極尚大瀛喜日本料理 (已結業)

又黎到同朋友一聚既好地方，因為大瀛喜位於旺角或銅鑼灣呢2個香港中心區，而且食物質素都相當唔錯！所以有時得閒就可以約埋班朋友黎食返餐：）叫做舒緩下返工既壓力！因為我係蔬菜控，所以無論去邊間日式放題都好，我都會好留意佢地既蔬菜類大瀛喜既菜類選擇都唔少，仲有Ｄ平時相對食得少既菜類.. 例如有紅毛菜 丶九芽菜而且新鮮度都唔低，絕對食得過！既然係放題，飲品當然係任拎！一間好既放題店，其中一個重點就係飲品既種類多與少，可以見到大瀛喜除左基本既汽水果汁之外，仲有清熱飲，洋甘菊，罐裝烏龍茶等等多樣選擇！　仲有鮮榨蔗汁，橙汁‧‧‧‧‧‧口渴既時候就輕鬆解決啦：Ｄ另一樣決定放題高底既絕對係佢既食品種類啦！大瀛喜有普遍放題都會具備既食物種類，例如刺身丶壽司丶炸物丶天婦羅等等而且唯一比其他地方優勝既係，佢每一樣食物都係圖文並茂，未食先一睹食物既光彩，再決定有冇order既需要，防止叫完又唔岩食既情況：ｐ我個人比較喜歡既一道小食 - 焗一口芝士蠔每一隻蠔都搵一個錫紙兜裝住，相當整齊連埋焗到有小小燶既芝士一齊入口，微脆既芝士配合隻蠔，既有少少咸又有蠔既鮮甜味，對我黎講絕對係味覺上既享受！炸物！首先，有一點佢係做得

下午1點到餐廳，無什麼客，始終餐廳做晚市生意，宜家大喜屋完全是放題龍頭，咁我都好同意，用料方面，大喜屋的確無得輸。個場就好大，但客人不多。午市有套餐，我叫了一個松葉蟹甲羅丼$88。呢個餐好豐富，會跟餐湯、蒸蛋、生果、沙律同飲品。蟹肉好鮮甜，一食落去全部都係蟹肉，又爽甜，真心正。另外蟹籽都有好多，甲羅即蟹蓋，蟹膏都有好多，呢個價錢食到咁多野，覺得大喜屋午市套餐真心無得輸，哈哈！咁人地做晚市自助餐，最多就係食物，午市賣平D都有賺！

我已經係食過好多次呢間野，因為真係又好食又抵食，食物水準又高、種類多、價錢唔貴、上菜快、服務又ok！！所有刺身都好新鮮，三文魚、油甘魚、劍魚腩、其中以赤蝦係最好味，自己本身都鍾意食壽司，旦其他野食其實都好好味，令我最意外既係小丸子同埋迷你葡撻，兩款都係非常好食！！！食完小食同埋前菜之後，仲有賣相好吸引既帶子，超肥美，超新鮮，八爪魚都非常唔錯，超爽口啊！！呢度仲有泰式生蝦， 正！壽司方面我最愛花之戀，飯又細舊又得意， 呢個又有魚子，蟹子，三文魚，好靚，牛舌串燒都好正，個汁唔係太咸，燒得香口 ，厚薄適中，蒜香牛肉都好正， 勁香口啊！！

一般傳統日本放題 用餐時間太短 只有一個半鐘 感覺上想同朋友敘舊傾計都唔係好夠時間。時間一到就趕走人有點掃興 嘢食方面 壽司係幾好食嘅 一口壽司 仲有自助嘢飲包括酒精 嗰度啲梅酒都唔錯嘅但係串燒款就唔多囉 係我食過以來最少嘅有啲食物重複點左都冇黎到 感覺上唔係食得好多野食到最尾唔係好飽 但已經唔想食人均消費＄300  未算係好食兼抵食 

