桂花小幸 (將軍澳廣場)

营业中

休息中

呢排成日同仔仔去街，係時候做下孝順女帶媽咪食下野，媽咪話想食番茄湯底的麵，我一諗就醒起桂花小幸的下午茶餐有，就同媽咪shopping加食下午茶了。行完街特別肚餓，我地一人叫左個下午茶餐， 紅燒鹽酥雞扒麵 《轉麻辣牛肉湯小辣》+ 蜂蜜綠茶紅燒腱心牛肉麵 《轉特濃番茄湯》+ 梅子綠茶 加手拍小黃瓜， 麻辣爽豬肚， 古早味鹵水拼盤我的雞扒新鮮炸起，好酥脆， 麻辣牛肉湯夠濃味岩我 ， 媽咪的牛肉夠淋，湯底超濃，媽咪話個湯好多番茄好正，而個麵底好彈牙，我地估係自家制。麻辣爽豬肚， 我地覺得淋左dd ，但個麻辣味道一流，開始食時唔覺辣和麻，越食d 味就越出，搞到我係咁飲綠茶。 古早味鹵水拼盤 《腱心牛肉，牛肚，雞翼，蛋》~成碟鹵水夠哂入味，而且份量多，好抵食。另外我地仲買左兩杯呢到最出名的黑糖珍珠鮮奶返去比仔仔和老豆飲。

✨中女獨食難肥日誌 ✨桂花小幸 B+BC Cafe 將軍澳美食將軍澳都有不少台式食品😌想念台灣的味道時總有一兩間選擇，在家附近這家桂花小幸經常有人龍，一試是否好吃😆環境台式小清新感覺105三盛牛肉麵(紅燒湯) $68有齊牛腩、牛展及牛丸，牛腩好有牛味！讚！麵身亦彈牙，不錯吃！鹽酥花枝丸(5粒) $38花枝丸，好大一顆，好酥，丸中間有花枝粒涼拌貓耳朵 $12酸酸的前菜，爽口令人有食慾，才$12算抵吃黃金麥茶(熱) $6跟餐加錢轉了黃金麥茶，香麥味鹽酥雞排滷肉飯上湯浸時菜烏豆南棗燉牛展 $76整個燉湯餐份量很足！一定夠飽😂鹽酥雞扒大大塊，好酥脆，不會太乾，炸粉亦不厚，不錯！滷肉飯，平時在香港吃滷肉感覺都不太正宗，這裡的可以吃到到粒粒滷肉，味道夠，份量亦夠大份台灣烤香腸 $28香香甜甜的台灣腸，是不錯的小食芒果沙冰 $27選了微糖還是偏甜，怕甜的朋友可能要選無糖了📮地址: 桂花小幸 B+BC Cafe將軍澳唐德街1號將軍澳廣場1樓133-135號舖☎電話: +852-31062238

朋友係將軍澳收工，窩心的我梗係去嗰面接佢啦今次就佢帶路，話廣場入面有間位置唔算特別方便，但好多人都去食嘅，話都幾抵食首先就係2杯飲品芝士奶蓋玫瑰茶 ($28)一飲落去就係濃濃嘅芝士味，茶味唔算太濃檸檬蜜桃冰沙 ($32)有少少失望糖嘅分量感覺重手左少少，糖水味較重，不過鐘意飲甜味嘅人應該會鐘意滷水牛肚（$38）推介好大碟而且每舊牛肚都好林好入味手拍小黃瓜 （套餐 +$12）見佢幾平，同埋我超級鐘意食青瓜酸酸甜甜開胃一流鹽酥雞扒滷肉飯套餐 （$76）滷水蛋牛腩雞肉飯套餐 （$83）望到2個套餐，就發現佢嘅餸都好足料，雞扒係切好了再炸，牛腩都好林而且例湯都超足料derr 唔似其他店鋪只有湯水總結而言，朋友都冇介紹錯

身為無飯夫妻的我們又在家附近吃晚餐，平日晚上8點都要等10 張台，但流轉都算快，大概15分鐘便有位置在等位時已想好吃什麼，而且旁邊也有我最愛的台式飲品部，堂食可以減$5 買飲品餐廳是先坐下再出去買票，下完單餐廳是神速的把餐送上酥炸排骨滷肉飯套餐 - 這個真是超划算！有上湯浸菜和老火燉湯，對於經常外出晚飯的人來說是恩物，營養均衡點椰子燉雞湯 - 燉湯是每日不同的，燉湯非常足料又清甜酥炸排骨炸得香脆可口，肉質鮮嫩滷肉飯不會很肥，滷肉拌飯是絕配特盛紅燒四寶麵 - 有滷水蛋，豬手，花枝丸和腱心牛肉。份量是超多的！腱心牛肉非想軟腍！晚餐還可以加配小食，涼拌貓耳朵酸甜爽口，滷水豆腐則非常入味芝士奶蓋阿華田 - 芝士奶蓋香滑而不膩，配阿華田是出奇地夾木瓜牛奶 - 木瓜是超足料！木瓜牛奶也是絕配這間台式餐廳非常足料，不用加一，最重要是有啖湯飲，必定會再來

