桂花小幸 (將軍澳廣場)

营业中

休息中

晚上同屋企人想食台灣野，近近地就諗起黎到e間小店😆店內裝修都幾寬落，有卡位同4人枱。揀好食物就可以自行出去櫃枱比錢👍🏻睇下餐牌，都有唔少地道嘅台灣野食。我哋點左以下：🌼紅燒牛筋三寶麵-紅燒湯三寶麵就緊係入面有3種主菜喇☺️入面有牛筋，牛腩同金錢肚😋全部都好入味，牛筋食落好腍，牛腩又唔會太老，金錢肚好香滷水味☺️ 台灣麵好有口感🤩🌼原盅燉湯配湯時菜&滷水蛋滷肉飯 原盅燉湯係木瓜煲雞腳，味道好香木瓜味，帶香甜味道。滷水蛋滷肉飯，口感唔會太膩👍🏻 滷肉粒粒分明😋🌼煎餃子(4隻 )餃子🥟煎得好香，外皮香脆，入面肉汁滿滿🥰🌼鹽酥花枝丸(3粒)花枝丸入面真係有粒粒花枝😍🌻黑糖仙草凍鮮奶天氣熱熱食返杯仙草真係超消暑🥳有香香黑糖鮮奶味😊🌻芝士奶蓋抹茶抹茶味好濃🤩加埋芝士奶蓋更有層次👍🏻

住喺將軍澳嘅朋友好鍾意食台灣菜，所以幫襯了位於將軍澳廣場嘅「桂花小幸」星期日下午2點，以為避開正午繁忙時間無咁多人，黎到都要坐5分鐘先可以入座。有優雅的卡位坐好舒服。餐廳內設有自助水吧。餐牌有好多選擇，有飯、麵、小食同飲品1. 紫菜魚丸湯($10)、涼伴黑醋茄子($10)、滷水蛋($8)。三款小食價錢優惠，亦有一定水準，特別係涼伴黑醋茄子，味道酸酸地，食咗令人好開胃嘅前菜2. 椒鹽花枝丸(3粒)($26)，炸得外脆內熱，內有粒粒花枝肉，配上椒鹽，十分可口3. 三盛紅燒牛肉麵($75)，內有腱心牛肉、牛腩、牛筋。紅燒湯底濃郁，牛筋好腍，牛肉同牛腩好入味，而且份糧好足，入口好有台灣味道，一碗已令人好滿足4. 秘罈酸菜魚湯飯($73)，湯底酸度適中，有好多芫荽，好適合鍾意食芫茜嘅我。另外，魚片肉份糧多，一碗飯食完仲有好多湯同餸，抵食之選5. 蜂蜜檸檬蘆薈($21)、夏日水漾鮮果茶($29)。兩杯飲品好足料，特別係鮮果茶有好多鮮果肉，可以一邊飲一邊食，兩種享受整體來講，餐廳環境舒適，食物水準高尚，充滿台灣味道，價錢優惠，可以一試再試。

位於將軍澳唐德街1號將軍澳廣場1樓133-135號舖的桂花小幸是充滿台灣氣息嘅餐廳！餐廳以自助形式落單！再返回座位等嘢食！稍微有少少不方便！但係佢嘅牛肉麵同湯底都十分出色！係會令人再三回味的台灣菜

桂花小幸除了麵食外，尚有原盅燉湯定食套餐及小食，一人獨享可以樣樣各試一點。涼拌貓耳朵 套餐可以加錢叫點小食。涼拌貓耳朵爽脆中又帶點醋酸味，雖然見到有辣椒絲但其實味道不太辣，清清爽爽作為前菜很不錯。滷水蛋牛腩滷肉飯套餐已包一隻滷水蛋，滷蛋切半，滷水輕輕將蛋白染成啡色，顏色對板，入口亦帶點滷水味，蛋黃濃郁甜美而蛋白嫩滑清爽。牛腩有四大條，肉質軟腍中帶咬口，肉味亦見濃郁。滷肉飯的豬肉粒富有油香，肥瘦均勻，醬油味道濃厚，配飯一流。原盅燉湯是日燉湯為老黃瓜粟米黃豆豬骨湯，燉湯顏色清澈，老黃瓜解暑清熱利濕，很合夏天飲用。上湯浸時菜定食附送上湯浸娃娃菜，娃娃菜味道嫩口鮮甜。仙氣火龍果茶仙氣火龍果茶很像紅肉火龍果汁，清甜解渴，顏色紅紅的很美。

