桂花小幸 (將軍澳廣場)

营业中

休息中

成日遲到嘅朋友今日又遲到😫, 好彩我拎定飛等位jei! Lunch多人到一個點, 係望到入面啲食物好靚仔等下都OK嘅, 午市有用餐時限所以唔使好耐就有位, 睇睇午餐menu先.>午餐包括主食+台式三小碟+飲品, 而隔離茶研社嘅特飲跟餐有減HKD5優惠. >台式三小碟好大件件茄子🍆, 涼拌醬好好味, 仲有爽脆青瓜同木耳, 非常開胃😋.>鹽酥雞排滷肉飯 (HKD68)好耐無食台灣菜, 必食鹽酥雞, 炸皮嘅酥脆實淨口感加上適量鹽巴, 新鮮炸起係就係有點熱氣, 偶爾都係我嘅comfort food, 炸過嘅雞肉仍然易咬, 而且li個價錢真心抵食, 因為鹽酥雞放滿全個碟, 而滷肉飯嘅滷肉同汁係豐富到每一口飯都沾滿肉碎肉汁, 仲一次過食匀兩款”餸”添👍🏻.>手工花枝丸•台灣麵•紅燒牛肉湯 (HKD58)帶點微辣但不會嗆喉嘅紅燒牛肉湯, 用上jumbo size麵碗, 條條分明, 富有嚼勁而且份量勁多嘅台灣麵, 花枝丸竟有4粒之多, 十分彈牙.>芝士奶蓋玫瑰茶 (HKD28>HKD23)真心推介👍🏻👍🏻👍🏻li個杯內真係有一整個玫瑰花茶包, 先呷一口醎

今日同幾個同事行遠啲食晏，因為附近實在食來食去無選擇。見到呢間就入去試下，台灣菜。原來要先攞位，再去門口報枱號叫野食。我要左三盛紅燒牛肉麵，另外3個同事都係鹽酥雞滷肉飯。食物味道ok,價錢合理，比起另一台式庫連鎮店平，所以會再來吃。

今日午餐去左食桂花小幸。☺️唔知係咪因爲今日係星期日，所以主食係唔包飲品。🤔我叫左個酥炸排骨麵（紅燒湯）。佢個排骨係炸得唔錯既😋，又香口而且都將脆吓，加上炸粉唔會太多👍🏻。肉都唔算薄，可惜肉質唔靚，係冧既🤦🏻‍♀️，我估係落得太多鬆肉粉，所以我唔係太中意😢。佢既麵條都幾有咬口，而且入味，吸曬紅燒湯底既濃味，唔錯😀！湯底雖然味濃，但唔算太咸，不過不失😄！至於友人個酥炸排骨滷肉飯，個排骨都係咁一般🤷🏻‍♀️，而且滷肉分量都真係幾少下😔，只係多滷汁但係唔多肉😟，就算有肉大多數都係比較肥，整體一般😕。而個兩杯綠茶，冇咩特別，但都幾清新😬，可以去下排骨同滷肉汁既油味🤭。

忙碌日子過得真快，週五放工了。今晚好有驚喜可以跟媽媽出街食飯，因為她不喜歡外出食飯的。來到桂花小杏，見人龍，立即按飛啦。約等10分鐘終於到我們。環境方面，餐廳不算大，座位不多，但設計見心思，壁畫，牆上見掛飾物食物種類多，各類台式食物煲仔塔香三杯雞飯🐔肉滑嫩，香噴噴的，份量多冬瓜蜜棗花生燉排骨這個湯挺清甜，🈶蜜棗，冬瓜🉑助去暑養生清燉牛腩麵(養生湯)養生湯🈶點甘香，牛肉大大塊，肉嫩煎手工餡餅(2件)🈶驚喜，餅挺香，表皮韌韌地，軟軟地，餡料清香，juicy芝士奶蓋抹茶(凍)個人喜歡表層芝士味道，有點咸甜，抹茶味道還可以滷水豆腐豆腐滷水入味美人玫瑰茶(熱)手拍小黃瓜上湯浸時菜菜新鮮，清甜整體來說，性價比高，環境設計見心思，食物平均質素不錯

見到評分甚高，好多笑笑，特意嚟試試。食物味道一般，桂花雞翼炸皮超級厚，雞肉同炸皮比例高達50/50，如果冇桂花醬汁，雞翼係冇味。煎餃子味道正常，但太油。唯一正常係花枝丸，可以一試。但最令人失望嘅係waiter 嘅態度，態度有點惡，唔願做你生意嘅感覺，叫餐時當你講唔出枱號時， 職員竟然反眼，上餐時永遠放到枱角，黑面地講「餃子！」，作為顧客真係䬷人感到受氣。可以一試，但永不再試，完全不明白為何咁高分，極度需要檢討。