中午在桂花小幸食飯，品嚐一下台灣味道，打個卡，扮一下偽文青。講真，呢度幾有書卷味，斯斯文文又有復古情懷。好岩忙碌的香港人，稍做短暫的休息。文化氣息很濃，「成熟不是心變老，而是眼淚在眼裏打轉，卻還保持微笑」一語猶如心靈雞湯，很窩心也很鼓勵。叫一杯台式飲品，鐵觀音珍珠鮮奶茶，鐵觀音茶味好出，鮮奶好綿滑，口感佳。滷水蛋牛腩滷肉飯，牛腩分開裝，份量好滿足吖！牛腩燒得好爛，肉質唔錯，又很入味。滷肉飯好吸引！滷肉大粒，不算肥，雞翼配飯好抵食，一碟四隻雞翼，雞翼入味，肉質嫩滑。小食方面很正宗，台灣香腸皮脆肉香，伴蒜片食用更惹味。花枝丸特級大粒，啖啖滿足。

我外賣叫左兩個餐，其中一個餐想要個湯，我本身唔知個餐包唔包，所以問收銀員，佢話包，咁我俾錢啦⋯⋯點知我睇清楚張單之後，發覺佢原來個餐唔包湯，咁我就即刻去話想加返單啦。前後加埋唔夠3分鐘，職員話冇得加返，因為已經出左單🤦🏼‍♀️好啦，咁我繼續等我本身叫個外賣，等左20分鐘，眼見都未有，我懷疑佢根本未出我個餐但廢時做多d野所以唔加返俾我囉...為左自己方便，明明係自己失誤都唔加返俾我，間舖大部分員工都好似唔知自己做緊d乜咁😡！

天氣漸涼，興起想飲一些滋潤湯水補一補，諗起將軍澳廣場 的「桂花小幸」有養身湯飯，今日相約了家姐一齊去試試。二人點了一個 蟲早花杞子豬肚雞湯飯和三個小食- 桂花雞翼(5隻、鹽酥花枝丸(5粒)、台灣烤香腸，再配了兩杯飲品 – 幸福紅豆與豆乳(熱)、生薑奶茶，埋單$220，價錢算實惠。餐廳裝修極具文青風格，簡約自然，地方不算大，氣氛很悠閒。蟲早花杞子豬肚雞湯飯$73，材料十足，藥材味芳香濃郁，滋陰養胃，食後感覺很溫曖。桂花雞翼(5隻)$38，色澤金黃，賣相很靚，味道也很好，桂花味很香，配甜甜的蜜糖，更加美味！鹽酥花枝丸(5粒)$38，咬開有細細的墨魚粒，爽口彈牙。台灣烤香腸$28，很有台灣風味，香腸肥瘦比例適中。幸福紅豆與豆乳(熱)$24，豆味香濃，不太甜，真係有幸福感覺呀(家姐話)。生薑奶茶$19，薑味濃郁，很暖胃，非常足料，杯底有很多生薑絲。餐廳整體感覺很舒適，價錢合理，服務不錯，交通方便，食物有台灣特色風味，而且沒有加一服務費，值得推薦！

食物不過不失，芝士奶蓋冇芝士味，不過最想講下呢度嘅服務。呢度係需要出去自己買嘢食，職員安排指定位置叫我哋坐，就叫我哋記低咩檯號出去買嘢食，但點餐前後到我哋已經食緊嘢期間，又多次要求我們轉檯，但態度惡劣，我哋拒絕就比說話我哋聽，我哋再大聲表達自己意向時，礙於其他客人喺度就表面態度轉好，返埋位即刻將我哋位嘅冷氣開到最大，肯定並非偶然，朋友凍到只能即刻搵外套著。呢位相信應該並非普通員工（所有員工都只係著黑色制服但佢唔係），可能係經理，但態度咁囂張唔排除係老闆，相信服務態度唔會有改善。

