極上帝王水產

营业中

休息中

朋友最近推薦旺角兆萬中心呢間放題，話好高質，一於試下～佢有三個level可以揀，可以按自己中意食嘅野升級～價錢合理，成人埋單都係$300-400～我哋揀咗最實惠嘅套餐，雖然冇得任食生蠔海膽，但可以揀試一次～我哋揀咗新鮮海膽，好鮮～大大力推薦呢到嘅刺身，超級新鮮同鮮味，鮮度係直逼高級日式居酒屋～個人最鍾意食三文魚刺身，師傅厚切，入口即溶～另外牡丹蝦都好新鮮，濃郁蝦味～壽司就有刺身壽司、特色卷物同火炙壽司～呢度啲壽司細細舊，可以比你試多啲唔同款式～個人最中意牛油果軟殼蟹卷，蟹身脆牛油果好香，好夾～炸物100分～即叫即炸，熱辣辣又無油溢味～炸牛奶係大愛～食到唔記得左叫佢嘅主食主打，壽喜燒/蟹湯海鮮鍋，店員介紹，前者濃味後者淡味啲，我揀左後者～湯底清甜，裡面有娃娃菜、粟米、海蝦、魚豆腐同青口～聞到隔離枱壽喜燒啲牛肉好香，下次再試～任飲飲品～紙包、罐裝、啤酒，選擇多～勁中意食佢個飛天通菜，仲好味過好多泰式餐廳～甜品係好正嘅韓國雪糕，外面買成$20枝，好有誠意～

位於兆萬9樓既帝王水產，係日式放題店。裝修風格偏向日式既居酒居。坐位以卡位為主，空間感十足，十分舒適。入座後職員會安排刺身船同壽喜燒職員講壽喜燒先用牛油，再放入和牛片，之後就放湯底同蔬菜。十分有關西風味，因為關西既壽喜燒係用牛油，再放入牛肉後會加少少壽喜燒湯底，食完牛肉再放入蔬菜。和牛片肉質軟嫩，好味😋壽喜燒湯底鹹淡適中任點菜單裡可以點蝦，蔬菜，烏冬等配料我在湯底中加入烏冬，蔬菜，索晒湯汁😋刺身船有赤貝，肉厚新鮮北海道帶子非常厚，又大粒，好鮮赤海蝦大大隻，好新鮮🦐北奇貝爽口甜蝦🦐鮮甜，大隻，彈牙肉質天婦羅南瓜天婦羅十分軟糯炸鮮奶十分熱辣，唔油，好脆加左少少煉奶，好好食🍼飛天通菜有好多蝦米，少少辣椒好惹味羊肉串好有街頭風味，用孜然調味，好香🐏燒菠蘿焦糖面多汁🍍牛油果軟殼蟹卷 牛油果香滑軟殼蟹好脆芝士鰻魚卷 鰻魚好香配上芝士頂級美味吞拿魚壽司肥美油脂豐富飲品櫃有汽水，啤酒仲有無糖茶，好適合食放題時飲

✅日式和牛壽喜燒鍋非常經典又濃厚嘅日本風味。鍋入面嘅和牛肉鮮嫩多汁，充滿濃郁牛肉香氣。湯底以細膩高湯熬煮，香甜鮮美。配料豐富多樣，有蔬菜、蘑菇同蘿蔔等，增添口感層次同營養價值。✅築地刺身直送🔆三文魚肉質鮮嫩細膩，融化口中，散發出淡淡海洋香氣🔆帶子鮮甜彈牙，帶來濃郁嘅海洋風味🔆甜蝦鮮嫩多汁，帶有微咸嘅自然甜味每一種刺身都經過巧妙嘅處理，保持了食材原汁原味。新鮮度同品質無可挑剔✅高級爐端燒🔆鹽燒牛舌烤至外酥內嫩，肉質鮮美，帶有淡淡鹹香🔆孜然燒牛肉串香氣撲鼻，肉質細嫩，入口有一絲微辣嘅刺激感爐端燒保持咗肉質嘅柔嫩同鮮味。俾人一種精緻而獨特嘅口感體驗。✅職人手握壽司🔆黑松露珍寶帶子壽司結合了珍貴嘅黑松露同鮮美嘅帶子，俾人一種豪華嘅感覺。🔆帝王鰻魚壽司鰻魚肉質鮮嫩，淋上特製嘅醬汁，入口滑嫩多汁。