幾年前跟朋友去台北旅行, 發現地道夜市美食十分出色. 老老實實, 我喺香港唔特別留意 “台灣菜”, 印象只係珍珠奶茶同埋土司.🥰 神推鬼㧬, 今日同老友 “強記” 嚟台灣食店 “桂花小幸” 開飯. 餐廳裝修優雅, 帶文化氣息, 比茶餐廳高一級, 以方枱為主, 另設三張特色卡位. 今餐點咗滷水豬手, 原盅燉湯套餐 (鹽酥雞扒滷肉飯), 紅燒半筋半腩牛肉麵, 兩杯特色飲品.今日小幸運, 有機會坐特色卡位! 座位舒服, 裝飾別緻, 十個讚!🐖 小食: 滷水豬手. 夠腍夠滑, 味道似甜豉油多過滷水, 好味道.🥣 原盅燉湯: 綠豆薏米蓮藕燉排骨. 足料, 綠豆薏米味重, 有誠意. 🐓 鹽酥雞扒. 雞肉夠嫩滑, 可惜炸皮略硬. 🍙 滷肉飯. 肉燥肥瘦適中, 味道不俗.🐂 紅燒半筋半腩牛肉麵. 📖 翻查資料: 戰後中華民國政府遷台後, 渡海外省老兵融合家鄉風味與台灣地道元素, 製成牛肉麵. 聽講 “紅燒” 其實係由成都川菜 “小碗紅湯牛肉” 演變而成.🥰 講番食物, 牛腩半肥瘦, 口感一流, 味道出色! 牛筋夠腍, 份量都唔少喎. 論湯底, 味濃, 微辣, 少少藥材味, 全部飲晒, 一滴不留.🧋 特

今晚同男朋友又黎依間台灣餐廳😋餐廳台灣菜式選擇多，而且價錢十分合理又美味。已經成為我倆的飯堂🍚-我地點左「原盅燉湯定食套餐」😋-➡️有主菜、上湯浸時菜及原盅燉湯🔸上湯浸娃娃菜，鮮嫩清甜🔸燉湯是花生眉頭雞腳湯，湯鮮味美不油膩，清熱祛濕，很適合夏日消暑的時令湯水。-❤️鹽酥雞扒滷肉飯 每次去台灣旅行時必吃的一款地道菜。餐廳的鹽酥雞大大件，色澤金黃漂亮，入口酥香。油瀝得夠乾，沒有油膩感，吃得滋味。滷肉飯的醬汁跟米飯的比例亦恰到好處。-❤️煲仔•塔香三杯雞定食三杯雞亦很有水準，香氣迷人不死鹹，雞肉有光澤彈牙。-我們還加了數款小食😋🔸涼拌黑醋茄子🍆 茄子肥美飽滿，加入黑醋中和膩滯感。🔸滷水豆腐 豆腐嫩口很入味🔸手拍黃瓜🥒爽口非常，適合夏天的小菜-🔹現做煎餃子 🥟 餃子皮香口，一口咬下有爆汁的滋味。-除了食物，飲品亦很有水準🔺蜂蜜檸檬蘆薈味道酸酸甜甜解膩解渴🔺日式紅豆抹茶 抹茶味道香醇，加入紅豆有咬口，不會偏甜。

I usually went to this restaurant to eat the chicken rice 🍚, it’s very juicy and yummyI also go with my family, they also like this restaurant, moreover, the staff is so nice I highly recommend to all of you to try this restaurant Besides, the restaurant is self ordering mode, so kind of convenient to me

每次落樓下經過都見到有條人龍😳趁今日收早就早啲去食個dinner先😎餐廳播住多首經典台灣歌 超有feel滴☺️(有無人都係聽一個人想著一個人嗰個年代🤣)-🍱紅燒三寶牛肉定食 $93 定食連上湯浸時菜同原盅燉湯 冬瓜湯好好飲😛牛三寶包括牛筋、牛腩同牛肚 最鍾意黏口嘅牛筋!小食必加配涼拌貓耳朵 醋勁十足 超正😎-🍜麻辣蕃茄豬肚米線 $56蕃茄湯好濃郁 麻辣醬係另上嘅 加入湯超正!!係蕃茄得黎又有種四川麻口感 唔會好辣🍅而豬肚份量超慷慨 起碼有成15件 大滿足😝-嗌套餐加配茶研社飲品 可以正價-$5飲品種類極多 實有一款岩你口味🤣仙氣火龍果茶($34)好特別 light之選~黑糖仙草凍鮮奶($32)過奶茶癮同時透心涼🧋

