校長燒肉日韓料理 (大埔廣場)

营业中

休息中

今日去了大埔墟！我們去了食"校長烤肉"這一間有分時段，我們是5:00~7:00的時段入坐，嘩好外野食！我們加錢升級有魚生食！食物都是出去自己拿，食多小拿多小。有魚生壽司區～三文魚，吞拿魚，希寧魚，蝦，八爪魚......炸物區～炸薯條，炸薯角...火鍋料區～自己拿小火鍋煲，自己選湯底，仲有好多不同的火鍋料～丸，腸仔，餃子，麵，肉，菇，菜......蒸物～有糯米雞，燒賣，粉果，蒸蛋，温泉蛋......前菜區有沙律，日式八爪魚仔，和各種前菜。甜品區～有蛋糕，涼粉，果凍，雪糕飲品～汽水，啤酒，青酒，梅酒，花茶有好多野食！價錢抵食！

之前因為有人派傳單 適逢有生日優惠88折 所以就試下啦 佢有兩個時段 17-19 & 19-21咁我哋就揀咗17-19啦 咁有刺身同燒肉同火鍋 不過燒肉同刺身款式好少 反而火鍋配料就比較多款 不過美中不足就係地下太滑 好易滑到 但第一次食真係唔錯的

身為大埔友嘅我 朋友成日都提起一間燒肉店非常之出名 就係校長燒肉啦 今日得閒嚟到呢間舖頭度試下久仰大名嘅校長燒肉 入到去裝修好闊落 座位隔得好開 每張枱都有足夠嘅面積擺好多食物 坐得好舒服跟住就出去攞嘢食 食材種類非常之豐富 牛肉豬肉雞肉不在話下 而且仲有好多刺身同埋壽司 提一提刺身壽司係要加錢先可以任食嘅 所以各位就要留意下 三文魚刺身非常之鮮味而且油脂好豐富 其他例如帶子 珍寶赤蝦等等嘅都唔錯 同出面食到嘅差唔多跟住就到燒肉嘅部分 燒咗豬腩 牛肉 雞肉等等 全部都係新鮮嘅肉類 油脂豐富又甘香而且肉味好突出 令人食指大動 我哋食咗好多牛肉 可能下世就要做隻牛畀人食返啦食咗咁多肉就要食返啲菜平衡返啦 我哋燒咗菠蘿等等 菠蘿燒得好香甜可口 少少酸酸地令到成餐燒肉唔覺油膩之餘 又開胃 值得一讚

燒肉啖啖油冇肉味，刺身好腥，差過某間外賣連鎖店炸物厚粉甜品好似一粉材料整十幾份咁淡而無味係得飲品種類多樣化晚市一位連加一$262我諗大部份比嘅錢都去曬裝修到食一次冇下次

校長燒肉日韓料理好抵食，百幾蚊可以韓燒火鍋放題，價格相宜適合學生同一家大細去食👨‍👩‍👧‍👦樓梯位置有靚靚佈置，同朋友一齊打卡就最啱🤭食品區用咗霓虹燈牌區分每個區域的食物種類有凍飲熱飲、熟食、火鍋、燒烤、刺身、壽司同甜品，最欣賞有唔同種類的花茶可以自己調配，暫時未係其他食店見過👍🏻同朋友首先食左刺身先，刺身有幾款，我哋食咗赤蝦、三文魚、吞拿魚、螺肉，個人較喜歡赤蝦同三文魚燒肉就差唔多每種肉類都有幾款口味，有韓式、咖哩、蒜香，味道尚可，可以再醃入味啲日式火鍋有清湯、壽喜燒、豬骨濃湯，自己斟湯同加配料 ，配料款式齊全我地揀咗壽喜燒同豬骨濃湯，湯底味道濃郁，但有啲重口味，想清淡少少可加熱水因為胃袋空間有限，熟食就無食到至於飲品，選擇真係好多，罐裝、紙包、自己斟的凍飲、花茶應有盡有，估唔到連清酒都有啤酒就晚市限定🚫我飲咗玄米茶包同罐裝飲品，都唔錯甜品就食咗雪糕同啫喱，雪糕係用雪糕機自己唧，應該係乳酪雪糕，有草莓同蜜瓜味，幾好食，絕對可以一試😋啫喱係童年回憶，估唔到可以係度食到😆