<午餐台一下喔～🇼🇸>_ 桂花小幸-酥炸排骨滷肉飯$58+珍珠奶茶$10 _行山前先補充下，澱粉質同脂肪先🙈，今次就去咗位於將軍澳廣場嘅桂花小幸吃一吃滷肉飯先，依度係自助下單，去收銀處俾完錢就有專人幫你送餐，今日食嘅喺酥炸排骨滷肉飯，作為澱粉質小孩啖飯一入口，飯粒粒分明，有米香，滷肉喺屬於肉碎滷汁味香濃，唔會太過鹹，不錯喔🥰，再試埋酥炸排骨，酥排骨香口，肉唔鞋口，巧喜歡喔💕，配埋唔太甜嘅珍珠奶茶，包包表示好喜歡喔💕台灣我想你了👶🏻_🎈Rating:8.5/10

將軍澳有間台式餐廳，次次行過中國銀行都想試吓今次終於有機會 麻辣三寶米線番茄湯 番茄湯 送細黃瓜三寶分別有牛肚 牛丸同水餃牛肚爽口 牛丸有牛味 水餃皮太厚 不過蕃茄湯底都唔錯 酸酸地好開胃滷水牛肚米線 朋友同樣都係揀咗蕃茄湯底，另外都有麻辣湯底，紅燒牛肉湯底。煎餃子四隻 煎餃子比湯餃就出色得多，食落好香口，個皮煎得脆脆地水漾鮮果茶堂食嘢飲可以減$5，叫咗水果茶，入邊有五六款水果好似西柚橙蘋果等等，飲落都好清新，甜到啱啱好。黑白珍珠豆奶黑糖珍珠鮮奶就飲得多，原來豆漿同埋黑糖珍珠都幾夾。

放工專登找個朋友晚飯，所以就去到了將軍澳那邊。因為我食完飯就要搭車走，朋友就帶我去到將軍澳中心，因為夠方便。而我行了一圈後，就決定選這間台灣菜—桂花小幸。餐廳晚上都比較多人，大家都很喜歡食台式食物。我和朋友就一人點一份，大家share。⮩ 1. 鹽酥雞排滷肉飯我自己就先點一個飯，因為剛剛放工過來將軍澳都有點肚餓。鹽酥雞加滷肉飯絕對是台式食品的招牌，桂花小幸的鹽酥雞弄得非常之香口，份量充足，而且晚市定食套餐還配上原盅燉湯，非常清新及足料！吃完比較熱氣的鹽酥雞，再飲一口燉湯，最好不過。⮩ 2. 麻辣三寶米線套餐朋友就點了麻辣米線，配料就有牛丸、豬肚和水餃。小辣的湯底，有著陣陣的台式甜味，所以比其他麻辣湯底更加容易入口。而且配料份量亦相當充裕，跟餐亦附有手拍小黃瓜，亦可以降低其辣感。台灣菜，少不免台式飲品，我們一人一杯，因為女孩子的關係，還是喝熱飲較好。⮩ 3. 鐵觀音珍珠鮮奶茶我們叫了這裡推介的熱門飲品，今日天氣開始轉涼，和朋友也不太想喝凍飲，試試熱飲會不會同樣好飲。鐵觀音茶雖則加了奶，但茶香依然未被掩蓋，茶味回甘。香滑的奶泡沫加入茶中更為香甜且不過火，都要讚讚剛煮好的珍珠，不硬但帶點彈牙

將軍澳區呢幾年發展非常迅速，由當區既樓宇興建、商場配套就已經可以感受到。形形色色既食肆當行其道，開得成行成市，而近期台式食店既話題更是愈來愈多。🤗🤗🤗🤗將軍澳廣場內食肆選擇真是多不勝數，如果要講及人流客人排隊既情況，一定要選擇「桂花小幸」，桂花小幸連同旁邊既台式特飲店BC Cafe基本上是同一間餐廳，客人可以先於桂花小幸點選主食套餐，再同時下單點選特飲🥤🥤🥤1. 鬆炸雞扒肉燥飯🍚🍚🍚如圖所見，肉燥粒不是仿間餐廳非常細既尺寸，反而較大，入口更有口感。而且桂花小幸自家制作既肉燥醬汁相對濃郁，酥炸雞扒夠大塊，雞皮炸得酥鬆，雞肉非常嫩滑🥰🥰🥰另外，特盛四寶麵（蕃茄湯🍅🍅）同樣出色，蕃茄湯底較酸甜，特別醒胃，而且四寶配料包括秘製豬手、牛𦟌、台式花枝丸及鹵蛋，將台灣地道小食全收於麵內。豬手夠軟腍、花枝丸夠彈牙、牛𦟌非常入味，更重要是台式麵條既煙韌度很高，入口非常彈牙😌😌😌除主食外，亦選了塔香三杯雞🐔🐔，雞件預先炸香，再加入八里香及煮酒，讓雞肉肉質更嫩滑🥰🥰主食以外，當然亦點了台式特飲，桂花小幸招牌「夏日水漾鮮果茶」，集合西柚肉、檸檬、火龍果等，令紅茶果味更濃，更見清甜😌😌女士們則可以選「桂花薑茶」

