楚撚記大排檔

营业中

休息中

已經第二次食楚撚記，水準依舊！今次都例牌叫左豬油撈飯！真係一試難忘！好唔健康但真係好正！本身無試過豬油，亦好抗拒試！但Fd話好好味就試左啖。同幻想中好唔同，以為會有陣豬騷味，但一D都無！反而令個飯好Creamy好有飯香，加埋D豉油簡直一絕！今次都試咗一個新菜就係麥皮蝦，估唔到好夾！個麥皮有啲脆，然後甜甜地少少似啲cereal! 本身打算食個蝦姐，點知連啲麥皮都忍唔住當餸食！薯仔牛肉粒都好夠鑊氣十分之惹味！另外清清地都叫咗個時蔬！唯一缺點係好難Book位同埋真係好嘈，本身D音樂真係太大聲，搞到全世界都好大聲講嘢，完全傾唔到計！

第一次嚟食，6：30pm到walk in，但原來要兩星期前預約book，同埋有分幾輪時段取位的，不過都可以先留電話後補，7：15pm收到電話就有檯，因未人齊決定等埋有無檯，最後都拎到檯上去前店員已經講8：30pm要交檯，一個鐘多D啱就入坐唔啱就轉場，我哋上到去即刻用app落單，限時關係每落一兩樣野即入單，再睇啱再入單，食物有些超預期好味，有些名過於實8：00pm店員通知last order，8：15pm未食完嘢張單嚟咗，有糖水贈送，我哋比錢埋單先繼續，準時8：30pm店員通知夠鐘，目測店內過半都離坐了，以為樓下好多人等，出門口見原來只有三四檯等入座整體感覺似五個人去食75分鐘千幾蚊大排檔快餐

第一次幫襯，亦都係第一次俾人話打尖，仲要係俾個pk 佬老屈果隻，5:15pm左右去到門口冇人等，上去問準備緊開舖的姐姐可否walk in，姐姐話都可以，不過要等負責樓下同事確認，再問姐姐可否喺樓梯啲櫈坐住等，姐姐話可以；轉頭佢個同事急急腳走落去，完全無理我哋，我fd即刻跟埋落去問佢，佢話要排隊，如果walk in要等到5:45先確認有冇位可入，我聽到就走落去同我fd一齊排，之後有個pk佬就話我哋打尖，解釋極都唔聽，我同樓下兩個職員姐姐講，負責mark位果位完全當聽唔到，之後我再同另一個姐姐講，姐姐話係呀，個pk佬仲死唔斷氣，不斷話邊個職員同你講，你叫佢出嚟，我話你咪去問佢哋，頭先當住佢面前同個姐姐講咗，姐姐都回應咗，條L樣仲係失聰失智咁款，重點係我walk in，佢有預約，同佢根本無關係！仲要係mark 位個姐姐話walk in同預約都排同一條隊，之後預約啲人入入下佢先話分兩條…食完賣單問收銀姐姐記唔記得我有問過佢哋，佢話佢知，亦都有同mark位個同事講咗樓梯座位有兩個客排緊walk in，可能心情唔好，唔記得咗……無耐到呢……希望下次可以講清楚排隊安排好啲…亦都希望樓下mark位啲職

朋友遠道而來，想食返啲香港地道野😋帶咗佢食呢間裝修好有懷舊風味嘅大牌檔👍🏻網上評語一直都好好，果然無令人失望，好值得再嚟食😋🤤下次想試下豬手🐖同炸大腸，送酒一流🍻1. 西楚霸王雞 ($148/半隻)勁多蔥，my favourite，好香🤩雞胸唔鞋，雞髀好滑啖啖肉，半隻都夠4個人食😛2. 菠蘿拔絲咕嚕肉 ($113)呢個咕嚕肉係個個都推薦，真係好好味🤤咕嚕肉係梅頭肉，外皮炸到好脆，咬落外脆內軟😋個汁酸酸甜甜好送飯👍🏻3. 黃金椒鹽粟米 （$69）呢碟黃金粟米好啱送酒，幾惹味😋不過咸蛋黃份量過多，幾油膩😅同唔係好食到椒鹽味🤔4. 飛天通菜煲 ($88)好有鑊氣🔥食咁多肉係要食返啲菜嘅😂係略嫌咸左啲🫨5. 豬油撈飯 ($23/碗)朋友介紹呢個係必食😂自己鍾意落幾多豬油同豉油都得👍🏻雖然邪惡，但真係好香🤩

#楚撚記 all right, i admit this name a a bit 18+dirty.it used our sexorgain to named. in english translate is "cho pen is shop". this name did a right job. very easy to rmb.food here is not cheap, actually all meat dishes not that big, but already 118, 138, 158. service is automatic. very fast to deliver food to you.very hurry dinner as they set 90mins for eating. i wont come back as too hurry and portion small.im sorry.overall taste is ok. not surprise.#food #hkfood #hongkongfood #hongkong #馬保國 #

