棋子燒鵝 (旺角道)

营业中

休息中

近日，終於返回我的舊居。想當年我最喜歡到這間燒味餐廳。今天決定同小詩用老公舊地重遊。該店提供了多款精緻的燒味佳餚，其中包括了令人垂涎欲滴的棋子燒鵝、脆皮燒腩仔和清爽的油菜。讓我們一起來品味這場美食饗宴吧！今次我買咗一個超級抵食的二人套餐。1. 棋子燒鵝：棋子燒鵝可謂是燒味店的招牌之一，這道菜品絕對不容忽視。當服務員將香噴噴的棋子燒鵝端上桌時，我立即被它的外觀所吸引。皮脆肉嫩，色澤金黃，每一片都散發出誘人的香氣。入口時，鵝皮酥脆，肉質鮮嫩多汁，配搭上店家特製的醬汁更是絕妙。這道棋子燒鵝絕對是燒味的經典之作，令人回味無窮。2. 脆皮燒腩仔：脆皮燒腩仔是另一道讓人垂涎欲滴的燒味佳餚。腩仔的表面烤至金黃酥脆，剖開後露出的肥肉層次分明，肉質細嫩多汁。每一口都帶來滿滿的滿足感。燒腩仔的獨特風味和口感絕對是一大亮點，無論是作為主菜還是配菜，都能為整餐增添豐富的風味。3. 油菜：在這頓燒味饗宴中，清爽的油菜成為了一道美味的配菜。油菜經過適度的烹調，保持了它的鮮脆口感和自然的甜味。與燒味佳餚搭配，油菜的清爽口感能夠平衡燒味的豐潤口感，使整餐更加平衡。最緊要是二人餐已包一碟油菜，實在十分優惠從招牌的棋子燒

桶子豉油雞😋一隻 大大隻，至少2個人share有突呀! 粵式豉油燜雞，鍾意豉油味既必點，雞肉鮮嫩滋味，皮香肉滑味鮮，送飯一流。桂香切雞飯😗雞胸非常之厚肉，而且都有淡淡咸香味，食起來肉質唔會覺得老 / 嚡口，雞皮夠哂爽滑！鹽焗手撕雞🥰鹽焗醬汁夠香滑，又唔洗吐骨頭，手撕雞口感都幾鮮嫩。瘦叉燒米粉😎叉燒口感腍中帶爽，完全冇肥膩感，口感都唔會太嚡。淡淡蜜糖香甜味，甜而不膩有肉香。下午茶 6點前黎食 份量好夠飽！

港式燒味係香港人至愛既美食之一，要講到有質素既燒味就更係推薦「棋子燒鵝🦢」，餐廳招牌燒鵝肥瘦適中，油脂分泌平均適中，肉質嫩滑，充滿油香，絶對係必食之選。有多間分店既「棋子燒鵝」，有堂食及外賣，前兩日放工就買左d燒味返屋企加餸，外賣套餐$188已包括燒鵝下裝及燒腩仔，十分抵食，再加半隻切雞，實行豐富晚餐✨。燒腩仔肥瘦適中，層次分明，而且皮脆肉嫩，非常可口，就算外賣返到屋企食都保持皮脆。而白切雞肉質嫩滑，加埋我最鍾意嘅薑蔥汁就最好味。

「棋哥燒鵝」品牌旗下的全新品牌「棋子燒鵝」，主打煙燻燒鵝，自設鵝場，絕不是中央醃製，送到店舖仲要即場用爐燒，Kerp住新鮮，即燒即斬即賣，另外更堅持採用5斤四両重的無生養母鵝，皮脆肉嫩，味濃油香，加上大眾化價錢，迅速成為平民天堂，每日更賣300個飯盒，火爆程度超乎你的想象！🔥🔥.店裡提供招牌燒鵝和其他人氣菜，讓人大呼過癮！快來一起品味平民天堂的美味吧！💥.麻辣手撕雞飯 $50 (套餐價熱飲+$7)🌶️辣味太太太過癮啦！手撕雞飯～簡直讓人停不下來！🔥雞肉好嫩好多汁，再配入麻辣醬料再拌勻，簡直是辣控們的必點菜！😋這道麻辣手撕雞飯的口感和味道絕對讓你一試難忘。手撕雞肉鮮嫩，每一口都滿滿的幸福感，辣味和香料完美融合，帶來一股微辣的刺激，但同時又散髮出濃郁的香氣。想食得豐富啲，仲可以額外加鹹蛋（$10)添～.一人套餐 $98雙拼燒味，郊外油菜，白飯（可選米粉/瀨粉），冷熱飲品 (可選老火湯）.這套餐真是豐盛，不僅包括了雙拼燒味，還有新鮮的郊外油菜和香噴噴米飯。燒鵝和燒腩仔都是店裡的招牌菜，烤得外酥里嫩，絕對是一大亮點！😍.燒鵝（+$10)：燒鵝散發著誘人的烤香，皮脆而不過於油膩。每一片鵝肉都保持了

