梨滿園韓國料理 (已結業)

同女朋友又好、同事又好，餐餐都食日本菜。難得今日休息，一於同女朋友一齊去試新嘢，黎左呢間係旺角的梨滿園。 環境、座位都幾闊落，好啱一班朋友過黎食韓燒，摸下酒杯底🍻🍻 如果好似我同女朋友咁怕熱氣既，食韓式料理小菜都係唔錯的選擇😋😋開胃前菜有泡菜、芽菜、薯仔、白菜仔😋😋辣炒八爪魚🐙味道辛辣帶點韓式辣醬的香味，以翠肉瓜、蔥段、紅蘿蔔絲等配菜去炒，中和味道，不會只有辣味，八爪魚亦相當入味韓式牛肋骨湯大大件牛肋肉，香濃軟熟，肉質鮮嫩。跟湯會配一碗韓式珍珠米，米飯軟帶米香，值得一試👍🏻👍🏻飲品我揀左韓式桃子🍑汁

本身平時好少響旺角食飯，因為覺得旺角嘅食物質素冇尖沙咀銅鑼灣咁好，但呢次要就朋友放工，朋友就介紹我哋試吓食韓國嘢啦！呢度價錢十分相宜！唔使好貴都已經食物豐富。兩個人來食已經有六個前菜！泡菜好爽口，好開胃！先來一個醬油蟹，極度鮮味！用來送飯一流！醬油蟹有爆膏！好正 ！好入味！我哋仲要左一份燒牛肋骨，牛肉色澤好紅潤，油脂分布均勻！正！職員仲幫我地將牛肋骨剪開！啱晒我哋咁懶嘅人！牛肋骨湯都好正！熱辣辣，啱晒冬天飲！燒肉仲附上一份生菜沙律，用來中和燒牛肉嘅油膩感！好貼心！

喺旺角搵食，打開openrice見到韓國嘢嚟講，梨滿園有唔少好評，就等我都試試佢先！一坐低點完餐，店員已經即刻上咗六款前菜，比起其他韓國餐廳，好少有呢間咁有誠意提供咁多款：白菜、薯仔絲、蘿蔔、芽菜、泡菜、南瓜。先點了韓國炸醬麵（$65)，呢款無論喺韓劇定韓國綜藝節目都會見到佢嘅身形。原來裡面有豬肉粒、蔬菜粒同春醬，口感豐富。特級海鮮炒年糕（$78)，由韓式辣醬再炒埋年糕、蝦、青口、蜆、魷魚咁多種海鮮，味道只係少辣，所以送飯一流啊。我自己點了紅棗蜜糖水，凍冰冰天氣下養生必備！

呢間韓國餐廳係旺角，成日諗唔到食咩都會走去食，地址都好易搵。呢間野有正宗既韓國菜食，仲有韓燒、部隊鍋咁樣。我次次去到都唔知食咩好，因為真係有太多選擇。我上次就揀咗個set，有大量配菜、泡菜海鮮煎餅啦、煎青魚啦、各種既燒肉（雞牛豬都有）、仲有水冷面同飲品咁。平平地食一咁多野都真係幾抵，兩個人都真係食唔哂，食到好飽，cp值超高！鋪頭環境都幾好，雖然係有韓燒，但係都唔會好大油煙。鋪頭都幾大，好好坐，好岩一班人傾下計hea下！

旺角樓上哩間梨滿園都唔係第一次食啦，今次同多啲朋友一齊去食韓燒，鍾意佢嘅地方係除有韓燒之外，仲有其他好正宗嘅韓國菜食。本人唔係太鍾意食嗰啲放題式嘅韓燒，因為成日都會食得太多太滯，嚟哩度食，真係份量啱啱好。亦都好欣賞佢嘅奄料，所有肉都奄得好入味。另外佢個海鮮泡菜煎餅都非常好食，淡淡海鮮。而且佢嘅泡菜都唔算太啦，非常易入口。我哋仲叫咗海鮮炒年糕，佢個海鮮醬都非常惹味，同樣海鮮份量非常充足，簡直是大快朵頤