今次近近地去銅鑼灣的極尚大瀛喜聽個名都知係放題高級版先黎刺身拼盤 包羅萬有啊！賣相仲好吸引特別推介帶子，肥美新鮮八爪魚都唔錯，爽口啊呢度仲有泰式生蝦 正！壽司方面我最愛花之戀飯唔大舊 呢個又有魚子蟹子三文魚好靚牛舌串燒都好正，個汁唔係太咸燒得香口 厚薄適中甙蒜香牛肉都好正 勁香口啊！牛肉又唔會橡膠咬唔開咁，火喉控制得好好 一份唔會太多，唔夠再嗌唔洗曬野飲品方面，最驚喜係有coconut water 之前想買都斷曬市個隻，非常清甜！

今天同家人享用晚餐，食物应有盡有，味道還不錯，特別燒鳗鱼，那些鱼很鲜味。另還有紫薯天婦羅，還有很多美味的食品。白雲雞脚的味道酸味十足，椰子鸟雞湯十分美味鲜甜，還有美味的燒烤羊扒，又淋又好味。另人再會光顾。地址方便近地鉄，地方寬，又干净。,甜品又多选择，有雪糕，西卡龍，奶黄水晶糕而且味道適中，很適合我們食用。晚上9點半都覺得好肚餓，食放題就最好，可以揀自己喜愛既嘢食。難得有折，仲有梅洒任飲，就試試這間啦！上到銅鑼灣廣場二期11樓，見到門口有人在等位，咁爆場！應該唔錯啦！好快有位坐低，地方好大，場中間位置擺放各種飲料、梅酒、雪糕、小食、熱湯同我至愛既沙律菜。落單等候時間先去揀選自己喜愛既沙律菜、小食同飲料。沙律菜新鮮爽脆，自助形式配上自己喜愛既醤汁,超好味!

今次黎極尚大瀛喜搵好野食啦同三五知己一齊黎。最好既地方係佢d 壽司唔大件，為既係咩？我諗想我地食家試多d野食！ 安排好細心，值得比讚！鑑於寫食評寫極都唔批 為有寫精簡d, 極尚大瀛喜 肯定有下次。

好耐無返嚟香港，今次嚟香港想食返放題果種味道☺順手探下我一班舊朋友。實在太耐無食過放題啦！去咗幾年外國，好耐無試過瘋狂任叫各色各樣既魚生、串燒、手卷、壽司等等啦！其實香港人真係好幸福😭外國貴到爆呀！趁今次返嚟真係要食盡佢魚生果啲真係經濟實惠，整得唔錯！一個人食廿舊都唔厭呀😎但係其實香港既日式放題真係有好多唔同既野食，就咁一口鰻魚係其他地方真係好小見，大大舊鰻魚肉，又無骨，再配合特別既燒汁，真係流哂口水呀！另外佢都有提供唔同既海鮮架，你想到既其實佢都有！所以大家下次就可以試下多啲唔同既野食，唔洗淨係瘋狂食魚生串燒啦👍🏻

探下我地一班舊朋友。佢話太耐無食過日式放題，今次佢返嚟就帶咗佢去食啦😋放題相信對好多香港人嚟講都唔陌生啦？任叫各色各樣既魚生、炸物、壽司等等都應有盡有，$200左右既價錢而又食到咁多款美食，去邊到搵呀？魚生果啲我就唔再介紹啦，大家都應該食唔少，或者睇過其他review都清楚架啦😋😋☺️今次推介比大家既就係鰻魚啦！唔好睇佢個樣平平無奇咁，實則一啲腥味都無，又大大舊鰻魚肉，配合特製既汁，真係流哂口水呀！我都忍唔住叫多咗幾碟🤤之後唔知大家鐘唔鐘意食Durian呢？估唔到呢到都有提供！外脆內軟，一咬落去陣榴槤味爆發出嚟，岩哂一班鐘意食榴槤既人呀！大家下次就可以試下多啲唔同既野食，唔洗淨係瘋狂食魚生串燒啦👍🏻

