校長燒肉日韓料理 (大埔廣場)

营业中

休息中

可以堂食晚市梗係要食放題開心吓啦！選擇呢間係因為喺附近見完客，咁就順便約埋個朋友喺大埔食好嘢😌呢間嘅特色係又有燒肉又有火鍋，不過其實我哋淨係燒肉都已經食到好飽，所以好可惜冇機會試埋個火鍋。呢度無疑係一間多元化放題，大家如果可以嘅話，一定要試埋火鍋呀，聽講壽司燒湯底好正！返返正題先，我哋燒咗鴨胸、煙肉片，油脂分佈層次分明。三角形魚蛋估佢唔到，魚香味濃👍🏼 麻吉燒甜甜哋煙煙韌韌，都幾好味。肥牛唔一定火鍋用，燒都一樣咁好味，用咗美國肥牛片肉質新鮮嫩口。牛仔腸口感爽脆，味道醇厚。雞軟骨燒到金黃脆口，食到停唔到口。咖哩雞翼超入味，大家唔好錯過！

一入到場，真係大開眼界。沿路全部都係擺放食物，而且有個好靚嘅霓虹燈牌分門別類。有火鍋區、燒肉區、熟食區、小食區、花茶區、甜品區。實在係花多眼亂，總之見到咩嘢想食就攞啦！淨係腸仔都多達四款，有牛仔腸、芝士腸、台灣腸、廚師腸。我哋拎咗牛仔腸同芝士腸，足料多汁重口味，正。我哋仲拎咗三角魚蛋、麻吉燒、牛丸、貢丸、墨丸。丸類彈牙爆汁，三角魚蛋魚味濃，魚漿打得好滑溜彈牙。另外仲拎咗餃子、鍋貼、煙鴨胸，喺放題入面煎鍋貼我都係第一次🤣 意外地好食！煙鴨胸亦高質，鴨香直逼喉嚨，肉質鬆軟。當然唔少得燒肉啦，我哋燒咗雞翼、雞軟骨、魷魚鬚、豬腩片、咖哩雞翼、印度風雞扒。雞翼大大隻煎香咗好惹味，魷魚鬚新鮮爽彈，印度風雞扒香料好重，超正，極高質👍🏻👍🏻

我哋揀咗火鍋加燒烤呢個組合，價錢真係抵到你唔信，只係$138/位，仲可以任飲任食120分鐘！唔好以為咁嘅價錢冇乜嘢食，或者食物質素唔高🫢 去到你就會知道，事實係太多選擇根本冇辦法食得晒😂 而且食物質素一啲都唔差，真心有驚喜。火鍋區有麻辣湯、壽喜燒同埋豬骨湯，仲有得揀鴛鴦湯底添。我哋揀咗豬骨湯同壽喜燒，豬骨湯味厚鮮甜，壽喜燒味道香濃有風味。燒肉方面，我哋煎咗鍋貼、煙鴨胸、牛丸、貢丸、墨丸，鍋貼皮薄唔痴底，鴨胸入口鹹香十足，丸類肉質彈牙冇雪味。另外我哋仲燒咗咖喱雞翼、豬腩片同一口牛，咖喱雞翼香口入味，豬腩片帶油脂香，而一口牛肉質鮮嫩多汁。

大埔呢間校長燒肉位於大埔廣場地下，大埔廣場有天橋連接住大埔超級城同昌運中心等商場，而餐廳就係喺正呢條天橋下低、繁忙嘅紅綠燈前，大大個招牌好起眼。刺身每次可以拎三款，每次三件。三文魚同油甘魚係非常之厚切㗎，唔似得坊間一般放題質素😊 赤蝦新鮮彈牙，涷蝦肉質結實有蝦膏。肉類都有好多款㗎，豬羊牛雞乜部位都有齊。雞翼飽滿多汁，值得一試！雞軟骨香脆有咬口，肥牛油脂重，唔錯。豬腩片嫩滑鬆軟，超級推介👏🏻👍🏻 香辣雞扒同印度風雞扒各有千秋，醃料香濃但又唔會蓋過雞嘅鮮味同口感！蔬菜類作為配角，都一樣包羅萬有任君選擇。粟米大粒爽甜，四季豆、翠玉瓜清新脆口。雞脾菇厚肉彈牙。

