柏景餐廳 (已結業)

生日緊係我話事！同老公去食龍蝦任食自助餐！龍蝦長整長有，開頭很多人排隊，之後已沒多人再排，是用焗龍蝦做法，都不過不失！因為佢唔係落芝士，用淡忌廉整左個醬係面，所以唔夠香口，我食左4-5轉到。朱古力皮流芝士撻，我食左幾轉，估佢唔到咁好食，正！.刺身好新鮮！食左1轉。甜品選擇很多，我覺得甜品做得不錯！賣相也吸引鵝肝正到冇朋友，流曬汁好流但都食左幾轉，可惜比老公阻止再食。有我最愛燒菠蘿，開心止數升到至高點。完美的晚餐，飽到一個點！

朋友生日，星期六來食lunch buffet。 座有虛席 ，食物種類唔多，質素一般； 冷盤有蟹腳、青口、螺及蝦， 但全部都唔鮮甜，口感嘛嘛，魚生得3款， 熟食款式唔多，亦不太吸引， 雪糕有6至7款。 質素較好的只有3款限定食品。無一樣食物吸引我哋再出去攞多一次。失望，應該不會再來。

個半月前 同爸媽黎食過滿意!👍🏻👍🏻今次爸媽要再嚟食'同細佬慶祝🎂🎂 12時正才能入座今次主題係黃金歲月三個限定的一出要排隊攞龍躉骨燉螺頭(限定)梳乎厘(限定)大盤海參撈沙律(限定)甜品燒肉冷盤甜品今次非常失望' 蟹腳欠奉👎👎 凍盤🦐 '螺'青口凍'熱好多食物都欠奉' 很少食物選擇! 之前雪糕都有成十幾款今次得返4款黃金歲月有啲咩食呢?$358位🤬🤬怪不得今次咁多空席唯一有就嗰三個限定系美味!

之前去過柏景餐廳自助餐二次, 價錢相宜質素不錯, 所以農厝年前見有優惠就再光顧。熱暈種類多咕嚕肉焆龍蝦羊架賣相不錯, 但吃不出什麼味道新年菜式腰果西芹炒花膠蝦仁, 花膠小到看不見鮑汁煎釀海參, 海參比例很小冰鎮海鮮較細件第一次搖鈴只有火箭菜沙律第一次搖鈴有花膠螺頭燉雞很夠味最後一人派一份冰花海參燉六福糖水﹝紅棗、杞子、蓮子、雪耳、圓肉、百合﹞很潤甜品種類不多讚的是茶啡,果汁(有紅菜頭汁),汽水,啤酒自助任飲。可能味道麻麻,不少人八時許便走。

因為我係信和之友，生日來可以買一送一，所以年年都生日都來🥰好開心！但今年開始變左買二送一☹️有啲貴。。。每年來都食勁多長腳蟹回本😂欣賞佢無限fill同埋次次一定足估唔到今年有燒龍蝦，緊係食多幾隻回本，但不太好味不是次次有生蠔，愛蠔之友要心碎💔了

今次也是因為家人生日所以食自助餐... 我們本來是book另一家的，可是沒有位，就想起有一段時間沒來的這家這家的最大優點是位置方便，中間位，食完回家都不難生日也有禮物送，算是貼心

氣氛很好, 粉紅色朱古力噴泉,看著也醉了,感覺特別浪漫.甜品做得很精緻,很有節日氣氛, 食慾大益,還很貼心有情人節禮物,一人一份而且很多食品都加上了小特色, 如心心青瓜及一啲有粉色及紫色色彩,感覺更好唯獨是安排座位欠佳, 一張枱貼近一張枱, 全無私穩感覺好浪漫鴨胸最好味

