校長燒肉日韓料理 (大埔廣場)

营业中

休息中

大埔中心開咗一間燒肉店，成日都好多人排隊，今日終於有機會同朋友一齊去，一入到去，規模好大，用唔同種類嘅食物選擇，總有一款啱。職員安排我哋坐低之後，發現原來除咗燒肉，仲可以打邊爐，滿足晒大家所有嘅需要。餐廳仲提供好多熟食，有熱湯，有壽司等咁不過我哋係黎食燒肉嘅，咁梗係食咗燒肉先啦。一口牛肉粒一口牛肉粒容易燒，好快就食得，肉質豐富，亦都好多肉汁，唔錯嘅選擇土匪雞翼／韓式雞翼／印度雞翼鍾意食雞翼嘅朋友有福了，有三隻唔同味嘅雞翼，土匪雞翼就最好味，味道啱啱好蒜香一口豚，豚肉好香蒜味，肉質唔錯蒜香豬扒，豬扒都唔錯，好有口感金沙骨，呢度連金沙骨都有，真係冇得頂，金沙個醃到啱啱好，好好味仲有各式各樣嘅飲品，多到不能盡錄亦都值得一讚呢度嘅服務，服務員做嘢好快手，收碟速度又好快，好勤力埋單每人都係百幾蚊，真係非常之抵食，性價比好高

屋企附近開咗新餐廳！就係校長燒肉！💛就同老公去撐枱腳先💕係樓下攞咗位就可以上一層入座。午市套餐有90分鐘或120分鐘。90分鐘的套餐包咗燒肉、火鍋任食。120分鐘的套餐就加埋包刺身任食。我地就一於食埋刺身啦！👍🏻原來樓上空間好大，座位好闊落，坐得舒服。最緊要冷氣唔會開到太大😂望去食物區，真係款式超多！有成11個區域：燒肉區，沙律區，熟食區，餐前小食區，甜品區，火鍋區，飲品區，刺身區，壽司區，花茶區，雪糕區。實在眼花瞭亂。我們先去「餐前小食區」拎餐前小食，有薯條、薯格、炸雞粒等等。炸雞粒沾點千島醬都不錯！在餐前小食區對面就是「醬料區」，有12款口味自行調配。旁邊就是「花茶區」，足足有22款口味花茶可以選擇～不過「飲品區」更為吸引，有30款以上的飲品，還有自家製冷泡茶。「刺身區」有赤蝦，可自行除殼，肉質實在、味道鮮甜。每次限取赤蝦1隻。其他魚生就有3片。「燒肉區」跟「火鍋區」有好多配料選擇。其中叉燒最深得我心，醃料入味，肉質嫩滑。如果懶得自己動手，旁邊也有「熟食區」，有蒸小籠包、糯米雞、燒賣、鳳爪、忌廉薯蓉等。值得一提就是，職員執碟超快手，服務懇勤。放題有自助餐式的服務，會再encore。

第一次試校長燒肉，入到去都幾大幾闊落冇乜油煙，見lunch個價錢都唔算貴，所以揀咗$138嘅刺身自助餐。刺身都有唔少種類，蝦好大隻，三文魚都好厚切食落勁滿足！燒肉都有好多揀，豬、牛、羊、雞、魚都有，口味都有好多款，由大路嘅蒜香呀咖喱呀辣味呀到韓式同土匪都有！最鍾意燒五花腩片，雖然佢無醃我又冇再點其他醬都好好食！仲有雞軟骨都好正！其實整體啲肉醃得唔算好濃，我自己唔鍾意食太鹹就覺得幾啱我口味。另外都好有多其他嘢可以燒，蔬菜呀腸呀餐肉嗰啲，我最鍾意個菠蘿，超級甜！個爐上面有張好似牛油紙咁嘅嘢墊住，好似第一次食燒肉見到。初初燒嗰陣覺得隔住張紙冇咁傳熱要等好耐咁，但後尾較大返啲個爐就冇呢個問題，啲肉仲冇咁易燶同冇嗰啲黑色鑊燶幾方便，連後尾燒多春魚都冇黐底，nice!!熟食同嘢飲都有超級多！炸嘢熱盤有好多款，連點心都有真係估佢唔到。食咗個小籠包，温泉蛋，茶碗蒸，全部都唔錯。嘢飲除咗汽水仲有唔少茶揀，個白桃烏龍茶好好飲呀勁啱食燒肉嗰陣飲！甜品都有好多，最吸引我係部froyo機，仲有好幾款配料揀，蘆薈粒同椰果粒最正！仲有好多味嘅啫喱奶凍嗰啲。真係可以留返幾個字食甜品！呢個價位食到嘅食物質素比我想像中好

