榮華餅家 (青山公路)

营业中

休息中

榮華老餅家一直都是元朗區數一數二的傳統餅店。每逢節日,店子總有人在等著買老婆餅,月餅,臘味等等。記得在數年前,店內發生火災,燒得焦黑一片。但經重新裝潢後,店內十分光猛,亦感覺上舒適一點。好了,今天經過,買了半打皮蛋酥。盒子包裝得美輪美奐，六個皮蛋酥整齊地排列在一起，先嚐一口，十分鬆化,而且脆脆的 隱隱約約感覺到芝麻的香味,黃蓮蓉沒白蓮蓉般細滑,但都甜而不膩,加上其黏黏的質感配上香脆的杏仁片,不同的口感混和,十分特別但雖名為皮蛋酥,其皮蛋只得四份之一個。味道不甚特出,而且皮蛋白硬硬的,蛋黃亦不甘香，差勁。相比恆香的原個皮蛋,每口濃郁的香味縈迴舌邊,榮華此品大大遜色了整體而言,恆香的較好吃,但我還是非常欣賞其加入杏仁片的做法,只要店方不吝嗇,加入一整個皮蛋,一定可以更旺場的!!!

上次食過"大同"的, 今次就去幫襯"榮華", 皮蛋酥放在熱櫃裡, 暖暖的$4一個, 忍不住一路行一路食, 好好味呀, 它的酥皮比較軟, 內餡的豆蓉及皮蛋亦配得好, 不太甜, 好食過"大同"的.

同老細上大陸辦點事，之後返香港幫老婆屋企人買手信之餘，買多半打 $24 新鮮出爐老婆餅。翻到屋企仲熱，皮鬆餡煙un，甜左少少，沖壺靚茶化解油膩感！不含豬油成份，比植物油取代，食落罪咎感少了

這邊還在回味食糭時的幸福感覺，那邊已有食客在投訴糭的質素，所以話『食』這回事幾時都要講彩數，名店可以吃出一肚氣，無名小店卻可能令人吃出驚喜。言歸正轉，朋友送了榮華的魚翅包魚瑤柱糭，本來對這些綽頭的應節食品一向沒有什麼期望，但話晒都有魚翅鮑魚，都留返端午節正日食，估佢唔到真係有魚翅，仲唔係一條條得出數目，都有3-4小排，另外真係有原隻小鮑魚，起碼有2個一蚊銀咁大，還吃出鮑魚的口感及一點香味，還有瑤柱，很多我喜愛的蛋黃，總之材料豐富，要彈的就是那些燒鴨件，又鞋又唔好味，如果是肥豬肉就prefect了，唔敢話好好味，糭的味道基本上已入人心，只要夠餡料，用一般傳統的調味都已ok，那種幸福的感覺在於沒有期望下能與家人一起共享餡料豐富又出乎意外地有名貴食材而味道又不錯的應節食品呢！

今天端午節,吃糉應節,怎知激到屈原都返生.事原早前買只榮華糉回來,今天開開心心准備吃, 誰知打開看見表面熟,內裡全生的,一粒粒米呈現眼前,激死人啦!

考試前急急腳買個雞蛋糕, $6, 我覺得個質感唔係嫁女餅那隻雞蛋糕, 唔鬆又唔太夠蛋味, 唔得, 只可作充饑之用!

我個人係榮華o既粉絲，除o左因為對傳統中式小食情有獨鐘外，亦因為榮華經常有好多breakthrough之作。傳統老婆餅我唔太buy榮華o既style，不過就好buy佢有好多唔同口味o既摩登老婆餅。有紅豆蓉、綠豆蓉、栗子蓉、蓮蓉、仲有呢個好多好多。我試過綠豆蓉同蜂蜜綠茶，口感就係食緊酥餅一樣，綠豆蓉少甜，好食。蜂蜜綠茶好香蜂蜜味，不過就食唔出綠茶味，講真有少少失望。可惜o既係呢d特色老婆餅無得散買，一買就買成半打至9個，都係同一個味，價錢都唔平，平均$6~7一個。不過我今次係好好彩俾我見到佢散買於是以$7一個買o左呢2個。如果可以試多幾款就好lu~