之前已經聽人講過呢間出名性價高嘅放題餐廳，但一直冇機會試，終於有個朋友生日，我可以自肥試吓喇🤣首先，梗係要燒肉！戰鬥力100嘅我幾乎拎晒每一款肉😆 肥牛片肉質鮮美，唔老唔柴。肥腩片逼出油脂香，瘋狂encore🤪 黑椒牛肉片勁香又入味， 蒜香雞扒勁濃味啖啖肉，咖哩雞翼大大隻我連骨都啜乾淨🤤冇諗過連餃子都好食，拎咗好多隻，皮薄餡靚，似係自家製！講到自家製，佢哋嘅冷泡烏龍茶茶葉上乘，解油膩，配燒肉一流！最後，食咗個雪糕🍦作完美句號🥰 陣味唔假好清甜，用嚟清一清喉嚨，超滿足。總結：呢度嘅環境夠寬敞，嘢食選擇多，店員有禮貌收污糟碟又快手，朋友都話好滿意。

呢度比我想像中多好多嘢食😳 而且以放題嚟講，食物質素一啲都唔差，拍得住酒店級數，真係令我喜出望外呀😋 以下逐一同大家介紹，有邊啲係必食‼️金沙骨🥩：非常入味，蒜味十足，近骨位置實在太好食，好邪惡呀！秘制叉燒：調味鹹度比例適中，帶出肉質肥美鬆化，誠意推薦👍🏼自家製冷泡烏龍茶🥤：茶味香濃，解膩解渴餃子🥟：煙韌飽滿，肉質扎實煙鴨胸🥓：香脆味濃，食唔停口貢丸、牛丸：爽滑彈牙，肉味濃厚墨魚丸：墨魚粒有咬勁，新鮮香濃芝心丸：芝士味唔假，滋味十足火腿：口感彈牙廚師腸、牛仔腸、芝士腸：肉味濃厚有層次粟米🌽：清甜爽口，燒到金黃色帶焦香最惹味🤤總結：食完真係飽到瞓咗喺度，超滿足嘅一餐！原來校長燒肉仲有其他分店㗎，以後想食燒肉放題又多個選擇喇🥳

呢度好旺場呀，坐滿晒人～從未見過一間放題可以有咁多食物款式同種類㗎😱 就算每樣拎少少，都唔會食得晒，太誇張了！沙律吧有一大盆火箭菜、車厘茄、粟米粒，拎咗少少當前菜食嚟開胃☺️ 建議加千島醬，滋味十足。炸物竟然有麥樂雞😆 比麥記更重雞味，冇油益味。煙鴨胸入口鬆軟，牛仔腸同芝士腸脆口惹味。貢丸同牛丸都好好食呀，好足料同彈牙👍🏻 餃子都好味又大隻👏🏻 香草龍脷柳鯖魚肉厚調味香，燒多春魚要有技巧呀，唔好太大火，慢慢燒，魚春脹卜卜就最好食！一口牛好入味，肥牛片好香濃。店員refill食材好快，冇拎唔到嘢食嘅問題存在。地方夠大，即使人多都唔逼夾。杯碟乾淨衛生，環境企理唔會油淋淋。無論係食物質素、價錢定服務態度，都係好值得到訪嘅一間放題餐廳👏🏻👍🏻

我哋揀咗B時段（17:00-19:00前結賬及離座~包制身），星期一至五：成人$178 小童$118星期六、日、公眾假期及前夕：成人$188 小童$128估唔到細細個火鍋都有得鴛鴦湯底！又刺身又燒肉，仲有得鴛鴦鍋添，只能夠講一句：呢間餐廳真係滿足到你N個願望😂🤣 我哋就揀咗壽喜燒同豬骨湯，本身因為餐廳呢個價位同放題嘅性質關係，我冇抱有太大期望，點知，我錯喇！個壽喜燒湯好正宗，甜鹹適中，好吸味。豬骨湯都唔錯，濃厚有肉味。牛丸同墨丸好夾壽喜燒嗰邊，有少少日本關東煮🍢嘅感覺。食完火鍋，我哋就燒肉喇！一口牛肉質鮮嫩有彈性，韓風香辣雞中翼辣辣哋非常香口。粟米、豆角味道都好清甜，爽脆冇渣。 腸仔脆口味道豐富。餃子飽滿爆汁。刺身有三文魚、吞拿魚、赤蝦等。我最推介赤蝦，甘甜可口，新鮮度100😍👍🏻