New Open!! Lunch都要任食啊🤣性價比好高既刺身燒肉打邊爐既放題🤪平日 $138/ 星期六日 $148 (2 hours)-刺身🍣十分推薦😍 意料之外既高質素😳刺身蝦 好鮮甜 好厚既蝦肉😍質素同外面幾十蚊一隻既刺身蝦 一樣👍🏻三文魚呑拿魚玉子 味道新鮮 好厚身😚-燒肉🥩🥓大大大量既肉類選擇🥳應有盡有既食物連雞軟骨都有3個味😆必try咖喱味雞軟骨😉脆卜卜 好有嚼口 好入味☺️-火鍋配料🍲健康之選 粟米🌽雜菇🍄蔬菜🥬湯底可選:日式清湯、壽喜燒湯、日式豬骨湯-熟食推薦:豬紅青椒🫑、章魚小丸子🧆-甜品選擇多，仲有雪條-飲品人氣自家製綠茶、自調手作茶葉

今日嚟食大埔新開張嘅校長燒肉！！想講最吸引我嘅位就係佢可以燒肉同火鍋放題一齊嚟😭😭😭👍🏻選擇困難症嘅我表示咁樣超方便！完全唔洗諗食邊樣好🤣仲要兩樣可以同時享受🤤太美滿了💛餐廳裝修好可愛😹而且好大！好多座位！抵食平價放題都係佢賣點之一！！！😍👍🏻一百蚊頭就可以食到一餐放題，抵到飛起啦🤟🏻佢有三個set可以揀～1）純燒烤2）燒烤+火鍋3）燒烤+火鍋+刺身🍣刺身會比小貼紙你，去拎刺身嘅時候show返出嚟就得了～而火鍋湯底都有幾款可以揀🤣自己攞個小鍋去裝就得㗎啦～個鍋係鴛鴦鍋～食物種類都幾豐富😋😋除咗有各種必食嘅肉類丸類之外～仲有壽司刺身、數款熟食、炸物、小食、甜品、野飲🤤多到一時唔知拎邊樣好haha燒烤與火鍋為何不可兼得？😋💛

難得過大埔幫毛孩買日用品，順道來試試朋友推薦的餐廳午市自助餐價格分三種，難得來到當然要食兩小時價錢$138 已包燒烤火鍋刺身餐廳地方寬敞，環境不錯，食物區空間夠烤肉有好多款選擇，火鍋料熟食也有不少，有炸物，點心，溫泉蛋等等壽司，刺身個人最愛大大隻赤海蝦，不過每次只人只能拎一隻，鐘意食就要行多幾轉個人最鐘意除了汽水，果汁，冷泡茶外，更有一大個花茶區可按自己口味整個花茶，減下油膩感烤板上會鋪牛油紙，烤上黎又較方便，如濃左都好快有人過黎換烤肉正常放題水準，不覺不失，勝在多款估唔到會有原條秋刀魚，多春魚