一直都想試下呢間棋子燒鵝，今日去完花園街買嘢咁啱見到轉出嚟有一間就試下先。 店舖主打煙燻燒鵝，佢哋自設鵝場，堅持採用5斤四両重的無生養母鵝。燒鵝並非中央醃製，到店舖即場用爐燒，非常新鮮。 我同朋友叫咗個二人餐$218，可以試多幾款唔同嘅燒味。 棋子燒鵝例牌：例牌嘅份量都幾大，燒鵝皮脆肉嫩，味濃油香，色澤亮麗。 鹽焗手撕雞半隻：鹹香入味，雞肉嫩滑多汁。 單拼燒味例牌：最終揀咗燒腩仔，非常之有驚喜，皮脆肉嫩，咬落去脆卜卜，超好味！😋 郊外油菜：跟餐仲有碟油菜。 白飯／瀨粉／米粉：可以揀白飯／瀨粉／米粉，我哋揀咗一個飯，一個瀨粉，瀨粉爽滑，呈現飽滿白皙，口感Q彈。 老火靚湯係花生眉豆煲雞腳，非常足料入味，而且無咩味精。 如果大家想斬料返屋企加餸，宜家凡購買燒鵝半隻，仲可以以換購價10蚊換雞半隻。

每次看到有旅客大排長龍的食店，心裏不禁有些唏噓，我不敢說它們不好，只是用上長時間等候值得嗎？其實，香港還有很多CP值極高的小店。就以「棋子燒鵝」為例，本地食客極多，價錢又親民。餐廳自設鵝場，堅持採用5斤四両重的無生養母鵝，拒絕中央醃製，母鵝更是即燒即斬，非常新鮮。這個冬至我就和爸爸過來買燒鵝，順道開餐。二人套餐挺超值，HK$218就已經包括棋子燒鵝(例牌)、單拼燒味(例牌)、效外油菜、白飯/瀨粉/米粉 (2份)及老火靚湯或冷熱飲品(2份)。棋子燒鵝(例牌)我要求要了下庄，賣相吸引，色澤赤紅潤澤，燒鵝皮肉飽滿，下庄脂肪含量較多，所以吃起來油花更更香，連鵝皮大口咬下，皮脆肉嫩，味濃油香。單拼燒味(例牌)叉燒肥美厚肉，外皮被蜜汁包著，入口香甜，肉質鬆軟豐厚，非常juicy。另外，我們多點了一份花生醬多士的下午茶套餐，包飲品也只是HK$20，超值。

天氣轉凍，突然間想食燒味，幫我出去旺角辦事，行過旺角道一間叫棋子燒鵝的小店，門庭若市，牆壁是可愛風的燒鵝壁畫，吸引我進去試試。翻開餐牌，原來星期日的下午也有下午茶，價錢都是三十幾到四十幾左右，十分相宜。一般嚟講，下午茶我會食燒鵝瀨粉，或者叉燒瀨粉，因為這些都是香港風味。其次，朋友對他的手撕雞有興趣，點了一個雙拼手撕雞瀨粉。剛剛朋友做完運動好肚餓，所以我哋叫咗一個例牌雙拼，燒鵝和燒腩仔。他送上來的時候是燒鵝髀斬件，兩排燒腩仔。正想話為什麼不見他的酸梅醬，店員指一下枱上面的膠瓶，那就是了。想想他們經常賣燒鵝，用膠樽裝亦是比較環保的。下午茶份量不容有少，燒鵝的份量比一般外面食的下午茶較多，起碼有成6,7舊。燒鵝的肉汁曬滿瀨粉的上面，瀨粉爽滑，不經不覺以把瀨粉食完。還有很多舊燒鵝未食。下午茶的燒鵝和燒鵝髀的分別就是燒鵝髀啖啖肉，下午茶的燒鵝是身體部分，肉比較少，但香味十足，價錢決定一切。食燒鵝一定要點他的酸梅醬，這間的酸梅醬酸甜味和燒鵝的甘香配合得剛剛好。麻辣手撕雞和原味手撕雞，麻辣手撕雞比較注重辣味，雞肉只是陪襯，我們都比較喜歡原味手撕雞，他的鹹味適宜，加上芝麻非常香口。燒腩仔，用五層花腩燒

是日走訪花園街，行到旺角道34號看見櫥窗的燒鵝色澤鮮明，十分吸引，原來這是棋哥燒鵝旗下品牌「棋子燒鵝」。超值推薦「燒鵝例牌＋單拼燒味（1款）＋郊外油菜＋白飯/瀨粉/米粉（2碗）＋老火靚湯或飲品，2人套餐價$218」「棋哥燒鵝」例牌點了下莊，主打煙燻燒鵝，全部由店內即燒，皮脆肉嫩，每口都有鵝油香，鵝肉結實有肉香， 超滋味。「脆皮燒腩仔」 燒腩仔肥瘦相間咸香惹味，鬆化香脆的豬皮脆卜卜，豬皮超脆超香，CP值超高。「老火靚湯」火喉十足，湯料豐富， 無添加任何味精或色素，也真不錯。