在旺角通菜街的Deli 2樓上的梨滿園是韓燒的一個不錯的選擇那天下大雨和terrgor誤打誤撞就上去了想說也差不多餓了所以就膽粗粗的進去了menu上的菜色算是多樣化的但是下雨這種天氣就還是想要燒烤一下的所以也就選了燒烤模式一入座阿豬媽就一定先把各式小菜端上因為好想喝完湯的關係額外點了一份人參雞湯所以燒烤的食物就只點了兩盤醬牛肉還有牛舌這兩樣真的都是必點的菜式韓式燒烤絕對會搭配的菜包可以將烤完的牛肉放到生菜裡加上其他配料和醬料再一起放緊嘴裡這裡的價格也算合宜

梨滿園在女人街旁的有大廈上的1樓這間的門面不像現土新潮的韓國餐廳反而有一種懷舊的味道而且食物的價錢在旺角來說也不算太貴這次我跟nana姐實在太掛著韓國的燒烤牛肉店員會先上一大堆的韓國小菜而且那些小菜都是不用錢如果吃完就可以叫店員再補一下我們點了一份烤牛肉牛肉的份量也蠻多的把牛肉得2邊也有點微加上韓燒的醬油還是那麼美味帶點甜還有就是軟嫩的牛肉之後是烤牛脷牛脷的厚度適中把牛脷烤得約8成熟就可以吃如果牛脷太熟會很硬8成熟的牛脷剛剛好不會太硬還有爽彈的口感 最後還有人參雞湯人參雞湯的雞沒有煮的過久變硬反而是十分嫩滑的而且湯底的濃杰度也是我十分喜歡的

今日放工好攰，不過都約咗同事去旺角食嘢，一直都好鍾意食韓國嘢，今日終於揀咗間新開嘅韓國餐廳試一試新野！我哋叫咗好多嘢食，最鍾意就係燒肉，全部肉都好入味，我哋叫咗豬腩肉同埋豬肋骨肉，兩隻肉都好好味！牛肋骨肉帶有甜味，仲好香牛肉味，必食！韓式豬腩肉就非常入味，而且帶點辣，非常開胃！連埋生菜、免屎像同沙律一齊食就very good ！而且生菜仲可以無限添！我哋仲叫咗韓式炒粉絲，我一向都好鍾意食炒粉絲，呢間嘅炒粉絲同出面好唔同，非常入味，師傅放咗好多醬汁去煮，所以每一條粉絲都充滿將醬汁味，好啱我食！而且仲要大大碟！兩個人都食唔晒！除咗主食外，仲有好多小菜，我最鍾意就係土豆絲，非常開胃，我同同事都食過不停，而且仲可以添食！食多多都得！

話說上一次去韓國已經係上年既事,然後今日睇綜藝節目抽起條癮, 好想品嚐韓國風味~先黎#五花腩咪睇佢幾片好似唔夠咁店員剪開之後份量好似更多燒起之後外脆內軟, 油脂比例合適亦可包菜食, 唔夠生菜可以叫店員添加架!雖然想食豬肉, 但唔再重覆就點呢道#雞肉石鍋飯隨自己口味, 可以勁加辣醬丫, 平時我就食唔到辣, 係唔知點解韓國既辣醬我就受到,勁中意!然後一道#人蔘雞湯食完大量既肉同飯, 最好就係飲啖熱湯粥底人蔘雞湯正合口味, 暖胃又保身!梗係要叫支#韓國生啤食到熱辣辣, 又飲紅都面哂#墨婆婆話我成個oppa樣出哂黎爽啊~

本身想食牛角🐮，不過星期六夜喺旺角都注定冇運行😔所以搵吓附近有冇其他燒肉店🤓一search就搵到呢間<<梨滿園韓國料理>>，大家都係燒肉，不要分得那麼細😛好彩兩個人唔駛等，可以直入😆不過個人鐘意喺韓式燒豬好過牛肉，所以嗌咗個豬肉拼盤同一碟牛舌燒下😜👍🏻拼盤有豬腩片、豬頸肉同少少辣味既豬肉片，本人就非常鐘意食佢個豬肉片，好惹味😋鐘意夾生菜又得，鐘意爬啖飯食都得，好滿足👍🏻佢啲份量都多，絕對唔會唔夠喉，唔怪得佢喺openrice咁多😋👍🏻P.s 佢個牛肉炒粉絲都好有味道，唔駛一陣我一個人已經食咗大半了🤭🤣