大埔真係愈黎愈多好嘢食😍大埔友好幸福呀～～～經過呢個門口見到高過人既iron man比我發現原來呢間係新開既燒肉餐廳！餐廳用心既裝修成功吸引咗本身打算經過既路人我🤣🤣🙏🏻呢度又可以打邊爐，又可以燒肉仲有壽司，刺身，點心，炸物，其他熟食都有🤣好似食緊自助餐+火鍋+韓燒咁🤣一次過滿足我幾個願望！！！先睇下燒肉類⋯好多好多選擇連雞軟骨既味道都有兩款👍🏻👍🏻即切魚生，好專業既感覺😻😻凍蟹腳都有😱我真係估唔到午市火鍋放題既餐廳有咁多種類既食物！！見到點心蒸籠，忍唔住拎咗鳳爪試試佢細細份幾好，唔怕食完無胃口食其他😸😸一般既飲品緊係有除此之外，就算飲熱茶都可以自由配搭，茶既配料多到眼花撩亂🤣🤣最後我懶，見到櫃內有支裝冷泡茶就二話不說即飲☺️無糖岩哂我，前後飲咗三支🙈🙈呢餐食得好開心，燒下又食下，餐廳職員好有禮貌，難怪呢間新開既餐廳午市竟然都可以爆場👍🏻👍🏻下次帶埋媽媽黎食相信佢都會好鍾意💛💛牛五花前黎我拎咗三次🥰🥰因為牛味真係好香

-同老婆慶祝新婚一個月因為限聚令唯有出去食晏晝俾我哋發現咗呢間【校長燒肉日韓料理】新嘅燒肉店🤩價錢唔太貴一入去就佢哋啲裝修好有誠意😍有love ,520, iron man 等打卡位食物種類幾多我地食果個 係午市燒烤火鍋刺身自助餐2小時 平日 $138 好抵食刺身有魚生、吞拿魚刺身、大蝦等啲烤肉好多款選擇同一款肉用唔同醃料單單雞扒都有咖喱、蒜蓉同韓風佢啲雞軟骨、金沙骨都好正🤩熟食方面 鳳爪、溫泉蛋、燒賣、炸物等最特別係佢嘅茶葉角落😳😳😳😳😍😍😍好多茶葉嘅選擇💓甜品都勁多選擇。梅子綠茶茶凍 我最鍾意

校長燒肉開咗黎大埔，甘近我當然要試下啦😬！未開門已經甘多人🤔下次一定要訂定位先😅！嘩。價錢甘平嘅！唔洗搭車出旺角就有得食！車費都慳返😆！居然有甘大個花茶區，真係大開眼界🤩岩我！沙律、壽司、刺身、、食放題又點少得😛！仲有一人一籠點心，好吸引牙！燒烤食物豬牛羊樣樣齊！仲有我最愛嘅原條秋刀魚同多春魚Tim👍🏻!火鍋要咩湯底自己揀！仲可以雙併🤪！有一支支養生花茶😍想試！甜品款式都幾多😛！燒烤X火鍋一齊黎！開心又滿足🥰！爐紙燶咗店員主動換👏！刺身仲有大大隻赤海蝦🤤！

最近天氣轉涼，我同朋友揾左間暖啲嘅餐廳。大埔嘅校長燒肉內裡充滿日式韓式風情的裝修令我諗起上年去日本韓國嘅日子。我地叫左個$148午市燒烤火鍋刺身自助餐。除左普通韓燒同打邊爐，仲可以食到刺身，有三文魚，呑拿魚，八爪魚，玉子，甜蝦等等，非常鮮味。菜，丸類，其他肉類都係出面個bar枱任攞。飲品有汽水同自家制香茶。仲有啲熟食同甜品，非常正！最後講下依間餐嘅服務。侍應點菜上菜時非常殷勤，所以服務上我俾滿分！價錢黎講我地兩個人食左大概$360。以咁高質素嘅食物黎講算係物超所值。所以整體黎講我對今餐嘅評分係9分！

作為半個大埔友，都知大埔出名美食王國黎；要乜有咩，完全唔洗煩無野食位處於大埔中心地下既地鋪，最近竟然開左校長燒肉日韓料理分店，點可以唔拉大隊去試呀😛😛我自己就習慣lunch time食🔥燒肉放題，因為始終任食，午餐時段食會比較易消化同無咁有罪惡感😆校長既價算都算幾貼地，所以豪一豪佢揀左燒烤火鍋刺身自助餐（$148@1）⚠️值得讚既係，板長既燒肉放題既烤板上會鋪牛油紙；燒開肉都知個烤板/網好快就會黑，好多時候黑色撞黑色（燒燶既位）既結果就係，你都唔知食左幾多致癌物質落肚☠️佢鋪左個對比色咁大既牛油紙，就可以令你知道幾時要更換，同時又更衛生啦～我燒、我燒～燒～燒～燒場內環境好闊落，都有好清晰劃分左唔同區域，拎野食好方便；最欣賞係配料方面都放得好乾淨企理，食得安心就自然更放心啦😌飲品方面都係任飲，選擇好多，有埋冷泡茶揀；唔想飲凍野既話都有大量唔同花茶/茶葉任君選擇～溫馨提示各位近住門口位仲有個常溫飲品架，好貼心呀💕刺身方面正常發揮啦～食左好多三文魚同榮螺😗因為我地揀左有火鍋既package，佢有個迷你電磁爐可以獨立比你慢慢shabu shabu 🥘相對一啲傳統燒肉餐廳🍴，通常會set個邊爐位係個

