桜

营业中

休息中

太安樓出名有好多好野食，依間手卷鋪係我地成日去食既，因為價值抵，食材又好新鮮。今次做完野慶祝，所以我地決定食豪D！我地一人叫左個帆立貝三文魚手卷同埋一個海膽赤海蝦手卷。帆立貝三文魚手卷賣相好好！帆立貝同三文魚各有2大塊：帆立貝爽口新鮮、三文魚又大塊又甘甜，因為D刺身好新鮮，所以我地覺得唔落豉油更加食到個鮮味。以為帆立貝加三文魚已經好正，估唔到海膽赤海蝦手卷仲吸引！海膽係用加拿大海膽，而唔係馬糞海膽，海水味重，海膽味亦都好濃郁，好多層次，口感好豐富呀；赤海蝦就一大條，食到落底，好爽口、彈牙。咁好既質素，可能係喺太安樓既關係，所以我地覺得個價錢好抵食！

類似賣日式手卷的壽司店近來都開到成巷成市，今日嚟到太安樓都見到有一間就試試佢啦呢間除咗賣手卷之外，仲有好多唔同種類的丼飯，而且價錢相宜，但為咗留肚掃街，今次只係嗌咗一個三文魚手卷試下味，三文魚都幾新鮮厚身，比起同類型壽司店性價比高，下次再試下丼飯

依家啲外帶壽司手卷店越開越多 早排經過太安樓又見到一間 叫桜  驟眼睇過下佢啲相 手卷嘅款式同其他相似的手卷店大同小異 不過價錢就平一至兩成 最平$10都有交易 不過我呢啲咁貪食嘅梗係嗌最貴嘅海膽同埋海膽帶子啦 驚唔夠食仲嗌多咗個極上刺身丼 全部刺身都好新鮮呀😆😆😆👍🏻！ 海膽好鮮甜😚😋 不枉我叫左兩個手卷都有海膽～ 仲要佢食到落中間都仲有d架！ 極上刺身丼的飯好夠醋味 太好味食左都覺得唔夠喉呀😭下次經過要再食過👅😆

又黎到太安樓掃街啦! 超市隔離開左間手卷x丼飯店. Picture menu選擇多到眼花繚亂, 收銀台後面就係即叫即整手卷嘅廚房, 日本野都係比較井井有條, 雪櫃嘅食材好新鮮. 第一站一人一件手卷先🤤>A34. 呑拿魚蓉海膽手卷 (HKD38)個人喜歡一次過食多樣食材嘅手卷, menu嘅雙拼手卷都有超過十款真係有啲選擇困難呢! 隨便揀個呑拿魚蓉x海膽. 等左陣, 正呀, 啲料滿到見唔到壽司飯, 實物比起menu嘅相係•更•豐•富! 件海膽唔單止大塊, 仲非常厚肉, 好新鮮; 淺淺地色嘅呑拿魚蓉份量都唔少, 食到最後都仲有呑拿魚嘅鮮味.>A43. 火炙牛油赤海蝦手卷 (HKD30)牛油放喺兩大隻赤海蝦面用火槍炙燒, 充滿油香之餘亦嚐到面頭微微燒一燒嗰種半生熟口感, 選用嘅海蝦大隻肥美, 一件手卷有兩隻赤海蝦直頭係重本之作👍🏻. 不得不提係壽司飯調味做得好好, 而店外亦設有高枱貼心提供wasabi, 鼓油等等有辣有唔辣任君選擇.

今日同女朋友去左太安樓食野，作為東區人嘅我早就聽過太安樓個名，不過甚少去呢到食野。我地一路行，一路搵野食。女朋友嘅視線停留左係一間食手卷嘅鋪頭。一來係比佢嘅招牌吸引住，二來係佢個鋪頭名都幾特別。睇睇個餐牌，差啲以為去左葵廣，啲手卷好平，完全唔係港島嘅價錢。 咁我地就一人叫左一個手卷試下，女朋友就叫左個海膽手卷，佢真係好鐘意食海膽，去日本旅行嘅時候食左4餐。而我就叫左一個三文魚腩手卷。唔使等好耐個手卷就整好，個海膽好似唔洗成本咁，鋪到滿一滿咁係手卷上面，我試左一啖個海膽手卷，係味道好甘甜，完全無咩腺腥味，最緊要係塊紫菜咬落仲好脆，飯嘅份量其實都飽滿。我個三文魚腩都切得幾厚，作為客人當然覺得好抵，食落唔會有種好膩嘅感覺，加啲芥辣豉油，味道無得輸。如果下次再經過都會買黎食。