好開心又去食韓燒喇!! 揀左去地點非常就腳既旺角!店舖唔算好大, 但座位寬闊, 好大空間, 坐得好舒服呢!!餐牌有好多選擇, 散叫或者套餐都有...特價晚餐仲好抵食, 包白飯, 例湯同配菜!大部份都係5十幾蚊咋~~燒烤之選....呢道最好就係有好多配菜, 有成6款咁多...每樣既味道都唔錯丫, 讚!!精選牛肉拼盤 (牛肉, 牛肋骨, 牛肋骨肉) $180大大盤, 好滿足!!牛肉夠軟腍, 牛魔王必點之選!!紅酒醃五花腩片三大條五花腩片, 肉質新鮮, 脂肪同肉既比例均勻燒完之後脆脆地巧巧食!!燒到咁上下, 店員就會幫你換盤架喇雪濃湯熱辣辣上枱...有幾多牛肋骨件，牛肋骨帶有牛筋，正喔仲有粉絲同金菇等配菜海鮮石頭鍋飯 係傳統嘅石頭鍋飯黎, 上面鋪滿海鮮, 好豐富好滿足呀!!加啲韓式辣醬一齊食, 甜甜辣辣咁, 爽丫!! 飲品我哋叫咗蜂蜜紅棗茶同埋韓國提子汁, 又滋潤又解渴 特別要讚嘅係呢度除咗食物質素好之外, 店員嘅服務態度仲非常好!! 經常笑容滿面, 有咩要求都會秒覆!對服務質素有要求既你可以黎感受下

我呢d港女，最鐘意食韓國野既，特別係醬油蟹。所以，當我知道旺角有間韓國餐廳有得食既時候，我就立即約左朋友仔去食。果間韓國野叫做梨滿園。我同我個fd兩個人叫左五樣野食，分別係濟洲島黑毛豬頸肉（100g $98）、韓式生醃醬油蟹（$158）、水冷面（$70）、香煎泡菜餅（$55）、人蔘雞（$88）。濟洲島黑毛豬頸肉非常好食，佢本身已經醃左但唔會太咸，仲配埋生菜同d醬汁，食落去好有韓國風味，正。食燒肉當然要食埋水冷面，食完燒肉再食水冷面，本身油油既感覺即刻變得好清爽，酸酸地涼涼地食落好爽，好味道。泡菜餅厚度適中，食落去脆卜卜，一d都冇油膩感，好鬼正。人蔘雞簡直係一道令我驚喜既菜式，佢食落去唔會話太重中藥味，係你接受到既範圍，糯米煮到軟爛，好似粥咁，好好食。重點泥啦！醬油蟹！為左佢我仲專登叫左碗白飯泥食。雖然佢細隻，但佢係有膏架❤。首先用左食左蟹蓋撈飯，落埋d紫菜，冇得輸。去到蟹身部分，用隻手禁一禁佢佢d蟹肉就會出泥，食得好方便。想食醬油蟹但短期內唔會去韓國都可以泥呢間試下。