前日同個女同佢d師姐食放題，可能星期五既原故，book左枱都要係出面等。入到去已經超餓，所以係出面拎住d小食先。原來小食同飲品既款式都幾多，好似buffet咁可以食幾多拎幾多另外，亦有蛋糕、乳酪同糯米糍等等。d細既超興奮，掛住食甜野，所以就淨係食左碗熱鳥冬+天婦羅。雖然熱鳥冬好似普通，但d鳥冬好好食，咬落去有口感，而且味道唔太咸，岩哂佢地間野雖然好多人，但D野都黎得幾快 ! 我最鍾意就係個迷你既海膽手卷，幾鮮甜，俾既份量亦都合理；而另外就係清酒煮大蜆同日本蕃薯仔天婦羅。食大蜆既時候仲有清酒味，日本蕃薯仔天婦羅就外脆內軟， 好甜，同平時黃色果D好唔同。總括黎講，食物款式多(有沙律吧, 小人女 ,熱食,蛋糕)，味道亦okay，有機會再同朋友食多次

極尚大瀛喜一向給我非常好的印象,  自從吃過觀塘分店後就一直念念不忘, 這次是銅鑼灣分店. 放題選擇多, 成日都唔知點揀好. 我提早去攞位, 今次的位置十分好, 鄰近自助餐區! 朋友未到之前我就率先去食咗一杯乳酪雪糕和享用了沙律和前菜係正我隔離, 食完一杯又一杯. 食乳酪雪糕真係抵, 食返幾杯就回本. 同出面3X 一杯味道一樣. 沙律夠健康, 食D菜打定個底先. 朋友到了後我們便一輪衝鋒點了不少美食 當中最令我驚喜的是燒牛舌 以及牛奶海鮮鍋燒牛舌好多間都有, 但佢係做得特別好. 同出面散點的質素有得比!刺身不用說依舊是大大碟 .唯獨是刺身蝦不夠新鮮有點令人失望.冇咩好講, 都係咁好食

今日我和哥哥帶兩老去食放題, 生熟食物都很多選擇, 啱哂唔食生野既兩老, 而我地又可以食刺身, 飲品又係, 基本熱水, 熱茶, 仲有玫瑰花茶, 菊花綠茶, 烏龍茶, 啱哂唔飲凍野既兩老, 當然雪櫃還有多款凍飲啦! 甜品亦有很多選擇, 木槺布丁,芝麻餅,水晶糕, 多款馬卡龍, 乳酪雪糕, 杯裝雪糕等等,個半鐘時間啱啱好, 個個都唔會食得太飽, 但又好滿足, 係銅鑼灣呢區二百幾蚊就可以有咁多選擇, 仲要質素唔差, 邊度搵呀, 真係好抵食! 

我們一行四人相約晚飯, 好耐無食過自助餐, 今晚就去呢度試下啦, 刺身好新鮮好美味, 喜歡食日本野既朋友一定啱食, 質素高, 物超所值, 坐位唔太迫, 行人通道稍為窄一點。

之前去過觀塘的大滿喜日本料理, 覺得好好味, 今次就去銅鑼灣試下, 估唔到仲好食, 仲多選擇, 各人因為各種身體問題(如皮膚敏感等), 我地今次完全無食生野, 淨係熟食既選擇都很多, 除了點菜紙上的食物, 到出面自取的食物選擇也有很多款, 值得再試!

今天同家人享用晚餐，食物应有盡有，味道還不錯，特別燒鳗鱼，那些鱼很鲜味。另還有紫薯天婦羅，還有很多美味的食品。白雲雞脚的味道酸味十足，椰子鸟雞湯十分美味鲜甜，還有美味的燒烤羊扒，又淋又好味。另人再會光顾。地址方便近地鉄，地方寬，又干净。,甜品又多选择，有雪糕，西卡龍，奶黄水晶糕而且味道適中，很適合我們食用。另還有菓汁，有乳洛雪糕，原隻帆立貝。飲品任君选择，有梅槐花茶，乌龍茶，菊花綠茶，可口可樂講。不完。還有冬菰炆猪手又琳又好味。食用時間稍短，如有两小時更佳