榮式燒雞扒 (已結業)

如不是食友介紹這裡的無敵雞扒，我也不會留意到這不起眼的小店。未到12:30雖不用等位，但室內已坐滿食客，外賣亦不少，只見伙記們手口併用忙個不停。到1點食飽後，門口企門等候的人龍。差不多每人都食燒雞扒飯，可見這裡的雞扒很出名。單要雞扒還未滿足，貪心的再加手打煎藕餅的雙併飯餐，連一杯凍檸茶，只是$35，凍飲亦不用加錢，冷熱同價。那碟頭飯很大，有塊長型薄薄的雞扒，兩大塊藕餅。雞皮燒得勁香脆，平日不吃雞皮的我，也忍不住口，雖是雪藏的雞肉，食不出一點雪味來，肉還很嫩，一整塊雞扒給我吃光；藕餅味道唔錯，結實得來不會過硬，豬肉過多，不覺有蓮藕存在(可能已剁成茸？)，所以口感一般，名為豬肉餅較為貼切。白飯加了蔥油及豉油後，特別開胃。如不在乎環境及服務，這間小店真可以一再光顧。

若唔係睇到各方食友嘅評論，都不知呢度嘅雞扒咁得手...每次去晏頓街，都係來碗立食嗱喳麵。今次就去睇睇佢哋對面嘅呢檔雞扒係唔係真係咁掂...專登避開午飯人潮，兩點多才到，但仍然擠得水洩不通，仲要等位添。睇嚟真係冇講錯...何謂榮式燒雞扒，真的不為人知。但塊扒確實燒得幾香，正式皮脆肉滑；號稱用炭燒，但炭味又唔太覺；切得薄薄，女仕們都可以食得晒；醃得味剛剛好而且夠入味，但邊食邊想，仍想唔出醃料嘅內容，只知有一層薄薄嘅燒汁，下了點黑椒吊味，有一點豉油味，很香(係唔係用咗頭抽 ? 真的不知道)。可能因為咁，故稱自己為"榮式雞扒"罷...食埋旁邊嘅醃菜，葱茸則拌飯吃，簡簡單單已極好...想貪心一點叫埋蓮藕餅，但真的太多，吃不下。後來知道可以雙併的，好後悔冇叫埋....特別一提例湯嘅羅宋湯，味道好家常，真的很像幼時媽咪在家煲嘅味道，有點surprise...

在公司附近的小店，本來只招待區內的上班族已其門如市，後來再經騷絲黃的推介，令這裡更虛陷了！用炭燒的雞扒，既香且滑，配上白飯加豉油已夠惹味了，但店內另有咖喱汁供應。自家剁製的藕餅亦十分出食，吃到藕粒章魚粒，有咬口。價錢平，分量大，味道好，有誠意，是本人十分喜愛的食店之一。

如非看到專兄在Facebook上的相片,原來晏頓街有間車仔麵之外,還有間賣雞扒賣到逼爆門口的"膳食小廚".中午十二時一刻,已經有多人在門口等候.可算出奇.小弟一支公,也能攝到個位坐下.小店一到黃金時段,感覺劑逼為意料中事.雞扒之外,見到其他食客的藕餅好像不錯,就來個雙拼吧.其碟頭都幾大,雞扒煎得色水幾靚,雞皮煎得香脆.雞肉嫩滑,不知道此店用什麼料去醃,吃落有陣惹人的甜香.另外的藕餅,件頭很厚,與其說為藕餅,不如叫其為肉餅.打到成膠的豬肉很彈牙,連同土魷粒,藕粒在內一起煎.外層香脆可口,內裏口感非常之complex.其雞扒有個正名,叫做"榮式燒雞扒".甚麼叫榮式?見老闆娘好忙,沒有去問.總之,好吃就得.吃罷就走,未到十二點九,門外仍有多人在等候.

因見blog友deli prince介紹,真喺好吸引,apr 18, 08來個early lunch,叫咗 : 1) 榮式燒雞扒飯-2塊雞扒,薄身,但燒到皮脆,入口仲熱,只可惜在風扇嘅強攻下,食第2塊時已經凍咗。嫩,又夠味(如果微手少少會仲好),帶小小黑胡椒嘅辣,好有水準-飯之上有蔥粒+小辣嘅炸菜粒,所以夾埋飯1齊食,味道就會好豐富-不過個飯就唔夠熱騰騰,呢個失敗咗少少-其實雞扒底下有椰菜同瓜,都叫做均衡,唔會全碟肉 2) 熱檸水 - 等緊嘅時候,發現呢張好幽默嘅溫馨提示:"好食唔准周圍講,唔好食就唔准講"- 牆上掛有好多食物相,聽到店員答個客,炒烏冬要2.30pm先會供應,真喺想試吓

人人都食過無限次雞扒，心想雞扒可以有幾好食呀？阿蘇極力推介此店之雞扒，又試下你有幾好食。唐舖裝修唔太靚，可能OL都嫌污糟，不過灣仔識食之人都唔介意，午飯時間做都做唔切，唔怪得佢5點就可以收工。雞扒飯($30), 一碗飯+兩塊雞扒，同一般茶餐廳差唔多價錢，不過o係而家通賬下，某d茶餐廳$30都未必食到雞扒飯。再黎個$28跟紅頂白飯(茄汁+白汁飯)，佢個茄汁比平時食到既香濃，不過味道都係唔及佢聞名既雞扒飯喇。一塊平平無奇既雪雞扒，經過炭燒之後，雞皮變得香脆，肉都幾滑，連平時唔食雞皮既我都食到一d都冇剩。伴碟仲有蔥油同咸菜，連埋d雞扒食真係絕配。雖然佢份量唔及茶餐廳雞扒飯咁大，不過好野係貴精不貴多!