周三吉日有特價, 特地到這邊來入貨. 入貨前, 要先食飽. 來到熟悉的台式餐館就座, 點菜付款, 就要和小米商量TAKE THAT目標.           秘罈酸菜魚米線     看到新品上市, 小米就想試試.  大大碗米線上層有彎彎的魚肉和大量酸菜. 其實湯底以薑的辣和酸菜的酸為主調, 没有花椒=没有麻辣. 不過看到小米把魚肉掃光後就狂吮米線, 很快手就把整碗都消滅了.           煲仔塔香三杯雞定食    一早知道三杯雞是醬油米酒&麻油三種調味料烹調而成, 可是自己不會煮. 而多次光顧, 也未曾嚐過三杯雞. 最後在牛和雞定食之中, 選擇三杯雞. 先夾出雞胸! 雞胸肉肉質滑滑, 這個雞合格了! 而帶著九層塔香的雞件很惹味, 好下飯.          滷水蛋  有雞肉, 又想要雞蛋.  而滷水蛋的小碟子, 用來做骨碟吧!          鹽酥花枝丸  花枝丸有粒粒花枝肉     日式紅豆抺茶 小米對奶類敏感, 而剛好小米又喜抺茶, 所以點了這款.     黑糖珍珠鮮奶   台灣名物, 就想要來一杯. 無奈自己了告訴職員要熱飲, 現在就變成凍飲了! 反正間中會來廣, 下次一

「桂花小幸」嘅食物同質素都幾高，絕對係翻食之選😬.麻辣牛肚麵🌶湯底麻香中辣😋牛肚份量多，腍韌度適中，另外有蘿蔔🥕生菜🥬麵質爽滑掛汁👍🏻蕃茄花枝丸麵🍜蕃茄香濃偏酸😙仲有2嚿新鮮蕃茄🤤花枝丸大大粒😍爽囗彈牙，仲有好多魷魚粒🦑.雞翅膀滷肉飯🍚滷水雞翅膀入味🐥微微鹹甜，肉質軟嫩滷肉肥瘦平均🐖相對油潤😛撈飯食一流🥢.台灣烤香腸🐷外面薄脆😉質感香軟帶甜😌.涼拌貓耳朵🥢味道少少酸辣，好爽口😆.涼拌黑醋茄子🍆厚切茄子軟腍多汁😋.夏日水漾鮮果茶🍹有火龍果、藍莓🫐士多啤梨🍓西柚、青檸、檸檬和🍋水果新鮮，配上少甜清新茶底🍵.芝士奶蓋阿里山金萱🥤阿里山金萱味清香， 芝士奶蓋鹹香濃厚🧀

煲仔•塔香三杯雞定食配上湯浸時菜及白飯（單點$73），雞肉肉嫩多汁，加入米酒、醬油、麻油煮製，食落充滿九層塔、洋蔥香味；上湯浸時菜，娃娃菜口感軟腍；白飯口感軟硬適中。特濃蕃茄湯鹽酥雞排麵（單點$63），鹽酥雞排份量大，口感外酥脆內嫩滑，但椒鹽味道略為不足；特濃蕃茄湯內有洋蔥、蕃茄；台灣麵口感爽滑。3粒椒鹽花枝丸（單點$26），內有花枝粒，食落有鮮味。涼拌貓耳朵（單點$9），味道酸辣，食落好惹味。手拍小黃瓜（單點$9），口感爽脆，味道酸溜。涼拌黑醋茄子（單點$9），口感軟腍，食落好Juicy，配以辣椒、蒜蓉食用，味道更佳。紫菜魚丸湯（單點$9），魚丸口感彈牙，內有香菇。夏日水漾鮮果茶（跟餐$29），包括有火龍果、青檸、檸檬、藍莓、草莓、蘋果，味道酸甜，飲落好清爽。黑糖仙草凍鮮奶（跟餐$27），黑糖好掛杯，仙草口感滑溜，鮮奶奶味醇厚。