今日同朋友去到太安樓掃蕩美食，太安樓不嬲出哂名多好野食！同朋友行左一個圈見到有間賣日本食物嘅鋪頭，價錢同食物都幾吸引就試下。因為唔太餓，所以我地就叫左一個極尚刺身丼一齊share。落左單唔洗等好耐就整好左，丼飯就有帶子刺身、三文魚刺身、蝦刺身、玉子同魚籽。 刺身嘅色澤光鮮，睇落好新鮮。三文魚好厚身同大塊，油脂豐富，睇得出店家真係毫不吝嗇。連埋wasabi一齊食仲可以突出三文魚嘅鮮味。帶子都好大塊，咬落去口感結實，如果有多幾塊就正，令人想食完再食。最好味係隻蝦，因為隻蝦啲肉好多，又好長身，味道甘甜仲有少許彈性。玉子正正常常，無咩太大嘅驚喜。雖然碗飯要78蚊，但我覺得絕對係物超所值！可以再戰。

平時去日本料理舖頭食魚生飯實在太高消費啦，反而去啲小店外賣可以拎返屋企同屋企人share，計落抵好多個個都開心。所以今次嚟到屋企附近嘅太安樓呢間叫櫻嘅手卷專門店試試佢嘅刺身丼。丼飯款式都幾多元化，手卷就更加係豐儉由人，由十蚊到貴啲嘅豪華款式都有。我本身鍾意食嘅刺身種類都唔多，所以呢個三味魚丼就最啱我啦～三味魚丼簡直係三文魚控嘅至愛，因為佢單係三文魚一款刺身就有三種整法。第一樣食嘅一定係最簡單嘅三文魚刺身，先試下佢嘅原味。呢度嘅刺身切得幾厚，油脂分佈均勻，而且幾新鮮。然後就可以試下油香滿溢嘅火炙蒜香三文魚。火炙三文魚外層少少熟，滲出油脂，有少少蒜味，唔會搶咗三文魚本身嘅鮮味。而切開一粒粒嘅就係辣味三文魚，佢嘅量特別多，有少少辣，送飯一流。 最後其實係第四味三文魚，就係三文魚子啦～～三文魚籽嘅量都幾多而且粒粒都好飽滿，食落好重海水味，好鮮甜多汁，唔錯唔錯～

太安樓有一間幾出名嘅手卷專門店，今日就去到試下佢嘅丼飯。去到有好多款式花多眼亂，除咗多款丼飯/小食，仲有好多款手卷同埋刺身賣添。今日心情好就揀個最豪嘅$78極尚刺身丼喇～飯方面，店方採用珍珠米，壽司醋落得唔多唔少啱啱好，份量亦幾足。極尚刺身丼有三文魚、帶子、甜蛋、甜蝦同三文魚子，每樣刺身望落都好有光澤，擺得幾整齊，賣相幾吸引。刺身好新鮮，唔落wasabi豉油都好好食。三文魚油脂分佈均勻，切得幾厚身，入口鮮甜。帶子厚肉多汁，甜蝦比較大隻同爽口。魚子飽滿晶瑩有淡淡海水味，師傅落足料，魚子裝得滿滿，特別啱送飯。估唔到外帶都有即叫即製嘅高質刺身丼，下次可以食吓抵食手卷，十蚊起就有交易，喺而家喺香港真係少有呀～～～

太安樓勁多平靚正的食物，平時行開呢間都勁多人排隊，今日早左少少黎就得4-5個人，唔駛排好耐，梗係即刻買番件黎食下啦。對於有選擇困難症的我來講…真係一大考驗。40幾種手卷，圖又靚好想全部都食。諗左起碼有15分鐘之後，我叫左加拿大海膽手卷，同火炙牛油赤海蝦。1⃣加拿大海膽手卷HKD＄38見到咁多海膽即刻勁興奮加拿大海膽真係特別甜同creamy本身諗住一次過食哂面頭的海膽咁下面就會得番飯但手卷下面都會有海膽抵讚2⃣火炙牛油赤海蝦HKD$30一拎出黎就好大浸好香既牛油味赤海蝦好鮮甜爽口提一提：企枱上面有豉油, 辣豉油同wasabi！

太安樓出名多美食, 今日放工未有決定晚飯食乜, 一於去掃下街先. 經過見到好多人圍住呢間日本野, 當然要停低睇下有咩好食啦.  原來呢間櫻係主打手卷美食, 一於試下先!款式之多, 真係眼花暸亂呀!   除左手卷, 仲有幾款丼同小食再望下面廚櫃, 原來佢地有兩款海膽主打, 話晒海膽迷, 緊係要試下佢地D海膽啦!  我地叫左一個葱吞海膽手卷, 同一個海膽三文魚子手卷門口會有張企枱, 放左各款豉油調味.等左大約五分鐘, 就有美食喇!   大大塊海膽, 堅係有鮮味喎!  幾有質素!  三文魚子都幾鮮甜.  葱吞亦都不錯.  大家經過太安樓, 都要黎試下呀!