新年要吃好一點, 寓意這年都能豐衣足食, 皇家太平洋店今期自助晚餐主題是「珍饈百味慶豐年」, 食物種類選擇多, 而且還有很多滋補菜. 面前金光閃閃的有火樹銀花, 即桂花炒花膠絲, 寓意金銀滿屋，美 味又帶吉祥意頭, 花膠絲以雞湯浸過再炒, 爽口而入味, 聞說準備時間也不少啊. 而我就對燉湯情有獨鍾, 花膠螺頭燉雞湯, 滋陰補腎又養顏. 另一滋補菜是蝦膠豬肉海參, 確實名字忘記了, 反正都是好味道, 蝦膠混入豬肉, 口感極佳. 頭盤/前菜也十分讚, 找到非常美味的醉香雞翼, 涼度適中, 酒香味夠, 肉又爽口, 朋友更被我引誘到啊. 帶子藜麥香橙沙律及海鮮沙律是我當晚之選. 凍海鮮有蟹腳、凍蝦、青口, 雖未算好鮮甜, 但蟹腳有應有的鮮味, 蝦身亦彈牙. 即煮麵方面有多款長通粉、耳朵粉, 甚至亦有gnocchi選擇, 選好自己喜歡的食材, 如車厘茄、菠菜苗、煙肉等就給廚師烹煮, 不消一會, 一碗美味的gnocchi就奉上. 芝士龍蝦一出就很快被搶空, 確實肉質實淨, 芝士味濃郁. 燒烤類讓人口水直流, 燒羊架、燒牛仔骨、燒多春魚等, 惹味非常, 我就吃了羊架, 肉粉嫩鬆軟

新年兼逢情人節，少不得兩口子的慶祝！柏景餐廳新出以花膠及海參為主題的「珍饈百味慶豐年」自助餐，獲食友的一致好評，加上網上預約低至半價優惠，當然不能錯過。 一進場，首先是多樣化的凍海鮮：青口、翡翠螺、龍蝦仔、熟蝦、雪蟹腳、龍蝦鉗等，配上多款不同醬汁，來逗海鮮迷的歡心。 接著是種類應有盡有的自助沙律吧，加上日式吞拿魚沙律配鮮果沙沙、傳統鮮蝦雜果沙律、健康的紅菜頭香橙沙律、特色扒雞胸沙律、醉香雞翼、五香牛展、胡椒燻牛肉、雜錦肉腸、莎樂美腸，連同刁草三文魚及煙三文魚。好豐富的冷盤！ 接著還有三文魚、八爪魚、鯛魚、甜蛋、三文魚子刺身、多款壽司及和風冷麵選擇；對面則是南瓜忌廉湯、蓮藕鱆魚豬骨湯、菠菜芝士撻、炸印式雜菜、印度雜菜咖哩、印度飯等。 印象中這裡的即煮意粉水準不錯，但那裡吃得下？之後又有一系列奶皇包、素粉果、蟹籽燒賣皇、珍珠雞等蒸點心，拌著幾款好意頭又味道佳的過年菜：花開富貴（蟹皇西蘭花）、鮑汁煎釀海參、腿果西芹炒花膠蝦仁，全都值得一吃。 轉角有更多熱盤，包括清煎比目魚、當紅炸子雞、火樹銀花（桂花炒花膠絲）、有錢人炒飯（加了瑤柱、蝦、帶子及八爪魚的海鮮炒飯），以及自選醬汁（

在中秋節前，我們一行10人，走到尖沙咀中港城皇家太平洋酒店 <柏景餐廳>食自助晚餐！適逄餐廳30周年誌慶， 今次餐廳方面以80年代懷舊風味自助餐作招徠！絕對啱大家口味！成人 $618 (6:00~9:30pm) 由踏入餐廳到室內，加插 80年代的昔日情懷及佈置！完全令大家重拾當年回憶！ 當中有懷舊老街、東瀛路、素食街、麵食里、點心街...為自助餐區命名！ 頗有特色！自助晚餐食物琳瑯滿目，選擇繁多，包括：沙律、海鮮、壽司、點心、就連買少見少的港式懷舊甜品小吃：糖蔥餅、龍鬚糖、肚臍餅...都應有盡有！ 令人眼闊肚窄！三十功名燉湯為慶祝 30周年，每位食客均奉送特色燉湯，名為三十功名，由30種食材熬製而成，當中不乏滋補的花膠、近年常見的桃膠、龍眼肉、雞肉、豬肉、菌類...等，清甜滋潤又少油，連坐在旁邊的男朋友也大讚正！ 此外，具有豐富的骨膠原，很適合女生飲用呀！第一碟：龍躉皇豆腐 & 焗蟹蓋龍躉皇豆腐：龍躉魚魚身鮮滑，魚皮富膠質及骨膠原！ 配上雪白滑溜的豆腐，先來清一清味蕾很不錯！焗蟹蓋：混合菌類，調味合胃口，可以一試！第二碟：焗龍蝦 & 粉絲蒸扇貝焗龍蝦：就算加入醬汁去焗，