好耐無出黎同朋友食飯，約左個朋友係將軍澳食飯，叫左個原盅燉湯時菜滷水蛋牛腩滷肉飯，燉湯有淡淡既鮮味，啱哂我呢類平時唔得閒煲湯既人。而牛腩滷肉飯亦煮得好好，飯就唔講，但牛腩真係好值得讚。牛腩份量好多，而且煮得好腍好入味，配飯食真係一流。 朋友話要養生，叫左個蟲草花杞子雞湯飯，湯飯都唔係好多地方有，而好食既湯飯更加係。呢個湯飯既湯好濃郁，而且飲得出唔係得味精味，以呢個價錢嚟講絕對係超值。而餐廳亦好貼心咁將湯同飯分開上，食客可以自己揀每啖有幾多飯同湯。 自從疫情之後真係少咗飲台式飲品，而呢間餐廳可以坐低飲，好舒適。呢個夏日水漾鮮果茶亦係我疫情之後第一杯台式飲品，都好慶幸水果茶既質素非常好。水果茶好鮮味，味道都好甜，重要係甜得嚟唔係落糖，而係有果香既甜味。而水果份量亦好足，飲完差唔多好似食咗一個生果咁，好健康。 呢杯黑糖珍珠鮮奶既鮮奶好鮮味，奶香十足，而珍珠亦煮得好腍，好好咬口。不過鮮奶本身偏甜，如果想飲淡味D既朋友可能比較適合揀其他飲品。

入將軍澳逛逛，黃昏時段於桂花小幸吃一餐台菜。酥炸排骨滷肉飯晚市套餐~配上湯浸時菜(娃娃菜)，仲有原盅燉湯，今燉湯係無花果雪梨豬骨雞腳湯，好有益~酥炸排骨熱辣辣，即叫即炸，外層香脆可口~滷肉飯~大大碗，鋪滿濃汁香菇滷肉，啖啖美味可口。三盛紅燒牛肉麵(腱心牛肉、牛腩、牛筋)~大大塊牛肉(牛展)~牛腩炆得好淋好夠味~牛筋滑捋捋好軟淋~麵條質地爽口，配合紅燒湯底，越食越滋味 ~涼拌茄子(跟餐加$10有一個小吃，加$18有兩個)，茄子加入蒜蓉及小小麻辣香油~蕃茄濃湯水餃(四隻)~大大隻，餡料豐富。仙氣火龍果茶~味道香甜，感覺清新，顏色可愛好受女孩子歡迎。芝士奶蓋白桃烏龍茶~烏龍茶味道夠濃，芝士奶蓋入口香滑。

每次諗唔到晚餐食乜好既時候都會想起桂花小幸，正宗既台灣既味道加上親民既價錢令我將尼間餐廳成為飯堂。✨🍲秘罈酸菜魚米線$73🐟近期既新菜單多左酸菜魚米線，魚肉份量夠多，嫩滑有咬口，而且酸菜湯酸辣度剛剛好，啱我唔食得辣既口味。酥炸排骨滷肉飯$59🐖每次必點既排骨滷肉飯，排骨表面鬆化可口，而且台灣滷肉非常好味，配搭米飯一流。台灣烤香腸$28台灣街頭小吃簡直係我既至愛，帶點甜味既烤香腸口感豐富，食完想再食。👏🏻鹽酥花枝丸$26另一至愛街頭小吃鹽酥花枝丸，每粒份量等同乒乓波大，外皮炸得香脆，裡面爽口彈牙，絕對推介。👍🏻🌰另外配飯麵加$18已經有兩款小食，性價比非常高，必點！🍡🍢

平時一到晚餐嘅時間又或者係假期嘅午餐時間就會排長龍😖 作為擁躉嘅我特登搵咗weekday去食lunch😋首先叫咗我最愛既麻辣牛肚($42) 有食過就知依碟既份量係爆多😂不過辣道就唔係個個都頂得順啦，有譚仔中辣😂 鹽酥雞扒滷肉飯($59)又一個物超所值既item，鹽酥雞扒外脆內軟即叫即炸，雖然炸粉有啲厚但反而令我覺得好香口。特盛秘罈酸菜魚($128)我哋叫咗呢個二人份量嘅酸菜魚，魚肉香滑爽口，酸菜幾醒胃，加上一碗白飯就更加無得頂👍🏻士林胡椒豬肚湯飯($62)呢個豬肚湯我會俾滿分😂😂 因為佢既胡椒味好！夠！重！但係飲完又唔會好口渴好似飲咗味精咁，奶白色既湯底令人食慾大增最後又點少得呢度嘅招牌黑糖鮮奶同鮮果茶♥️💯 抵食又有質素，抵我一路都有幫襯