那天到了太安樓掃街，來到這間壽司店，見到剛開門不久便已經很多人光顧。門面有一個大餐單，一目了然，手卷選擇多，以三文魚和海膽為主。亦都有三文魚刺身售賣，十分新鮮。店內竟然還有其他熱食，牛肉薯餅看起來挺特別。我們點了三文魚拼海膽手卷同埋三文魚拼帶子手卷。兩個手卷的賣相都十分吸引，而且很新鮮。30幾蚊有這麼大塊的海膽，真的很划算。三文魚和帶子都很鮮嫩，紫菜亦十分香脆。總括而言，來到太安街掃街，每次都會來嘗一嘗鮮美的三文魚haha。

開心星期五 決定同朋友去太安樓 掃街食到飽見好多人圍住第一站食咗呢間嘅手卷先我同朋友一人叫咗一個手卷喺收銀處落咗單之後就等師傅開始整啦！廚房半開放的環境睇落都幾乾淨同整齊！櫥窗嘅海膽顏色亦都好新鮮！我地分別叫左帶子拼海膽手卷帶子大大粒同海膽一樣好鮮甜， 絕對冇腥味，好新鮮！而飯的醋酸味都好適中！赤海蝦拼三文魚手卷三文魚切得大大舊，夠厚身，食落滑嘟嘟，同壽司飯好夾！赤海蝦都好新鮮，無雪味！正！整體嚟講呢間嘢嘅價錢都算適中，分量大大份！幾好食！

A Japanese dish consisting of slices of raw fish, THAT'S SASHIMI!!!其實唔一定要係坐得好舒服,裝潢好靚既餐廳,就算僅有一張高枱,企係到食既手卷外賣店既食材都唔會差好遠,今次係西灣河太安樓呢間亦唔會例外,如果用一個字黎形容,鮮呢個字就最好不過啦👇-📌極尚刺身丼- $78 👉嗌左2個手卷同一個丼飯,首先我想講$78呢個價錢係一間外賣店黎講,睇落會覺得有d貴,但當你食左第1啖入口,你就會推翻你所睇到既野,三文魚厚切鮮甜,三文魚籽夠大粒,色澤均勻,帶子有咬口,嫩滑,甜蝦肉質夠厚身彈牙,我個人相當滿意-📌加拿大海膽手卷 - $45👉手卷SIZE唔算大,比我想像中細少少,但成個頂比一大堆海膽鋪滿哂,真係好滿足,味道相當唔錯,鮮甜唔再講, 絕對無腥臭味, 飯粒亦唔會乾身,軟硬適中,-📌帶子海膽手卷 - $44👉為左滿足某某人對海膽同帶子既無窮野性既慾望, 唯有再點多次呢類手卷啦,基本上同我上面講既都係差唔多,唔多講啦,不過有樣野要提下大家,的確相比同店裡面其他手卷,有海膽係會貴d, 其實一般你睇得到既手卷都係around $18-$3

都唔知聽過幾多人講去大島太安樓掃街係點好點正, 其實…. 我一次都未去過太安樓, 最主要原因係…. 我係九龍人嘛!今次因為去開太古城, 所以預留定個肚走去太安樓掃街.去到太安樓我先行咗一轉先, 睇哂有咩小食先開始掃街, 而第一站就係”櫻”手卷.“櫻”門面好吸引, 將所有口味嘅手卷影哂相貼哂出黎, 編哂號碼寫哂價錢, 做法係十分欣賞.點咗一個海膽帶子手卷同蟹籽海膽手卷, 包手卷嘅紫菜係脆嘅, 材料亦都新鮮，由其係帶子，極之鮮甜.同其他手卷店一樣, 當自行落醬油同WASABI 時要特別小心,食完繼續太安樓掃街之行

After browsing around inside Tai On Building, I found a sushi shop that was barely open at 1pm. That's good because these days, I'm feeling the need to search for THE authentic sashimis that won't break my bank. It can be found in any shop size - big or small. So I'm starting with this shop called Sakura that just opened up in this area. Be warned that I am very critical and harsh in sashimi quality, particularly the salmon and the tuna belly ones and will flat out say it as bad if it's bad than