梅丘壽司の美登利総本店 (雅蘭中心) (已結業)

去親日本都會食！涉谷店排到儍！香港開咗冇理由唔去試😝前後食左3次，都係6點前到，就唔洗等位！最推介吞拿魚，又大件又鮮味！第一次食時叫咗set，覺得幾貴😅之後都選擇散叫，感覺化算啲！見到好多人食之前都會影吓相欣賞一下，好滿足架！

今日小編中午又遠洋過海去旺角，為既就係食美登利既大拖羅壽司成日都念念不忘佢個大拖羅，真心正價錢又唔貴，食3件拖羅壽司150唔洗，比起千x d細得可憐既拖羅壽司又冇油分但都要收你68，真係極度唔抵講番今日食左d乜，除左大拖羅同埋燒中拖羅之外、仲有試埋佢既吞拿魚筋，唔錯，另外試左魚腸都幾👌🏼，encore指數好高。燒左口魚裙邊都好好味但今次條魚細左d，另外仲有白子壽司都好creamy好正食到飽300唔洗、我同事叫左特選壽司盛惠275，大食同事表示飽到嘔現在已經心思思想再去食多次啦。大力推薦！

香港人至愛日本餐廳之一的美登利終於進駐香港，身為偽日本通的我當然要來吃一趟！說真的，真正熱愛和了解日本的人其實覺得美登利只是一般，來到香港後的價錢更加是輸蝕了！午間三時來到的時間剛剛好，不用排隊便能入座！叫了幾客壽司，尚算新鮮，鮮味一般，較為好吃和特別的要數這個大赤海老壽司和特級玉子壽司，配上日式啤酒也不錯的！因為下午茶時段關係無想過吃得很飽，便點下了這個綠茶雪糕，真的很普通，自己也可以製作得到：這樣不太飽飽的二人前也要七百多元埋單，想去試試與否真的交由你去決定啊！

6:00 到攞飛係差40張枱，明明餐廳由頭到尾都有位，啲枱全部都執好晒，有時係得一半枱有人，但唔帶枱。入面好多壽司司傅做好曬單企喺到等單。最後憑住堅強嘅意志力喺出面望住人食直到 7:30有枱。我相信帶枱嗰個係想報復社會嘅。比啲心理準備大家，叫40個號碼入面9成都有人係真係等。唔係講笑入面坐底都見到出面嘅人好嬲咁望住我周圍嘅吉枱。講完服務入正題講食物質素。由於等左好耐，一入到去叫左菜就夾啲薑嚟食，又出奇哋好食喎！係清甜得嚟又有少少微辣，而且質感較嫩。上菜速度好快，好快上左壽司拼盤。原來最期待嘅穴子壽司其實味道無乜驚喜。雖然比香港大型壽司店更有鰻魚味，但比較薄身無乜質感。魚子亦係正常啦。海膽清甜，帶香，唔腥。海老蝦都好新鮮同爽甜。蟹棒鮮甜🦀玉子都好食但唔夠千両好味。另外吞拿魚拼盤我就大力推介，肯定要叫！以咁嘅價錢喺香港第二到食唔倒。魚夠長、肥美。由於係中拖羅所以未去到話入口即融但有魚油香😍赤身都有魚香、爽口。加上壽司飯搓得個質感啱啱好，唔太鬆又唔死實。吞拿魚蓉嘅油份完全融入飯團，一流！個拼盤 CP 值高！海鮮沙律亦好好食。雖然係角切魚生但唔會覺得佢俾啲好差嘅部位，更係魚多過菜。佢賣相一般但

睇報導見到劣評店但食過兩次都覺得好好味紫菜爽脆壽司飯味道好，不易散吞拿魚腩油脂夠，又肥美灸燒左口魚 燒得夠香，油香好正玉子夠厚，美味唯一就從未試過吞拿魚筋就冇咩驚喜