電話預訂後，還有條理地用短訊再確認。由開市起，分幾輪取位，晚上5:30，7:00 ，8:30，10:15，限時吃90 分鐘，好似最後一輪不限時的。不達$500 不能用信用卡，但可用八達通。環境裝飾是懷舊大排檔色彩，行樓梯上約二樓，地磚是以前的紙皮石款式，有特色。本人吃5:30那輪，全場約15 張枱，全場爆滿，食物中規中矩，所有員工非常有善，有問有答，地方、枱面非常乾淨，值得一讚，有糖水送👍最後還請你填意見書。

一行6人行完山去咗呢度食晚飯，早兩星期已訂，限時食個半鐘，本來吾想食到趕喉趕命，諗住去第二間，但見咁多好評就試吓啦！叫咗8樣餸，吾夠5分鐘差吾多到齊，只有椒鹽豆腐，通菜，墨魚餅係比較熱，其他全部餸都係暖既，好肯定大部份係整定叮番熱，每款餸除咗椒鹽豆腐全部超過100元，收咁既價錢同我食三餸飯有咩分別？味道一般，碗白飯係爛既，炸大腸最遲黎以為夠熱啦！點知又凍又硬，食完明白佢啲餸點解咁快出到，吾出得快，點可以個半鐘頭食完，重要坐得吾舒服，全部朋友食完都話冇下次！去大牌檔好過，起碼碟碟餸都係即炒有獲氣！真係超級吾明點解咁多好評？

沙爹金菇粉絲肥牛煲 $98用料都幾足下，但係個汁就偏鹹少少，如果有碗白飯嚟送下，應該會好好胃口。個煲熱辣辣，天氣凍嘅時候叫返嚟食都唔錯。揚州炒飯 $86中規中矩嘅炒飯，有蛋香同鑊氣，飯炒到粒粒分明，而且夠乾身，算唔錯。鮑汁海皇福建炒飯 $99普普通通嘅福建炒飯，味道都係中規中舉，炒飯底配上鮑汁同各種配料，炒飯都夠乾身。椒鹽九肚魚 $94份量其實比較少，鋪滿咗好多炸蒜，本身滿懷期待，可惜食落口冇咩味，椒鹽味唔夠重。七味黃金炸一口金磚豆腐 $75本身好鍾意食豆腐，所以都專登叫返一碟嚟食，豆腐炸得好酥脆，口感一流，唯獨都係冇咩味。菠蘿生炒骨 $90比較出色嘅一碟餸，生炒骨夠咬口，肉大大舊，味道酸酸甜甜，都幾好食。甜品送咗每人一碗蕃薯糖水，番薯大大舊，糖水夠甜。

又是一間名過其實既排隊店食物味道只是唔差，完全沒有驚豔之作惟一值得讚比較impressed 只有焗蠔$228起碼煮完冇變蠔豉墨魚餅$118味道唔錯，但是。。 個墨魚餅我覺得係正常Size 既mini版另外，椒鹽九肚魚同椒鹽鮮魷$98，份量極少得果幾舊咁飛天通菜$92 $118 4碗湯 有點唔抵 香港飲食業界係咪應該反思點解生意每況愈下真是唔好收咁貴又咁細碟又限時限刻限時90分鐘仲要限住5點7點咁樣體驗過就好很難怪大家寧願轉移陣地以上純粹個人觀感，不喜勿插

隔咗一排又嚟再食，今次去咗荃灣店，仲要去到22:15 先至有位食第三輪，好彩之前去咗活動，否則一定唔會等得到。食嘅都係為咗貼地嘅人氣小炒同環境氣氛，一定會同朋友吃得非常暢快😋———————————————————————————.🥢原隻脆皮炸豬手🐽💬招牌菜式之一，一大隻豬手，皮又脆肉又香，係送酒嘅好朋友，必點嘅選擇😋.🥢椒鹽鮮魷🦑💬唔駛多介紹，都係啲常叫菜色，要有鑊氣同炒得乾身，就係重點😋.🥢拔絲生炒骨🐽💬呢款係次次都叫咁滯，非常有水準，酸甜度啱啱好，配上蜜桃🍑菠蘿🍍仲有拔絲真心正☺️.🥢香煎黑松露手打蓮藕墨魚餅🦑💬呢個第一次試，有黑松露都香味，加上蓮藕嘅爽口，混入墨魚餅之中嘅彈牙，非常不錯😋.🥢豉椒炒蜆💬非常夠味，最緊要係逐隻啜都有好濃郁嘅豉椒味，當然要每隻蜆都係新鮮飽滿，咁就最掂😋

