桜

营业中

休息中

今日同女朋友去左太安樓食野，作為東區人嘅我早就聽過太安樓個名，不過甚少去呢到食野。我地一路行，一路搵野食。女朋友嘅視線停留左係一間食手卷嘅鋪頭。一來係比佢嘅招牌吸引住，二來係佢個鋪頭名都幾特別。睇睇個餐牌，差啲以為去左葵廣，啲手卷好平，完全唔係港島嘅價錢。 咁我地就一人叫左一個手卷試下，女朋友就叫左個海膽手卷，佢真係好鐘意食海膽，去日本旅行嘅時候食左4餐。而我就叫左一個三文魚腩手卷。唔使等好耐個手卷就整好，個海膽好似唔洗成本咁，鋪到滿一滿咁係手卷上面，我試左一啖個海膽手卷，係味道好甘甜，完全無咩腺腥味，最緊要係塊紫菜咬落仲好脆，飯嘅份量其實都飽滿。我個三文魚腩都切得幾厚，作為客人當然覺得好抵，食落唔會有種好膩嘅感覺，加啲芥辣豉油，味道無得輸。如果下次再經過都會買黎食。