雖然岩岩去完日本，但好快又掛住日本既美食。係Facebook見到旺角開左美登利，就趁周末去懷念返日本既味道。一去到已經見到門口好多人係度排隊，最後我地等左一個鐘終於入到去。去到邊我都會叫玉子壽司，雖然好似好普通，但越普通既野要整得比人地好食就唔易。呢度既玉子壽司只能叫普通，蛋香味略顯不足。牛油果壽司，牛油果有d生，所以略嫌有d硬，同埋成件事好唔夾。海老三貫d蝦唔夠鮮甜，肉質普通。諗住叫d貴d既味道會好d，所以就叫左個特級香蔥吞拿魚腩卷，吞拿魚腩油脂算豐富，同香蔥既味道算夾，呢個只能算合格。平時坐壽司吧枱好中意睇住d壽司師傅整壽司，但今次我竟然見到d壽司師傅整刺身拼盤既時候係飛件刺身去隻碟度，人同碟既距離起碼有半米，望到果下真係都已經唔想再食。最後想講，呢度啲壽司飯又散又難食得來又大件，對飯冇要求純粹想飽肚既話可以考慮。

平日去，6點前去到係唔洗等位既💓我同男朋友兩個去。環境舒適，店員服務都好有禮貌，加茶加得好頻密👍🏻食物方面，上次我試過3文魚同穴子壽司一般般，今次決定食多d toro💓🌟呢個盛盒我覺得係必叫！大toro好正，就算係赤身都唔錯，鐘意佢件刺身夠厚👍🏻Encore 左大toro $48@1pc 同蔥吞拿魚腩蓉軍艦$14@1pc 💓大toro 魚味同脂味👍🏻而軍艦都好味💓極上海膽軍艦$78@1pc 好甜👍🏻，白子軍艦$25@1pc 好creamy吞拿魚筋軍艦$10@1pc， 燒過油油地，肥肥地👍🏻比目魚壽司$28@1pc 白象拔蚌壽司$32@1pc 仲有叫左個蟹肉蟹膏沙律（大份）$78埋單同上次一樣都係要等幾奈，埋單$817👍🏻

同朋友係附近行完街就去試下碰下運氣睇下多唔多人等日本hit爆，cp值高嘅美登利壽司店。我地由1915等到2000就有得入去，平日黎講都可以接受啊🙆🏽‍♀️🙆🏽‍♀️一入到去發現價係有點點貴，不過入到黎就盡情試下呢個價值唔值啦！我同朋友2個叫左三文魚三貫，炙燒手握壽司盛合，貝類盛合，一件賴尿蝦壽司仲有細嘅牛油果海鮮沙律仲有個茶碗蒸先講下個沙律，其實幾大碗，三文魚勁多，反而牛油果同沙律菜偏少，dressing 方面酸酸地，幾開胃，配搭唔錯，50蚊都可以一試☺️再講講個貝類盛合，朋友話好新鮮，但偏嫌有一兩件貝類就有啲硬，不過好可能只係當晚嘅品質未如理想，整體黎講佢都好欣賞。此外，個三文魚三貫同炙燒盛合就無得彈，三文魚新鮮肥美，而其他都入口即融啊，仲融化埋我心因爲有種幸福感我同朋友都覺得美登利啲壽司真心正，最少啲飯係師傅即刻人手整，唔會一夾就散，醋嘅分量都岩岩好，wasabi仲要唔係普通質素，而係新鮮嘅。整體黎講，環境幾好，坐得舒服，有吧台睇到師傅即刻做壽司。侍應都好好態度，當晚都會主動斟茶。值得一試啊！

係日本出名價錢平民又好食既美登利壽司終於殺到黎香港喇，咁當然要即刻試下啦！呢d新開既人氣店當然要排隊，不過好彩張飛有QR code，可以用手機即時知道叫到幾多號，等左一個鐘終於到我地喇！Menu都幾多選擇，但有寫人氣既只有特盛筋子壽司，所以就毫不猶疑叫左，但食落覺得普通，$60一舊比d咁既質素我食我真係sad左。海老三貫普通，d蝦唔算鮮甜。唔好叫明太子壽司，好腥。蟹肉蟹膏手卷係云云之食物入面算係幾好，起碼食到蟹既鮮味。其實食完並唔飽，但因爲無衝動再叫多一輪。價錢比日本貴，但無質素反而無咁好，咁既價錢我去食返千兩好過。