放假去大埔踩單車，順便夜晚喺附近食好西。喺Openrice見到呢間連鎖放題餐廳開咗嚟大埔，啱晒做完運動肚餓到飛起嘅我哋呀🤣離遠已經見到大大個招牌好搶眼，而最吸引我嘅係入面有個1:1嘅Iron Man模型呀😍 見到好多小朋友影相好開心，呢度係一間好適合家庭嘅餐廳！正如我睇食評所見，呢度自助區好大，冇可能一次過逛完同拎晒啲食物！個人認為一定要拎嘅有豬腩片、秘制叉燒、香辣豬扒同黑椒薄牛扒。秘制叉燒肉質林滑，燒完之後香到不得了～香辣豬扒辣度適中，亦非常入味。呢間燒肉用料果然係有返咁上下質素！咁我哋仲燒咗煙肉、火腿、腸仔，一樣好香濃好惹味。我承認齋食肉係有少少唔健康嘅，最後都燒咗啲豆角、翠玉瓜、粟米、雞髀菇作今餐結尾，清甜爽口。甜品我就真係食唔落喇，我都好想食，下次啦！因為呢間餐廳我一定會回頭㗎😆👍🏻👍🏻👍🏻

嚟到校長燒肉，梗係要盡情咁燒啦！雞翼肉質厚嫩，冇雪藏味。雞軟骨大粒香脆，牛仔腸腸衣爽脆，內裡餡料飽滿香濃，肉汁豐富💦燒肉區有金沙骨、肥牛片、豬腩片、煙肉片、羊扒、雞扒、牛扒、紅腸等等。值得一讚嘅係醃料方面餐廳處理得好好，唔單止口味選擇夠多，醃肉亦醃得入味，口味調配係適合返肉本身口感同風味。尤其是黑椒牛扒，黑椒粒大小適中，肉質飽滿。此外，煙肉片燒至金黃色，香脆可口。肥牛片輕輕燒過，比火鍋肥牛嘅牛味更勝一籌🤤冷盤有海蜇、中華沙律🥗、多款壽司🍣等。海蜇質感爽脆彈牙，中華沙律風味十足，壽司整體正宗，大舊扎實👍🏻刺身有赤蝦、吞拿魚、三文魚等等。特別推介赤蝦，大隻鮮甜👍🏻飲品區有勁多紙盒裝同罐裝飲品，仲有得任斟梅酒、清酒、低糖綠茶！調味區有多款醬汁自行組合💁🏻‍♀️

嚟到校長燒肉，主力當然係燒肉啦～我哋拎咗一口牛、豬腩片，一口牛本身已經醃得好香，再點少少蒜鹽更好食，豬腩片建議大家可以喺出面拎燒肉汁燒，滋味十足。鴨胸同煙肉油香味厚，燒雞翼肉質軟熟，食廿隻都得。另外仲燒咗三角魚蛋、麻吉燒，厚實彈牙。牛仔腸、廚師腸同芝士腸極高質，餃子同鍋貼口感一流，燒完都唔痴牙，超驚喜。除咗食物款式多，原來飲品仲多！有罐裝嘅汽水同紙包飲品，亦都有冷泡茶同花茶俾你自己DIY🤩我哋個套餐仲包埋可以斟酒，有梅酒、清酒同啤酒！飲飽食醉大滿足🥰總括嚟講，咁嘅價錢可以食到咁多嘢食，更令我加分嘅係佢哋連飲品選擇都咁多！絕對係將其他同類型嘅放題餐廳比下去，以後食放題就認定呢一間了☺️