夜晚游完水梗要再來一來楚燃記啦，一如既往的好食，不過今次d餸好似少左好多，之前好大碟，間鋪好大間，雖然係室內，都幾有大排檔的感覺。間鋪裝修都好有自己特色，好古風，就算來打卡都好適合。

原來這間店晚上食三輪5:30 至 7:007:00 至8:308:30 至10:00冇得訂枱，原以為入座後計可食一個半鐘，去到才知道有時段分。反正已經嚟到，咁都照入去啦，我就5:45入去，早啲叫定嘢食等屋企人來， 6:00齊人都有一小時用饍。叫了十樣野食，就好似快餐禁一次過嚟唒，服務態度欠奉，個個服務員都鞋口鞋面，冇水洗面禁款咯。6:40 便問D野齊晒未，就隊張單比你看，全程係趕你走禁款咯。真是沒趣。我知係要7:00準時交枱，但服務員是否可以進步下，唔好趕客禁款，做埋D小動作，收碟，馬上送糖水，隊單給你埋。話你地係大排檔啫，我地一小時也消費了千幾元。唔係平與貴的問題，亦不是食左一個鐘既問題，而係感覺催你走禁咯。所以，全家也說不會再去？附註：最好禮貌就是收銀的姐姐，笑着跟你說多謝，但係樓面那些員工冇一個是有表情。所以今次是犯賤的去消費。

之前嗌過好多次外賣，食物質素幾好今次想再叫，發現每個餸佢會硬性規定你加兩蚊外賣盒，連白飯都要收 🤨係咪傻左外賣每個餸要收$2外賣盒！？叫餸加兩蚊都合理，我想叫三個白飯要比多$6，係咪傻咗？如果1+10口係10個白飯，佢係咪要收我$20？我想問我係咪可以選擇唔用外賣盒？不如唔好做外賣啦。

次次食楚撚記都book位，因為真係好多人食！超級推介呢間嘅炸物，炸豬手、炸魷魚、炸九肚魚都好好食👏🏻特別係炸豬手，個皮超級脆，而且啲肉都好入味，咸咸地，亦唔會好韌🤤金沙蛋黃九肚魚肉質外脆內軟，但有少少細骨，怕骨嘅朋友要諗諗🤣九肚魚有好香嘅蛋黃味，咸咸地粉粉地，送酒一流🍻避風塘鮮魷超級多炸蒜，辣辣地，非常惹味👏🏻菠蘿拔絲咕嚕肉嘅拔絲咬落好黏牙，但中間有舊好似啄啄糖咁嘅脆糖，食落都幾得意而咕嚕肉外皮亦都好脆，酸酸甜甜好開胃嚟到楚撚記一定要試埋個豬油撈飯！真係唔係度度都有呢樣懷舊食物個豉油係甜豉油嚟嘅，而加左豬油真係好香，但真係好邪惡😈瑤柱肉鬆蒸水蛋蒸得唔算好滑，其實淨係睇到個皮皺皺地都知🤣不過加埋啲豉油，個蛋就好好送飯陳村粉有好多排骨，但食到最後啲粉有啲乾，所以會黏埋一齊第一次食清心丸，估唔到個粒「丸」幾爽口🤣加埋啲綠豆，食完咁多炸野之後食就岩岩好，可以清熱😌菜式：- 菠蘿拔絲咕嚕肉（梅頭）：$113- 楚撚記原隻脆皮炸豬手：$161- 楚撚記豬油撈飯：$25- 豉汁排骨蒸陳村粉：$104- 金沙蛋黃九肚魚：$101- 瑤柱肉鬆蒸水蛋：$77- 避風塘鮮魷：$108- 飯後糖水：清心丸味道

今晚同2個朋友去食呢間預早半個月book定嘅小菜館，真係0舍誇張，晚晚都好鬼多人係門口排隊，今晚3條友order左椒鹽九肚魚$94(炸得夠乾身好味😋，呢1個係我勁鍾意食😊)、菠蘿拔絲咕嚕肉$113(我覺得一般個咕嚕肉比較硬)、豆漿杞子鮮腐竹浸白菜仔$86(豆漿味超濃，個味道都幾得意)、七味黃金炸1口金磚豆腐$75(好1般冇乜特別)、黃金椒鹽粟米$69(鹹蛋黃味勁重，粟米都好鮮甜成個組合都好新鮮好香好味)、另外我地仲order多2個豬油撈飯$24(豬油、豉油、蔥同芫荽撈落個飯度雖然好邪惡，但係好好味，必試)，最後仲有我鍾意食嘅清心丸綠豆爽送😍，座位都算坐得舒適