十元一碗，升到至少四五十元。榮記是我最愛的車仔麵之一，我第一次到渣甸街分店，之前一直都是到糖街分店。食物：4/5榮記的湯底算濃味，而且有點甜，但有時吃完會覺口渴，可能放了味精。配料方面推薦「豬紅」「牛腩」「蘿蔔」，因為三樣都算入味。「鮮豆漿」只有涷沒有熱，不會過甜，可接受。整體不錯，但相比之下，糖街分店食材更入味、更好吃，我會推薦大家去那家。服務:3/5與預期一樣，不要要求太多性價比:4/5銅鑼灣的餐廳中算比較便宜

話說琴日聽到Boss話唔見咗支🍎✏️，但係下晝又要去開會，#小秘書 二話不說走咗落銅鑼灣補飛... 可能大家會覺得我做多咗！不過收得人工，就要幫手解決問題㗎啦🥴 都唔計較得太多👉🏻👈🏻一場落到銅鑼灣，順便食埋個quick lunch 先返公司。路過渣甸坊，突然想起 榮記粉麵 果碗 #雜米 🍜 #榮記 由後巷做到上舖，風味依然😋 湯底濃濃嘅牛味，配埋馳名嘅 #雞翼尖，入哂味嘅 #炆蘿蔔... 實在令人回味呢👍🏻

人都癲，叫咗個淨餸三款，竟然嚟到魚皮餃得2粒, 大腸得2件, 墨魚丸2粒，附送有免費幾條菜45蚊。 平心而論魚皮餃同南記一模一樣 ， 我去南記食個下午茶淨送20蚊都唔會得2粒咁少啦 。