聞說出名, 就一試.出名係榮式炭雞扒, 一個餐, 跟飯跟咖哩薯仔汁加餐飲$36. 份量唔算大, 偏貴. 雞扒就的確燒得唔錯, 配埋汁, 好香又夠淋, 雞肉都幾滑. 而咖哩都ok, 幾夠辣.另外都試炭燒香茅豬扒, 唔熱, 似乎係燒定, 有d失望, 香茅味唔濃, 好彩塊豬扒唔鞋口, 味道都可以.店舖幾細, 快餐店格局, 坐得幾迫下.

睇完電視既介紹，早已經想叫外賣試下，不過電話總是打不通，見公司放完個春假都係好多同事都仲放緊假，所以可以慢慢食個lunch就早d黎等位，一樣都係要等，不過都係抵等!件雞扒真係好好食，埤皮真係脆卜卜就算怕肥都要食，雞肉好滑，連個送飯汁都係無得頂!小有地全碟飯都食清光!三十幾蚊連埋杯香滑既凍奶茶，抵!

塊雞扒真係做到皮脆肉嫰~一大塊雞扒再加兩大片煎藕餅，配埋香葱同埋炸菜(雖然唔值錢，但送飯一流)，仲有少少瓜菜，真係豐富到爆…連飲品都係$35咋…真係冇得彈…是日下雨，店員會叫等位o既人入鋪等位，唔駛風吹雨打，令人感覺窩心~ 加分~

這店的加價密度可跟麥當勞一較高下轉間半年間榮式雞扒飯已經要$29，雙拚$30幸好質素沒變雞扒香口，配料充足以現價來說，絕對比一眾美心大家樂之流好得多不過請不要再加價了^,^

馳名燒雞扒，名不虛傳，雞扒即叫即燒，雞皮卜卜脆，大部分油脂已溶化，所以不太怕肥的，絕對要連皮吃！鹵水雞翼，滑而肥美，鹵水汁亦入味。試過咖喱汁、黑椒汁及鹵水汁，個人認為首兩種略淡，反而鹵水汁味道適中，撈飯一流！總體來說，價錢合理質素高！P.S.由於雞扒是即叫即燒，制作需時，故要有心理準備。

Hi, 第一次見面以後多多指教，係呢度得到好多，所以登記做會員，小小綿力，不成敬意。榮式雞扒的評語，大抵同Goument KC無分別。今次懶醒咁揾平日2點後去，以為可以避過人潮，但係3點都仲有人，只係冇lunch time咁誇張。榮哥同其他人瘋癲過後，終於停低座下。仲問我同我老公係咪第一次食，因為我哋生面口。佢仲講佢係呢一塊雞扒上放咗幾多心思，同埋孤注一擲的決心(用自己個名做招牌，好大壓力)。我話其實我第二次呢，點解上次d雞皮小脆，今次多多脆？但雞肉仍然好滑。佢好唔好意思話我真係想整好d架！可能你上次食咗攤得耐咗嗰件，我保証每一件我都用心煮。從未聽過厨師的承諾，所以，開始第一個食評作為紀念。既然你用心煮，我就用心食。不過我也認同等侯時間真係唔短，小心細看歺牌，有一張卡紙叫大家耐心等，原來榮哥先行謝過，唉！原諒你la。

今日買咗一個雞扒飯返屋企品嚐，見平時都有好多人排隊，一試無妨吖首先想講講服務態度，女的不太友善，好似唔憂做咁，一見有人入去就叫佢出去等，語氣又唔好，我只係外賣啫，又唔係响入面等位，轉頭返嚟拎外賣，一入去又被女的叫在外面等，飯盒明明已準備好，交單取飯要幾多時間吖，好阻住咩？？！！！雞扒唔覺特別，我ｍｕｍ成日都整架啦，味道無異喎，淨雞扒飯都要賣成＄２７，貴咗ｄ囉，隔離街間新利文所有飯／意粉跟熱飲都係＄２８之嘛！下次都係幫襯返新利文好囉.

當睇完電視介紹後..專程由元朗駕車去試...果然有驚喜.雞扒質素一流.我地四人叫左幾樣唔同既野.咖哩燒朱扒.豉由雞翼.鴛鴦飯同雞扒.蓮藕餅小食各樣都真係好好食..好有水準..雞扒同蓮藕餅由其出色雞扒皮脆肉滑..好有咬感.肉汁足.蓮藕餅夠彈牙.再配合蓮藕爽口.真係好夾同埋電視介紹個送飯既豉油同個個炸菜.真係值得一讚.四個人埋單130而又有咁既水準.真係不枉此行但唯一美中不足.只係裝修較差.但一試之後亦值得一去再去...亦值得在此推介俾大家

之前睇左電視介紹後終於去左試，單拼雞扒可能多人叫所以要耐d，所以我揀左雞扒拼豬頸肉。d雞扒質素真係唔錯wor，非常入味同感覺到bbq既感覺，夠大塊添~豬頸肉也可以但始終都係雞扒最正~~對我黎講環境不太重要，味道最重要!!!