📍旺角 《極上帝王水產》假日同朋友旺角行街 諗諗吓好似好耐冇食過放題 見到呢間有三小時任食放題於是就同朋友上咗去 邊食邊傾偈😙🍣首先 一黎到個刺身拼盤賣相唔錯🐟🦑🐚🦐而且多款選擇 非常豐富另外仲有多款小食 好似泡菜,生蝦沙律 多不勝數推介壽喜燒牛肉同埋各款配料都可以refill仲有壽喜燒汁俾你自助添加 除咗刺身之外,熟食有驚喜好似炸雞,🔥燒菠蘿🍍👍🏻,羊肉串都唔錯😙仲有吉列炸蠔,天婦羅,蒜片牛柳…另外多款飲品🧃🥤/甜品🍰/雪糕🍨任揀

今日做野做到好忙，放工就約埋朋友一齊去旺角食餐勁嘅🤣就揀左間日本放題食到飽😉一開始我地揀左和牛壽喜燒🤣估吾到又唔錯，我地煮到都幾入味☺️ 之後我同朋友都揀左每人一客嘅海膽，都幾新鮮🤗之後就開始正式作戰🤓 叫左一大盤刺身拼盤，好有氣勢🤣🤣當中有大甜蝦、甜蝦、北寄貝、帆立貝、榮螺等等。每款刺身都好新鮮🤤🤤食完再叫第二round🤣我地之後就叫左壽司拼盤🤗🤗壽司又整得唔錯喎！尤其是火炙左口魚壽司🍣值得推薦食完壽司就試下炸物、小食等等，所有食物質素都唔錯👍🏻 最後就用左燒菠蘿做結尾🤗整體而言，今次放題性價比都算高🤓👍🏻

👍🏻 刺身一坐低 店員就會遞上一張刺身紙 佢表示一枱一張 而呢嗰order會優先過其他電話加單嘅📱我覺得呢個安排都唔錯 確保客人第一輸嘅刺身可以好快到😍刺身種類繁多 從光澤睇起嚟已經知道新鮮✅ 日本有頭甜蝦、去頭甜蝦、北海道帶子、榮螺片、希靈魚、挪威厚切三文魚👍🏻 壽司🍣壽司有握壽司、軍艦、卷物、火炙、手卷、迷你丼飯 大愛火炙壽司 即叫即燒 上枱時仲微微熱！😇✅ 火炙左口魚、火炙燒三文魚腩、牛油果軟殼蟹卷、鰻魚玉子卷👍🏻 小食炸物控嘅天堂 除咗天婦羅🍤仲有吉列 另外仲有串燒 全部熱辣辣 好味道！✅ 孜然羊肉、吉列炸廣島蠔、日本芝士年糕、泰式手打蝦餅、匠海老天婦羅👍🏻 主食入座就會即送一個鍋 可揀鱈場松葉蟹海鮮鍋/ 日式和牛壽喜燒鍋🍲壽喜燒醬汁帶甜味 牛肉帶有油脂 蔬菜清甜✅ 日式和牛壽喜燒鍋、水蟹粥注意事項⚠️- 餐廳可以替客人慶祝生日🎂全場更會播生日歌 詳情可向餐廳查詢🔍

旺角兆萬中心有好多放題選擇,今次揀左依間極上帝王水產,聽落專食海鮮,中意食刺身嘅就岩哂啦.1️⃣刺身有好多款,我最中意嘅三文魚,甜蝦,蟹柳,北寄貝,帶子,鮑片,螺片,希靈魚等等….擺盤好靚好豐富,刺身都好肥美新鮮.2️⃣叫左d壽司,花之戀,海膽蝦,芝士蟹籽3️⃣牛肉壽喜燒鍋食完凍野就想食返熱野,佢個壽喜燒湯底睇顏色就知夠哂濃味,牛肉都幾嫩.仲有其他火鍋配料可以叫4️⃣燒物即叫即整,熱辣辣最推介雞肉串,好嫩,醬汁夠多.同埋個牛脷好淋.