今日晏晝路經校長燒肉放題，見超多中學生喺度等位，就趁熱鬧試下啦。講真嗰句，$88/位既燒肉放題都對佢既質素冇任何期望，但佢真係有本事令你有超乎預期既失望😑😑😑先講好既方面啦，佢裝修幾靚既，每個檔口都有霓虹燈牌寫明呢度擺啲咩，飲品選擇都多，熟食黎講日式蒸蛋係偏鹹少少但都算唔錯，燒野食既食材翠玉瓜、迷你甜薯同埋芝士腸都係合格既。到差既野喇，攞野食既區域地板真係超級痴立立，燒野食既鐵板係鋪咗油紙防痴底既，但嗰張油紙真係油到喊；唔知餐廳係咪真係咁怕啲肉痴底，連啲肉本身都好似油浸出黎既，無論係牛定雞定豬，全部都係一擺入口就feel到成口油，呃中學生都唔係咁既質素掛🤮🤮🤮

放假同朋友去咗大埔呼吸吓新鮮空氣~校長燒肉係大埔開咗新分店 梗係要試試佢啦! #午市燒烤火鍋刺身自助餐2小時 (週末 $148)餐廳一共有11個區😋 : 燒肉 沙律 熟食 餐前小食 火鍋 刺身 壽司 甜品 飲品 花茶同雪糕區~ 啲選擇真係多到我花多眼亂啊🤪 主打當然係燒肉 火鍋同刺身啦~ 肉類🥩既選擇非常多! 基本上平時食燒肉會食嘅都有!最推薦嘅係土匪雞翼都埋麻辣雞腎~腌得好入味搞到我食完又食🤤另一個專攻嘅區域就係刺身!!加咗錢梗係要食盡佢啦😌有吞拿魚 三文魚 榮螺 希靈魚 玉子同阿根廷紅蝦🦐揀!刺身師傅即場切同埋人好多刺身去得好快~咁就唔怕唔新鮮啦😎另一個最吸引嘅地方就係花茶區~ 有多款花茶材料可以比你自製花茶🫖~食飽飽就最岩飲杯茶消滯🙊📍校長燒肉日韓料理 (大埔)大埔安泰路1號大埔廣場地下6號舖

大埔新開既「校長」係由元朗殺出嚟㗎！個個都話好正！大埔都幾近我，我梗係要去喇～食放題一直都有一套次序，第一時間梗係要食刺身喇～有師傅直接按客人要求即時處理，有蝦、八爪魚、三文魚、三文魚腩、蟹棒、螺，種類都算多，最重要係新鮮👍🏻沙律都係開胃菜，有我最愛既蘋果沙律，大大件，好有口感哩！竟然仲有蒸既點心，除咗燒賣仲有粉果……，中式熟食都有，食韓燒預咗食好多肉，所以拎啲菜食，質素好好喔！現場起碼25至30種唔同醃法既肉類，拎咗少少自己最鍾意既食吓先！用咗牛油紙墊底，一啲都無影響爐火，依然香口美味，仲唔洗吓吓換燒盤咁麻煩添甜品都有好多種類，晚市仲有大量雪糕雪條，食物方面真係好多元化。真心值得去！！大推！

