桜

刚好在附近有活动差不过十点才完，知道太安楼有小食同埋都开得够夜。上 Openrice 看选了几间心水，这是其中一间10pm 是他们空挡时间，我睇睇后觉得第一次帮衬都系试试熟食点了个炸虾手卷，$12 真的可以讲是无敌。落单后等叫号就得。虽然我落单时无其他人，但见到铺头之后叫了几个堂食号码未有人来取，相信一定是走了去附近扫其它宵夜落单后大概5分钟到我，哗刚炸好热辣辣，用塑胶的手卷架上。门口旁有张 bar 枱，有酱油、一大支芥末酱、一支辣油，仲有一支应该系沙律酱。我落了头两种，每种几滴。手卷入口，紫菜好脆口，炸虾就当然唔使讲。芥末酱不是攻鼻那种，所以落几滴就已刚刚好。食完还返个架去柜面就走得，一路行一路回味。…Read More

同侄仔太古睇完戏，就行左去太安楼是但揾样野食，咁啱就经过呢间樱。印象中都开左好耐，但就系冇试过，见到冇人排，咁我就试下啦。我乱叫左个炸虾手卷，12蚊，冇谂过只虾真系热辣辣，所以就觉得特别好味喇～堂食都几好，放堆吱吱酱油、wasabi比你用，又环保啲～我侄仔叫左炙烧三文鱼，17蚊，佢都话好味～如果大块啲会正啲～见到仲有好多款手卷，下次真系要预多少少时间试其他款～最后，店员弟弟都几有礼貌，望入厨房都系企理～…Read More

呢间日式餐厅提供超过30款手卷，仲有丼饭同埋小食，当中最特别嘅就系炸三文鱼皮($23)，所以我叫咗份、同埋要个三文鱼蟹籽手卷($26)🤓三文鱼皮即叫即炸，攞上手热辣辣非常吸引，面头有层白色嘅嘢、应该系盐，咬落去非常脆卜卜，口感100分，略嫌啲盐落得太多，所以有几啖会好咸，但如果适中嘅话就有吊味嘅作用，部份位置亦都食到好香嘅三文鱼油味😋手卷方面就冇乜太特别，用料几充足、三文鱼去到最后一啖都仲有，不过自己钟意食醋味浓啲嘅寿司饭，略嫌呢度嘅白饭有少少黏同埋唔够味😉…Read More

🧚🏻‍♀️ 桜呢间寿司卷日式小食店，Google 太安楼有咩好食嘅时候，佢总系会榜上有名，扫街嘅时候紧系要试埋佢。叫左个三文鱼手卷，朋友叫嘅系三文鱼腩手卷。等左分几钟就有得拎。三文鱼片望落色水偏橙色、有光泽 ✨ 不过入口就有啲失望。。。三文鱼味道并不突出，鱼鲜既味好淡好淡。而手卷嘅饭，唔系一啲软糯既日本珍珠米，甚至连紫菜亦都有啲偏软，并不脆化。🥸🥸一个手卷，无论系鱼肉、紫菜、定系饭都系做得一般。食完都冇心再试佢其他Product🙁 唔知其他手卷系咪真系出色，但至少三文鱼唔系，大家去到可以试少样野啦～😌😌🔹🔸🔹🔸🔹🔸🔹🔸🔹🔸🔹🔸桜 (西湾河)西湾河筲箕湾道57-87号太安楼地下A48B号…Read More

太安楼出名嘢食多，今日试咗呢一间平民手卷，价钱接受，质素都OK，平时排队都唔算太多人，除咗手卷佢仲有丼饭同埋刺身，都非常抵食，对于我哋呢啲上班族黎讲，绝对系平民之选…Read More