今日下午買左個燒鵝飯外賣，返到公司一打開盒飯，d燒鵝皮係黑色，夾開d皮下面全部骨，一舊有肉d既都冇，加兩條青黃色又爛既菜心，雖然盒飯50蚊唔算貴，不過都唔好比d咁既垃圾人。食左幾啖飯成盒掉咗。我未試過寫食評，不過真係想比人知呢間野有幾差… 後悔冇影埋張相比大家見識下

用餐日期：2023/10/30用餐時段：外賣 用餐費用(每人）：$528餐廳環境：環境整潔乾淨 冷氣足 用餐位置不多 檯與檯之間較近 人多時可能要搭檯服務：服務員服務有禮貌態度好 味道：點了燒鵝一隻$498 真空包裝+30這家的燒鵝價錢合理 皮薄肉滑好味 平常都會去食燒鵝飯 因在新加坡沒鵝肉食 如新加坡親人來香港或去新加坡探親都會在這家買真空燒鵝外賣上機 這次不知是否因是早上買燒鵝較熱關係 真空包裝完有一鵝腿的鵝皮外露 送人做禮物外觀上不太好 希望下次再買時能像以往那樣真空包裝完外觀還是完美沒破損就更好 整體來說這家的燒鵝是值得推薦的。

早上11點，燒味應該係剛出爐唔會隔夜掛？燒腩仔賣相很不錯，但皮不脆，燒鵝只有骨和肥油沒有肉，皮也是硬的。湯瀨淡而無味，菜心是爛的。唯一稍好的是例湯，熱辣辣，味道就不評論了。整體來說，沒有下次。

旺角人頭湧湧 見到門外排長龍買外賣 有位就入去堂食 見餐牌寫餐飯跟例湯（沽清即止）叫左碟燒鵝飯同手撕雞飯 但冇湯跟 以為沽清就冇問侍應 左右隔離都冇 後來有新嘅左右兩邊客人都有湯跟 於是問個侍應有冇例湯俾我哋 冇反應 收銀員臨走老公話佢點解冇例湯冇回答 真受氣 ☹️點會有回頭 至於食物質素燒鵝皮下脂肪肥啲 飯太乾硬啲 😵‍💫

下午5時30分左右因在旺角行街其實，見到燒鵝突然想食，所以行了入去，原本沒有想過食的。我都唔講太多，叫了一碗燒鵝瀨粉， 一睇已經知是骨位，夾起件燒鵝，件件燒鵝都是肥膏多過肉，見到都把火！說實在，燒鵝在一般情況下是不會這樣多肥膏，反而燒鴨就會肥膏比較多。還有杯凍檸檬茶，茶味不足，十分清淡，檸檬亦只有2片，檸檬味亦不足，就好像在飲一杯清茶！若果這是大×樂出品，我會理解的，但這出品是來自一間自稱為燒鵝專門店，真的是差了一點。

今年5月幫襯過1次外賣自取2人餐嗰次份燒鵝已經冇乜肉Ok，唔緊要，好似人咁，有肥有瘦尚算有幾舊係「正常」/「可以咬到肉」事隔3個月，今次叫外送，都是2人餐其實唔係話期望質素有幾咁「喜出望外」但你打正旗號做燒鵝冇理由d燒鵝差到無譜㗎，下話？一打開個盒蓋呢兜咩嚟㗎？水汪汪咁浸住之餘，大部分肥膏，肉呢？呢d就係你嘅招牌燒鵝？一次係咁，兩次係咁機會係人哋俾，招牌真係自己拆㗎！無喇。失望到一個點・唔會再幫襯了！註：相片並非攝於一打開蓋之時因為開頭都未咁怒氣沖沖夾咗2舊都只有肥膏掉咗之後好忟憎然後先決定影低佢😤

今日同大家分享一間燒味店：棋子燒鵝！呢間係巴士站附近，準備搭車返屋企嘅時候見到有燒味食就決定試一試！因為我好鍾意食燒味，但係我唔食得鵝肉，所以嗌左燒腩仔拼油雞飯 $43返到屋企一打開發現原來有配埋中湯，$43蚊嘅價位黎講 仲有湯 我覺得好抵啊！而且湯嘅材料都十分豐富👍🏻燒腩仔皮脆肉唔會柴！重點係食左咁多舊都唔會滯！而油雞方面比左隻脾我👍🏻雞入口超滑😋醬香味足夠！雖然唔食得鵝有d可惜，不過佢嘅其他出品我都十分滿意，下次有機會 會試下佢個手撕雞🤣