前日限聚令放寬至四人, 我們四人在午市時間訂了枱，想試一試這間韓式BBQ。 價錢和食物的款式都okay，只有一樣事情令大家很不愉快。在今時今日的時勢，餐廳也一成不變，令到我們十分沮喪。雖然我們的餐桌上有兩個爐，但餐廳只讓我們用一個爐。若我們要求同時用兩個爐的話，需要另加$50。我們說餐廳內的二人枱也是兩人一爐，為什麼我們四人不可以用兩個爐？？經理回覆指我們那張是六人枱（備註：不是我們要求的），要五人或以上才開兩個爐，所以我們四人要要求開兩個爐的話，需要另加錢。我們接著要求分開坐，因為四個人用一個爐，夾食物唔方便，但餐廳說其他的位置已有人訂位，未能為我們分開枱坐。難得我們的親戚專成入來大埔和我們食lunch，我們只好張就一下。一、兩個人主力燒，其他人出去夾食物返來。我們把燒好的食物放在枱的中間位置，放便大家夾來食，在有限的90分鐘內，我們最後都食得好飽，只係覺得餐廳一成不變。

今日係同男朋友既3週年紀念日，齊齊放假去大埔玩。首先食左午餐先，因為好肚餓，所以食放題。呢間個名雖然好似以燒肉為主，但其實包羅萬有。全部食物都係出去自取，有唔同區域，食物種類十分多元化。首先食左燒烤食物先，燒烤食物種類最多，以肉類為主，食咗幾轉。之後食刺身，有8款甘多。沙律壽司區。炸物黎講我鍾意炸香蕉。熟食區。估唔到會有3款點心，好少放題有點心食。仲有少少前菜。甜品最鍾意乳酪雪糕，有原味同士多啤梨味，透心涼。飲品選擇超級多，有自家製嘅冷泡茶添。仲有得打邊爐架，但已經飽啦。

習員話新春所以$158 都係多$20 仲係好抵就唔理啦同朋友直入最好預早book位先好大地方裡面坐得好舒服甜品種類普通左啲不過個價超抵無得講啦就刺身幾正都每人每次只限三份仲有點心食😍😍埋單都$400有拎火鍋、刺身同燒肉一齊上🤤🤤都好滿足啦值得一試

今次食呢間新開既校長燒肉 位於大埔廣場 仍然系試業中卜左位 兩點去到 門口都好多人排隊未入門口都已經見到大大個Ironman🖐🏻迎接我入咗去之後 見到牆身都有一大片Marvel系同Marvel crossover左？ 有無Marvel fans？可以去潮聖下🖐🏻打個卡新開既關係 店內環境都算幾乾淨你知啦 好多時去食燒肉 摸到啲野都系痴立立 呢到就完全無呢個問題👍🏼眼見佢有唔少區域放哂你需要既食物燒肉 刺身 壽司 甜品 火鍋 等應有盡有⋯飲品方面都有無限嘅選擇 緊有一款岩你飲品櫃入面應該都有20款你揀🧃🍺仲有廿款即沖花茶🫖比你自己調配想要既味道而我就最欣賞已沖好既冷泡茶 - 荔枝鍚蘭茶 好清香😍燒肉都有好多選擇 亦都醃得夠入味牛柳粒 咖哩雞軟骨 都系值得再番食既😋五花腩都好香豬肉味 不過當日食既肥膏多左啲⋯😍好欣賞刺身有赤蝦 啖啖肉 無雪味 可惜每次只能拎一隻食完燒肉同刺身 都已經飽左9成 再用1成既力量打埋個邊爐 食啲菜😛扮下營養均衡⋯⋯你懂的😆😆