放題最正既當然係任食,依間仲要質素高,仲要有埋壽喜燒,真係好特別同埋好滿足雪糕仲要係高級野movenmpick~仲有好多特別韓式既選擇,真係物超所值同埋吸引既~首先要推介刺身同壽喜燒刺身真係好靚同吸精,而且食落去都好新鮮,款式又好多。壽喜燒都好專門,俾我地自己燒完牛再加醬汁,得確同好多放題一窩上既不一樣,不錯,而且配料仲可以追加,真係值得點既。我地仲選左生蠔、海膽:嘩,兩樣都係我地既至愛,不錯其他放題推介:海膽手卷、松葉蟹棒天婦羅、燒菠蘿依幾樣一定要必試下~燒菠蘿仲要超多汁 同新鮮~

繼上次介紹完任食6個鐘嘅火鍋放題 今次又搵到間喺旺角嘅日式放題兩位或以上入座就可以揀日式和牛壽喜燒鍋/松葉蟹海鮮鍋食完仲可以加湯轉打邊爐🤤刺身拼盤大份到嚇親😆一盤有16款刺身 而且某啲仲有獨立調味其中比較特別係帶子 三文魚同埋蝦sss🐚北海道帶子好厚肉 切成一粒粒大大粒好有口感🦐珍寶赤蝦好大隻 肉質彈牙🇹🇭泰式生蝦比珍寶赤蝦更加爽口 上面已經有酸酸辣辣嘅泰式醬汁好惹味🍣挪威厚切三文魚果然厚切 而且好有鮮味🍲鱈場松葉蟹海鮮鍋無諗過個鍋有咁多材料 鮮蝦 蜆肉 青口 玉米 蜆肉拆哂殼之餘鍋底仲有超級超級多嘅娃娃菜🌶️避風塘香辣炒大蝦大蝦外皮薄炸到好香脆 蝦肉都keep到好鮮嫩調味鹹鹹辣辣 加埋大量炸蒜超惹味🥬泰式飛天通菜爽脆嘅通菜配上泰式辣椒醬超級惹味食完一份仲想再encore！🦀️軟殼蟹手卷近排好似都係喺放題先會食佢軟殼蟹細細隻炸到好酥脆上面揤咗大量沙律醬同埋蟹子口感豐富啖啖都有料🥛炸鮮奶外皮有一定厚度 就算放咗一陣都卜卜脆入面嘅鮮奶好滑溜 估佢唔到仲加咗飽滿嘅紅豆粒味道香甜但唔會太過

極上帝王水產 (旺角)旺角西洋菜街1號兆萬中心9樓今次嚟到呢間極上帝王水產食放題！真係好抵食！首先一入座就同我哋介紹有壽喜燒同埋鱈場蟹鍋🥰今次試吓佢個蟹先！蟹鍋入邊仲有青口、娃娃菜等等👍🏻手機點餐嗰度仲有好多配料揀😀除咗火鍋之外，仲有個訂座優惠！有得揀海膽、生蠔、冬陰功、燒肉拼盤😱我哋揀咗生蠔🦪好新鮮！而且好有蠔味😍估唔到咁嘅價錢連🦪都有得食刺身都係好推介！一唔小心就叫多咗不過都可以全部食晒！最新鮮係赤蝦同埋虎蝦🦐虎蝦配埋泰式辣汁好好食😼帶子同埋三文魚都好厚肉👍🏻熟食同炸物都做得好好😌燒物好惹味👍🏻仲有炸蝦，炸蟹柳等等嘅天婦羅🍤羊架同牛舌都燒得好好👍🏻下次有機會會再去食😚

好耐冇食日式放題，知道呢一間放題店好多款式俾你選擇，佢唔淨止日式嘢，就連泰國菜式都有😊最值得推介嘅就係刺身同埋壽喜燒刺身非常之新鮮，款式種類繁多，重點係每一塊都有份量，我哋兩個人食，份量都唔少，擺盤亦都好靚，真係可以俾你打卡🤩🤩壽喜燒更加得意，首先店員會俾個盤同啲牛肉你，湯係另外一樽俾你既，你食嘅時候先到湯落去，呢一個做法幾得意，有得比你自己互動一下另外有一個鍋係冬陰功海鮮鍋，味道都做得唔錯，雖然唔可以同泰國餐廳嘅媲美，但係都可以話係冇得輸其他炸物，串燒上到枱都係熱辣辣，脆卜卜，真係值得推介試吓