可能係我食過最好食嘅炸蝦卷🤤炸蝦卷入面仲有一小塊芝士🧀🤩so oishiiiiiiiiiii💕魚生都好新鮮，舊甜蛋完全係錦上添花🍣見到好多枱都食壽司拼盤🤔下次都試下先😀

一直有猶豫應否到訪香港的美登利，主要原因是聽過不少評語指與日本店質素相差很遠，我怕吃後破壞對此店的美好回憶最後在不用排隊的誘惑下，我還是去試了一次，感覺比想像好很多壽司不逐一點評了，整體來說魚生新鮮而大片，所吃到的呑拿魚跟香港壽司店吃到的呑拿魚比較下亦鮮甜得多，海膽軍艦鮮甜而不腥最推薦的還是這個蟹膏蟹肉沙律 說是沙律，但其實底下只有三數塊大生菜，上面是滿滿的蟹肉和蟹膏！好吃歸好吃，兩個人吃如此多蟹膏還是覺得有點滯呢總括而言我認為香港的美登利價錢中等，未必如日本店般價錢相宜，但食物質素絕對能與日本店匹敵

今晚即興約左朋友食飯。其實本來想食燒肉，但因為要等好耐，所以食依間係日本有好多分店既壽司店。叫左一個特選手握壽司盛卷（$275），啲魚生好新鮮，特別係呑拿魚，油鮨好充足。筋子壽司咬落去脹卜卜。相反，蝦壽司有少少唔新鮮，有啲梅。其他都好好食。！另外，叫左鹽漬檸檬壽司盛合（$90），全部都好新鮮。最後，叫左蟹膏沙律（$45)。因為太普通，所以無影相。今次食飯都係開心既！美中不足係服務有點慢，幾次加茶都要叫先有人斟

今朝lunch 隨意搵下有咩人氣食店，發現日本經常排長龍既人氣壽司店美利登巳進駐香港！禮拜六中午，只需等10分鐘就有位，我地立即選了特上手握壽司組合（$275）每件壽司都好新鮮，特別推介海膽壽司，味濃又juicy可再單點加單！點了一客牛油海鮮沙律，驚喜無交行貨，沙律同魚生比例1:1！讚👍🏻加點三文魚🍣 、白子及魚子壽司等，件件食出鮮味！價錢需比日本貴一點但真心真材實料，日本控朋友未有時間飛去日本走一趟可考慮美利登食一餐止渴

較早前看到報導，這間是從東京過來，在香港開店的壽司店，老公說想看看是甚麼質素，於是就去試試。在店門外已看見非常非常多人，取票都已經取到當時150個之後，很跨張。取到某一號碼，更需要暫停取票。取票後，票上有一個QR code，掃一掃就可以知道叫到甚麼號碼，當時已是七點半，我們到附近逛逛。我們一直等到九點半才入座，叫號入座叫得非常慢，不知道是因為客人太多還是不夠職員，連在叫票號的職員都需要內進幫忙。看到空置的桌子，起碼十分鐘後才有人客入座。剛走客人的桌子，起碼十至十五分鐘後才有人收拾。店內環境是日式裝修，應該是按照日本這邊的形式去做。環境乾淨清潔，感覺非常好。點餐紙是按餐牌上壽司編號填寫，我們點了三次。上餐速度也可以，不太慢，這裡每一件的壽司都是手握的，人手做，所以以為會比較慢。每一件壽司賣相都非常好，魚生很大件。左邊是灵燒三文魚壽司，咬下去有魚油，很肥美。右邊是火灵帶子壽司，帶子有鮮味的。這個是海膽軍艦，這個完全不是普通壽司店的質素，大多數都是又淋又散，這個是比較新鮮，結實爽口，當然比起日本還是不同，是日本的一半質素。左上邊是中吞拿魚腩壽司，咬下去是日本這邊的普通版，在日本吃的口感一咬就

下午茶時間黎，無乜人唔使排隊，香港師傅有幾個，一個日本師傅，場面好冷清。作為一個壽司迷，相都唔係好想影，整體普通，吞拿魚壽司set都算好同底食，不過你話如果要排隊的話，我寧願去隔離街食叉燒飯lu