將軍澳廣場有間幾靚嘅餐廳叫做桂花小幸，入邊嘅裝修都唔錯有好多木嘅擺設，感覺上都有啲似Cafe今日中午行過又未食午飯就黎試吓，叫咗個滷水蛋牛腩滷肉飯午餐$78包左一杯嘢飲同埋三款涼菜分別係茄子青瓜同埋木耳 ，都幾開胃滷肉飯滷得唔錯，鹹鹹地濕濕地好下飯牛腩就唔夠淋，偏硬同埋乾 。另外叫咗個蟲草花杞子豬肚雞湯，配上一碗白飯雞湯有少少花雕酒味唔錯，另外雞肉都幾滑，入邊有木耳蟲草花同埋娃娃菜，都幾健康㗎。另外加$6可以要紫菜魚丸湯，滷水蛋滷水豆腐同埋一大碗時菜都唔錯。嘢飲方面就叫咗個黑糖珍珠鮮奶同埋水果茶。堂食可以減$5 $23左右有一杯

將軍澳都有台灣美食喇！每次行過都好多人排，不過好在openrice 有排隊功能可以拎定籌慢慢等！⁣餐廳裝修都好文青風，牆上面都有台灣風景嘅明信片，又有空間感，坐得都幾舒服，門口位置有外帶手搖飲品可以嗌添！⁣今次食左晚市set, 其實都幾抵食，包上湯時菜同燉湯。菜同燉湯款式都會轉，今晚係娃娃菜同排骨湯😍主食方面嗌左鹽酥雞排（HKD 76)同三拼牛肉（腱心牛肉、牛腩、牛丸）（HKD 88) 。鹽酥雞排新鮮炸起，食落脆卜卜，炸粉都唔厚，雞排份量都幾多。三拼牛肉個滷水好正，牛腩同腱心牛肉都炆得好淋！飯方面可以揀滷肉或雞肉飯，份量都好多，包你可以一啖餸一啖飯配住嚟食😋小食嗌左煎餃子！（HKD 28/4隻）個人最中意個皮煎到脆脆地咁食，個份量完全夠一啖一隻，咬落都有肉汁鎖住喺入面。話明台式就一定要試埋手搖飲品，分別叫左芝士奶蓋桂花烏龍茶（HKD28)同芝士奶蓋白桃烏龍茶 (HKD 28). 面嗰層芝士奶蓋有淡淡嘅芝士味，配返底嗰層烏龍茶好清新，衣家都好少見個茶底有成個茶包浸住，不過有茶包反而可以確保個茶味可以keep 到最後！呢個做法值得一讚！

早2天同事說佢同亞媽去將軍澳睇完戲找到一間叫:桂花小幸(將軍澳廣場)是食台灣食物唔錯幾好，叫我有時間去試下，所以今晚我叫左朋友一齊去食下完。鹽酥雞排麵(清雞湯)$58，雞排好大塊，但是比較乾身，味道就好好，麵質滑嘟嘟不會太硬和太腍都適中。麻醬雞絲冷麵配涼拌貓耳朵，$52，把雞肉絲、爽脆青瓜絲、有口感的蛋絲和麻醬混埋一齊十分惹味，加上爽脆帶有少少酸溜溜的貓耳好開胃，這個直得推介好味。煎餃子(4隻)$28，餡料十足漲卜卜，皮薄又脆脆地。鹽酥花枝丸(3粒)$23，都幾大粒而且非常爽口又彈牙，面上鋪有少少鹽味咸咸地，味道剛剛好唔錯。手拍小黃瓜$12，味道比較淡口，青瓜很新鮮爽脆。滷水豆腐$6，豆腐好有台灣豆腐的風味，有黃豆香而QQ彈牙，味道剛好。芝士奶蓋桂花烏龍茶(凍)$23，芝士味濃厚，帶有陣陣桂花香，都算清新感覺。百香果QQ綠茶(凍)$15，百香果帶微酸，果肉QQ彈牙，飲落口覺得唔錯，因為不會太甜有又少少酸都幾好飲。我們都食都好飽，所以一齊行下商場當做運動。😋😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