🍴 極上帝王水產 (旺角) 🍴✨抵食火鍋加日式放題✨-火鍋：有得揀壽喜燒同埋蟹鍋🥰雖然壽喜燒都好吸引，但係我哋都係抵抗唔住蟹🦀湯底，超鮮甜加埋娃娃菜😍仲有好多其他火鍋配料🤝🏻刺身：選擇有好多！仲有赤蝦虎蝦希靈魚😱而且刺身全部都好新鮮鮮甜👍🏻質素都好高下熟食：熟食有超多款同埋好特別！佢有多國菜同埋爐端燒！多國菜推介飛天通菜同埋生菜包😼生菜包調味好足🫰🏻爐端燒推介牛舌同埋串燒牛舌超厚身！爽炸物：炸物系即叫即炸！有好耐都冇食過嘅芝士年糕🧀推介佢哋個芝士漢堡扒！漢堡扒入邊有流心芝士😼超邪惡！而家訂座有優惠！有生蠔、海膽、清酒、冬陰功湯等等😽我哋揀咗生蠔！超新鮮！海水味重，而且好creamy 😍超值-推介指數：8/10———————————————🔺 極上帝王水產 (旺角)🔺 旺角西洋菜街1號兆萬中心9樓-----------------------

📍 極上帝王水產 (旺角)旺角西洋菜街1號兆萬中心9樓數下手指，發覺自己好耐都無食過放題😂今日約咗朋友旺角行街，經過兆萬，咁岩樓下有人派傳單，於是就上去試吓啦🤭搭電梯上到去見到呢個放題門口充滿日式感覺，一解旅行癮✌️坐低佢就會送上鱈場松葉海鮮鍋/日式和牛壽喜燒鍋，俾我地揀☺️最後揀左日式和牛壽喜燒鍋，因為最近比較少食牛，反而海鮮食多左，轉下個口味😆呢度環境空間感比較細少少🤏但係上菜速度都幾快，又少漏單，加分加分，員工服務態度都好好，收碟又快👍佢哋選擇都幾多，基本放題嘅都有☺️不過想講佢哋嘅壽喜燒鍋幾出色，味道好正👍雖然牛肉唔算最top,但係性價比高😋另外刺身都好出色，全部色澤均勻、入口新鮮彈牙🥰🥰小食方面都煮到好入味，牛肉肉嫩，口感一流👍不過如果熱d應該會更加好☺️仲點左串燒壽司🍣，吞拿魚壽司幾驚喜👍今日發現呢罐荔枝飲品都幾正☺️後尾顧住食嘢，好多食物都冇影到相🫣#極上帝王水產 #放題 #旺角兆萬 #兆萬美食 #旺角 #壽喜燒 #刺身 #mkfood #日式料理 #日式放題 #香港美食

食放題食上癮，尋日又拉朋友去食🤣今次去左兆萬試吓呢間帝王水產，上網見好評都幾多，而且性價比都唔錯👍入座時送上日本和牛壽喜燒鍋，勁吸引😍平時出面食真係唔平，放題有得食真係第一次✌️佢哋真係俾個蔬菜籃🥬再有和牛同鑊俾我地自己整，但係唔記得咗影相🥲食食下先醒起😵‍💫雖然質素唔會好似出面專門店，但係性價比搭夠☺️刺身係放題必點之一，因為人唔多，每樣點少少🤏所以賣相唔夠震撼😆甜蝦都幾大隻，食落鮮甜；三文魚厚切又肥美，入口油脂比例岩岩好👍我哋都點左兩Round‼️除咗刺身之外，我地仲點左好多野食，包括壽司🍣、串燒等等，食物都係正常發揮。串燒雖然都好味，不過大部分都以孜然粉調味，令人感覺全部一樣，比較欠缺特色呢度服務唔錯，店員隨傳隨到，勤力收野👍大家都知放題好多時枱比較細，稍微多野都放唔曬d野食，所以呢點好重要💯最後一定要食返啲甜品📍 極上帝王水產 (旺角)旺角西洋菜街1號兆萬中心9樓#旺角放題 #壽喜燒 #刺身 #旺角兆萬 #foodie #日式放題 #japanese #日式料理 #Mkfood

壽司外觀美觀，質量不俗，新鮮的生魚片和生蝦三文魚和螺片美食搭配一起，非常新鮮美味，帶來無限享受。燒烤外觀精美，質量高，大量的肉類和海鮮類製成的串燒，肉質鮮嫩多汁，香氣四溢。各式各樣的美食開放自由取用，包括中餐、西餐、日韓餐，各類小吃以及各種甜點和水果，滿足顧客的口腹之欲。火鍋質量不俗，由新鮮的肉類、蔬菜、辣椒和各種特色的調味料製成，風味獨特。總而言之，食物的外觀和質量都是非常重要的，優良的食物非常吸引。