週末起床便想食燒肉，於是朋友找來這間在大埔開了不久的燒肉放題店。這個週末來到人山人海排長龍，好在朋友有預先book位!一入餐廳門口已見到有marvel的裝飾，餐廳需要上一層才到!餐廳環境很大，大多數都是卡位來的!牆上有不同字句的霓虹燈飾!食物區方面有多個分類，包括有炸物、熟食、點心、火鍋湯底、火鍋及韓燒食物、冷盤、沙律、壽司、刺身、甜品等，還有凍飲區和熱茶區。這裡的任食放題是90分鐘，所以跟朋友爭取時間到自助區取食物。叉燒包、茶碗蒸、鳳爪，第一次食韓燒有得食叉燒包，仲要係一籠籠的，叉燒包餡料都幾多，而且好有蜜汁味，味道不錯!茶碗蒸弄得剛剛好，雞蛋嫩滑，內裡有粉絲和鳴門卷。鳳爪好有酒樓的味道，醬汁味道濃郁。熟食有炒菜、豬紅、雞翼等，雞翼都幾大隻，而且都算入味!涼菜小食，有日式、韓式和麻辣，如枝豆、筍、中華沙律、麻辣木耳等!韓燒及火鍋配料，這裡有大量肉類給予大家韓燒，如牛肉、雞肉、豬肉，連駝鳥肉都有!丸類也有多款選擇，芝士丸、貢丸、牛丸、芝士腸等，而且也有不同菜類可以選擇，有牛油金菇和粟米可以燒，還有燒菠蘿，十分美味呀!火鍋湯底和煲自行在自助區取，湯底有清湯、壽喜燒和豬骨湯，食完韓燒再食一

大埔中心開咗一間燒肉店，成日都好多人排隊，今日終於有機會同朋友一齊去，一入到去，規模好大，用唔同種類嘅食物選擇，總有一款啱。職員安排我哋坐低之後，發現原來除咗燒肉，仲可以打邊爐，滿足晒大家所有嘅需要。餐廳仲提供好多熟食，有熱湯，有壽司等咁不過我哋係黎食燒肉嘅，咁梗係食咗燒肉先啦。一口牛肉粒一口牛肉粒容易燒，好快就食得，肉質豐富，亦都好多肉汁，唔錯嘅選擇土匪雞翼／韓式雞翼／印度雞翼鍾意食雞翼嘅朋友有福了，有三隻唔同味嘅雞翼，土匪雞翼就最好味，味道啱啱好蒜香一口豚，豚肉好香蒜味，肉質唔錯蒜香豬扒，豬扒都唔錯，好有口感金沙骨，呢度連金沙骨都有，真係冇得頂，金沙個醃到啱啱好，好好味仲有各式各樣嘅飲品，多到不能盡錄亦都值得一讚呢度嘅服務，服務員做嘢好快手，收碟速度又好快，好勤力埋單每人都係百幾蚊，真係非常之抵食，性價比好高

屋企附近開咗新餐廳！就係校長燒肉！💛就同老公去撐枱腳先💕係樓下攞咗位就可以上一層入座。午市套餐有90分鐘或120分鐘。90分鐘的套餐包咗燒肉、火鍋任食。120分鐘的套餐就加埋包刺身任食。我地就一於食埋刺身啦！👍🏻原來樓上空間好大，座位好闊落，坐得舒服。最緊要冷氣唔會開到太大😂望去食物區，真係款式超多！有成11個區域：燒肉區，沙律區，熟食區，餐前小食區，甜品區，火鍋區，飲品區，刺身區，壽司區，花茶區，雪糕區。實在眼花瞭亂。我們先去「餐前小食區」拎餐前小食，有薯條、薯格、炸雞粒等等。炸雞粒沾點千島醬都不錯！在餐前小食區對面就是「醬料區」，有12款口味自行調配。旁邊就是「花茶區」，足足有22款口味花茶可以選擇～不過「飲品區」更為吸引，有30款以上的飲品，還有自家製冷泡茶。「刺身區」有赤蝦，可自行除殼，肉質實在、味道鮮甜。每次限取赤蝦1隻。其他魚生就有3片。「燒肉區」跟「火鍋區」有好多配料選擇。其中叉燒最深得我心，醃料入味，肉質嫩滑。如果懶得自己動手，旁邊也有「熟食區」，有蒸小籠包、糯米雞、燒賣、鳳爪、忌廉薯蓉等。值得一提就是，職員執碟超快手，服務懇勤。放題有自助餐式的服務，會再encore。