為咗慶祝老豆生日，左搵又搵終於搵到間評價唔錢嘅放題-校長燒肉，於是book咗今晚成家人刷餐勁😋嘩，呢間放題痴線㗎😱 食物款式應有盡有，諗到嘅又有，你諗唔到嘅都有。平時我哋食開嘅放題多數都係食刺身同甜品為主，而呢度就有燒肉、火鍋、刺身、壽司、中式點心、甜品！我哋成家食肉獸，一埋位就出去拎晒每樣一款嘅燒肉！有羊扒、香辣豬頸肉、香辣雞扒、咖喱雞軟骨粒、孜然香辣豬腩片、黑椒薄牛扒等等。全部都肉質鮮美，調味香濃🤤👍🏼魚類方面我哋仲拎咗秋刀魚、多春魚、鯖魚添！魚質油潤，魚肉新鮮一絲絲。另外仲拎咗少少青口，鮮味十足，推薦👍🏼👍🏼👍🏼餐廳佈置都好有心機㗎，喺我哋座位附近同牆上都有唔少壁畫，老豆都話好復古，好有佢哋以前嘅時代感✨

Save咗好耐嘅放題餐廳，今日終於到訪喇。個爐都好夠大，一試過可以燒到超多嘢食！有張吸油紙舖喺底，咁就唔怕燒完啲嘢食太過油膩啦！我哋燒咗香草腸，爽脆彈牙肉味濃。芝士腸芝味香濃爆肉汁。黑椒牛扒黑椒味香，入口新鮮厚實。肥牛片肉質嫩滑，必食之選。孜然香辣豬腩片孜然粉惹味十足，豬腩片油脂香濃。魷魚鬚爽口彈牙，鯖魚焦香十足，啖啖肉唔腥臭。雞軟骨爽脆有咬勁，三角魚蛋魚味香濃，麻吉燒、餃子足料爆涵。值得一提嘅係呢度抽氣同通風系統做得幾好，即使幾乎每一枱都喺度燒肉，現場都唔會好大陣油煙味，我返到屋企件外套都冇好大陣燒烤味，讚！

今日同朋友嚟到大埔校長燒肉提早慶祝生日，食物款式甚多，有涷海鮮、刺身、壽司、熟食、韓燒、火鍋，仲有甜品同自家製飲品添！肉方面，我哋拎咗豬腩片，肉質鮮嫩帶油脂香。香辣豬頸肉，辣辣地好惹味。黑椒薄牛扒，黑椒味好香，肉質鬆化。仲有孜然香辣豬腩片，孜然粉入晒味好有風味。餃子足料大隻，推薦。丸方面，我哋拎咗貢丸，菇味香濃。墨魚丸爽口彈牙。蔬菜方面，翠玉瓜清甜爽口，豆角冇渣，粟米爽甜多汁，菇厚薄適中。總括而言，餐廳座位環境闊落舒適，價錢合理，食物質素高且款式包羅萬有，啱晒唔同年紀唔同口味嘅人。朋友都好滿意今餐，我哋都食得好滿足。

今個周末同男朋友去咗位於大埔市中心嘅校長燒肉食放題，因為我哋已經好耐冇食放題喇！一去到已經見到門口好多人喇，嘟完安心出行，見到幫我哋量體溫嘅竟然係男朋友最愛嘅Iron man! 梗係停低腳步，同佢影返張相打卡先啦📸 上到去見到好熱鬧，好有氣氛，呢度好適合一家大細/朋友聚會呀🙆🏻‍♀️呢間餐廳雖然主打日式同韓式燒肉，但係佢同時間亦有火鍋、刺身，甚至乎點心等多款美食😍 啱晒鍾意食燒肉同時又鍾意食刺身嘅我，事不宜遲即刻去拎嘢食先～燒肉材料有多款肉類，豬牛雞魚魷魚⋯⋯我哋每樣都有拎啲啲🤏 黑椒牛扒入晒味，肉質鮮嫩唔柴。豬腩片肉質肥美，啖啖肉好滿足！就連火腿都好大塊！掛住食刺身都唔記得影相添🤣 帶子清新鮮甜，我哋不停encore👍🏻 赤蝦肉質鮮嫩，大大隻夠新鮮。三文魚肉質彈牙，厚身冇渣。