2020年1月19號約左朋友食飯。見到朋友黎左食。話唔錯。所以我又約朋友一齊黎試下！大大個照牌原來12月30號就開左。價錢唔算貴。唔錯既！個乳酪超級正！記得要試！！如果想食士多啤梨。要食左先。如果唔係士多啤梨會冇味。甜品不過不失。花茶幾得意。但我係平餐。冇得試。小食都唔錯。都算多選擇！野飲好體貼地有凍有唔凍！火鍋既配料，但我係平餐。冇打邊邊。冇理。燒肉種類都多！個大腸好好味。必食！有摩摩鳳爪。但冇乜味。有啲少失望。

今日中午時分約咗朋友試吓呢間新開嘅燒肉刺身放題， 需要行樓梯上一樓，樓梯嘅牆壁貼有壁畫，很好格調，樓面亦都十分之寬廣舒適。午市兩小時燒肉刺身放題$148再加一，十分之抵食。食物嘅種類好多，除咗有燒肉刺身，亦都有甜品，最特別之處係佢枱面有一個韓式嘅燒烤爐，另外亦都有一個電磁爐方便煮麵。韓式燒烤爐舖上一層油紙，燒嘢食嘅時候絕對唔會黐底。職員亦都好貼心會定時幫我哋更換油紙呢間燒肉放題有別於其他嘅放題，佢係用自助形式，自己可以望到實物然後先決定攞咩食。雞軟骨同雞腎大家一定要食電磁爐可以方便煮公仔麵，同時間亦都可以打邊爐，一邊韓燒一邊打邊爐，真係雙重享受。

在大埔見到間新食店、因為疫情冇晚市、見有午市試食價及喜歡燒烤又冇得去郊外燒烤！這間有韓燒我就最鍾意食雞翼，魚及牛肉！但係牛比較難𡁻，可能我剛剛挑選咗有點筋位、乳酪同雪糕都好味有火鍋有刺身有大蝦食非常之抵食仲有多種刺身有熱食有凍飲10幾種，又可以飲熱茶，一般普李、香片烏龍、菊花、洛神花、陳皮、話梅都有、擺設整齊乾淨。甜品都有10幾種。工作人員服務有禮又有多人幫手見我有少少燒燶咗就即刻換咗張紙。環境設計鮮明，地方寬敞廁所乾淨。但要行樓梯上一層如果傷殘或行動不便就真係唔建議去喇。

1. 卡位相對黎講窄。因為對腳五可以放直要打側對腳2. 部份服務員換紙既技術相當五成熟，換紙既時候d油滴到周圍都系。換新紙，油紙系兩張一齊既，但系兩張紙系完全分開既，搞到燒既時候面個張油紙旭黎旭去。而目底部既紙會燒焦。3.店內我所見好似系冇醬汁點燒肉，只有一些樽裝調味料。樽裝調味料既洞口較大五系好方便，加上亦冇用黎放個人用既調味兜仔。4.香草魚柳，味道好香但好淹得太多，食落咸左dd5.蟹腳，當然系一間任食既餐廳有蟹腳食五可以抱有太大期待。但系蟹腳食落系非常柴，我覺得食緊蟹乾，如果蟹腳系呢個水準我個人認為可以五洗提供。因為它變左系一個扣分項。6.刺身，系落刺身既時候限每次只可以攞一隻赤蝦。但我相信絕大部分既人都會結伴同行，只可以攞一隻需要另一位自己去攞。希望可以限一次可以攞兩隻。