校長燒肉日韓料理 (大埔廣場)

营业中

休息中

今日同朋友嚟到大埔校長燒肉提早慶祝生日，食物款式甚多，有涷海鮮、刺身、壽司、熟食、韓燒、火鍋，仲有甜品同自家製飲品添！肉方面，我哋拎咗豬腩片，肉質鮮嫩帶油脂香。香辣豬頸肉，辣辣地好惹味。黑椒薄牛扒，黑椒味好香，肉質鬆化。仲有孜然香辣豬腩片，孜然粉入晒味好有風味。餃子足料大隻，推薦。丸方面，我哋拎咗貢丸，菇味香濃。墨魚丸爽口彈牙。蔬菜方面，翠玉瓜清甜爽口，豆角冇渣，粟米爽甜多汁，菇厚薄適中。總括而言，餐廳座位環境闊落舒適，價錢合理，食物質素高且款式包羅萬有，啱晒唔同年紀唔同口味嘅人。朋友都好滿意今餐，我哋都食得好滿足。