迎豬送狗，開開心心又過咗一年，新年食飯講意頭，其實亦不限於中菜餐廳，尖沙咀皇家太平洋酒店的柏景餐廳正做緊以「珍饈百味慶豐年」的自助餐，一樣有賀年菜式。 大家先來個撈個風山水起的:撈起豬豬 以甘筍絲做的豬豬面紅，加上一片蓮藕豬鼻，趣緻可愛！配料七彩繽紛兼有寓意，例如三文魚意境年年有餘，青瓜絲作青春常駐，花生粒及薄脆是遍地黃金，酸梅醬代表甜甜蜜蜜，更直接地寫上一個福字，真是越食越開心。 齊齊撈起撈起！味道方面都非常好，調味討好富層次，鮮軟脆滑於一身。 花膠螺頭燉雞 過年點可以唔飲個靚湯，花膠及螺頭絕對是滋陰首選，仲加入了竹絲雞、杞子、淮山、桂圓等材料，熬足6小時，每一口皆濃香醇美，喝得到豐富的骨膠原，養顏美膚又賺咗！ 鮑汁煎釀海參 必吃矜貴少有的鮑汁煎釀海參，海參已經煮至腍嫩熟透，吸盡鮑汁的精華，口感爽滑滋味，釀入海參的豬肉，軟棉入味，同樣好吃。 火樹銀花 (桂花炒花膠絲) 花膠絲相比以上兩款口感比較實在，但軟滑有彈性，配合雞蛋、瑤柱及爽口的銀芽，炒得粒粒分明狀似桂花，鑊氣足，口感豐富。外表看起來金光閃閃，寓意金銀滿屋，又是吉祥意頭。 美顏花膠燉鮮奶 花膠燉鮮奶滋陰潤燥

九龍區的自助餐去過很多，唯獨有幾間未去過的，一路在我心儀的wish list裡。 皇家太平洋酒店，雖然不是九龍酒店行業最top的大名， 不過我有不少朋友說自助餐不錯， 就是因為這個原因，我一直想試試柏景餐廳。 剛巧新春有一個新theme，珍饈百味慶豐年，又點會唔試下，和幾個朋友一起，當作團過年。 地址係尖沙咀中港城，地點就在海港城隔離，交通一定方便。 地方非常闊落，而且攞野食非常方便，海鮮區，甜品區，飲品區，熟食區都有明顯分別。 首先推薦，係呢個新春先有嘅撈起，今年食撈起食咗幾次，不過最得意最可愛，首推呢個撈起豬豬，以三文魚，甘筍絲，香油，青瓜粒絲，花生粒，薄脆，酸梅醬，象徵年年有餘，鴻運當頭，財源滾滾，青春常註，遍地黃金，甜甜蜜蜜，一齊撈，又好玩又熱鬧，喜氣洋洋。 另外特別菜式有呢個桂花炒花膠絲，花膠口感極佳加入雞蛋瑤柱和銀芽，少啲功夫都炒得唔好，送飯或就咁食都一流。菜式金光閃閃，寓意金銀滿屋。 另外過年一定不能錯過好湯水，呢度有名貴嘅花膠螺頭燉雞，充滿骨膠原，煲足六個小時，當然不能不飲，就如同枱的I小姐，飲左兩碗，養顏值即刻爆燈。 海鮮的陣容不錯有龍蝦鉗，翡翠螺，小