今日捉朋友陪我去旺角買禮物比男朋友仔，佢條友仔最鬼鐘意睇韓仔、去韓國，仲唔帶佢食韓國菜慰勞佢咩。梨滿園都係幾出名既傳統韓國餐廳，係朗豪坊行過去都係5分鐘既腳程。餐廳門口係好傳統既韓風，唔會太過花巧，而入面既裝修簡約平實，每個座位都相當闊落，唔洗迫埋迫埋來坐。餐廳既食物種類真係超級多，燒肉、飯類、麵類、醬油醃製類都應有盡有，而且價錢相當親民同份量絕對大份，味道又相當之好 絕對係性價極高！今次我地叫左，韓式生醃醬油蟹 $158，醬油蟹一定要配白飯，傳統既韓國人會將蟹肉同蟹膏B出來，之後撈落飯到再灑上少少醬油同紫菜，果種滋味~好似我第一次去韓國親身去食地道醬油蟹既感覺！韓國濟州島黑毛豬頸肉 $98 (100g)，成日去餐廳食咩咩地方出產既肉，都感覺無咩大分別，但今次依個豬頸肉十分令我驚豔，一來：肉質超爽口彈牙 肉味相當濃郁；二來：店家只係用左好簡單既醬料，再放落去燒，就已經好好食；三來：$98份量係激多！我地兩個人係食極都仲有又好食但又好飽！水冷麵 $70，水冷麵好多人都唔識食，就會覺得唔好食，但其實要加入醋同埋芥味先食到佢既美味，而店家既水冷麵做得好好，湯底清甜而麵質彈牙爽口，好過癮！香煎

👫天氣愈嚟愈凍，出街唔係想打邊爐就想食燒肉😳 今次同朋友嚟到旺角女人街食正宗韓燒，多選擇又高質又平，性價比高😝一一一一一一一一一一一一一一#四人套餐 <$488>·烤肉什錦拼盤·生菜跟麵豉醬·辣味香蔥·泡菜煎餅·鹽燒鯖魚·韓式薯仔雞煲·送前菜跟白飯汽水前菜total有六款😚有韓式泡菜、芽菜、南瓜、蘿蔔等等☺️.烤肉什錦拼盤有牛舌、牛肉、五花腩肉同雞肉😃牛舌係薄切，但食落都幾有嚼勁，而且好香牛味😋牛肉正正常常，醃得都幾入味🤞🏻五花腩係最正，油脂分佈平均，而且用生菜包埋生蒜頭、辣味香蔥、麵豉醬同蘿蔔包住嚟食，一啲都唔油膩仲好正添😍無骨雞肉大大嚿，肉質嫩滑🤩肉類燒完想調味，可以蘸燒汁或鹽✍🏻.個餐本來係包泡菜煎餅，但原來可以改做海鮮煎餅㗎🤯個餅煎煎得啱啱好，微微脆身又唔太乾嘅口感🤓蘸埋韓式酸辣醬好正，酸酸辣辣好開胃🖖🏻.鯖魚去咗大部分魚骨，食落好方便🤓燒到熱辣辣，聞落好香，魚肉好嫩滑，一啲都唔乾😳本身都夠味，唔駛蘸豉油同Wasabi都夠鹹🖖🏻.薯仔雞鍋有勁大兜嘅份量，夠曬4個人食👻雞肉件件都骨少肉多，仲有粉絲係入面，食完真係超飽肚👾啲粉絲同薯仔仲要勁入味，用嚟送飯一流🤟🏻一一一

平時去韓國餐廳，一般都係分熟食或者燒烤，今日就去左一間可以同時食晒2款既餐廳黎既時間尚早，唔洗點等位，不過入面都已經半滿。坐位寬敞，坐得好舒服。韓國宮廷掛簾Order後會先奉上韓色前菜六小碟最欣賞係泡菜同埋另一碟綠色既菜泡菜味道剛剛好，酸酸辣辣，十分開胃另一碟就有好濃麻油味，十分爽口土豆絲都唔錯餐廳老闆係韓國人，所以食物都好正宗，不得不點既當然係:高麗人蔘雞湯(細) 2個人剛剛好，蔘味十足，甘甘甜甜的，雞肉嫰滑底部有d糯米，口感黏黏，吸收晒D湯汁，好好味香煎辣泡菜餅底部煎到香脆，入面微微黏口但唔會一Pat漿咁，再配合泡菜，味道口感非常出色當然唔會錯過韓燒:精選豬肉拼盤（五花腩片，豬柳，豬頸肉）厚厚既五花腩片，油脂瘦肉層層分明夠厚關係，煎到外面香脆，入面仍然爽口多汁，豬味很濃生菜面醬包燒肉，好想見既食法豬頸肉本身無調味，加D面醬唔會過咸，配一塊爽脆生菜，燒肉就是要這樣食吧臨尾飲返杯蜂蜜生薑茶潤一潤很完滿的一餐