榊 (已結業)

食咗$980嘅lunch set，環境、招呼和食品質素完全對得起個價錢，一個set有齊刺身、天婦羅、串燒、熱辣辣嘅鮮魚湯和handmade 甜品，特別推介天婦羅，師傅會按住時令食材，炮製天婦羅，因為在客人面前處理，可以保持住熱度和炸得好薄嘅脆皮。第二樣推介嘅就係串燒厚切牛舌，好Juice。不得不提師傅做嘅甜品，上枱時充滿驚喜，食得出有唔同層次嘅味道，用心之作。最後睇落平平無奇嘅魚湯，非常美味。好好食同完滿嘅體驗🇯🇵

新開張，去試下，真心有驚喜！好明顯師傅設計菜式花了不少心機，不用頂級食材，但用頂級配搭，設計出多款美食。最深印象一定是白子天婦羅與炸白果，全新味道與口感，我俾95分！仲有太多美味其他菜式，但因為係omakase，可能食唔返，所以唔寫咁多了。仲有，我依餐係dinner menu，可能比lunch menu 豐富，但因為太好食，我掛住食miss 左幾張相😅😅 而唯一，真係唯一，個鵝肝葡撻，將2樣我都好鍾意嘅食物，溝埋後令我唔知點形容，哈哈。

<是日餐單>前菜3點昆布清酒蒸蠔煎帶子配蛋王醬鰆魚配柚子面豉醬紫菜包火灸拖羅天婦羅海膽, 日本銀杏串燒2串慢火蒸南非鮑魚菠菜忌廉汁日式水魚湯黑胡麻意式奶凍$1200再加一, 連追加日式水魚湯呢間「榊」割烹有少少似日本私房菜咁, 有朋友食咗佢個$980高級版割烹午餐, 有壽司, 刺身, 熟食, 天婦羅, 串燒, 煮物, 感覺好正。但呢排天氣凍凍地，於是我就來個特色全熟食版本，特別要求鮑魚主菜及追加咗日式水魚湯 日式水魚湯真心激讚!!!!前菜係京都湯葉, 螢光魷魚菜之花, 炸白蝦. 炸白蝦個漿做得好脆口, 好香口。日本蠔加埋昆布清酒去蒸 帶子煎到半熟, 配蛋王醬幾襯。鰆魚蒸熟了, 配柚子面豉醬, 柚子中和咗個鰆魚個油膩感, 鰆魚魚味同魚油都好好。火炙過拖羅滿滿魚油, 搭埋脆脆紫菜食, 正!天婦羅海膽中間半生熟, 夾住紫蘇可提起海膽個鮮味。同行友人就鐘意個天婦羅日本銀杏, 軟糯得來又甘甘地, 傳統國產白果無得比。串燒就係大路嘢雞翼同露筍, 無影到相。慢火蒸南非鮑魚菠菜忌廉汁認真唔錯, 夠淋又入味。廚師話鮑魚用蒸焗爐慢火蒸咗2小時, 仲要浸住高湯蘿蔔來蒸煮, 蘿蔔吸晒鮑魚味好甜

朋友介紹趁新年前嚟到呢度同朋友慶生食lunch omakase。呢度同一般omakase有啲唔同，佢叫割烹料理。我知以前日本都有，不過而家香港越嚟越興。呢度除咗有刺身食之外，仲有傳統日本料理，例如壽喜燒、天婦羅、串燒……比一般omakase多元化。一入去見到個餐廳佈置同格局，令人好舒服，好高層次。見到個餐牌，好有日本浸溫泉嘅會席料理feel，令人好掛住鄉下。傾傾吓計先知原來個餐牌係其中一位師傅手寫，字跡好秀麗。見字如見人，可見呢間餐廳老闆同師傅嘅用心同認真。第一個前菜係沙律，味道唔錯。好大碗，不過我食得曬！第二道係剌身，有九絵魚薄切配酸汁啫喱，另外係中拖羅配淡雪塩，而我最鍾意係呢個火炙鰆魚，燒過有魚的油甘香味，食完令人齒頰留香。第三道係壽司，有金目鯛同另一種魚，都好新鮮。之後有海老天婦羅同其他串燒，每一樣都係師傅喺你面前烹調，所以上1秒煮完，下1秒即刻喺你碟上邊可以食，第一次食到咁熱辣辣嘅串燒，師傅更提醒我哋要小心辣咀。最驚喜係最後竟然可以食到A4和牛壽喜燒，之前喺中環食過すき焼 森，一直念念不忘，今日嘅Lunch Omakase竟然有得食，真係令人滿足。👍🏻👍🏻👍🏻總括而言，今餐性價

虎年開年飯，阿嫂鍾意食日本菜，原本諗住食Omakase，不過阿嫂話過年前食左幾餐，想食其他，所以試下呢間新開既割烹料理。入到去餐廳，係一個開放式廚房＋L形Bar枱，好似食Omakase咁，D師傅會响你面前整俾你食，有得同師傅傾下計，唔錯。同其他日本餐一樣，一開始都係有個刺身沙律同埋一個前菜，個前菜係一個南蠻汁配炸魚（唔記得左映相），個汁酸酸地幾開胃。跟住有個刺身三點，師傅話有隻小長井生蠔，問我想要食生定熟既，由於未食過日式熟既蠔，所以想試一試，師傅用左昆布蒸，出黎既感覺同生蠔好唔同，會甜少少同埋保留到蠔既味，唔鞋口，但係海水味就會少左。仲有九繪魚包海膽同埋大拖羅，個大拖羅落左淡雪鹽，呢個配搭比起落豉油冇咁漏，幾好再黎有兩件壽司，今日食既係鰤魚同埋赤睦魚，都係時令既食材，油份重，都係我鍾意既野食完刺身壽司就去到熟食部份，首先有天婦羅兩點，有大蝦同埋大黑本菇，係師傅啱啱炸起既，唔會凍冰冰，食落都唔油膩，同時間原來師傅已經燒緊串燒俾我地，有兩串串燒，係食雞頸肉同埋紫薯，個人口味覺得個雞頸肉唔夠肥美，師傅話若果要食肥的話，下次燒雞尾俾我食！期待！之後仲有個A4鹿兒島和牛既Sukiyaki, 師

一直唔係好鍾意食生野，但太太又好喜歡，大部分時間去日式餐廳都係陪食多，今次朋友介紹呢間就啱晒我，因為佢主打嘅割烹係生熟餐，甚至全熟都有，菜式唔單止賞心悅目，師傅仲一路好細心咁講解菜式同食材嘅特色，令我都認識左唔少食物嘅配搭同產地特色，睇得出每一味菜都精心設計過。今時今日旅行又去唔到，都係想同伴侶朋友好好地食一餐，呢間餐廳氣氛好似朋友傾偈咁，唔似有啲餐廳咁食得有距離感，值得推介。p.s. 佢哋嘅魚湯同天婦羅堅好味！