以前去台灣個陣，食過李儀o既太陽餅，好好食，不過係香港好少見到有得賣。上網睇榮華知道有得賣，就即刻飛奔入貨！不過搵o左好多間：旺角彌敦道、旺角地鐵站、尖東火車站、屯門、天水圍西鐵站、連呢間元朗總店都無！不過誤打誤撞，俾我係青衣地鐵站分店搵到！獨立包裝，$36/6個，真空包裝，個樣都幾grand。食一口，與幾年前台灣食o既完全唔同味，不過都幾好味，雖未至於一試難忘。外層係酥餅皮，厚薄適中，入面有d似冬瓜茸，不過有朕特別o既甜味，睇成分，好似係一隻「菠蘿香油」。講真，係有d似普通買到o既老婆餅(不過唔似榮華自己o既老婆餅)。個笑面係佢好grand o既包裝同我搵得咁辛苦終於搵到o既滿足感。仲有就係睇真d先睇到，印o左係餅面o既big smile。

飲完早茶, 見口痕, 想食個老婆餅, 酒樓樓下有間分店, 但個女仔話未熱, 我無買! 行去搭小巴去大棠之際經過呢間分店, 買左一件, 清清甜甜, 懷舊一番!

「仲新鮮」的定義，是現製品帶來的新鮮感。與其捱個水汪汪、扁韃韃的大榮華奶皇馬拉糕，不如食個凍冰冰但可以翻叮的奶皇馬拉糕；香港製造，總好過大陸來貨。不喜歡的話，仲可以揀綠茶奶皇馬拉糕（不過個吉士係綠色的）、朱古力奶皇馬拉糕（不過個吉士係啡色的）、清蛋糕、斑蘭蛋糕…奇怪最近行過港九新界各大榮華分店，均不見綠茶奶皇馬拉糕同巧克力奶皇馬拉糕的蹤跡。幾時翻貨？「無咁快，因為轉新包裝。」哼哼，拭目以待。

每次入元朗，都經過榮華，但又唔係即刻翻屋企，所以都冇買餅食。近日搭西鐵，發現榮華係度開o左分店，仲有八折添，於是即刻買翻D食o下。首先梗係買老婆餅啦，翻到屋企，仲係熱o既，所以食得很滋味，連食兩個，都唔覺膩，皆因佢用植物油做，所以我一向都係捧佢場多個恆香。第二日買皮旦酥，都係熱o既，皮旦唔錯，蓮蓉清甜，加少少紅薑，又係滋味無窮。第三日買旦黃蓮蓉酥，覺得D蓮蓉同皮旦酥o既又有分別，似白蓮蓉，但又似荳蓉多D，但都唔錯。第四日諗住試埋個五仁餅(因為只有呢四種餅賣)，點知冇得賣，唔知係賣晒定係唔出呢，可惜可惜！希望係西鐵站多D其他食品賣啦，咁我地又多Do野食o勒

中式餅家都出日式既野一於買黎試下，橫掂而家有ｄｉｓｃｏｕｎｔ原價＄１６，而家＄１０，其實呢我覺得＄１０都唔係太抵ｇａ喇得３粒，做開中式野竟然做日式野都幾好食ｗｏ！甜度適中，個皮好煙ｕｎ，綠茶味重ｄ會好ｄ，紅豆蓉又唔少，唔錯ｂｏ

自從食過恒香同榮華出品既老婆餅後以後決定專一d只食榮華出品今朝叮番熱一個黎食雖然只係暖暖地但個皮仍然好鬆化好食一樣都係食到跌晒落地不過今次d饀好似比以前甜左少少如果可以輕手番d就perfect喇!

用credit card 換了原價$60的庶汁年糕同椰汁年糕, 兩個都好好食, 好煙un, 煎時又唔痴底, 又無粉味, 好好食, 出年都要再買(年三十晚九點幾經過屯門榮華分店, 可能年尾清貨, 竟然$10一個出售, 忍唔住又買多一個!!)

榮華分店遍佈全港九,唯我對元朗舖有種情意結,可能小時候在元朗居住的關係吧。父母親大人每次到元朗行山總會到榮華買老婆餅及皮蛋酥。老婆餅酥皮金黄脆口,咬下有些酥皮碎散落,吃時要小心保持淑女形像^v^蓮蓉饀清甜,口感煙靭,不會很滯。個人喜歡榮華多於恆香...另有紅豆蓉餡,我弟弟至愛,我卻覺得一般,可能是鍾情傳統口味吧！我不太好皮蛋酥,可是媽媽十分喜愛。饀料是果仁,芝麻之類,皮蛋都佔分量2/3,别有一番風味,但我卻覺得溜。我覺得元朗店較新鮮,熱辣出爐,近廠房嘛!