昨日同媽咪行將軍澳廣場，陪她買定旅行日用品， 呢度真係好方便， 有幾個商場連埋一起可以行足一日。 行到咁上下都係時候食午餐， 我們到桂花小幸吃台灣菜。 唔知大家有冇一個習慣， 我好多時經過店舖門口想入去食嘅時候都會睇一睇openrice嘅評論， 見到桂花小幸都有好多讚好， 一於同媽咪入去試下。店內裝修風格以文青概念為主， 配上以木為主的傢俬特別有文藝氣息。 首先點了兩杯台灣特飲夏日水漾鮮果茶$30， 芝士奶蓋桂花烏龍茶$28。然後就點餐～台灣烤香腸$28， 椒鹽花枝丸$23， 滷水豬手飯定食配上湯浸時菜及白飯$65， 加配小食手拍小黃瓜$12， 三盛紅燒牛肉麵$68。滷水豬手飯定食配上湯浸時菜及白飯～ 一碟有四大就豬手，炆得好淋又入味，絕對可以補充骨膠原。手拍小黃瓜～ 清新的小黃瓜配上醋汁， 很喜歡這個餐前小吃，特別令我開胃。上湯浸時菜～ 清清地非常健康。三盛紅燒牛肉麵～有腱心牛肉（金錢展），牛腩，牛丸，腱心牛肉和牛腩雖然炆得好腍，但唔夠入味。 牛腩比較大舊， 如果可以切細少少就比較好。 牛丸味道普通，但口感算彈牙。 點了清燉湯底可惜唔夠熱， 麵的質地偏軟，唔夠彈性。椒鹽花枝丸～ 沒有

自從上兩個月去完台灣後就念念不忘當地的牛肉麵。剛巧lunch 又唔算太肚餓，朋友話食碗麵就最適合不過喇！呢間睇食評很高，上網又可以攞定飛，可以慳番不少時間。店內外都放滿各式各樣的小擺設，牆上又掛滿一張張的小menu紙，充滿台灣獨有的文藝氣息，文青風格，很有台灣小館feel今次叫了一碗酥炸排骨麵，肉排和湯麵分開上，不會令到排骨被湯浸淋。麵條中規中矩，反而排骨不錯，炸得很鬆脆而不油膩，吃落很惹味。另外，食台灣麵當然要叫牛肉吧！呢碗$68元大大碗的三盛紅燒牛肉麵，包括有腱心牛肉，牛腩和牛丸，再配紅蘿蔔和白蘿蔔各一大舊，真係吃完十分滿足。

成日以為將軍澳啲商場大部分都係連鎖店，行行下見到間台灣野就覺得好吸引，就快8點個陣都好多人排隊。餐廳都有好多吾同種類既野食，有牛肉麵、魯肉飯等。鹽酥雞排魯肉飯，啲雞排既肉質都幾滑，好彩佢個炸皮都吾係好厚。魯肉飯好入味，佢好在除咗面個層魯肉，飯底都有汁，岩晒我撈飯。酥炸排骨魯肉飯，豬排好難得咁滑，通常食親啲豬排啲肉質都好硬，好難咬咁。朋友仲加咗隻滷水蛋添，佢表示都整得幾入味。煎手工餡餅，我地一開始以為係牛肉餡，原來係餃子既菜肉餡。個皮比想像中厚，似係包咁。椒鹽花枝丸，粒丸好彈牙，而丸入面真係有由魚粒，真係值得推薦。桂花雞翼，個雞翼係原本炸咗既，但個精粹係個桂花汁，個汁真係好特別，比人一個fresh既感覺，令到比較油既雞翼都變得清新。芝士奶蓋阿華田芝士奶蓋桂花烏龍茶

呢排愛上左食台灣菜，喺將軍澳廣場一樓有一間幾特別嘅叫做桂花小幸，一睇個名唔知點解覺得好舒服，好似會令人好輕鬆嘅感覺。裏面嘅枱櫈都係用木造，同埋佢係自助點餐，有職員會再送餐。我點左一個牛肉麵同埋豬手飯，坐咗喺度等左一陣，我朋友終於都到咗，啲食物大概6分鐘左右就到了，啱啱好。豬手炆得好淋，而且全部都好大隻！食落去又唔會食到好麻煩，另外我仲加咗幾個小食，包括係貓耳朵同埋香醋茄子。貓耳朵亦即係黑雲耳，加上少少辣椒同埋醋汁食落去份外有風味。香草茄子醃得非常好，粗壯的茄子滲入香醋汁，酸酸甜甜開開胃非常。最後飲咗杯水果茶同埋抹茶紅豆，兩樣都係店裏面嘅推介，我鍾意水果茶因為佢好新鮮呀，而且有晒咁多款唔同嘅水果，包括藍莓、檸檬同西柚真係非常出色！

夜晚經常爆場的文青台式料理餐廳桂花小幸旁邊是專賣台式飲品的幸福之茶研社兩店相鄰可以一邊吃桂花小幸的鹽酥雞一邊喝台式特飲的確桂花..小確幸夜晚要攞飛排隊等入座不過很快便等到位了先點了黑糖珍珠鮮奶少甜少冰黑糖香濃但不過於太甜再點熱日式紅豆抹茶紅豆份量多入口即溶看見隔離檯的鹽酥雞很吸引便跟著叫了一樣的大大件香脆鹽酥雞最愛湯麵的湯底: 清湯牛肉味怎麼好像有一點像肉骨茶的藥膳味另外還點了豬手飯套餐豬手煮得夠淋夠入味還配上粟米雞湯鹵水拼盤有雞翼、牛展、鹵蛋和牛肚好夠味好正

今日與朋友提起已經有一段時間沒有到過東九龍區，朋友心血來潮，提議到將軍澳中心逛逛。我和朋友都十分喜歡台灣的美食，所以一看到商場內有一間充滿台式風味的食堂，便忍不住排隊入內嚐嚐。餐廳內有很多別具特色的台式擺設，令我即時回想起前陣子在台灣吃過的一間小食店。我和友人都愛吃辣，所以點了一碗「地獄牛肉麵」，一試到底有多辣。牛肉麵的份量很大，辣度適中，湯底帶點麻香，我和友人喝過一口又一口，真是會令人上癮。我們亦點了一客酥炸雞排肉燥飯，雞排外皮炸得酥脆，口感一流。肉燥飯上是滿滿的肉燥，吃着吃着感到有點罪疚感。這間餐廳的名字叫「桂花小幸」，我們當然不會錯過它的招牌菜「桂花雞翼」。雞翼同樣炸得香脆可口，蘸著清甜的桂花醬，入口感覺清新。我們吃完離開的時候，門外仍排着長長的隊伍，相信很多人對這間台式小店亦「情有獨鍾」。

朋友約食飯，大家都係將軍澳街坊就係番附近食啦決定試下將軍澳廣場呢間台灣野，桂花小幸。放工成日經過都好多人排隊架，今日早少少6點幾拎到位, yeah! 叫左最大路既肉燥飯，牛腩麵，酥炸排骨，仲有個新野蕃茄湯底麵配炸雞扒。肉燥飯夠濃味好好食呀，配埋滷水蛋送多碗飯都仲得! 我自己最鍾意個牛腩麵，牛腩好淋，湯底好味唔會口渴，一定無味精，哈哈！ 麵又夠彈有咬口👍 必食推介！ 酥炸排骨好脆口，炸雞扒都唔錯唔會好油。另外叫左個餡餅，比想像中好食呀，勁juicy 多汁。仲有台式野飲都有正常水準！ 最重要係，呢間價錢好實惠呀，值得我地encore!!☺️☺️

食物分量大份，味道ok,但服務差，上滷水蛋時，侍應手指掂到蛋，碟台灣烤香腸仲有2片沒食晒，侍應冇出聲忽然就收走左，嗌到都嗌唔切已經急步走左，ok,冇下次來幫襯。

今日去左將軍澳廣場，順便食野，之後就黎左呢間＜桂花小幸＞。呢間野好多時都好多人，裏面裝修風格很有台灣文青feel，牆上寫了很多很有意思的句子。他們點餐是先到收銀落單，然後就會有人送到你的枱號。下午茶選擇頗多，最後選了T14＜滷水蛋滷肉飯配上湯浸時菜＞，另外叫了一個小食，＜台灣烤香腸＞。＜滷水蛋滷肉飯＞滷水蛋很有滷水味，滷肉肥瘦均勻，加埋少少既冬菇，拌飯吃一流。😋＜上湯浸時菜＞湯底比較清淡，明顯沒有落味精，d娃娃菜食落清甜，唔錯＜台灣烤香腸＞賣相幾靚，食落口甜甜地，唔咸。下次試下食其他野先😋

上星期喺將軍澳Popcorn行街，行吓行吓就行咗去隔離個商場，見到個鋪頭嘅環境好文青，已經成兩點但出面仲排晒長龍，於是就拉埋個friend入去食，結果又幾好味喎-酥炸排骨麵 $58（紅燒牛肉湯）排骨的口感偏乾，如果濕潤少少口感會更好芝士奶蓋鐵觀音 $21奶蓋嘅味道幾好，加埋鐵觀音一齊飲唔會好油膩鹽酥雞份量大，雞肉新鮮熱辣，幾嫩口唔會炸得好乾，食落口唔會油淋淋，炸粉落得啱啱好。滷肉飯份量充足，肉不會太肥，食落口唔會好油膩，再加埋d配菜絕對係perfect match